វ័យកាន់តែច្រើន បញ្ហាចៀសបំផុតមួយគឺខួរក្បាលឧស្សាហ៍ភ្លេចភ្លាំង។ ភ្លេចមុខភ្លេចក្រោយមិនលុះដូចជា មិនដឹងច្រឡំដៃទុកសោរនៅឯណារកមិនឃើញជាដើម ដោយសារតែខួរក្បាលយើងចុះខ្សោយ។ យើងគួរធ្វើបែបម៉េចដើម្បីបង្កើនការចងចាំឡើងវិញ?
ប្រាកដហើយថា អ្នកចង់ចាកចេញ?
វ័យកាន់តែច្រើន បញ្ហាចៀសបំផុតមួយគឺខួរក្បាលឧស្សាហ៍ភ្លេចភ្លាំង។ ភ្លេចមុខភ្លេចក្រោយមិនលុះដូចជា មិនដឹងច្រឡំដៃទុកសោរនៅឯណារកមិនឃើញជាដើម ដោយសារតែខួរក្បាលយើងចុះខ្សោយ។ យើងគួរធ្វើបែបម៉េចដើម្បីបង្កើនការចងចាំឡើងវិញ?
របៀបរស់នៅប្រចាំថ្ងៃ និងរបបអាហារមានឥទ្ធិពលយ៉ាងខ្លាំងទៅលើសុខភាពខួរក្បាលរបស់យើង ដូច្នេះយើងត្រូវ៖
យើងគួរចៀសវាងអាហារ ឬភេសជ្ជៈដែលមានជាតិស្ករខ្ពស់ដូចជា ទឹកក្រូចកំប៉ុង នំ បង្អែម។ល។ និងអាហារកែច្នៃដូចជា សាច់ក្រក សាច់កំប៉ុង ប្រហិត ព្រោះអាហារទាំងនេះអាចធ្វើឱ្យខួរក្បាលយើងរលាកដែលប៉ះពាក់ដល់មុខងារខួរក្បាល និងការចងចាំរបស់យើង។
យើងគួរញុំាខ្លាញ់ល្អ (អូមេហ្កា ៣) ដែលមានក្នុងអាហារដូចជា ប្រេងដូង ប្រេងអូលីវ គ្រាប់ផ្លែឈើ គ្រាប់ធញ្ញជាតិ ស៊ុត ផ្លែប័រ ត្រីសាល់ម៉ុន ត្រីធូណាជាដើម ព្រោះអាស៊ីដខ្លាញ់អូមេហ្កា ៣ អាចជួយឱ្យជាលិកាខួរក្បាលដុះលូតលាស់ ជំរុញចលនាឈាមរត់ និងកាត់បន្ថយការរលាកក្នុងខួរក្បាល ។
យើងត្រូវពិនិត្យសុខភាពក្រពេញទីរ៉ូអ៊ីត ព្រោះក្រពេញទីរ៉ូអ៊ីតគ្រប់គ្រងដំណើរការមេតាបូលីស (ដំណើរការបំប្លែងអាហារទៅជាថាមពល)។
ប្រសិនបើការបំប្លែងអាហាររបស់យើងលឿនពេក យើងអាចច្របូកច្របល់ ហើយប្រសិនបើការបំប្លែងអាហារយឺតពេក យើងអាចអសកម្ម និងបាក់ទឹកចិត្ត។
ការមានបញ្ហាក្រពេញទីរ៉ូអ៊ីតអាចបណ្តាលឱ្យយើងមានបញ្ហាក្នុងការចងចាំដូចជា ភ្លេចភ្លាំង និងពិបាកក្នុងការផ្តោតអារម្មណ៍។
ការមានភាពតានតឹងយូរអង្វែងប៉ះពាល់ដល់រាងកាយ និងមុខងារខួរក្បាលរបស់យើង។ យើងអាចកាត់បន្ថយស្រ្តេសតាមរយៈការដកដង្ហើមវែងៗ តាំងសមាធិ ហាត់យូហ្កា ស្តាប់តន្រ្តី ឬសម្រាកលំហែជាដើម។
តាមការសិក្សាបានបង្ហាញថា ការគេងមិនគ្រប់គ្រាន់បង្កើនហានិភ័យចុះខ្សោយខួរក្បាល និងកើតជំងឺវង្វេង។ យើងគួរគេងឱ្យបានយ៉ាងហោចណាស់ ៨ ម៉ោងជារៀងរាល់យប់ដើម្បីជួយដល់ការចងចាំរបស់យើង។
តាមការសិក្សាបង្ហាញថា ការហាត់ប្រាណអាចការពារ និងពន្យឺតល្បឿននៃការចុះខ្សោយរបស់ខួរក្បាល ព្រោះការហាត់ប្រាណបង្កើនរំហូរឈាមទៅកាន់រាងកាយទាំងមូល និងខួរក្បាលដែលជួយដល់ការចង់ចាំរបស់យើង។ យើងគួរហាត់ប្រាណយ៉ាងតិចណាស់ ១៥០ នាទីក្នុងមួយសប្តាហ៍។
ចង់គណនា BMR ចុចទីនេះ!
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
ចង់គណនារង្វាស់ចង្វាក់បេះដូង ចុចទីនេះ!
ចង់គណនាមហារីកសួត ចុចទីនេះ!
ពេលយើងនឹកឃើញចង់ធ្វើអ្វី មានណាត់ ឬមានកម្មវីធីអ្វីនៅថ្ងៃណា យើងត្រូវកត់ទុកក្នុងកូនសៀវភៅ ឬថតសំឡេងទុកដាក់ក្នុងទូរស័ព្ទដៃ។ ប្រសិនបើភ្លេច យើងអាចបើកសៀវភៅមើល ឬចាក់សំឡេងស្តាប់បាន។
យើងត្រូវកំណត់កន្លែងដាក់របស់សំខាន់ៗ ឬរបស់ដែលត្រូវប្រើចាំបាច់ដូចជា សោ វ៉ែនតា កាបូបលុយជាដើម។ ពេលមកពីក្រៅវិញ ឬពេលប្រើហើយ យើងត្រូវទុកដាក់នៅកន្លែងដដែរវិញដើម្បីចៀសវាងរង្វេងដៃ។
ការរក្សាទំនាក់ទំនងក្នុងសង្គមអាចកាត់បន្ថយជំងឺបាក់ទឹកចិត្ត និងភាពតានតឹង ដែលជាហេតុធ្វើឱ្យការចងចាំយើងចុះខ្សោយ។ យើងអាចឧស្សាហ៍ជជែកលែងជាមួយអ្នកជិតខាង មិត្តភ័ក្ត ឬសាច់ញាតិ ក៏ដូចជាចូលរួមកម្មវិធីនានាឱ្យបានច្រើន មិនថាកម្មវិធីបុណ្យទាន ឬការទេដើម្បីបង្កើនទំនាក់ទំនងក្នុងសង្គម។
ការហ្វឹកហាត់ខួរក្បាលធ្វើឱ្យខួរក្បាលយើងមានសុខភាពល្អ និងជួយបង្កើនការចងចាំ។ យើងអាចហ្វឹកហាត់ខួរក្បាលតាមរយៈការធ្វើសកម្មភាពណាដែលត្រូវប្រើខួរក្បាលដូចជា លេងល្បែងផ្គុំរូប ឬផ្គុំពាក្យ លេងអុក លេងតន្រ្តី ជាដើម។
ការញុំាគ្រឿងស្រវឹងច្រើនធ្វើឱ្យពុលកោសិកាខួរក្បាល នាំឱ្យការចងចាំចុះខ្សោយ និងបង្កើនហានិភ័យកើតជំងឺវង្វេង។ ប្រសិនបើចៀសមិនបានទេ យើងគួរយូរៗញុំាម្តង ហើយក្នុងម្តងញុំាតែបន្តិចបានហើយ។
ជាតិនីកូទីន និងសារធាតុគីមីផ្សេងទៀតនៅក្នុងបារីបង្កើនហានិភ័យក្នុងការកើតជំងឺសរសៃឈាមដែលអាចបណ្តាលឱ្យដាច់សរសៃឈាមខួរក្បាល និងធ្វើឱ្យសរសៃឈាមដែលបញ្ជូនអុកស៊ីសែនទៅខួរក្បាលរួមតូច ដូច្នេះធ្វើឱ្យការចងចាំរបស់យើងចុះខ្សោយ។ ។
ចាស់ៗឧស្សាហ៍ភ្លេចមុខភ្លេចក្រោយតិចតួចគឺជារឿងធម្មតា ដូច្នេះយើងត្រូវញុំាអាហារដែលល្អចំពោះសុខភាពដូចជា បន្លែ ផ្លែឈើ ត្រី គ្រាប់ធញ្ញជាតិ គ្រាប់ផ្លែឈើ ទឹកដោះគោ និងទឹកឱ្យបានច្រើនដើម្បីបង្កើនការចងចាំឡើងវិញ។
អាន៖
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Age-Related Memory Loss
https://www.helpguide.org/articles/alzheimers-dementia-aging/age-related-memory-loss.htm
Memory Loss in Older Adults
https://www.drugs.com/cg/memory-loss-in-older-adults.html
8 Steps to Reverse Memory Loss
https://thewomensalzheimersmovement.org/8-steps-to-reverse-memory-loss/
9 Steps to Reverse Dementia and Memory Loss As You Age
https://www.huffpost.com/entry/9-steps-to-reverse-dement_b_625905
Memory loss: 7 tips to improve your memory
https://www.mayoclinic.org/healthy-lifestyle/healthy-aging/in-depth/memory-loss/art-20046518