ការប្រែប្រួលស្បែក គឺជាសញ្ញាទូទៅបំផុតនៃអាការៈ និងរោគសញ្ញាមហារីកស្បែក។ តើការប្រែប្រួលស្បែកបែបណាខ្លះដែលអាចជាអាការៈ និងរោគសញ្ញាមហារីកស្បែក?
ទាំងនេះជាអាការៈ និងរោគសញ្ញាមហារីកស្បែក មិនគួរមើលរំលង
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
មហារីកស្បែកចែកចេញជា ៣ ប្រភេទធំៗគឺ មហារីកស្បែកប្រភេទ melanoma, មហារីកកោសិកាស្រទាប់ក្រោមស្បែក (Basal cell carcinoma) និងមហារីកកោសិកាស្កាមុស (Squamous cell carcinoma)។
អាការៈនិងរោគសញ្ញាមហារីកស្បែកមានដូចជា៖
១. ឈាមក្រោយកោរពុកចង្កា
វេជ្ជបណ្ឌិត Haimovic បានលើកឡើងថា ប្រសិនបើឧស្សាហ៍ឈាមនៅកន្លែងដដែរ បន្ទាប់ពីកោរពុកចង្កាអាចបណ្តាលមកពីមហារីកកោសិកាស្រទាប់ក្រោមស្បែក ឬមហារីកកោសិការំញ័រ ព្រោះមហារីកស្បែកទាំង ២ ប្រភេទនេះអាចធ្វើឱ្យស្បែកផុយ និងងាយដាច់រហែក។
២. ដុំពកភ្លឺៗ
ការមានដុំពកភ្លឺៗដែលមានពណ៌ផ្កាឈូក ក្រហម ស ពណ៌ទង់់ដែង ខ្មៅ ឬត្នោត ហើយមើលទៅដូចជាប្រជ្រុយ។
៣. ចំណុចៗដូចស្លាកស្នាម
អុជៗដូចស្លាកស្នាមដែលមានសភាពរលោង ហើយមានពណ៌ស ឬពណ៌លឿងអាចជាសញ្ញាមហារីកកោសិកាស្រទាប់ក្រោមស្បែក។
៤. ឆ្នូតក្រម៉ៅលើក្រចក
វេជ្ជបណ្ឌិត Steven Wang ជំនាញខាងសើស្បែក និងជាស្ថាបនិករបស់មជ្ឈមណ្ឌលថែរក្សាស្បែក Dr. Wang Herbal Skincare បានលើកឡើងថា ប្រសិនបើយើងសម្គាល់ឃើញមានឆ្នូតបញ្ឈរពណ៌ក្រម៉ៅនៅលើក្រចកដៃ ឬក្រចកជើង ហើយប្រសិនបើវាមានពណ៌ត្នោត និងពណ៌ខ្មៅ ឬមានទទឹងធំជាង ៣ មិល្លីម៉ែត្រ វាអាចជាសញ្ញានៃមហារីកស្បែក។
៥. បន្ឬះក្រហមគ្រើមៗលើស្បែក
ការឡើងបន្ទះក្រហមដែលរមាស់ ឬមិនរមាស់លើស្បែកដែលមិនជាសះក្នុងរយៈពេលពីរទៅបីសប្តាហ៍អាចជាសញ្ញាមហារីកកោសិកាស្កាមុស។ ជារឿយៗយើងងាយច្រឡំថាកើតត្រអក។
៦. ប្រជ្រុយខុសធម្មតា
ប្រជ្រុយដែលមានគែមរដិបរដុប មានពណ៌ចំរុះរហូត ៣ ទៅ ៤ពណ៌ ឬមានអង្កត់ផ្ចិតធំជាង ៦មិល្លីម៉ែត្រ ឬប្រជុយដែលរីកធំ ប្តូររូបរាង ឬទំហំ ឬមានចេញឈាមដោយឯកឯងអាចជាសញ្ញានៃមហារីកស្បែកប្រភេទ melanoma។
ប្រសិនបើយើងសង្កេតឃើញមានរោគសញ្ញាដូចបានរៀបរាប់ខាងលើ ឬមានការប្រែប្រួលលើស្បែកដែលគួរឱ្យបារម្ភ ត្រូវទៅពិគ្រោះជាមួយគ្រូពេទ្យជំនាញសើស្បែកជាបន្ទាន់ ព្រោះការប្រទះឃើញឆាប់មានឱកាសក្នុងការព្យាបាលជាសះស្បើយខ្ពស់។ ដើម្បីកាត់បន្ថយហានិភ័យកើតមហារីកស្បែក យើងត្រូវចៀសវាង ឬកាត់បន្ថយការប៉ះកាំរស្មីយូវីពីព្រះអាទិត្យ។
អត្ថបទគួរអាន៖
- កាត់បន្ថយហានិភ័យមហារីកសុដន់ អនុវត្តទម្លាប់ល្អៗទាំងនេះ
- តិចនិកជួយស្រីៗ ចៀសឆ្ងាយពីជំងឺមហារីកសុដន់
- ស្រីៗគួរដឹង! ជំងឺមហារីកសុដន់ និងការបំបៅដោះកូន
- មកដឹងពីដំណាក់កាលទាំង៤ នៃជំងឺមហារីកសុដន់
- ស្ទាបសុដន់រកដុំសាច់ជំងឺមហារីកខ្លួនឯង អាចជួយបានកម្រិតណាដែរ?
- មហារីកសុដន់ដោយសារមិនបានបំបៅកូន វិវត្តមកពីបែប
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម