សុខភាពទូទៅ Archives - Page 15 of 83

ក្រសួងសុខាភិបាលឲ្យប្រយ័ត្នពីការពុលអាហារ និងស្រា នារដូវភ្ជុំបិណ្ឌ

ក្នុងឱកាសពិធីបុណ្យកាន់បិណ្ឌ និងភ្ជុំបិណ្ឌ ឆ្នាំ២០២៤នេះ ក្រសួងសុខាភិបាលបានអំពាវនាវ និងក្រើនរំលឹកដល់ប្រជាពលរដ្ឋគ្រប់រូប ឲ្យបន្តការប្រុងប្រយ័ត្នខ្ពស់ក្នុងការអនុវត្តវិធានាការនានា ដើម្បីការពារសុខភាពខ្លួនឯងឲ្យបានល្អ ដោយជៀសវាងពីការពុលចំណីអាហារ ឬស្រានៅពេលមានការជួបជុំផ្សេងៗ។ ចង់គណនាថ្ងៃមេជីវិតញីទុំធ្លាក់ ចុចទីនេះ! ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចង់ដឹងអត្ថន័យពណ៌ និងរូបរាងលាមកទារក ចុចទីនេះ! វិធានការក្នុងការបង្ការហានិភ័យនៃការពុលចំណីអាហារ និងពុលស្រា ដែលក្រសួងណែនាំរួមមាន៖ -ត្រូវប្រកាន់ខ្ជាប់នូវការអនុវត្តន៍អនាម័យ និងចំណីអាហារដែលមានសុវត្ថិភាព ដោយត្រូវលាងសម្អាតដៃមុនចាប់កាន់ចំណីអាហារ និងលាងឲ្យបានញឹកញាប់ ជាពិសេសបន្ទាប់ពីការប៉ះពាល់សត្វ បោចសំអាតរោមសត្វសុបក្សី ឬវត្ថុផ្សេងៗ ដែលអាចជាប្រភពចម្លងរោគ -សម្អាតសម្ភារៈប្រើប្រាស់ សម្រាប់ចម្អិតម្ហួបអាហារឲ្យបានត្រឹមត្រូវ -ទុកដាក់អាហារឆៅ និងឆ្អិនឲ្យនៅដាច់ដោយឡែកពីគ្នា -ចម្អិនម្ហូបអាហារឲ្យបានឆ្អិនល្អ ជាពិសេសសាច់ សត្វស្លាប ស៊ុត និងអាហារសមុទ្រ កុំទទួលទានពងមាន់ ឫពងទាជ័រព្នៅ។ នៅពេលលោកអ្នកទិញម្ហូបអាហារដែលឆ្អិនស្រាប់ នៅតាមទីផ្សារ ឫតាមដងផ្លូវ ត្រូវប្រាកដថាអាហារទាំងនោះមានអនាម័យ និងមានសុវត្ថិភាព តាមរយៈការអនុវត្តតាមសេចក្តីណែនាំដូចខាងក្រោមនេះ៖ -ត្រូវប្រើប្រាស់ទឹកស្អាត និងវត្ថុធាតុដើមដែលល្អ ហើយមិនត្រូវប្រើប្រាស់សារធាតុគីមីបន្ថែម -កុំប្រើប្រាស់ចំណីអាហារហួសការកំណត់ប្រើប្រាស់ -មេតាណុលមិនមែនជាមេស្រាទេ កុំប្រើប្រាស់មេតាណុលផលិតស្រា ស និងស្រាថ្នាំ -បញ្ឈប់ជាដាច់ខាត នូវការលក់ដូរស្រា ស ឫស្រាថ្នាំ ដែលផលិត ឬបិត ឬលាយផ្សំមិនត្រឹមត្រូវតាមលក្ខណៈបច្ចេកទេស -ដាច់ខាតមិនត្រូវទិញ ឬពិសាស្រា ស ឬស្រាថ្នាំ ដែលមានសារធាតុមេតាណុល បង្កគ្រោះថ្នាក់ខ្លាំងណាស់ និងបណ្តាលឲ្យបាត់បង់អាយុជីវិត។ ដូច្នេះហើយ ដើម្បីសុវត្ថិភាពរបស់ខ្លួនយើងផ្ទាល់ […]

ព័ត៌មាន

វ៉ាក់សាំង COVID-19 អង់គ្លេសផ្អាកការតេស្ដសាកល្បងក្រោយអ្នកចូលរួមម្នាក់ធ្លាក់ខ្លួនឈឺ

វ៉ាក់សាំង COVID-19 បង្កើតដោយក្រុមហ៊ុនផលិតថ្នាំ AstraZeneca និងសាកលវិទ្យាល័យ Oxford ត្រូវបានផ្អាកការតេស្ដសាកល្បងដំណាក់កាលចុងក្រោយនៅអង់គ្លេស បន្ទាប់ពីអ្នកស្ម័គ្រចិត្តចូលរួមទទួលរងផលរំខាន ។ នេះបើតាមការផ្សាយរប់BBC កាលពីល្ងាចថ្ងៃទី៩ ខែកញ្ញា។ ក្រុមហ៊ុន AstraZeneca បានលើកឡើងថានេះជាការផ្អាកដែលតែងកើតមានក្នុងករណីដែលអ្នកចូលរួមមានជំងឺដែលមិនដឹងមូលហេតុច្បាស់លាស់។ គេក៏កំពុងពិនិត្យលទ្ធផលនៃការតេស្ដសាកល្បងនៃវ៉ាក់សាំងនេះនៅជុំវិញពិភពលោក។ វ៉ាក់សាំងនេះដែរត្រូវបានគេជឿថាជាវ៉ាក់សាំងមួយដែលខ្លាំងក្នុងចំណោមវ៉ាក់សាំងដែលកំពុងផលិតទូទាំងពិភពលោក។ អ្នកស្រាវជ្រាវសង្ឃឹមយ៉ាងខ្ពស់ថាវ៉ាក់សាំងមួយនេះអាចជាវ៉ាក់សាំងដំបូងដែលនឹងចេញឲ្យប្រើប្រាស់ដោយលទ្ធផលតេស្ដសាកល្បងដំណាក់កាលទី១ និងទី២មានភាពជោគជ័យ។ ចំណែកឯដំណាក់កាលទី៣ទើបនឹងចាប់ផ្ដើមក្នុងពេលថ្មីៗនេះដែលមានអ្នកចូលរួមប្រហែល ៣ម៉ឺននាក់នៅសហរដ្ឋអាមេរិក ប្រទេសអង់គ្លេស ប្រេស៊ីល និងអាហ្រ្វិកខាងត្បូង។ ដំណាក់កាលទី៣នេះជាទូទៅតែងមានអ្នកចូលរួមរាប់ពាន់អ្នក និងអាចមានរយៈពេលច្រើនឆ្នាំ។ សារព័ត៌មាន The New York Times បានរាយការណ៍ថាមានអ្នកស្ម័គ្រចិត្តម្នាក់នៅប្រទេសអង់គ្លេសមានជំងឺ Transverse myelitis ដែលជាអាការៈរលាកប៉ះពាល់ដល់ឆ្អឹងកង និងអាចបង្កដោយការឆ្លងវីរុស។ យ៉ាងណាមិញ មូលហេតុនៃជំងឺនេះមិនត្រូវបានបញ្ជាក់ច្បាស់ទេ ហើយការស៊ើបអង្កេតនឹងចាប់ផ្ដើមដើម្បីដឹងថាតើមានទាក់ទងនឹងវ៉ាក់សាំងឬយ៉ាងណា។ សាកលវិទ្យាល័យ Oxford បានពិពណ៌នាថានេះជារឿងធម្មតានៃការតេស្ដវ៉ាក់សាំងទេ។ អ្នកស្ម័គ្រចិត្តអាចត្រូវបញ្ជូនទៅមន្ទីរពេទ្យ ហើយមូលហេតុបង្កជំងឺរទាន់បានដឹងភ្លាមៗនោះទេ។ អ្នកតំណាងសាកលវិទ្យាល័យ Oxford បានលើកឡើងថាក្នុងការតេស្ដសាកល្បងដែលមានអ្នកចូលរួមច្រើន ផលរំខានផ្សេងទៀតអាចនឹងកើតមាន ប៉ុន្តែត្រូវពិនិត្យឡើងវិញឲ្យបានម៉ត់ចត់។ ម៉្យាងទៀត ការផ្អាកការតេស្ដសាកល្បងលើវ៉ាក់សាំងនេះបង្ហាញថាពួកគេយកចិត្តទុកដាក់លើសុវត្ថិភាពរបស់អ្នកចូលរួម។ ការសម្រេចចិត្តចុងក្រោយនៃការចាប់ផ្ដើមការតេស្ដសាកល្បងម្ដងទៀតនឹងត្រូវធ្វើឡើងដោយភ្នាក់ងារត្រួតពីនិត្យវេជ្ជសាស្ត្រ និងផលិតផលសុខភាព (MHRA) ដែលអាចត្រូវការរយៈពេលច្រើនថ្ងៃ ប៉ុន្តែមុននឹងមានការសម្រេចចិត្តចុងក្រោយ ការតេស្ដសាកល្បងនៅបណ្ដាប្រទេសខាងលើត្រូវផ្អាកសិន។