តែបៃតងមានអត្ថប្រយោជន៍ច្រើនដល់សុខភាពរាងកាយទាំងមូល ដូចជាជួយទ្រទ្រង់សុខភាពបេះដូង គ្រប់គ្រងជំងឺទឹកនោមផ្អែម ក៏ដូចជាជួយបង្ការបញ្ហាសុខភាពរ៉ាំរ៉ៃមួយចំនួនផងដែរ ប៉ុន្តែសម្រាប់ស្ត្រីពពោះ តើអាចញ៉ាំភេសជ្ជៈមួយប្រភេទនេះបានដែរអត់?

តែបៃតងផ្ទុកជាតិកាហ្វេអ៊ីនច្រើនកម្រិតណា?

តែបៃតងប្រមាណ២៣០មីលីលីត្រផ្ទុកជាតិកាហ្វេអ៊ីនចន្លោះពី២៤ ទៅ៤៥មិល្លីក្រាម។ ចំណែកកាហ្វេក្នុងបរិមាណដូចគ្នា អាចផ្ទុកជាតិកាហ្វេអ៊ីនប្រមាណពី៩៥ ទៅ២០០មិល្លីក្រាមឯណោះ។ ជាធម្មតា ស្ត្រីពពោះមិនគួរញ៉ាំជាតិកាហ្វេអ៊ីនលើសពី២០០មិល្លីក្រាមក្នុងមួយថ្ងៃឡើយ។

តែបៃតង

គណនាថ្ងៃសម្រាលកូន

គណនាទម្ងន់ស្ត្រីអំឡុងពពោះ

តែបៃតងបង្កគ្រោះថ្នាក់អំឡុងពេលពពោះឬទេ?

ជាតិកាហ្វេអ៊ីនអាចឆ្លងទៅកាន់សុក និងចូលទៅក្នុងចរន្តឈាមរបស់ទារកបាន ហើយទារកក្នុងផ្ទៃអាចចំណាយពេលយូរក្នុងការធ្វើមេតាប៉ូលីស ឬបំប្លែងអាហារទៅជាថាមពល។ ទោះបីជាការស្រាវជ្រាវចាស់ៗបានបង្ហាញពីសុវត្ថិភាពក្នុងការញ៉ាំភេសជ្ជៈដែលមានជាតិកាហ្វេអ៊ីនអំឡុងពេលពពោះយ៉ាងណាក្តី ប៉ុន្តែការស្រាវជ្រាវថ្មីៗក្នុងឆ្នាំ២០២១ បានបញ្ជាក់ថា ការញ៉ាំភេសជ្ជៈមួយប្រភេទនេះ ពុំមានសុវត្ថិភាពឡើយ។

ញ៉ាំភេសជ្ជៈដែលមានជាតិកាហ្វេអ៊ីនក្នុងកម្រិតខ្ពស់ អាចបង្កជាបញ្ហាមួយចំនួនដូចខាងក្រោម៖

រលូតកូន
កូនស្លាប់ក្នុងផ្ទៃ
កូនកើតមិនគ្រប់ខែ
កូនមានទម្ងន់ខ្លួនស្រាល
ជំងឺមហារីកឈាមស្រួចស្រាល់ក្នុងវ័យកុមារ។

ដោយសារតែបៃតងមានសារធាតុរំញោច ភេសជ្ជៈដែលផ្ទុកជាតិកាហ្វេអ៊ីនមួយនេះ អាចនាំឲ្យយើងគេងមិនលក់ ព្រមទាំងសម្ពាធឈាម និងចង្វាក់បេះដូងកើនឡើង។ លើសពីនេះ តែបៃតងក៏មានសមត្ថភាពក្នុងការបញ្ចុះទឹកនោម ដែលជាហេតុនាំឲ្យយើងបាត់បង់សារធាតុទឹកក្នុងខ្លួនច្រើន។ ដូច្នេះហើយ ម៉ាក់ៗកំពុងពពោះ គួរតែញ៉ាំភេសជ្ជៈដែលមានជាតិកាហ្វេអ៊ីនក្នុងកម្រិតមួយសមល្មម ឬគួរពិគ្រោះយោបល់ជាមួយនឹងគ្រូពេទ្យជំនាញអំពីបរិមាណត្រឹមត្រូវ មុនពេលចាប់ផ្តើមចាប់ញ៉ាំភេសជ្ជៈប្រភេទណាមួយ។

អត្ថបទគួរអាន៖

តែបៃតងមានប្រយោជន៍ច្រើនមែន តែម៉ាក់ៗកំពុងពពោះគួរជៀសវាង​​​​​​​​​​​​​​​​​​​​​​​​​​​​​​​​​​​​​​​​

តែ​បៃតង​ផ្ទុក​ជាតិ​កាហ្វេអ៊ីន​ច្រើន​កម្រិត​ណា​?

តែ​បៃតង​បង្ក​គ្រោះថ្នាក់​អំឡុង​ពេល​ពពោះ​ឬ​ទេ?

តែបៃតងមានប្រយោជន៍ច្រើនមែន តែម៉ាក់ៗកំពុងពពោះគួរជៀសវាង

តែបៃតងផ្ទុកជាតិកាហ្វេអ៊ីនច្រើនកម្រិតណា?

តែបៃតងបង្កគ្រោះថ្នាក់អំឡុងពេលពពោះឬទេ?