ធ្លាក់សពេលពពោះជាកង្វល់របស់ស្រីៗគ្នាយើង ព្រោះមិនត្រឹមតែរំខានប៉ុណ្ណោះទេ ពេលខ្លះធ្លាក់សច្រើន មានក្លិន មានពណ៌ ម៉ាក់ៗបារម្ភខ្លាចដល់ប៉ះពាល់ដល់កូន។ តើការធ្លាក់សធ្ងន់ធ្ងរអំឡុងពេលពពោះ អាចប៉ះពាល់ដល់កូនក្នុងផ្ទៃទេ? ហេតុអី?
ធ្លាក់សធ្ងន់ធ្ងរពេលពពោះ ប៉ះពាល់កូនអត់?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
វេជ្ជបណ្ឌិត ចាន់ ស៊ីណេត ឯកទេសជំងឺទូទៅថា ស្រីៗផ្ទៃពោះចៀសមិនរួចជួបបញ្ហាធ្លាក់សនោះទេ គ្រាន់តិច ឬច្រើនប៉ុណ្ណោះ។ ប៉ុន្តែក្នុងករណីដែលម៉ាក់ៗមានធ្លាក់សច្រើន ក្នុងសភាពខាប់ៗ ឬដុំ មានពណ៌ខៀវ ប្រផេះ មានក្លិនឆ្អាប និងស្អុយនោះ ត្រូវប្រញាប់ទៅជួបគ្រូពេទ្យជំនាញផ្នែករោគស្ត្រី ព្រោះវាជាសញ្ញានៃការធ្លាក់សដោយមានជំងឺ បើទុកយូរអាចប៉ះពាល់ដល់សុខភាពយើងផង កូនកើតមកអាចឈឺភ្នែក ឯស្បែកកូនក៏មានបញ្ហាដូចគ្នា។
ចំពោះមូលហេតុដែលជំរុញឲ្យស្រីៗពពោះធ្លាក់សជាប្រចាំ ក្នុងបរិមាណច្រើនៗ មានក្លិន មានពណ៌ និងរមាស់ខ្លាំងនៅទ្វារមាស ពេលខ្លះស្ទើរតែទ្រាំមិនបាននោះ លោកវេជ្ជបណ្ឌិតថា ការធ្វើអនាម័យខ្លួនប្រាណ និងទ្វារមាសមិនបានល្អ ឬការប្រែប្រួលរាងកាយ ពិបាកក្នុងការធ្វើអនាម័យ ធ្វើឲ្យស្រីងាយឆ្លងបាក់តេរី ផ្សិត ជំងឺកាមរោគ ចំណែកឯការប្រែប្រួលអ័រម៉ូន ធ្វើឲ្យការផលិតសារធាតុរាវកាន់តែច្រើនជាងមុន។
ដើម្បីបង្ការការធ្លាក់សធ្ងន់ធ្ងរអាចឈានទៅប៉ះពាល់ដល់កូនក្នុងពោះ លោកវេជ្ជបណ្ឌិត ចាន់ ស៊ីណេត បានណែនាំឲ្យម៉ាក់ៗទាំងអស់ ធ្វើអនាម័យខ្លួនប្រាណ ពិសេសទ្វារមាសឲ្យបានស្អាតជាប្រចាំ មិនត្រូវស្លៀកខោរឹបខ្លាំងពេកនោះទេ ត្រូវផ្លាស់ប្តូរខោក្នុងញឹកញាប់ និងមិនត្រូវប្រើលូកលាងទ្វារមាសជាមួយទឹកផ្តេសផ្តាស ឬប្រើផលិតផលនិងម្សៅជូតសម្អាតទ្វារមាសឡើយ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម