ភ្នែកគឺជាសរីរាង្គយ៉ាងសំខាន់ជួយឲ្យយើងអាចមើលឃើញនូវអ្វីៗគ្រប់យ៉ាងជុំវិញខ្លួន។ ហេតុនេះហើយ ការថែទាំភ្នែកឲ្យបានល្អ គឺជាកាតព្វកិច្ចដែលយើងមិនអាចរំលងបាន ពិសេសត្រូវស្គាល់ពីពពួកសារជាតិចិញ្ចឹមក្នុងរបបអាហារ ដែលយើងគួរញ៉ាំជាប្រចាំតែម្ដង។
ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ភ្នែកគឺជាសរីរាង្គយ៉ាងសំខាន់ជួយឲ្យយើងអាចមើលឃើញនូវអ្វីៗគ្រប់យ៉ាងជុំវិញខ្លួន។ ហេតុនេះហើយ ការថែទាំភ្នែកឲ្យបានល្អ គឺជាកាតព្វកិច្ចដែលយើងមិនអាចរំលងបាន ពិសេសត្រូវស្គាល់ពីពពួកសារជាតិចិញ្ចឹមក្នុងរបបអាហារ ដែលយើងគួរញ៉ាំជាប្រចាំតែម្ដង។
ចង់គណនារង្វាស់ចង្វាក់បេះដូង ចុចទីនេះ!
វីតាមីន A ដើរតួយ៉ាងសំខាន់ ជួយឲ្យភ្នែកមើលឃើញភ្លឺច្បាស់ល្អ ពិសេសជួយឲ្យស្រទាប់ករនេ ដែលជាស្រទាប់សថ្លាផ្នែកខាងក្រៅភ្នែក មានសុខភាពល្អស្រស់ថ្លា។ មិនតែប៉ុណ្ណោះវីតាមីន A ក៏ជួយការពារភ្នែកពីជំងឺខ្វាក់មាន់បានផងដែរ។ យើងអាចស្វែងរក វីតាមីន A បាននៅក្នុងអាហារដូចជា ស្វាយទុំ ល្ពៅ ទំលាប់ ដំឡូងជ្វា ក្រូច ស៊ុតផ្នែកពណ៌លឿង ថ្លើមសត្វ ខ្លាញ់ត្រី និងការ៉ុតជាដើម។
ពពួកវីតាមីន B ក្នុងនោះមាន B1, B6, B12 និង ហ្វូលីកអាស៊ីតជួយការពារពីជំងឺបាត់បង់កំហើញតាមវ័យ។ ព្រោះវីតាមីននេះ អាចជួយកាត់បន្ថយបរិមាណ អាស៊ីត homocysteine ក្នុងសរសៃឈាមភ្នែកដែលបង្កជាការប្រឈមកើនជំងឺនេះពេលចាស់ទៅ។
ការកើនឡើងកម្រិតអាស៊ីត homocysteine ក្នុងសរសៃឈាម បណ្ដាលឲ្យប៉ះពាល់ដល់ស្រទាប់រ៉េទីនក្នុងភ្នែក ទើបធ្វើឲ្យយើងចុះខ្សោយការមើលឃើញ មិនអាចមើលឃើញច្បាស់។ ការសិក្សាបានបង្ហាញថា ស្ដ្រីដែលខ្វះវីតាមីន B ប្រឈមជំងឺបាត់បង់គំហើញតាមវ័យ ៥០% បើធៀបនឹងស្ដ្រីដែលទទួលបានវីតាមីន B គ្រាប់គ្រាន់។ យើងអាចរកបាន វីតាមីន B ក្នុងអាហារដូចជា ផ្លែក្រូច សណ្ដែកសៀង សណ្ដែកដី ស្ពៃពួយឡេង និងសាច់មាន់។
វីតាមីន C មានអត្ថប្រយោជន៍ជួយការពារពីអុកស៊ីតកម្ម អាចជួយឲ្យយើងជៀសផុតពីជំងឺទឹកដក់បាតភ្នែកពេលវ័យចំណាស់។ ការសិក្សាបានបង្ហាញថាក្នុងមួយថ្ងៃ រាងកាយគួរទទួលបានវីតាមីន C យ៉ាងតិច ១៤០ មិល្លីក្រាម និងច្រើនបំផុត ៥០០មិល្លីក្រាម ដែលអាចជួយការពារពីជំងឺទឹកដក់បាតភ្នែកពេលចាស់ទៅ។ ប៉ុន្តែក្នុងករណីលើសពី ៥០០មិល្លីក្រាម អាចបង្កឲ្យប៉ះពាល់ដល់សុខភាពភ្នែកវិញ ពិសេសម្រាប់ក្រុមមនុស្សដែលជក់បារី និង អ្នកមានបញ្ហាលើសទម្ងន់។
អត្ថបទគួរអាន៖
អាស៊ីតខ្លាញ់អូមេហ្គា ៣ មានអត្ថប្រយោជន៍ជួយប្រឆាំងអុកស៊ីតកម្ម និង ការពារពីការរលាកផ្សេងៗ ពិសេសការពារ ពីជំងឺភ្នែកស្ងួត ជំងឺភ្នែកក្រហម និង អាការៈចុករួយភ្នែកបានផងដែរ។ យើងអាចស្វែរកសារធាតុនេះមាននៅក្នុង ស៊ុត សាច់ត្រីសាម៉ុន ខ្លាញ់ត្រី ផ្លែប៊ឺ និង គ្រាប់ធញ្ញជាតិ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ