តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

អង្គុយមុខទូរទស្សន៍ប៉ះពាល់បេះដូងជាងអង្គុយមុខកុំព្យូទ័រទៅទៀត

អង្គុយមុខទូរទស្សន៍ប៉ះពាល់បេះដូងជាងអង្គុយមុខកុំព្យូទ័រទៅទៀត

ការ​អង្គុយ​នៅ​មុខ​កញ្ចក់​ទូរទស្សន៍​​ អាច​ប៉ះពាល់​ដល់​សុខភាព​បេះដូង​ជាង​ការ​អង្គុយ​នៅ​មុខ​កុំព្យូទ័រ​ទៅ​ទៀត នេះ​បើ​យោង​តាម​ការ​សិក្សា​ថ្មី​មួយ​។

ជាក់​ស្ដែង ក្រុម​អ្នក​ស្រាវជ្រាវ​បាន​វិភាគ​ព័ត៌មាន​​លើ​មនុស្ស​ពេញវ័យ​ប្រមាណ​​ជាង​៣ ៥០០​នាក់​ ហើយ​បាន​រក​ឃើញ​ថា​ អ្នក​ដែល​ចំណាយ​ពេល​ច្រើន​អង្គុយ​​នៅ​មុខ​ទូរទស្សន៍​ មាន​ហានិភ័យ​ខ្ពស់​ក្នុង​ការ​កើត​ជំងឺ​បេះដូង និង​មាន​អត្រា​ស្លាប់​ នៅ​អំឡុង​ពេល​សិក្សា​ បើ​ធៀប​​នឹង​​អ្នក​ដែល​​ចំណាយ​ពេល​តិចតួច​នៅ​មុខ​ទូរទស្សន៍​។

ចំពោះ​ការ​អង្គុយ​នៅ​កន្លែង​ធ្វើ​ការ​​មិន​មាន​ហានិភ័យ​ខ្ពស់​​ដូច​​អ្នក​ដែល​ចំណាយ​ពេល​​ច្រើន​ក្នុង​ការ​មើល​ទូរទស្សន៍​ឡើយ​ នេះ​បើ​យោង​តាម​អត្ថបទ​ចេញ​ផ្សាយ​ក្នុង​ទស្សនាវដ្ដី​សមាគម​បេះដូង​អាមេរិក។ ថ្វី​ដ្បិត​តែ​អ្នក​ជំនាញ​នៅ​មិន​ទាន់​ដឹង​ពី​​មូលហេតុ​ជាក់លាក់​ដែល​​ការ​អង្គុយ​នៅ​មុខ​ទូរទស្សន៍​ប៉ះពាល់​ដល់​សុខភាព​បេះដូង​​​ក៏​ពិត​មែន​ ប៉ុន្តែ​ពេលវេលា​នៃ​ការ​​មើល​ទូរទស្សន៍​អាច​ជះឥទ្ធិពល​​​​​ខ្លាំង​​ ពីព្រោះ​ថា​​​គ្នា​យើង​ភាគ​ច្រើន​ចូលចិត្ត​មើល​ទូរទស្សន៍​អំឡុង​ពេល​​អាហារ​ពេល​ល្ងាច ដែល​ជា​​ពេល​វេលា​​ញ៉ាំ​អាហារ​ច្រើន​​​ និង​ធ្វើ​សកម្មភាព​រាងកាយ​តិច​តួច​។

ចង់គណនា BMR ចុចទីនេះ!

ចង់គណនា BMI ចុចទីនេះ!

ចង់គណនារង្វាស់ចង្វាក់បេះដូង ចុចទីនេះ!

ចង់ពិនិត្យសុខភាពប្រព័ន្ធរំលាយអាហារ ចុចទីនេះ!

ហានិភ័យ​នៃ​ការ​អង្គុយ

តាម​ការ​សិក្សា​ជា​ច្រើន​បាន​បង្ហាញ​ថា ការ​ចំណាយ​ពេល​អង្គុយ​យូរ​ពាក់ព័ន្ធ​នឹង​ហានិភ័យ​សុខភាព​ជា​ច្រើន​ ដូចជា​សម្ពាធ​ឈាម​ខ្ពស់​ ជំងឺ​ទឹក​នោម​ផ្អែម​ប្រភេទ​២ និង​ជំងឺ​បេះដូង។

ជាមួយ​គ្នា​នេះ​ដែរ អ្នក​ដែល​ចំណាយ​ពេល​ច្រើន​ជាង​៤​ម៉ោង​អង្គុយ​នៅ​មុខ​ទូរទស្សន៍ អាច​ជួប​បញ្ហា​បេះដូង​​ផ្សេង​ៗ​ ដូចជា​គាំង​បេះដូង ឬ​ជំងឺ​បេះដូង ឬ​អាច​បាត់បង់​ជីវិត​នៅ​អំឡុង​ពេល​សិក្សា​ នេះ​បើ​ធៀប​​នឹង​អ្នក​ដែល​មើល​ទូរទស្សន៍​តិច​ជាង​២​ម៉ោង​ក្នុង​មួយ​ថ្ងៃ។ យ៉ាង​ណា​មិញ ប្រសិនបើ​អ្នក​ដែល​ចូលចិត្ត​មើល​ទូរទស្សន៍​ច្រើន បាន​ធ្វើ​លំហាត់​ប្រាណ​គ្រប់គ្រាន់​ យ៉ាង​តិច​១៥០​នាទី​ក្នុង​មួយ​សប្ដាហ៍​ នោះ​ហានិភ័យ​នៃ​ជំងឺ​បេះដូង​នឹង​​មាន​កម្រិត​ទាប​​ទៅ​តាម​នោះ​ដែរ។

ស្រីៗធ្វើការ Hello គ្រូពេទ្យ

health-tool-icon

រង្វាស់ចង្វាក់បេះដូង

លោកអ្នក​អាច​គណនាដឹងពី​ "អត្រាបេះដូងលោតពេលសម្រាក" ធម្មតា និង​អតិបរមា ​ទៅ​តាម​កម្រិត​អាយុ របៀប​ហាត់ប្រាណ​ និង​សកម្មភាព​ផ្សេង​ទៀត​ដែល​អាច​ជះឥទ្ធិពលដល់​ ចង្វាក់បេះដូងលោត។

ប្រុស

ស្រី

អ្នក​ពិនិត្យ​ឲ្យ​អ្នក​ណាដែរ?

អត្រាបេះដូងលោតពេលសម្រាក របស់អ្នក​ចំនួន​ប៉ុន្មានដែរ? (ដង/នាទី)

60

​​ហេតុអ្វី​ការ​មើល​ទូរទស្សន៍​មាន​គ្រោះថ្នាក់​ជាង​ការ​អង្គុយ​នៅ​មុខ​កុំព្យូទ័រ?

អ្នក​ដែល​ចូលចិត្ត​មើល​ទូរទស្សន៍​ភាគ​ច្រើន​​អង្គុយ​នៅ​មួយ​កន្លែង​យូរ​ជាង​អ្នក​ធ្វើការ​ ដោយ​សារ​តែ​អ្នក​ធ្វើការ​​អាច​​ក្រោក​ដើរ​ទៅ​ថត​ចម្លង​ឯកសារ ឬ​ជជែក​ជាមួយ​នឹង​មិត្ត​រួម​ការងារ។ ចំណែក​ឯ​អ្នក​ដែល​មើល​ទូរទស្សន៍​វិញ ចំណាយ​ពេល​រាប់​ម៉ោង​ដោយ​មិន​​ធ្វើ​ចលនា​ទាល់​តែ​សោះ។

បន្ថែម​ពី​នេះ ការ​អង្គុយ​នៅ​កន្លែង​ធ្វើ​ការ​ ធ្វើ​ឲ្យ​ផ្លូវ​ចិត្ត​យើង​សកម្ម ​ពីព្រោះ​តែ​​​ការ​គិត​ប្រកប​ដោយ​គំនិត​ច្នៃ​ប្រឌិត ឬ​ដោះស្រាយ​បញ្ហា​ផ្សេង​ៗ​ជា​ដើម​ ហើយ​ការ​សកម្ម​ផ្នែក​ចិត្ត​គំនិត​ក៏​អាច​ដុត​បំផ្លាញ​កាឡូរី​បាន​មួយ​កម្រិត​ដែរ ខណៈ​ពេល​​ដែល​​ការ​មើល​ទូរទស្សន៍ ​ជា​ធម្មតា​ពាក់ព័ន្ធ​នឹង​ដំណើរការ​ផ្លូវ​ចិត្ត​តិចតួច​ប៉ុណ្ណោះ។

អានបន្ថែម៖

ចំណុចសំខាន់

តាម​ការ​សិក្សា​ជា​ច្រើន​បាន​បង្ហាញ​ថា ការ​ចំណាយ​ពេល​អង្គុយ​យូរ​ពាក់ព័ន្ធ​នឹង​ហានិភ័យ​សុខភាព​ជា​ច្រើន​ ដូចជា​សម្ពាធ​ឈាម​ខ្ពស់​ ជំងឺ​ទឹក​នោម​ផ្អែម​ប្រភេទ​២ និង​ជំងឺ​បេះដូង។
ជាមួយ​គ្នា​នេះ​ដែរ អ្នក​ដែល​ចំណាយ​ពេល​ច្រើន​ជាង​៤​ម៉ោង​អង្គុយ​នៅ​មុខ​ទូរទស្សន៍ អាច​ជួប​បញ្ហា​បេះដូង​​ផ្សេង​ៗ​ ដូចជា​គាំង​បេះដូង ឬ​ជំងឺ​បេះដូង ឬ​អាច​បាត់បង់​ជីវិត​នៅ​អំឡុង​ពេល​សិក្សា​ នេះ​បើ​ធៀប​​នឹង​អ្នក​ដែល​មើល​ទូរទស្សន៍​តិច​ជាង​២​ម៉ោង​ក្នុង​មួយ​ថ្ងៃ។ យ៉ាង​ណា​មិញ ប្រសិនបើ​អ្នក​ដែល​ចូលចិត្ត​មើល​ទូរទស្សន៍​ច្រើន បាន​ធ្វើ​លំហាត់​ប្រាណ​គ្រប់គ្រាន់​ យ៉ាង​តិច​១៥០​នាទី​ក្នុង​មួយ​សប្ដាហ៍​ នោះ​ហានិភ័យ​នៃ​ជំងឺ​បេះដូង​នឹង​​មាន​កម្រិត​ទាប​​ទៅ​តាម​នោះ​ដែរ។

Verifying...

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

Sitting in Front of the TV May Be Worse for Your Heart Than Sitting at a Desk

https://www.livescience.com/65796-tv-sitting-is-bad-for-hearts.html

Sitting in front of TV may be worse for health than desk job

https://www.reuters.com/article/us-health-sitting-idUSKCN1TS2FX

Are Some Kinds of Sitting Worse than Others?

https://learningenglish.voanews.com/a/are-some-kinds-of-sitting-worse-than-others-/4981837.html

Risk of heart disease increased by sitting in front of TV, not at work: study

https://www.ctvnews.ca/health/risk-of-heart-disease-increased-by-sitting-in-front-of-tv-not-at-work-study-1.4483008?cache=yes%3Fot%3DAjaxLayout

រូបថត​របស់​អ្នក​និពន្ធbadge
ដោយ នូ សោភ័ណ្ឌ កែសម្រួល​ចុងក្រោយ 2 សប្ដាហ៍​កន្លងទៅ
ត្រួតពិនិត្យដោយ វេជ្ជ. ចាន់ ស៊ីណេត