home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

តិចនិកហាត់ប្រាណ ជួយស្រីៗសម្រាលកូនកាន់តែងាយស្រួល

តិចនិកហាត់ប្រាណ ជួយស្រីៗសម្រាលកូនកាន់តែងាយស្រួល

ដូច​ធ្លាប់​ប្រាប់​ច្រើន​ហើយ ហាត់ប្រាណ​ពេល​ពពោះ ជា​វិធីសាស្ត្រ​ល្អ​បំផុត ជួយ​ឲ្យ​សុខភាព​ម៉ាក់ និង​បេប៊ី​ក្នុង​ផ្ទៃសុខភាព​រឹង​មាំ ចៀស​ឆ្ងាយ​ផល​វិបាក​ជា​ច្រើន​អំឡុង​ពេល​ពពោះ គ្រាន់​តែ​ថា ហាត់​គឺ​មាន​កម្រិតរបស់​វា ឲ្យ​ត្រូវ​ដំណាក់​កាល​ពពោះ។ ចុះ​ស្រីៗ​គ្នា​យើង​ធ្លាប់​ឮអត់ ហាត់​ប្រាណពពេល​ពពោះ អាច​ជួយ​ឲ្យ​ងាយ​សម្រាល​ទៀត​ផង ហើយ​​វិធី​ហាត់ “Hello គ្រូពេទ្យ” នឹ​ងរៀប​រាប់​ក្នុង​អត្ថបទ​នេះ។

១- លំហាត់​ប្រាណពង្រឹង​ផ្នែ​កត្រ​គាក (Kegel exercise)

Kegel ​ជា​លំហាត់​ប្រាណ​សម្រាប់​សាច់​ដុំ​អាង​ត្រគៀក ​ជួយ​ពង្រឹង​សាច់​ដុំ​ទ្វារ​មាស ស្បូន ប្លោក​នោម​ និង​សាច់​ដុំ​ពោះ​វៀន។ ការ​ពង្រឹង​សាច់​ដុំ​អាង​ត្រគៀក​ ជួយ​ការ​​ទ្រ​សរីរាង្គ​ទាំង​នេះ​បាន​កាន់​តែ​ល្អ ការពារ ​និង​ព្យាបាល​អាការៈហៀរ​លេច​​នោមដោយ​មិន​ដឹង​ខ្លួន​។ យោង​តាម​ការ​សិក្សា​ជាច្រើន​បង្ហាញ​ថា ការ​គ្រប់​គ្រង​សាច់ដុំ​អាង​ត្រគៀក​បាន​ល្អ អាច​ជួយ​ដល់​ការ​សម្រាល​បាន​ ជាពិសេស​ពេល​ប្រឹង​តែ​ម្តង។ បើ​សិន​ជា​គ្នា​យើង​អាច​បន្ធូរ ​ឬ​សម្រាក​សាច់​ដុំ​ទាំង​នេះ​បាន​អាច​នឹង​សម្រាល​កូន​បាន​ស្រួល​ជាង​មុន។ លំហាត់​ប្រាណ​នេះ ងាយ​ស្រួល​ហាត់​ណាស់ អាចហាត់​ពេលណា​ក៏​បាន មិន​ថា​កំពុង​មើល​ទូរទស្សន៍ ឬ​អង្គុយ​នៅ​មុខ​កុំព្យូទ័រ​នោះ​ទេ ខណៈ​តិចនិក​ហាត់​ប្រាណ​វិធី​នេះ មាន​តាម​ជំហានៗ​ដូចជា៖

– ហាត់ឲ្យ​​ចំ​សាច់​ដុំ​ទ្វារមាស៖ ដាក់​ម្រាម​ដៃ​ចូល​ក្នុង​ទ្វារ​មាស ហើយ​ប្រឹង​គាប​ម្រៀម​ដៃ ​ដោយ​សាច់​ដុំ​នៅ​ជុំវិញ​នោះ ឬ​ហាត់​ដោយ​ការ​បញ្ឈប់​ទឹក​នោម​ពេល​កំពុង​នោម។ តែ​យើង​ក៏​​មិន​គួរ​ធ្វើ​វិធី​នេះ​ញឹក​ញាប់​ពេក​ដែរ ព្រោះ​អាច​ធ្វើ​សាច់​ដុំ​ប្លោក​នោម​ខ្សោយ​ និង​ធ្វើ​​ឲ្យប្រឈម​ខ្ពស់ ការ​បង្ក​រោគ​នៅ​ផ្លូវ​ទឹក​នោម​បាន​ទៀត​ផង។
– ហាត់​ចំ​សាច់​ដុំ​នីមួយៗ៖ ពេលយើង​​ដឹង​ថា ​ត្រូវ​ប្រើ​សាច់ដុំ​ណាមួយ​ហើយ កន្ត្រាក់​ ឬ​ប្រឹង​​ជាប់​រយៈ​ពេល ៥​វិនាទី ហើយ​បន្ធូរ​មក​វិញ។ ធ្វើ​ឲ្យបាន​ ១០-​២០ ​ដង។
– ដក​ដង្ហើម៖ ដក​ដង្ហើមធម្មតា​ពេល​ហាត់​ប្រាណ ធ្វើ​ឲ្យ​​បាន​យ៉ាង​តិច ៣ ដង/ថ្ងៃ។
– កុំ​កម្រើក៖ មិន​ត្រូវ​កម្រើក​ជើង គូទ ឬ​សាច់​ដុំ​ពោះ​ ពេល​កំពុង​ធ្វើ​លំហាត់​ប្រាណ​នេះ​ឡើយ។

២- ហាត់​ដោយ​អង្គុយ​ចោង​ហោង

វិធី​ហាត់​ប្រាណ​បែប​នេះ ​ជួយ​ដល់​ការ​សម្រាល​កូន​បាន​ច្រើន ដោយ​សារ​វា​ធ្វើ​ឲ្យ​​អាង​ត្រគាក​ទូលាយ​ជាង​មុន ​ហើយ​ទុក​កន្លែងសម្រាប់​​ទារក​ក្នុង​ផ្ទៃ​ចុះ​មក​ក្រោម។ តែ​លំហាត់​ប្រាណ​នេះ គឺ​ហត់​បន្តិច​ហើយ យ៉ាង​ណា​គួរ​ហាត់ឲ្យ​បាន​ញឹក​ញាប់​ពេល​ពពោះ​ ដើម្បី​ពង្រឹង​សាច់ដុំ​អាង​ត្រគាក​ និងភ្លៅ។ អាច​ហាត់​តាម​វិធី​ខាង​ក្រោម​ដូច​ជា៖

– ឈរ​បែរ​មុខ​ទៅ​ខ្នង​កៅ​អី កន្ធែក​ជើង​ឲ្យ​​ធំ​ជាង​អាង​ត្រគាក​បន្តិច ហើយ​បង្វែរ​ម្រាម​ជើង​ទៅ​ក្រៅ។ តោង​ខ្នង​កៅអី​ជាប់ ​ដើម្បី​ទប់​ខ្លួន​កុំ​ឲ្យដួល។
– ប្រឹង​សាច់​ដុំ​ពោះ ពើង​ទ្រូង ហើយ​បន្ធូរ​សាច់​ដុំ​ស្មារ។ ទម្លាក់​គូទ​ទៅ​មុន ហាក់​បី​ដូច​យើង​អង្គុយ​លើ​កៅអី​អញ្ចឹង។ រក្សា​លំនឹង ខណៈ​ទម្ងន់​ខ្លួន​​ស្ទើរ​តែ​ទាំង​ស្រុង ​នឹង​ធ្លាក់​ទៅ​លើ​កែង​ជើង។ រក្សា​ជំហរ​បែប​នេះ​ឲ្យ​យូរ​តាម​​អាច​ធ្វើ​ទៅ​បាន។
– ដក​ដង្ហើម​ចូល​វែង​ៗ ហើយ​ដក​ដង្ហើម​ចេញ​វិញ ប្រឹង​រុញ​ខ្លួន​ឡើង​ឈរ​វិញ​ឲ្យ​ត្រង់។

៣- ហាត់​សាច់ដុំ​ខ្នង​ និងចង្កេះ

វិធី​ហាត់​បែប​នេះ ​ជួយ​ឲ្យ​គ្នា​យើង​មាន​អារម្មណ៍​ល្អ​ ជាពិសេស​ពេល​កំពុង​តែ​ពពោះ។ លំហាត់​ប្រាណ​សម្រាប់​ខ្នង​ចង្កេះ​ អាច​ជួយ​បន្ថយ​ការ​ឈឺ​ចង្កេះ​បាន ខណៈខាង​ក្រោម​នេះ​ជា​ជំហាន​ងាយៗ​ក្នុង​ការ​ហាត់៖

– គេង​ដាក់​ដៃ ជង្គង់​ និង​ក្បាល​ឲ្យ​ត្រង់​គ្នា
– ប្រឹង​សាច់​ដុំ​ក្បាល​ពោះ ទាញ​ជើង​មក​លើ
– ទប់ឲ្យ​​បាន ៤-៥ ​វិនាទី ហើយ​បន្ធូរ​សាច់​ដុំ​ទៅ​វិញ និងក្សា​ខ្នងឲ្យ​ត្រង់​ជានិច្ច
– មិន​ត្រូវ​ចំកោង​ខ្នង​ឡើយ
– ហាត់​ឲ្យបាន ១០​ ដង។

អត្ថបទពាក់ព័ន្ធ៖

៤- លំហាត់​ប្រាណ​ត្រូវ​ចៀស​វាង​ពេល​ពពោះ

ក្រៅ​ពី​លំហាត់​ប្រាណ​បាន​រៀប​រាប់​ខាង​លើ​នេះ ក៏​អាច​ធ្លាប់ឮវិធី​ហាត់​ប្រាណ​ផ្សេង​ទៀត​អំឡុង​ពេល​ពពោះ​ អាច​ជួយ​ស្រីៗ​គ្នា​យើង​បាន​ច្រើន។ ប៉ុន្តែ​មិន​ថា​លំហាត់​ប្រាណ​ប្រភេទ​ណា​ទេ​មិន​ត្រូវ​ហាត់​រហូត​ដល់​ដក​ដង្ហើម​សឹង​មិន​ដល់​គ្នា​នោះដែរ ខណៈ​លំហាត់​​ប្រាណ​គួរ​ចៀស​វាង ព្រោះ​អាច​បង្ក​គ្រោះ​ថ្នាក់​ដល់​ម៉ាក់ៗ និងគភ៌ មាន​ដូចជា៖

– លំហាត់​ទាំង​ឡាយ​ណា ងាយ​ធ្វើ​ឲ្យដួល។
– លំហាត់​ទាំង​ឡាយ​ណា​ ​អាច​ប៉ះ​ទង្គិច​ដល់​ពោះ ដូច​ជា គ្រវី​ខ្លួន ឬ​ការ​ប្តូរ​ទីតាំង​ភ្លាមៗ​។
– កីឡា​ ត្រូវ​ប៉ះ​ពាល់​នឹង​រាងកាយ។
– លំហាត់​ទាំង​ឡាយ​ណា​ ​ត្រូវ​ការ​លោត ហក់ ឬ​ផ្លោះ។
– លំហាត់​ដែល​ត្រូវ​បង្វិល​ចង្កេះ​ពេល​ឈរ។
– លំហាត់​ប្រាណ​ត្រូវ​ប្រើ​កម្លាំង​ខ្លាំង។
– ហាត់​ប្រាណ​ក្នុង​អាកាស​ធាតុ​ក្តៅ​ ហើយ​សើម។

មាន​គ្នា​យើង​​ខ្លះ​ អាច​នឹង​ឲ្យ​​យោបល់នៅស្ងៀមៗ កុំ​ធ្វើ​អ្វី​ធ្ងន់ ហើយ​សម្រាកឲ្យ​​បាន​ច្រើន​ អំឡុង​ពេល​កំពុង​ពពោះ។ យ៉ាង​ណា​ក៏​ដោយ ការ​រៀប​ចំ​ពេល​វេលា​ហាត់​ប្រាណ​ឲ្យ​បាន​ល្អ​ នឹង​ជួយ​ដល់​ការ​សម្រាលកូន។

ក្នុង​ករណី​មាន​សំណួរ ឬ​មន្ទិល​សង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជា​មួយ​គ្រូពេទ្យ​ជំនាញ។Hello Health Group មិនចេញ​វេជ្ជបញ្ជា មិន​ធ្វើ​រោគ​វិនិច្ឆ័យ ឬព្យាបាលជូនទេ៕

health-tool-icon

គណនាថ្ងៃមេជីវិតញីទុំធ្លាក់

ប្រើ​វិធី​គណនា​នេះ​​ គឺ​ដើម្បី​រក​ថ្ងៃ​សម្រាល​កូន​។ វិធី​​នេះ​អាច​ប៉ាន់ស្មាន​ថ្ងៃ​សម្រាល​បាន​ តែ​មិន​ធានា​ថា​ត្រឹម​ត្រូវ​ទាំង​ស្រុង​ទេ​។ ស្រ្តី​ភាគ​ច្រើន មិន​ទាំង​អស់​ទេ អាច​ឆ្លង​ទន្លេ​មុន​ ឬ​ក្រោយ​មួយ​សប្ដាហ៍ នៃ​ពេល​វេលា​ប៉ាន់​ស្មាន​នេះ។

រយៈពេល​វដ្ដរដូវ

28 ចំំនួន​ថ្ងៃ​

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព
រូបថត​របស់​អ្នក​និពន្ធ
អត្ថបទដោយ Chamnan Amrith នៅ 26/08/2019
ត្រួតពិនិត្យ​ដោយ វេជ្ជ. ចាន់ ស៊ីណេត
x