“អស់កម្លាំង ល្ហិតល្ហៃ ចង់ធ្វើអីក៏ធ្វើមិនបាន សុខភាពទ្រុឌទ្រោម គ្មានអារម្មណ៍ស្រស់ថ្លា មិនចង់ទៅណាទាំងអស់”។ នេះសុទ្ធសឹងជាអ្វី ដែលម៉ាក់អ៊ំ ក៏ដូចជាស្រីៗគ្នាយើង មានជំងឺមហារីកសុដន់ កំពុងប្រឈម ក៏ជាពេលវេលាដ៏ពិបាកបំផុត ប្រុសៗអត់ដឹងទេ។ ប៉ុន្តែអត្ថបទ “Hello គ្រូពេទ្យ” មានវិធីដោះស្រាយបាន ធ្វើម៉េចឲ្យរួចផុតពីភាពនឿយហត់ ដោយគ្រាន់អនុវត្តតាមវិធីដូចខាងក្រោម។
ចង់ចាកចេញពី Hellokrupet?
ប្រាកដហើយថា អ្នកចង់ចាកចេញ?
ឧស្សាហ៍អស់កម្លាំងដោយសារមហារីកដោះ នេះជាវិធីដោះស្រាយ
១- ហាត់ប្រាណ
រឿងនេះអាចពិបាកបន្តិច គ្មានអ្នកណានឹកឃើញហាត់ប្រាណទាំងកំពុងអស់កម្លាំងចឹងទេ។ ប៉ុន្តែយោងតាមការសិក្សាបង្ហាញថា ហាត់ប្រាណជួយបង្កើនថាមពលរាងកាយ។ គ្នាយើងអាចប្រាប់ម៉ាក់អ៊ំ ហាត់ប្រាណរបៀបស្រាលៗ ដូចជា ដើរ ជិះកង់ ឬហែលទឹកក៏បាន បើហាត់ យូហ្គា កាន់តែល្អ ព្រោះទម្រង់ខ្លះអាចបង្កើនថាមពលលឿន។ ហាត់ប្រាណទៀងទាត់ល្អសម្រាប់សុខភាព។
២- របបអាហារត្រឹមត្រូវ
ញ៉ាំអាហារត្រឹមត្រូវជួយឲ្យសុខភាពរឹងម៉ាំ ដូចជា បន្លែ ផ្លែឈើ គ្រាប់ធញ្ញជាតិ ប្រូតេអ៊ីន (សាច់ត្រី) ជាដើម។ គួរតែញ៉ាំម្ហូបស្ងោរ ចំហុយ ដុត ឬអាំង កុំញ៉ាំអាហារឆាមិនល្អទេ។ ញ៉ាំស្ករ និងអំបិលបន្តិចបន្តួចបានហើយ ចៀសវាងញ៉ាំសាច់ជាប់ខ្លាញ់។ សាឡាដ និងស៊ូស៊ី ក៏គួរតែចៀសវាង ការពារករណីបង្ករោគ ហើយមុនចម្អិនត្រូវលាងសម្អាតចំណីអាហារឲ្យបានល្អសិន។
៣- ញ៉ាំទឹកឲ្យច្រើន
បាត់បង់ជាតិទឹកអាចបណ្តាលឲ្យខ្វះថាមពល ព្រោះរាង្គកាយយើងសុទ្ធតែត្រូវការទឹក គួរផឹកឲ្យបាន ៨កែវ ក្នុងមួយថ្ងៃ ញ៉ាំទឹកដោះគោ ឬទឹកផ្លែឈើ កុំព្យាយាមរងចាំដល់ស្រេកទឹកបានផឹក ត្រូវធ្វើយ៉ាងណាឲ្យមានជាតិទឹកក្នុងរាងកាយជានិច្ច។
៤- ឆាប់ចូលគេង
គេងគ្រប់គ្រាន់ ភាពនឿយហត់នឹងកាត់បន្ថយ ប៉ុន្តែកុំគេងថ្ងៃឲ្យលើស ៣០នាទី ពីព្រោះប៉ះពាល់ការគេងយប់ គួរចៀសវាងផឹក កាហ្វេ ផងដែរ។ ស្តាប់ចម្រៀង រៀបចំបន្ទប់គេងឲ្យមានផាសុកភាព កាន់តែធ្វើឲ្យគេងលក់ស្រួល។
៥- សម្របខ្លួនតាមរាងកាយ
រាងកាយ ម៉ាក់អ៊ំ ចាស់ៗ ឬគ្នាយើងមានជំងឺមហារីកសុដន់ សុទ្ធតែខុសគ្នា ខ្លះមានកម្លាំងពេលថ្ងៃ ខ្លះទៀតពេលយប់ អាស្រ័យលើខួរក្បាល និងហ្សែន បើអ៊ីចឹងសម្របខ្លួនតាមរាងកាយ នាំឲ្យភាពនឿយហត់រសាយអស់។
៦- ស្វែងរកជំនួយ
កើតមហារីកសុដន់ មិនមែនជារឿងគួរឲ្យខ្មាសអៀនទេ គួរសុំជំនួយពីមនុស្សជុំវិញខ្លួន អាចពិភាក្សាជាមួយពេទ្យ សួរគ្រប់រឿងចង់ដឹង ប្រាប់ ពេទ្យពីអាការៈ ដើម្បីរកមូលហេតុធ្វើឲ្យអស់កម្លាំង និងដំណោះស្រាយ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ប្រភព
9 Ways to Get Your Energy Back. http://www.webmd.com/balance/guide/get-energy-back#1. Accessed February 14, 2017.
Cancer-related fatigue (extreme tiredness). https://www.breastcancercare.org.uk/fatigue-extreme-tiredness. Accessed February 14, 2017.
Managing Fatigue. http://www.breastcancer.org/tips/fatigue. Accessed February 14, 2017.
Share