សុខភាពផ្លូវភេទ

ប្រយ័ត្ន! អេដស៍កំពុងផ្ទុះការឆ្លងក្នុងចំណោមយុវវ័យ ខណៈអ្នកផ្ទុកជិត៧ពាន់នាក់បន្តគេចខ្លួន

ជំងឺអេដស៍ កំពុងផ្ទុះការឆ្លងក្នុងចំណោមយុវវ័យ និងអ្នកស្រឡាញ់ភេទដូចគ្នា ស្របពេលដែលអ្នកផ្ទុកមេរោគអេដស៍ជិត ៧ ០០០នាក់ នៅតែបន្តគេចមិនមកទទួលសេវាព្យាបាល។ នេះបើយោងទៅតាមរបាយការណ៍ពីអាជ្ញាធរជាតិប្រយុទ្ធនឹងជំងឺអេដស៍ដែល Hello គ្រូពេទ្យ ទទួលបានកាលពីដើមខែធ្នូ ឆ្នាំ២០២៤នេះ។ របាយការណ៍ដដែល បានបបញ្ជាក់ថា គិតត្រឹមឆ្នាំ២០២៣ កម្ពុជា បានរកឃើញអ្នកឆ្លងថ្មីចំនួន ១ ២០០នាក់ ក្នុងនោះ យុវវ័យអាយុចន្លោះពី១៥ ដល់២៤ឆ្នាំ មានចំនួន៥១៦នាក់។ ស្របពេលជាមួយគ្នានេះ អាជ្ញាធរជាតិប្រយុទ្ធនឹងជំងឺអេដស៍ នៅតែបន្តខិតខំក្នុងការស្វែងរកអ្នកផ្ទុកមេរោគអេដស៍ចំនួនប្រមាណជិត ៧ ០០០នាក់ ដែលមិនទាន់បានមកទទួលសេវាព្យាបាល។ ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចង់គណនាថ្ងៃមេជីវិតញីទុំធ្លាក់ ចុចទីនេះ! ចង់ដឹងអត្ថន័យពណ៌ និងរូបរាងលាមកទារក ចុចទីនេះ! លោក ឈឹម ឃិនដារ៉េត អគ្គលេខាធិការអាជ្ញាធរជាតិប្រយុទ្ធនឹងជំងឺអេដស៍ បានបញ្ជាក់ថា បើទោះបីអ្នកឆ្លងថ្មីក្នុងចំណោមមនុស្សពេញវ័យអាយុ១៥ឆ្នាំឡើង មានការថយចុះគួរឲ្យកត់សម្គាល់ ពោលគឺប្រមាណជា៤៦% បើគិតចាប់តាំងពីឆ្នាំ២០១០ មកដល់ឆ្នាំ២០២៣ក៏ដោយ ប៉ុន្តែ បែរជាមានការកើនឡើងក្នុងចំណោមបុរសប្រមាណជា ៦% ទៅវិញ។ [embed-health-tool-BMI] ក្នុងចំណោមអ្នកឆ្លងថ្មីទាំង ១ ២០០នាក់នេះ មាន ៨៦% ជាប្រជាជនគន្លឹះ និងអតិថិជនរួមនឹងដៃគូ ហើយ៤៦% ស្ថិតក្នុងចំណោមបុរសរួមភេទជាមួយនឹងបុរស។ បើគិតត្រឹមត្រីមាសទី៣ ឆ្នាំ២០២៤នេះ […]

សុខភាពផ្លូវភេទ

ប្រុសៗកំចេះតែសម្រុក ឬប្រើក្បាច់ពេក ប្រយ័ត្នបាក់កអាច្រមក់ វីវរមិនខាន

បើគិតដល់រឿងសេចក្ដីសុខផ្លូវភេទ មិនថាប្រុសមិនថាស្រី សុទ្ធតែមានបញ្ហាច្រើនដូចគ្នា។ ចំពោះសមត្ថភាពបំពេញសេចក្ដីស្រណុកសុខស្រួលដល់ដៃគូ ជាស្ត្រីក៏ជាតួនាទីសំខាន់របស់ប្រុសៗដែរ។ តែបញ្ហាធំមួយ ទោះកម្រ សម្រាប់ប្រុសៗគឺ “បាក់លិង្គ”។ ការបាក់លិង្គគឺជាបណ្ដុំរោគសញ្ញានៃគ្រោះថ្នាក់ផ្ទាល់ទៅលើស្រទាប់អាល់ប៊ុយជីនា (Tunica albuginea) ដែលស្រទាប់នេះគឺជាថង់ការពារសាច់ដុំស្ពោតរបស់លិង្គដែលមាននាទីផ្ទុកឈមមុនពេលអាអូនចេញប្រតិបត្តិការនិងធានាសមត្ថភាពរបស់លិង្គ។ បាក់លិង្គកើតឡើងរឹងនៅពេលដែលស្រទាប់អាល់ប៊ុយជីនានេះរហែកដែលបង្កជាការហូរឈាមនិងកំណកឈាមនៅកន្លែងដែលរហែក។ ១-មូលហេតុនិងកត្តាប្រឈមនៃការបាក់លិង្គ លិង្គបាក់ ជាគ្រោះថ្នាក់ដែលបង្កពីការដាច់រហែកស្រទាប់អាល់ប៊ុយជីនានៅពេលដែលលិង្គមានភាពរបត់ខ្លាំងពេក ឬប៉ះទង្គិចខ្លាំង ជាពិសេសនៅពេលដែលរួមភេទ ហើយដៃគូ(ភាគីខាងស្រី) នៅពីលើឬប្រតិបត្តិការរបស់បុរសគំហុកពេក។ ការសម្រេចកាមដោយខ្លួនឯងក៏អាចបង្កជាមូលហេតុនៃការបាក់ដែរ។ ក្នុងករណីខ្លះទៀតដូចជាការប្រើកម្លាំងពេកនិងសកម្មភាពគ្រោះថ្នាក់មួយចំនួនក៏ដូចជាឥរិយាបថមួយចំនួនក៏អាចធ្វើឲ្យមានការដាច់រហែកទៅលើជាលិកានៃលិង្គដែលបង្កជាការបាក់បានដែរ។ តាក់កាន់ដាន់ (Taqaandan) ជាវិធីមួយដើម្បីរកមើលថាតើលិង្គមានបាក់ឬក៏អត់នៅពេលដែលកំពុងឡើងរឹង។ វិធីនេះត្រូវធ្វើដោយទាញក្បាលលិង្គចុះក្រោមនៅពេលដែលកំពុងរឹង ហើយយើងឮ ឬមានអារម្មណ៍ថាឮសំឡេង មិនមានអារម្មណ៍ឈឺចាប់។ ស្រទាប់ស្បែកប្រដាប់ភេទខូចខាតក៏អាចជាកត្តាបូករួមនិងបង្កជាគ្រោះថ្នាក់ និងការបង្ករោគផងដែរជាមួយគ្នានេះក៏អាចទៅជាបាក់លិង្គបានដែរ។ បន្ថែមពីលើនេះទៀតគ្រោះថ្នាក់ប៉ះទង្គិចដែលបង្កឡើងនៅម្ដុំតំបន់ប្រដាប់បន្តពូជអាចប្រឈមនឹងការបាក់លិង្គបានដូចជាការរលាក សត្វខាំ-ដៃគូខាំ ឬប៉ះទង្គិច ឬរងរបួសធ្ងន់ដូចជាមុតកាំបិត ឬត្រូវគ្រាប់កាំភ្លើងជាដើម។ ២-រោគសញ្ញា ឬលក្ខខណ្ឌដែលអាចប្រឈមនឹងការបាក់លិង្គ ជាទូទៅការបាក់លិង្គកើតមានភ្លាមៗនៅពេលដែលឭសំឡេងភ្លាត់ ឬគ្រេចរួមជាមួយការឈឺចាប់ខ្លាំង។សញ្ញាដទៃទៀតរួមមាន៖ -លិង្គមិនឡើងរឹង ហើមនិងឡើងជាំ -សញ្ញារមួល៖ រឹងជាប់គាំងនិងការស្ទាបចំកំណកឈាមនៅពេលដែលមានឈាមជ្រាបចេញនិងកកនៅស្រទាប់អាល់ប៊ុយជីនា។ -រូបរាងលិង្គមិនប្រក្រតីដែលលេចឡើងដូចជារាងរបស់ផ្លែត្រប់ដែលវាហើម-វៀច-កោងទៅទិសផ្សេង ខុសប្រក្រតីដើម។ ជំងឺបាក់លិង្គនេះប្រសិនបើព្រងើយកន្តើយមិនព្រមព្យាបាលទេនោះអាចធ្វើឲ្យឡើងក្រិនជាលិកាដែលស្រោមស្បែកលិង្គ ហើយបង្កទៅជាអសមត្ថភាពក្នុងការឡើងរឹងរបស់អាអូនតូចយើង និងជំងឺពីរ៉ូនីដែលគេហៅថាជំងឺលិង្គកោងពេលឡើងរឹង។ ជំងឺនេះអាចបង្កបញ្ហានៅពេលដែលរួមភេទដែលពិបាកក្នុងការស៊កបញ្ចូល។ នៅពេលដែលធ្ងន់ធ្ងរ អាចទាមទារការវះកាត់ជាមិនខាន។ ៣-វិធីក្នុងការការពារបាក់លិង្គ ដើម្បីការពារបញ្ហាដ៏គ្រោះថ្នាក់នេះ,បុរសៗគួរតែបង្កើនចំណេះដឹងផ្នែកសុខភាពបន្តពូជរបស់ខ្លួននិងជៀសវាងសកម្មភាពមួយចំនួនដែលអាចបង្កការប៉ះទង្គិចបាន។ ក្នុងអំឡុងពេលរួមភេទ អ្វីដែលគួរតែប្រុងប្រយ័ត្នពេលប្រើប្រាស់ឥរិយាបថរួមភេទដែលមានការរបត់ខ្លាំងឬចលនាចុះឡើងគំហុកពេក ហើយកុំភ្លេចប្រើទឹករំអិលផងពិសេសនៅពេលដែលដៃគូចូលចិត្តនៅពីលើក្នុងពេលប្រតិបត្តិការ ឬយើងហៅថា ខាងស្រីចូលចិត្តក្បាច់ជិះសេះ។ អាន៖ កន្លែងដែលប្រុសៗស្រៀវស្រើបបំផុត ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group […]