ការដុតធូបមូស អាចបង្កគ្រោះថ្នាក់ដល់សុខភាព ដោយធ្វើឲ្យយើងពិបាកដកដង្ហើម ក៏ដូចជាអាចប្រឈមកើតជំងឺមហារីកថែមទៀតផង។ ដូច្នេះហើយ គ្នាយើងគប្បីកាត់បន្ថយការប្រើប្រាស់ធូបមូសឲ្យនៅកម្រិតទាប អនុវត្តតាមការណែនាំ ក៏ដូចជាទុកដាក់ឲ្យឆ្ងាយពីដៃក្មេងទើបជាការប្រសើរ។

បញ្ហាសុខភាពទាំង៥ កើតឡើងប្រសិនបើយើងប្រើធូបមូសជារៀងរាល់ថ្ងៃ

១. ជំងឺមហារីកសួត

ពិតណាស់ ធូបមូសផ្ទុកភ្នាក់ងារបង្កជាជំងឺមហារីក ដែលអាចប៉ះពាល់ធ្ងន់ធ្ងរទៅដល់សួត ព្រមទាំងបង្កើនហានិភ័យនៃជំងឺមហារីកសួតថែមទៀតផង។

២. ជំងឺហឺត និងជំងឺស្ទះសួតរ៉ាំរ៉ៃ

អ្នកដែលកើតជំងឺហឺត និងជំងឺស្ទះសួតរ៉ាំរ៉ៃ គប្បីមានការប្រុងប្រយ័ត្នខ្ពស់ជាមួយនឹងផ្សែងធូបមូស ដោយសារតែផ្សែងរបស់វាអាចនាំឲ្យជំងឺហឺតរើឡើង បង្កជាបញ្ហាដកដង្ហើម និងធ្វើឲ្យយើងក្អកមិនឈប់ផងដែរ។

៣. ឈឺក្បាល

ដូចគ្នានេះដែរ សារធាតុនៅក្នុងផ្សែងធូបមូសក៏អាចបណ្ដាលឲ្យកើតមានអាការៈឈឺក្បាលដោយមិនដឹងខ្លួន ហើយគ្នាយើងភាគច្រើនតែងតែជួបអាការៈនេះ ក្រោយពេលដុតធូបមូសរួច។

ធូបមូស២

៤. កន្ទួលលើស្បែក និងអាលែកហ្ស៊ី

លោហធាតុនៅក្នុងធូបមូស អាចបង្កជាកន្ទួល និងអាលែកហ្ស៊ីនៅលើស្បែក។ ហេតុនេះហើយ យើងគប្បីមានការប្រុងប្រយ័ត្នក្នុងការប្រើប្រាស់។

ចង់គណនាថ្ងៃមេជីវិតញីទុំធ្លាក់ ចុចទីនេះ !

ចង់គណនាថ្ងៃសម្រាលកូន ចុចទីនេះ !

ចង់គណនាទម្ងន់ស្រ្តីពពោះ ចុចទីនេះ !

ចង់ដឹងអត្ថន័យពណ៌ និងរូបរាងលាមកទារក ចុចទីនេះ !

៥. ផលប៉ះពាល់ដ៏គ្រោះថ្នាក់ចំពោះកុមារ

ធូបមូសមានផ្ទុកសារធាតុគីមី ដែលមិនមានសុវត្ថិភាពក្នុងការស្រូបចូល ហើយអាចបង្កជាបញ្ហាធ្ងន់ធ្ងរ ដោយសារតែការបំពុលបរិយាកាសក្នុងផ្ទះ។ វាក៏អាចធ្វើឲ្យរលាក ឬបង្កជាអាលែកហ្ស៊ី។ ប្រសិនបើយើងស្រូបយកផ្សែងធូបក្នុងកម្រិតច្រើន សារធាតុគីមីអាចបង្កឲ្យមានជំងឺធ្ងន់ធ្ងរ ក្អក កណ្ដាស់ ឈឺបំពង់ក ចង្អោរ និងវិលមុខ រលាកផ្លូវដង្ហើម ក៏ដូចជាថប់ដង្ហើមជាដើម។

អត្ថបទគួរអាន៖

ប្រយ័ត្នផង! ស្រូបផ្សែង​ធូប​មូស​រាល់​ថ្ងៃ ​ប៉ះពាល់​សុខភាព​ច្រើនយ៉ាងណាស់!

​បញ្ហា​សុខភាព​ទាំង​៥​ កើត​ឡើង​ប្រសិនបើ​យើង​ប្រើ​ធូប​មូស​ជា​រៀង​រាល់​ថ្ងៃ​

១. ជំងឺ​មហារីក​សួត​

២. ជំងឺ​ហឺត និង​ជំងឺ​ស្ទះ​សួត​រ៉ាំរ៉ៃ

៣. ឈឺ​ក្បាល​

៤. កន្ទួល​លើ​ស្បែក​ និង​អាលែកហ្ស៊ី​

៥. ផល​ប៉ះពាល់​ដ៏​គ្រោះថ្នាក់​ចំពោះ​​កុមារ​

ប្រយ័ត្នផង! ស្រូបផ្សែងធូបមូសរាល់ថ្ងៃ ប៉ះពាល់សុខភាពច្រើនយ៉ាងណាស់!