ការបង្ករោគ ឬការឆ្លងជំងឺផ្សេងៗ អំឡុងពេលពពោះ អាចផ្តល់ផលប៉ះពាល់ទាំងម្តាយ និងកូន។ ប៉ុន្តែ ម៉ាក់ៗនៅតែអាចធ្វើឱ្យកូនមានការអភិវឌ្ឍបានល្អប្រសើរ ដោយគ្រាន់តែអនុវត្តន៍វិធានការបង្ការមួយចំនួនប៉ុណ្ណោះ ដើម្បីចៀសវាងការឆ្លងជំងឺផ្សេងៗ។

ខាងក្រោមនេះ ជាវិធីងាយៗ ដើម្បីការពារម៉ាក់ៗ និងកូនក្នុងផ្ទៃ កុំឱ្យឆ្លងជំងឺ៖

១. រក្សាអនាម័យជានិច្ច៖ ម៉ាក់ៗគួរតែលាងដៃឱ្យបានញឹកញាប់ ដោយប្រើសាប៊ូ ឬទឹកលាងដៃសម្លាប់មេរោគ ដើម្បីជៀសវាងការឆ្លងជំងឺផ្សេងៗ។

ចង់គណនាថ្ងៃសម្រាលកូន ចុចទីនេះ

ចង់គណនាទម្ងន់ស្ត្រីអំឡុងពពោះ ចុចទីនេះ

ចង់គណនាទម្ងន់ធៀបនឹងកម្ពស់ (BMI) ចុចទីនេះ

ចង់ពិនិត្យជំងឺមហារីកមាត់ស្បូន ចុចទីនេះ

ចុចគណនាថ្ងៃទម្លាក់មេជីវិត ចុចត្រង់នេះ

២. ចម្អិនអាហារឱ្យបានឆ្អិនល្អ៖ ម៉ាក់ៗគួរតែចម្អិនអាហារឱ្យបានឆ្អិនល្អ ពិសេសសាច់ និងស៊ុត និងមិនគួរញ៉ាំអាហារកែច្នៃឡើយ ព្រោះសាច់ឆៅ ឬអាហារកែច្នៃ អាចមានបាក់តេរី ដែលប៉ះពាល់ដល់សុខភាព។

៣. ជៀសវាងញ៉ាំទឹកដោះគោមិនបានឆ្លងកាត់ការសម្លាប់មេរោគ និងផលិតផលពីទឹកដោះគោនោះ ព្រោះទឹកដោះគោដែលមិនបានឆ្លងកាត់ការសម្លាប់មេរោគ អាចមានបាក់តេរីអាក្រក់។

៤.ការពារខ្លួនពីសត្វល្អិតចម្លងជំងឺ៖ សត្វមូស និងសត្វល្អិតផ្សេងទៀត អាចចម្លងវីរុសគ្រុនឈាម និងហ្ស៊ីកា ដែលនាំឱ្យប៉ះពាល់ដល់ទារកក្នុងផ្ទៃ ឬធ្វើឱ្យទារកក្នុងផ្ទៃលូតលាស់មិនបានបំពេញលេញ ហេតុនេះ គួរតែធ្វើយ៉ាងណាកុំឱ្យសត្វល្អិតទាំងនោះខាំ ដើម្បីចម្លងវីរុស។

មូសខ្លា

៥. ពិគ្រោះជាមួយនឹងគ្រូពេទ្យអំពីការចាក់វ៉ាក់សាំង៖ វ៉ាក់សាំងមួយចំនួន ពិតជាសំខាន់ណាស់ អំឡុងពេលមានផ្ទៃពោះ ដើម្បីជួយឱ្យម៉ាក់ៗមានសុខភាពល្អ ដោយវ៉ាក់សាំងទាំងនោះ មានដូចជា វ៉ាក់សាំងជំងឺផ្តាសាយ និងតេតាណូស ជាដើម។

៦. ពិនិត្យរកជំងឺឆ្លងតាមការរួមភេទ៖ មនុស្សខ្លះ ដែលមានជំងឺឆ្លងតាមការរួមភេទ មិនមានអារម្មណ៍ថា ខ្លួនឈឺ ហើយក៏មិនមានរោគសញ្ញាអ្វីដែរ។ ហេតុនេះ វាពិតជាសំខាន់ណាស់ ក្នុងការដឹងថា ម៉ាក់ៗមានជំងឺឆ្លងតាមការរួមភេទ ឬក៏អត់ ព្រោះជំងឺឆ្លងតាមការរួមភេទ អាចបង្កផលប៉ះពាល់ខ្លាំងទាំងលើម្តាយ និងទារក ពិសេសជំងឺស្វាយ និងអេដស៍។

៧. នៅឱ្យឆ្ងាយពីអ្នកមានជំងឺឆ្លង៖ ម៉ាក់ៗគួរតែនៅឱ្យឆ្ងាយពីអ្នកមានជំងឺឆ្លង ពិសេស អ្នកកើតអុតស្វាយ ឬស្អូច ព្រោះជំងឺអុតស្វាយ ធ្វើឱ្យប៉ះពាល់ទាំងម្តាយ និងកូន ស្របពេលដែលជំងឺស្អូច ធ្វើឱ្យម៉ាក់ៗប្រឈមនឹងការរលូតកូន ឬកូនស្លាប់ក្នុងផ្ទៃ៕

ចំណុចសំខាន់

វិធីងាយៗ ដើម្បីបង្ការការបង្ករោគ និងជំងឺផ្សេងៗ អំឡុងពេលពពោះ
១. រក្សាអនាម័យជានិច្ច
២. ចម្អិនអាហារឱ្យបានឆ្អិនល្អ
៣. ជៀសវាងញ៉ាំទឹកដោះគោ និងផលិតផលពីទឹកដោះគោមិនបានឆ្លងកាត់ការសម្លាប់មេរោគ
៤.ការពារខ្លួនពីសត្វល្អិតចម្លងជំងឺ
៥. ចាក់វ៉ាក់សាំងការពារផ្តាសាយ និងតេតាណូស
៦. ពិនិត្យរកជំងឺឆ្លងតាមការរួមភេទ
៧. នៅឱ្យឆ្ងាយពីអ្នកមានជំងឺឆ្លង ដូចជា អុតស្វាយ ឬស្អូច

អត្ថបទពាក់ព័ន្ធផ្សេងទៀត

វិធីងាយៗ ដើម្បីបង្ការ​ការ​បង្ករោគ និងជំងឺផ្សេងៗ អំឡុង​ពេល​ពពោះ

ចំណុចសំខាន់

វិធីងាយៗ ដើម្បីបង្ការការបង្ករោគ និងជំងឺផ្សេងៗ អំឡុងពេលពពោះ