ទន្ទឹមនឹងប្រយ័ត្នប្រយែងខ្លួន ស្រីៗដែលកំពុងពពោះក៏ត្រូវចេះតាមដានសុខភាពខ្លួនឯង និងដឹងពីសញ្ញាគ្រោះថ្នាក់មួយចំនួនដែរ។ បើមានសញ្ញាទាំងប៉ុន្មានខាងក្រោមនេះ ស្រីៗមានផ្ទៃពោះមិនត្រូវពន្យារពេលឡើយ ប្រញាប់ទៅពិគ្រោះជាមួយគ្រូពេទ្យផ្នែកសម្ភព និងរោគស្ត្រីជាបន្ទាន់។
មានសញ្ញាទាំងនេះ ស្ត្រីពពោះត្រូវប្រញាប់ទៅជួបគ្រូពេទ្យជាបន្ទាន់
ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១. ធ្លាក់ឈាម
ធ្លាក់ឈាមពេលពពោះជាសញ្ញាប្រកាសអាសន្ន អាចកូនរលូត គំរាមរលូត កូនក្រៅស្បូន សុកពាំងមាត់ស្បូន ឬរបេះសុកចេញពីស្បូន ដូចនេះបើមានធ្លាក់ឈាមតិច ឬច្រើន ត្រូវប្រញាប់ទៅជួបគ្រូពេទ្យជាបន្ទាន់។
អត្ថបទពាក់ព័ន្ធ៖ កំពុងពពោះ ស្រាប់តែមានធ្លាក់ឈាម គ្រោះថ្នាក់ទេ គួរធ្វើយ៉ាងណា?
២. ធ្លាក់ស មានក្លិន មានពណ៌
ធ្លាក់ស មានក្លិនមានពណ៌ ហើយរមាស់ ជាសញ្ញានៃការបង្ករោគនៅក្នុងទ្វារមាសដែលអាចបង្កឡើងដោយមេរោគ បាក់តេរី ផ្សិតជាដើម បើបន្តទុកយូរ មិនប្រញាប់ទៅជួបគ្រូពេទ្យទេ អាចនឹងប៉ះពាល់ដល់ការវិវត្តកូនផ្ទៃ ឬឆ្លងទៅកូនអំឡុងពេលសម្រាលកូន។
៣. នោមញឹកខ្លាំង ហើយពិបាកនោម
ត្បិតការនោមញឹកជារឿងធម្មតាសម្រាប់ស្ត្រីមានផ្ទៃពោះពិតមែន តែបើនោមញឹកញាប់ខ្លាំង ហើយពិបាកនោមទៀតនោះ ត្រូវប្រញាប់ទៅជួបគ្រូពេទ្យ ព្រោះអាចមានជំងឺរលាកបង្ហួរនោម រលាកតម្រងនោម ការបង្ករោគដោយបាក់តេរី បើមិនព្យាបាលត្រឹមត្រូវទេ វានឹងបង្ករោគទៅតម្រងនោម ដែលប្រឈមនឹងការខូចតម្រងនោម និងធ្វើឲ្យកូនកើតមុនកំណត់។
៤. កូនមិនកម្រើក ឬកម្រើកតិចទៅៗ
ម៉ាក់ៗដែលមានកូនដំបូង អាអូនអាចកម្រើកនៅខែទី ៥ ឬ ៦ តែបើយើងធ្លាប់មានបេប៊ីពីមុនមកហើយនោះ កូនអាចកម្រើកលឿនបន្តិច គឺអំឡុងខែទី ៤ ឬ ៥។ បន្ទាប់ពីកម្រើកតិចៗ បេប៊ីអាចកម្រើកញឹកញាប់ ឬធាក់ម៉ាក់កាន់ខ្លាំងនៅជិតដល់ថ្ងៃសម្រាល។ ក្នុងករណីកូនក្នុងពោះមិនធ្វើចលនាទាល់តែសោះ ឬកម្រើកតិចទៅៗ អាចបញ្ជាក់ថាកូនយើងមានបញ្ហាអ្វីមួយមិនខាន ដូច្នេះម៉ាក់ៗប្រញាប់ទៅជួបគ្រូពេទ្យដើម្បីពិនិត្យអេកូ តើមកពីអ្វី?
អត្ថបទពាក់ព័ន្ធ៖ ចង់ដឹងអត់! នេះពេលវេលាជាក់លាក់បេប៊ីក្នុងផ្ទៃចាប់ផ្តើមកម្រើក ប៉ុន្តែម៉ាក់ៗអត់ចាប់អារម្មណ៍
៥. ឈឺពោះចង្កោមស្បូន
អាការៈឈឺពោះចង្កោមស្បូន ទាំងមិនទាន់ដល់ថ្ងៃសម្រាលនេះ ជាអាការៈកូនគំរាមកើតមុនខែ ដែលអាចលាយឡំជាមួយនឹងការធ្លាក់ឈាមតិចតួច យកល្អម៉ាក់ៗប្រញាប់ទៅពិគ្រោះជាមួយគ្រូពេទ្យ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម