ការថែទាំផ្ទៃពោះមុនសម្រាល

មិនចង់ឱ្យកូនកើតមកមានពិការភាពពីកំណើត វិធីទាំង ៤ នេះអាចជួយបានច្រើន!

កំពុងត្រៀមយកកូន ឬមានផ្ទៃពោះ ម៉ាក់ៗតែងបារម្ភខ្លាចក្រែងអាអូនកើតមកមានពិការភាពពីកំណើត ដែលអាចបង្កជាផលវិបាកដល់កូនអស់មួយជីវិត។ ពិតណាស់ ដើម្បីបញ្ចៀសបញ្ហាខាងលើនេះ ម៉ាក់ៗគួរត្រៀមខ្លួនឱ្យបានរួចរាល់ មុនពេលសម្រេចចិត្តយកកូន ទើបអាចកាត់បន្ថយហានិភ័យនៃបញ្ហាពិការភាពពីកំណើត។ ទាំងនេះ គឺជាគន្លឹះខ្លឹមៗមួយចំនួន ដែលអាចជួយម៉ាក់ៗក្នុងការកាត់បន្ថយហានិភ័យនៃពិការភាពពីកំណើតលើទារក។ ១. ពិគ្រោះយោបល់ជាមួយនឹងគ្រូពេទ្យជំនាញមុនត្រៀមយកកូន និងអំឡុងពេលពពោះ ម៉ាក់ៗគួរបញ្ជាក់ពីស្ថានភាពសុខភាពរបស់ខ្លួន ដូចខាងក្រោម ទៅកាន់គ្រូពេទ្យជំនាញ៖ ស្ថានភាពជំងឺ ដូចជាជំងឺទឹកនោមផ្អែម ធាត់ជ្រុលជាដើម ដែលអាចជះឥទ្ធិពលដល់ការពពោះ តើសមាជិកគ្រួសារធ្លាប់មានអ្នកកើតមកមានពិការភាពពីកំណើតឬយ៉ាងណា សាកសួរគ្រូពេទ្យអំពីប្រភេទវ៉ាក់សាំងបង្ការអំឡុងពេលពពោះ ចុចទីនេះ ដើម្បីគណនាថ្ងៃមេជីវិតញីទុំធ្លាក់! ចុចទីនេះ ដើម្បីគណនាថ្ងៃសម្រាលកូន! ចុចទីនេះ ដើម្បីគណនាទម្ងន់ស្ត្រីពពោះ! ចុចទីនេះ ដើម្បីគណនាទម្ងន់ធៀបកម្ពស់ (BMI)! ចុចទីនេះ ដើម្បីមើលតារាងកាលវិភាគចាក់វ៉ាក់សាំងទារក! ២. ជៀសវាងប៉ះពាល់សារធាតុគ្រោះថ្នាក់ ការជក់បារី ផឹកគ្រឿងស្រវឹង ឬការប្រើគ្រឿងញៀន សុទ្ធតែបង្កជាបញ្ហាអំឡុងពេលពពោះ ដែលនេះអាចធ្វើឱ្យទារកកើតមិនគ្រប់ខែ កូនមានពិការភាព ឬទារកកើតមកស្លាប់ភ្លាមៗក៏មាន។ ៣. ថែទាំសុខភាពម៉ាក់ៗឱ្យបានល្អ រក្សាអនាម័យឱ្យបានល្អ ដើម្បីកាត់បន្ថយការឆ្លងមេរោគផ្សេងៗ យកចិត្តទុកដាក់ចំពោះបញ្ហាសុខភាពដែលមានស្រាប់ដូចជា ជំងឺទឹកនោមផ្អែម ជៀសវាងត្រាំទឹកក្តៅ ឬស្ថិតក្នុងបរិយាកាសដែលអាចកើនសីតុណ្ហភាពរាងកាយខ្ពស់ ព្យាយាមរក្សាទម្ងន់ឱ្យស្ថិតក្នុងកម្រិតស្តង់ដារ [embed-health-tool-due-date] ៤. កុំភ្លេចអាស៊ីដហ្វូលីក៤០០មីក្រូក្រាមជារៀងរាល់ថ្ងៃ ការជ្រើសញ៉ាំអាស៊ីដហ្វូលីកគ្រប់គ្រាន់មុន និងអំឡុងពេលពពោះ អាចជួយបញ្ចៀសបញ្ហាពិការភាពពីកំណើតបាន។ ហេតុនេះហើយ ម៉ាក់ៗគួរជ្រើសញ៉ាំពពួកអាហារ ឬប្រភេទឱសថបំប៉នណាដែលមានជាតិអាស៊ីដហ្វូលីកជាទៀងទាត់ ទើបជាការប្រសើរ។ ចំណុចសំខាន់ ទាំងនេះ គឺជាគន្លឹះខ្លឹមៗមួយចំនួន ដែលអាចជួយម៉ាក់ៗក្នុងការកាត់បន្ថយហានិភ័យនៃពិការភាពពីកំណើតលើទារក។ ១. ពិគ្រោះយោបល់ជាមួយនឹងគ្រូពេទ្យជំនាញមុនត្រៀមយកកូន និងអំឡុងពេលពពោះ ២. ជៀសវាងប៉ះពាល់សារធាតុគ្រោះថ្នាក់ ៣. ថែទាំសុខភាពម៉ាក់ៗឱ្យបានល្អ ៤. […]

ការថែទាំផ្ទៃពោះមុនសម្រាល

ម៉េចបានស្រីៗយើង ចេះតែកើតស្រ្តេសពេលកំពុងពពោះ (វីដេអូ)

ស្រីៗយើងកំពុងពពោះ ឬធ្លាប់ឆ្លងកាត់ការពពោះ ពិតជាដឹងហើយថាក្នុងអំឡុងពេលនេះអ្នកខ្លះនៅសុខៗក៏យំ អ្នកខ្លះកើតជាស្រេ្តស និងការធុញថប់ក្នុងអារម្មណ៍ ដែលការណ៍នេះពិតជាកើតមានមិនថាតិច ឬច្រើន។ តើអាការៈបែបនេះកើតឡើងដោយសារអ្វី? ការមានផ្ទៃពោះ អាចធ្វើឲ្យស្រីៗយើងមានអារម្មណ៍ប្រែប្រួលដូចបានរៀបរាប់ខាងលើអ៊ីចឹងដែលនេះជារឿងធម្មតាមួយ។ ស្រ្តេសកើតឡើងដោយសារតែការប្រែប្រួលរាងកាយ និងអ័រម៉ូនរបស់យើង ហើយស្រ្តេសក៏មិនអាក្រក់អ្វីចំពោះយើងពេកដែរ ដោយថាអាចធ្វើឲ្យយើងកាន់តែបានត្រៀមខ្លូនដើម្បីប្រឈមនឹងរឿងផ្សេងៗនៅអំឡុងពេលមានផ្ទៃពោះ។ យ៉ាងណា ស្រីៗយើងក៏មិនគួរបណ្ដោយខ្លួនឲ្យកើតស្ត្រេសខ្លាំងពេកដែរ ព្រោះថាអាចធ្វើឲ្យប៉ះពាល់សុខភាពយើងបាន។ ស្រីៗយើងខ្លះកើតស្រ្តេសនៅពេលមានផ្ទៃពោះដោយសារតែមានផ្ទៃពោះដោយចៃដន្យ ឬធ្លាប់មានបញ្ហាពេលមានផ្ទៃពោះនាពេលកន្លងមក។ មួយវិញទៀត ស្រីៗយើខ្លះទៀតកើតស្រ្តេសដោយសារតែខ្លាចពេលនឹកដល់រឿងសម្រាលកូន ឬខ្លះស្រ្តេសដោយសារអាការៈចាញ់កូនធ្វើទុក្ខខ្លាំងពេក បារម្ភរឿងការថែទាំកូន និងខ្លះទៀតបារម្ភដល់រឿងសេដ្ឋកិច្ចគ្រួសារពេលមានកូនទៀតផង។ យ៉ាងណា ការដែលស្រីៗយើងមានអារម្មណ៍បែបនេះ គឺត្រូវចាត់ចូលថាជាម៉ាក់ៗមានទំនួលខុសត្រូវម្នាក់ និងអាចធ្វើជាម៉ាក់ៗល្អសម្រាប់កូនទៀតផង។ ថ្វីបើមើលទៅស្ត្រេសដែលបានរៀបរាប់ខាងលើមិនទំនងជាធ្វើឲ្យប៉ះពាល់ស្រីៗយើងពេលពពោះមែន តែបើស្ត្រេសខ្លាំងពេកនឹងអាចបង្កជាផលអវិជ្ជមានដល់សុខភាពយើងដែរ។ ទោះបីជាមិនមានការពន្យល់ច្បាស់ថាស្ត្រេសប៉ះពាល់ដល់ស្ត្រីមានផ្ទៃពោះបែបណាក្ដី តែថាស្ត្រេសមានទំនាក់ទំនងជាមួយនឹងអ័រម៉ូន ដែលបានដើរតួយ៉ាងខ្លាំងមួយបង្កជាផលវិបាកផ្សេងៗពេលពពោះ។ ស្ត្រេសខ្លាំង ឬក្នុងរយៈពេលយូរទៀតនោះអាចប៉ះពាល់ដល់ប្រព័ន្ធភាពស៊ាំរបស់យើងបាន ដែលប្រព័ន្ធភាពស៊ាំនេះហើយ ជួយការពារយើងការឆ្លងរោគផ្សេងៗ។ ដោយសារតែមានផលប៉ះពាល់លើប្រព័ន្ធភាពស៊ាំបែបនេះហើយ ធ្វើឲ្យស្រីៗយើងប្រឈមនឹងការឆ្លងរោគនៅស្បូនដែលការឆ្លងរោគនេះអាចធ្វើឲ្យកូនកើតមុនខែបាន។ ដូចនេះហើយស្រីៗយើងមិនត្រូវឲ្យបញ្ហាស្ត្រេសមកបំផ្លាញសុខភាពយើងបាននោះទេ។ ដើម្បីកាត់បន្ថយស្ត្រេសទាំងនេះយើងត្រូវរកពេលសម្រាកខ្លះៗ ញ៉ាំអាហារមានសុខភាព ស្វែងយល់ពីវិធីចិញ្ចឹមកូន ឬវិធីថែសុខភាពអំឡុងពេលមានផ្ទៃពោះ និងត្រូវចាំថាភាពលំបាកផ្សេងៗនៅអំឡុងពពោះគឺកើតមានតែមួយរយៈប៉ុណ្ណោះ ហើយវានឹងបញ្ចប់ទៅវិញនៅពេលយើងឆ្លងទន្លេរួច។