បញ្ហាមាត់ធ្មេញផ្សេងទៀត

បញ្ហា​មាត់​​ធ្មេញផ្សេងទៀត​ - ក្នុង​ផ្នែក​នេះ ​បងប្អូន​អាច​ស្វែងយល់​ពី​ការថែទាំ​មាត់​​​​ធ្មេញ​ផ្សេង​ទៀត​ ​​ការការពារ​ និង​ការ​ព្យាបាល ប្រសិន​បើ​មាន​បញ្ហា

ចំណេះដឹងទូទៅ

បញ្ហាមាត់ធ្មេញផ្សេងទៀត

គួរដឹង! រោគសញ្ញាមាត់ធ្មេញ អាចបញ្ជាក់ពីបញ្ហាសុខភាពមួយចំនួន

គ្នា​យើង​ដឹង​អត់​ថា​ សុខភាព​មាត់​ធ្មេញ​ ក៏​អាច​បញ្ជាក់​ពី​បញ្ហា​សុខភាព​ធ្ងន់ធ្ងរ​មួយ​ចំនួន​ផង​ដែរ។ សូម្បី​តែ​ក្លិន​មាត់​ ពណ៌​អណ្ដាត និង​បញ្ហា​អញ្ចាញ​ធ្មេញ គឺ​សុទ្ធ​តែ​​អាច​ជា​សញ្ញា​ព្រមាន​​សំខាន់​ៗ​ ដែល​យើង​មិន​គួរ​ធ្វេសប្រហែស​ឡើយ។ ១. ឈាម​អញ្ចាញ​ធ្មេញ ​​បើ​អញ្ចាញ​មាន​ពណ៌​ស្លេកស្លាំង ឬ​ចេញ​ឈាម​ នៅ​ពេល​ដែល​យើង​ដុស​ធ្មេញ នោះ​អាច​ជា​សញ្ញា​នៃ​ជំងឺ​អញ្ចាញ​ធ្មេញ ដែល​អាច​នាំ​ឲ្យ​កើត​មាន​បញ្ហា​សុខភាព​ផ្សេង​​ទៀត​។ ជាក់​ស្ដែង ក្រុម​អ្នក​វិទ្យាសាស្ត្រ​​នៃ​សាកលវិទ្យាល័យ​Harvard ​បាន​រក​ឃើញ​ថា អ្នក​ជំងឺ​អញ្ចាញ​ធ្មេញ ងាយ​នឹង​ប្រឈម​នឹង​អាការៈ​គាំង​បេះដូង ឬ​គ្រោះថ្នាក់​សរសៃ​ឈាម​ខួរ​ក្បាល​ ច្រើន​ជាង​គ្នា​យើង​ធម្មតា​​ដល់​ទៅ​២ ទៅ​៣​ដង។ ករណី​នេះ បណ្ដាល​មក​ពី​ការ​រលាក​ដែល​អាច​​នាំ​ឲ្យ​សរសៃ​ឈាម​រឹង និង​បង្កើន​ហានិភ័យ​នៃ​ជំងឺ​បេះដូង​។ ម្យ៉ាង​វិញ​ទៀត​ អញ្ចាញ​ធ្មេញ​ហើម​ ឬ​ចេញ​ឈាម​ក៏​អាច​ជា​សញ្ញា​នៃ​កង្វះ​វីតាមីន​។ ដូច្នេះ​ហើយ​ យើង​គួរ​ញ៉ាំអាហារសម្បូរ​​វីតាមីន​ចម្រុះ និង​ខ្លាញ់​ត្រី​អូមេហ្គា-៣ ដើម្បី​ជួយ​ទ្រទ្រង់​​​បញ្ហា​កង្វះ​អាហារូបត្ថម្ភ​។ ចង់គណនា BMI ចុចទីនេះ! ចង់គណនា BMR ចុចទីនេះ! ចង់ពិនិត្យជំងឺសរសៃឈាមបេះដូង ចុចទីនេះ! ចង់គណនារង្វាស់ចង្វាក់បេះដូង ចុចទីនេះ! ២. អណ្ដាត​ពណ៌​ស ជា​ធម្មតា អណ្ដាត​​ឡើង​​ពណ៌​ស​មិន​បង្ក​ជា​បញ្ហា​ណា​មួយ​ឡើយ។ ប៉ុន្តែ ជួនកាល ស្ថានភាព​​នេះ​​ក៏​អាច​បង្ហាញ​ពី​ការ​ឆ្លង​មេរោគ​ ឬ​បញ្ហា​ធ្ងន់ធ្ងរ​ ដូចជា​ជំងឺ​មហារីក ឬ​បញ្ហា​ស្រាល​ ដូចជា​​ឡើង​ច្រាំង​អណ្ដាត។ [embed-health-tool-heart-rate] ៣. ដំបៅ​មាត់​ ទន្ទឹម​នឹង​នេះ​ដែរ ដំបៅ​មាត់​ច្រើន​តែ​មិន​បង្ក​ជា​បញ្ហា​អ្វី​ឡើយ​ ព្រម​ទាំង​អាច​ជា​សះស្បើយ​ក្នុង​រយៈពេល​ពីរ​បី​ថ្ងៃ ឬ​ពីរបី​សប្ដាហ៍ ដែល​អាស្រ័យ​លើ​មូលហេតុ​បង្ក​ជាក់ស្ដែង។ ​បញ្ហា​ស្រាល​មួយ​ចំនួន​ រួម​មាន​ខាំ​ខាង​ក្នុង​ថ្ពាល់​ ធ្មេញ​ដុះ​មិន​ត្រង់​ជួរ ថ្នាំ​ដុស​ធ្មេញ​ដែល​ផ្ទុក​ជាតិ​​សូដ្យូម​Lauryl sulphate […]

អត្ថបទផ្សេងទៀតពី បញ្ហាមាត់ធ្មេញផ្សេងទៀត

បញ្ហាមាត់ធ្មេញផ្សេងទៀត

​ឈឺ​អណ្ដាត​ក្រោយ​ញ៉ាំ​ផ្លែឈើ​​​ អាច​មកពីជ្រាំងមាត់ ឬដំបៅ

ជា​ទូទៅ អាការៈ​ឈឺ​អណ្ដាត​បន្ទាប់​ពី​ញ៉ាំ​ផ្លែឈើ​រួច​ ​អាច​បណ្ដាល​ពី​កត្តា​ជា​ច្រើន​ រួម​មាន​ជំងឺ​ដំបៅ​ក្នុង​មាត់​ ​ឬ​ខ្វះ​វីតាមីន ហើយផ្លែឈើ​មួយ​ចំនួន​​ ជា​ពិសេស​​ក្រូច​ឆ្មារ​ ​អាច​ធ្វើ​ឲ្យ​យើង​មាន​អារម្មណ៍​ឈឺ​ឆៀប​ៗ​ ឬ​ក្រហាយ​ក្នុង​មាត់ ឬអណ្ដាត​ដែរ​​។ អាលែកហ្ស៊ី​​ និង​ការ​ឈឺ​អណ្ដាត​ ​​​មូលហេតុ​ទូទៅ​នៃ​ការ​ឈឺ​អណ្ដាត​ គឺ​បង្ក​ឡើង​ដោយ​​ជំងឺ​អាលែកហ្ស៊ី​មាត់ឬ​​អាលែកហ្ស៊ី​​នឹង​ផ្លែឈើ​។​ ​​ជំងឺ​អាលែកហ្ស៊ី​មាត់​ជា​ធម្មតា​​គឺ​ប៉ះពាល់​ដល់​មាត់​ និង​បំពង់​ក ហើយ​វា​ក៏​អាច​បណ្ដាល​ឲ្យ​មាន​ប្រតិកម្ម​អាលែកហ្ស៊ី​ទូទៅ​ផង​ដែរ​ ដូចជា​ហើម​​អណ្ដាត​ និង​មាត់​ រមាស់​មាត់​ ហៀរ​ទឹក​ភ្នែក​  កណ្ដាស់​ ឈឺ​ពោះ​ និង​ក្អួត។ នៅ​ក្នុង​ករណី​ធ្ងន់ធ្ងរ​ វា​​អាច​ធ្វើ​ឲ្យ​យើង​ពិបាក​ក្នុង​ការ​ដក​ដង្ហើម​ ឬ​ពិបាក​លេប​​អាហារ​ ឬ​អាច​បង្ក​ឲ្យ​មាន​ប្រតិកម្ម​អាលែកហ្ស៊ីធ្ងន់ធ្ងរ  ​ដែល​ជា​ប្រតិកម្ម​គំរាមកំហែង​ដល់​អាយុ​ជីវិត​។ ជា​ទូទៅ​ ផ្លែឈើ​​មួយ​ចំនួន​ ដូចជា​​ផ្លែ​ប៉ោម​ ផ្លែ​ប៉េស ផ្លែ​សារី​ និង​ស្ត្រប៊ឺរី​ ​មាន​ផ្ទុក​​​អង់ស៊ីម​Bromelian ដែល​អាច​បណ្ដាល​ឲ្យ​យើង​​មាន​អារម្មណ៍​ក្រហាយ​នៅ​ក្នុង​មាត់។ ​ជំងឺ​ជ្រាំង​មាត់ ឬ​ដំបៅ​មាត់ ពិត​ណាស់​ អាការៈ​ឈឺ​អណ្ដាត​ក្រោយ​ញ៉ាំ​ផ្លែ​ចេក ប៉ោម ឬ​ផ្លែឈើ​ដទៃ​ទៀត​​អាច​មិន​មែន​បណ្ដាល​មក​ពី​ផ្លែឈើ​នោះ​ទេ​។​ ជំងឺ​ជ្រាំង​មាត់​​  ក៏​អាច​បង្ក​ជា​អាការៈ​ឈឺ​អណ្ដាត​ ​អញ្ចាញ​​ធ្មេញ​ ​ប្រេះ​នៅ​គែម​មាត់​ ឬ​អុជស​ៗ នៅ​​តាម​ក្រអូម​មាត់។​ ស្រដៀង​គ្នា​នេះ​ដែរ ដំបៅ​មាត់​​ក៏​អាច​បណ្ដាល​ឲ្យ​មាន​ការ​ឈឺ​ចាប់​​នៅ​ក្នុង​ក្រអូមមាត់​។​ ​ចំពោះ​អាហារ​ និង​ភេសជ្ជៈ​ដែល​មាន​ជាតិ​អាស៊ីដ​ រួម​ទាំង​ទឹក​ផ្លែឈើ​ និង​ផ្លែ​ក្រូច​អាច​ធ្វើ​ឲ្យ​អាការៈ​កាន់​តែ​ធ្ងន់ធ្ងរ​លើស​ដើម​ ព្រម​ទាំង​ពន្យឺត​ការ​ជា​សះ​ស្បើយ​ផង​ដែរ​។ ប្រសិនបើ​គ្នា​យើង​មាន​ដំបៅ​ក្នុង​មាត់​ និង​ប្រឈម​អាការៈ​ឈឺ​អណ្ដាត​បន្ទាប់​ពី​ញ៉ាំ​ផ្លែ​ក្រូច​រួច​ ចូរ​ជៀសវាង​ញ៉ាំ​ផ្លែឈើ​មួយ​ប្រភេទ​នេះ​ រហូត​ដល់​អាការៈ​របស់​យើង​បាន​ជា​សះ​ស្បើយ​ជា​មុន​សិន​។​ ​ ​កង្វះ​សារធាតុ​ចិញ្ចឹម​ មូលហេតុ​ទូទៅ​មួយ​ទៀត​នៃ​ការ​ឈឺ​អណ្ដាត​ គឺ​មក​ពី​កង្វះ​វីតាមីន​B12​។​ […]

បញ្ហាមាត់ធ្មេញផ្សេងទៀត

មូលហេតុ​អ្វី​អណ្ដាត​​ឡើងពណ៌​​ស?​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ គួរបារម្ភអត់?

​មាន​មូលហេតុ​ផ្សេងៗ​ដែល​បណ្ដាល​ឲ្យ​អណ្ដាត​ពណ៌​ស​ ហើយ​វា​ក៏​ត្រូវការ​ការ​ព្យាបាល​ជាក់លាក់​ផង​ដែរ​។​ ខណៈ​ពេល​ដែល​អណ្ដាត​​ស​មិន​បង្ក​ជា​គ្រោះថ្នាក់​ក៏​ពិត​មែន​ ប៉ុន្តែ​នៅ​ក្នុង​ករណី​កម្រ​ខ្លះ​ វា​អាច​បង្ហាញ​ពី​បញ្ហា​សុខភាព​ធ្ងន់ធ្ងរ​។ មូលហេតុ​​នៃ​អណ្ដាតចេញ​​ពណ៌​​ស ​​​មូលហេតុ​ទូទៅ​នៃ​អណ្ដាត​ពណ៌​ស​ គឺ​មក​ពី​​មិន​មាន​អនាម័យ​មាត់​ល្អ។​ ​ដុំ​ពក​តូច​ៗ​នៅ​លើ​អណ្ដាត​ អាច​​ចាប់ផ្ដើម​ហើម​ ហើយ​ក្លាយ​ទៅ​ជា​ការ​​រលាក​នៅ​ក្នុង​មាត់​។ ​ ពពួក​​មេរោគ​ កម្ទេចកំទី​ សំណល់​​អាហារ​ និង​កោសិកា​ងាប់​អាច​នៅ​ជាប់​ចន្លោះ​ដុំ​ពក​តូច​ៗ​នេះ​ ដែល​បណ្ដាល​ឲ្យ​អណ្ដាត​ឡើង​ពណ៌​ស​​។ បញ្ហា​មាត់​ និង​អនាម័យ​អាច​​ធ្វើ​ឲ្យ​អណ្ដាត​ពណ៌​ស​​ រួម​មាន​៖ មាត់​ស្ងួត​បណ្ដាល​មកពី​ដក​ដង្ហើម​តាម​មាត់​ ឬ​គេង​ចំហ​មាត់​។ មិន​ដុស​ធ្មេញ​ ឬ​ប្រើ​អំបោះ​ទាក់​ធ្មេញ​ត្រឹមត្រូវ​ មិន​សម្អាត​អណ្ដាត កង្វះ​ជាតិ​ទឹក​ ការ​រលាក​ពី​គែម​មុត​ស្រួច​នៅ​ក្នុង​មាត់​ ដូចជា​ធ្មេញ ដង្កៀប​ពត់​ធ្មេញ​ ​ឬ​​ធ្មេញ​សិប្បនិម្មិត ផឹក​គ្រឿង​ស្រវឹង​ជា​ប្រចាំ​ ជក់​បារី​ ឬ​​ថ្នាំ​ជក់​ អនាម័យ​មាត់​ជា​រឿង​ចាំបាច់​សម្រាប់​មនុស្ស​គ្រប់គ្នា ប៉ុន្តែ​ក៏​មាន​លក្ខខណ្ឌ​វេជ្ជសាស្ត្រ​មួយ​ចំនួន​ ដែល​បណ្ដាល​ឲ្យ​​​អណ្ដាត​ពណ៌​ស​ ទោះ​បី​ជា​យើង​ប្រឹងប្រែង​ថែទាំ​មាត់​​យ៉ាង​ណា​ក៏​ដោយ​។​ លក្ខខ័ណ្ឌ​វេជ្ជសាស្ត្រ​ទាំង​នេះ​រួម​មាន​៖ ជំងឺ​Oral lichen planus ជា​ការ​រលាក​ដែល​ប៉ះពាល់​ដល់​មាត់​ និង​​បណ្ដាល​ឲ្យ​មាន​​បំណែក​ស​ៗ​លេច​ឡើង​នៅ​ក្នុង​មាត់​ និង​អណ្ដាត​។ បំណែក​ស​ៗ​នេះ​ អាច​កើត​​ឡើង​​រួម​ជាមួយ​នឹង​សញ្ញា​ដទៃ​ទៀត​ រួម​មាន​​ដំបៅ​ ឬ​ឈឺ​ថ្ពាល់​ និង​អញ្ចាញ​ធ្មេញ​។ ជំងឺLeukoplakia ​ជា​ជំងឺ​ដែល​កើត​ឡើង​បណ្ដាល​មក​ពី​សារធាតុ​បង្ក​ការ​រលាក​ ដូចជា​ថ្នាំ​ជក់​ និង​អាល់កុល​ ប៉ុន្តែ​វា​ក៏​អាច​បណ្ដាល​មក​ពី​ស្ថានភាព​រលាក​ និង​ធ្មេញ​​សិប្បនិម្មិត​ផង​ដែរ​។ ជំងឺ​ជ្រាំង​អណ្ដាត ជា​ការ​ឆ្លង​មេរោគ​ផ្សិត​ ដែល​បង្ក​ឡើង​ដោយពពួកផ្សិត​ Candida។ ជំងឺ​នេះ​អាច​បណ្ដាល​ឲ្យ​មាន​ការ​ឈឺ​ចាប់​ ជា​ពិសេស​នៅ​ពេល​ដែល​យើង​ញ៉ាំ​អាហារ​ ឬ​ផឹក​ភេសជ្ជៈ​។​ ចំណែក​ឯ​អ្នក​ដែល​មាន​ប្រព័ន្ធ​​ភាព​ស៊ាំ​ខ្សោយ​ ក៏​អាច​វិវត្ត​ទៅ​ជា​ជ្រាំង​អណ្ដាត​ដូច​គ្នា។​ ​ទន្ទឹម​នឹង​នេះ​ អ្នក​ដែល​ប្រើប្រាស់​ថ្នាំ​ផ្សះ​ ​ឬ​មិន​មាន​អនាម័យ​​មាត់​ល្អ​ ឬ​ប្រើប្រាស់​ធ្មេញ​សិប្បនិម្មិត​ដែល​មិន​ស័ក្ដិសម ក៏​មាន​ហានិភ័យ​ក្នុង​ការ​កើត​មាន​អណ្ដាត​ស​នេះ​ដែរ​។

បញ្ហាមាត់ធ្មេញផ្សេងទៀត

មូលហេតុ​ទាំង​នេះ​ បណ្ដាល​ឲ្យ​សឹក​កាចា​ធ្មេញ​​​​​​​​​​​​​​​​​​​​​​​​​​​​​​​

ស្រទាប់​ខាង​ក្រៅ​នៃ​ធ្មេញ​របស់​យើង​មាន​ផ្ទុក​កាចា​ធ្មេញ ជា​សារធាតុ​ដែល​ការពារ​ធ្មេញ​ប្រឆាំង​នឹង​ការ​បំផ្លាញ​​ផ្នែក​រូបសាស្ត្រ​ និង​គីមី​។ កាចា​ធ្មេញ​គឺ​ជា​រនាំង​ការពារ​ធ្មេញ​ដំបូង​បង្អស់​ប្រឆាំង​នឹង​​សារធាតុ​គីមី​ផ្សេង​ៗ​​​​ពី​អាហារ​ និង​វត្ថុ​រាវ​នៃ​រាងកាយ​។​ ជា​លទ្ធផល​ វា​អាច​ងាយ​នឹង​សឹក​រេចរឹល និង​អាច​បណ្ដាល​ឲ្យ​​ធ្មេញ​ប្រឡាក់​ពណ៌​ ព្រម​ទាំង​ធ្វើ​ឲ្យ​យើង​​​មាន​អាការៈ​ស្រៀវ​ធ្មេញ​។ ទោះ​បី​ជា​កាចា​ធ្មេញ​មិន​អាច​ដុះ​ឡើង​វិញ​ក៏​ពិត​មែន​ ប៉ុន្តែ យើង​អាច​ការពារ​​កុំ​ឲ្យ​កាចា​ធ្មេញ​កាន់​តែ​សឹក​បន្ថែម​ទៀត​ ដោយ​ការ​ថែទាំ​​ និង​ព្យាបាល​ធ្មេញ​បាន​ត្រឹមត្រូវ​​។ រោគ​សញ្ញា​​នៃ​ការ​សឹក​កាចា​ធ្មេញ​ ​រោគ​សញ្ញា​សឹក​កាចា​ធ្មេញ​​​មាន​​ភាព​ខុស​ៗ​គ្នា​ ប៉ុន្តែ​លក្ខណៈ​ទូទៅ​មួយ​ចំនួន​​ដូចជា​៖ បង្កើន​ភាពស្រៀវ​ទៅ​នឹងសីតុណ្ហភាព និង​​រសជាតិ​ ប្រែប្រួល​ពណ៌​ធ្មេញ ​​​ក្រហូង​​ធ្មេញ​ យើង​អាច​មាន​បញ្ហា​សឹក​កាចា​ធ្មេញ​ ប្រសិនបើ​យើង​មាន​អារម្មណ៍​ឈឺ​ចាប់​ ស្រៀវ​ធ្មេញ​ខ្លាំង​នៅ​ពេល​ប៉ះពាល់​នឹង​ភេសជ្ជៈ​ត្រជាក់​ ក្ដៅ​ អាស៊ីដ​ និង​អាហារ​ហឹរ​។​ នៅ​ក្នុង​រយៈពេល​វែង​ ការ​សឹក​កាចា​ធ្មេញ​អាច​បណ្ដាល​ទៅ​ជា​​បញ្ហា​​ធ្មេញ​ផ្សេង​ៗ​ដូចជា៖ ​​​ធ្មេញ​​ប្រែ​ទៅ​ជា​​ពណ៌​លឿង ​ស្រៀវ​ធ្មេញ​ខ្លាំង​ គែម​ធ្មេញ​​មាន​សភាព​គ្រើម ​ចំណុច​ភ្លឺ​ៗ​នៅ​លើ​ធ្មេញ​ ​ការ​ពុក​ធ្មេញ​កើន​ឡើង​ សឹក​កាចា​ធ្មេញ​សន្សឹម​ៗ បណ្ដាល​ឲ្យ​ធ្មេញ​​មាន​សភាព​ថ្លា​ ប្រេះ​ធ្មេញ​ មូលហេតុ​​នៃ​​ការ​សឹក​កាចា​ធ្មេញ​ ​​មូលហេតុ​ចម្បង​មួយ​នៃ​ការ​សឹក​កាចា​ធ្មេញ​ គឺ​ជា​អាស៊ីដ​នៅ​ក្នុង​អាហារ​ និង​ភេសជ្ជៈ​ដែល​យើង​ញ៉ាំ។​ ​ទឹក​មាត់​ធ្វើការ​បន្សាប​ជាតិ​អាស៊ីដ​ក្នុង​មាត់​ ដើម្បី​ការពារ​ធ្មេញ​របស់​យើង​។​ ប៉ុន្តែ​ ប្រសិនបើ​យើង​ញ៉ាំ​អាហារ និង​ភេសជ្ជៈ​ដែល​មាន​ជាតិ​អាស៊ីដ​ច្រើន​ និង​មិន​បាន​ដុស​ធ្មេញ​ត្រឹមត្រូវ​ទេ​នោះ ស្រទាប់​ខាង​ក្រៅ​នៃ​​កាចា​ធ្មេញ​នឹង​ចុះ​ខ្សោយ​​ជា​មិន​ខាន។ ពពួក​អាហារ​ និង​ភេសជ្ជៈ​ទាំង​នេះ​ មាន​ដូចជា​៖ អាហារ​ដែល​មាន​ជាតិ​ស្ករ​ អាហារ​ដែល​មាន​ជាតិ​អាស៊ីដ ទឹក​ផ្លែឈើ​ ភេសជ្ជៈ​ដែល​មាន​ជាតិ​ស្ករ​​ ញ៉ាំ​វីតាមីន​C​ច្រើន​ជ្រុល ​សង្កៀត​ធ្មេញ​ ចាល់​​អាស៊ីដ​រ៉ាំរ៉ៃ ​ លំហូរ​ទឹក​មាត់​តិច​ ដែល​បណ្ដាល​មក​ពី​ជំងឺ​ទឹក​នោម​ផ្អែម​ ប្រើប្រាស់​ប្រភេទ​ថ្នាំ​ជាក់លាក់​មួយ​ចំនួន​ ​​តិចនិក​មួយ​ចំនួន​​ការពារ​ការ​សឹក​​កាចា​ធ្មេញ​ […]

បញ្ហាមាត់ធ្មេញផ្សេងទៀត

ថ្គាមទាល់ដុះពេលណា? លក្ខខណ្ឌណាខ្លះតម្រូវឲ្យដកចេញ?

ថ្គាម​​ទាល់​​ជា​​ធ្មេញ​​ដុះ​​ក្រោយ​គេ ហើយ​ពេលដុះ​ធ្មេញ​នេះ​មក​បង្ក​ការ​ឈឺចាប់ ខ្លះ​ទ្រាំ​មិន​បាន​រត់​ទៅ​រក​ពេទ្យ​ធ្មេញជួយ​ក៏​មាន។ ជា​ទូទៅ​ថ្គាមទាល់​ដុះ​នៅ​អាយុ​ប៉ុន្មាន? ហេតុអីពេល​ថ្គាម​ទាល់​ដុះ​ពន្លក​បង្ក​ការ​ឈឺ​ចាប់?​ បើតាម​ទន្តបណ្ឌិត ស្រេង ភារម្យ ថ្គាម​ទាល់អាច​ដុះ​នៅ​ចន្លោះ​អាយុ ១៧-២៥ឆ្នាំ តែ​មិន​មាន​ន័យ​ថា មនុស្ស​ម្នាក់ៗ​ដុះ​ថ្គាម​ទាល់​គ្រប់​គ្នា​នោះ​ទេ អាស្រ័យ​ទៅ​លើ​លក្ខណៈ​ធម្មជាតិ​របស់​មនុស្ស​ម្នាក់ៗ ដូច​ជា​ចំនួន​ធ្មេញ ទំហំ​ឆ្អឹង​ថ្គាម​ជា​ដើម។ ហេតុ​អី​ដុះ​ថ្គាម​ទាល់​ម្តងៗ​បង្ក​ការ​ឈឺ​ចាប់? ទន្តបណ្ឌិតបម្រើ​ការងារ​នៅ​មន្ទីរពេទ្យ​ធ្មេញ​កម្ពុជា​រូបនេះ​ពន្យល់ថា ថ្គាម​ទាល់​ដុះ​ក្រោយ​គេ​បំផុត ដែល​មិន​មាន​កន្លែង​គ្រប់​គ្រាន់​សម្រាប់​ថ្គាម​ទាល់​ដុះ​នោះទេ ដោយហេតុថា រង្វង់នៃឆ្អឹងថ្គាម មាន​ធ្មេញ​ដទៃ​ទៀត​បាន​ដុះ​ពេញ​រួច​ទៅ​ហើយ។ ត្រង់​ចំណុច​នេះ​មាន​ន័យថា ថ្គាម​ទាល់​ត្រូវ​ដុះ​បញ្ច្រៀត​ជាមួយ​ថ្គាម ដែល​ជា​ហេតុ​ធ្វើ​ឲ្យ​ដាច់​រលាត់​ជាលិកា​អញ្ចាញ​នៅ​ឆ្អឹង​ថ្គាម ទៅ​ជា​រលាក បង្ក​ការ​ឈឺចាប់ ឬ​ក៏​ដុះ​ចេញ​មក​មិន​ល្អ ធ្វើ​ឲ្យ​មាន​រណ្តៅ​អញ្ចាញ ទៅ​ជា​ដក់​ចំណី​អាហារ ហើយ​ហើម។ បើ​តាម​ទន្តបណ្ឌិត ថ្គាម​ទាល់​បើ​មិន​មាន​បញ្ហា មិន​តម្រូវ​ឲ្យ​ដក​ចេញ​នោះ​ទេ។ ចំពោះ​លក្ខខណ្ឌ​ដែល​គ្រូពេទ្យ​តម្រូវឲ្យ​ដក​ថ្គាម​ទាល់​ចេញ លុះណាតែ៖ ទី១៖ ថ្គាម​ទាល់​ដុះ​មិន​ត្រឹម​ត្រូវ ដុះ​មិន​ត្រង់​ជួរ​ល្អ ដុះ​បុក​ទៅ​ថ្គាម​ធំ​ទី២ ហើយ​ពិបាក​សម្អាត​យក​ចំណី​អាហារ​ចេញ ទី២៖ មាន​ការ​ណែ​នាំ​ឲ្យ​យក​ចេញ​ពី​គ្រូពេទ្យ​ពត់​ធ្មេញ ឬ​ដាក់​ធ្មេញ ទី៣៖ មាន​ការ​បង្ក​រោគ ឬ​ក៏​ពុក។

បញ្ហាមាត់ធ្មេញផ្សេងទៀត

ការព្យាបាលជំងឺមហារីក ក៏បង្កផលប៉ះពាល់ដល់សុខភាពមាត់ធ្មេញអ្នកជំងឺដែរ

ជំងឺ​មហារីក​ជា​ជំងឺ​កាច​សាហាវ​មួយ​ដែល​កើត​ហើយ ពិបាក​ព្យាបាល។ ​ក្នុង​ការ​ព្យាបាល​ជំងឺ​មហារីក​មាន​ទាំង​ការ​វះកាត់ ការ​ប្រើ​កាំ​រស្មី​ឡាស៊ែរ និង​ការ​ប្រើ​ថ្នាំ​គីមី​ផ្សេង​ៗ​ជាដើម។ ទោះ​ជាង​យ៉ាង​ណា វិធី​នៃ​ការ​ព្យាបាល​ជំងឺ​មហារីក​នេះ​មួយ​ចំនួន​ផ្ដល់​ជា​បញ្ហា​ដល់​មាត់​ធ្មេញ​របស់​អ្នក​ជំងឺ​។ ការ​ព្យាបាល​ជំងឺ​មហារីក​ដោយ​ប្រើ​ថ្នាំ​គីមី និង​បាញ់​កាំរស្មី​តំបន់​ក និង​ក្បាល ធ្វើ​ឲ្យ​មាន​បម្រែបម្រួល​ក្នុង​មាត់​ជា​ច្រើន​ដែល​អាច​ឈាន​ទៅ​រក​ការ​ឆ្លង​មេរោគ​ចូល​ក្នុង​ឈាម។ ឧ. ការ​ដក​ធ្មេញ ក្រោយ​ពេល​ការ​ព្យាបាល​ដោយ​កាំ​រស្មី​តំបន់​ក និង​ក្បាល គឺ​កន្លែង​ដក​នោះ​នឹង​មាន​ការ​រលាក​ឆ្អឹង​ថ្គាម ឈឺ​រ៉ាំរ៉ៃ។ នេះ​បើ​យោង​តាម​ការ​ផ្សព្វផ្សាយ​ពី​មន្ទីរពេទ្យ កាល់ម៉ែត។ ផល​ប៉ះពាល់​ដោយ​ការ​ព្យាបាល​កាំ​រស្មី​តំបន់​ក និង​ក្បាល - ហា​មាត់​តូច - រលាក​ក្នុង​មាត់ - លេច​ចេញ​នៃ​ឆ្អឹង​ថ្គាម - ស្ងួត​មាត់​ប៉ះពាល់​ទៅ​លើ​រចនា​សម្ព័ន្ធ​ធ្មេញ - កើត​ជំងឺ​អញ្ចាញ​ធ្មេញ និង​ឡើង​ពង​បែក​ផ្សេងៗ - ភាព​ងាយ​បង្ក​រោគ - បាត់​បង់​រសជាតិ​រយៈ​ពេល​ខ្លី​ណាមួយ - រលាក​ឆ្អឹង​រ៉ាំរ៉ៃ​ពេល​ដក​ធ្មេញ ក្រោយ​ព្យាបាល​កាំរស្មី ផល​ប៉ះពាល់​ដោយ​ប្រើ​ថ្នាំ​គីមី - ងាយ​រលាក​ក្នុង​មាត់ - ងាយ​មាន​បញ្ហា​បង្ក​រោគ - ឈឺ​ចាប់​ក្នុង​មាត់ - ពិបាក​លេប និង​ញ៉ាំ​អាហារ - រលាក​អញ្ចាញ និង​ហូរ​ឈាម​អញ្ចាញ - ប៉ះពាល់​ទៅ​លើ​ឆ្អឹង​ថ្គាម​ពេល​ប្រើ​ថ្នាំ។ល។

បញ្ហាមាត់ធ្មេញផ្សេងទៀត

នៅ​សុខៗ​ម៉េច​បាន​ជា​អណ្ដាត​ឡើង​ខ្មៅ​ដូច​មាន​ដុះ​រោម?

បញ្ហា​អណ្ដាត​ឡើង​ខ្មៅ​ដូច​មាន​ដុះ​រោម​ ​គឺ​អាច​កើត​មាន​​ជា​បណ្ដោះ​អាសន្ន​ មិន​បង្ក​គ្រោះ​ថ្នាក់ តែ​ធ្វើ​ឲ្យ​អណ្ដាត​យើង​មើល​ទៅ​ឃើញ​ខ្មៅ និង​ដូច​មាន​រោម​ដុះ​រោម​លើ​ហ្នឹង​អ៊ីចឹង​ដែរ​។ ការ​មើល​ឃើញ​អណ្ដាត​ប្រែជា​ខ្មៅ​បែប​នេះ​អាច​មកពី​ការ​កកើត​នៃ​កោសិកា​ងាប់​មាន​ច្រើន​ទុំ​ជាប់​នៅ​លើ​ដុំ​ពក​តូចៗ​នៅ​លើ​អណ្ដាត​។ ដុំ​ពក​តូចៗ​នេះ​អាច​មាន​ប្រវែង​វែង​ជាង​ធម្មតា ដែល​អាច​នាំ​ឲ្យ​ងាយ​តោង​ជាប់​បាក់តេរី ផ្សិត ថ្នាំជក់ កម្ទេច​​អាហារ និង​សារធាតុ​ផ្សេងៗ​ទៀត​។ ទោះបីជា​បញ្ហា​អណ្ដាត​ឡើង​ខ្មៅ​ដូច​មាន​ដុះ​រោម​នេះ​មើល​ទៅ​គួរ​ឲ្យ​បារម្ភ តែ​ថា​វា​មិន​បង្ក​ជា​បញ្ហា​លើ​សុខភាព​មាត់​ធ្មេញ​នោះ​ទេ​ ហើយ​ក៏​មិន​មានការ​ឈឺចាប់​អ្វី​ដែរ​។ បញ្ហា​នេះ​អាច​បាត់​ទៅ​វិញ ក្រោយ​យើង​កម្ចាត់​មូល​ហេតុ​បង្ក ឬ​ធ្វើ​អនាម័យ​មាត់​ធ្មេញ​។ ១. រោគ​សញ្ញា សញ្ញា និង​រោគ​សញ្ញា​នៃ​បញ្ហា​អណ្ដាត​ខ្មៅ​នេះ​មាន​ដូច​ជា៖ ឡើង​ពណ៌​ខ្មៅ​លើ​អណ្ដាត​ ពេល​ខ្លះ​អាច​ជា​ពណ៌​ត្នោត បៃតង ឬ​លឿង ក៏​មាន​ អណ្ដាត​មើល​ទៅ​ដូច​ជា​មាន​ដុះ​រោម មាត់​ប្តូរ​រសជាតិ  ក្លិន​មាត់​មិន​ល្អ មាន​អារម្មណ៍​ថា​​អណ្ដាត​គ្រើម ២. ពេលណា​ត្រូវ​ទៅ​ជួប​ពេទ្យ? ទោះ​បី​ជា​មើល​ទៅ​អណ្ដាត​មិន​ស្អាត តែ​បញ្ហា​អណ្ដាត​ខ្មៅ​ដូច​ដុះ​រោម​នេះ​កើត​មាន​តែ​មួយ​រយៈ​ប៉ុណ្ណោះ​នឹង​បាត់​ទៅ​វិញ និង​មិន​មាន​គ្រោះ​ថ្នាក់​នោះ​ទេ​។ គ្នា​យើង​អាច​ទៅ​ជួប​ពេទ្យ​បើ​៖ មាន​ក្ដី​បារម្ភ​ចំពោះ​រូប​រាង​របស់​អណ្ដាត​ អណ្ដាត​ខ្មៅ​មិន​បាត់​ទៅ​វិញ​ក្រោ​យ​ព្យាយាម​សម្អាត​អណ្ដាត​​មួយ​ថ្ងៃ​ពី​រ​ដង អស់​ពេល​ជា​ច្រើន​ថ្ងៃ​។​​​ ៣. មូល​ហេតុ​ បញ្ហា​អណ្ដាត​ឡើង​ខ្មៅ​ដូច​ដុះ​រោម​នេះ ជា​ធម្មតា​កើត​មាន​ឡើង​ដោយ​សារ​តែ​ដុំ​ពក​តូចៗ​នៅ​លើ​អណ្ដាត​លូត​លាស់​វែង​ជា​ធម្មតា មិន​អាច​ជម្រុះ​កោសិកា​ងាប់​បាន​ដូច​ធម្មតា​។ ការណ៍​នេះ​ធ្វើ​ឲ្យ​អណ្ដាត​មើល​ទៅ​ដូច​ជា​មាន​ដុះ​រោម​អ៊ីចឹង​ដែរ​។ កាក​សំណល់​អាហារ បាក់តេរី និង​សារធាតុ​ផ្សេង​ៗ​ទៀត​ អាច​តោង​ជាប់​នៅ​នឹង​ដុំ​ពក​តូច​ៗ​លើ​អណ្ដាត​នោះ​ដែរ ជា​ហេតុ​នាំ ឲ្យ​អណ្ដាត​ប្រែ​ពណ៌​បាន​។​ កត្តា​នាំ​ឲ្យ​កើត​បញ្ហា​នេះ​អាច​ដោយ​សារ៖ ​ខ្វះ​អនាម័យ​មាត់​ធ្មេញ ការ​ប្រែ​ប្រួល​ពពួក​បាក់តេរី ឬ​ផ្សិត​នៅ​ក្នុង​មាត់​បន្ទាប់​ពី​ប្រើ​ថ្នាំ​ផ្សះ​ មាត់​ស្ងួត ប្រើ​ប្រាស់​ថ្នាំជក់ និង​​ ផឹក​គ្រឿង​ស្រវឹង​ច្រើន​ជ្រុល ​ជា​ដើម​។

បញ្ហាមាត់ធ្មេញផ្សេងទៀត

ធ្មេញអាប់សែ ជាអ្វី? ត្រូវធ្វើម៉េចទើបជាសះស្បើយ?​

ធ្មេញ​អាប់សែ ប្រហែលជា​គ្នា​យើង​ធ្លាប់​បាន​ឮ​ពីរឿងនេះ​ខ្លះដែរ​ហើយ។ បញ្ហា​ធ្មេញ​នេះ អាច​ចែកចេញជា​ប្រភេទ​ផ្សេងៗ​គ្នា និង​មាន​វិធីព្យាបាល​ក៏​មិន​ដូច​គ្នា​ដែរ​។ ខាង​ក្រោម​នេះជា​អ្វី​គ្នា​យើង គួរ​ដឹង​ទាក់ទង​នឹង​ធ្មេញ​អាប់សែ។​ ១-ធ្មេញ​អាប់សែ​គឺ​ជា​អ្វី? ប្រភេទ​នៃ​ធ្មេញ​អាប់សែ​ចែក​ចេញ​ជា​៣​ប្រភេទ​ដូចជា៖ អាប់សែ​អញ្ចាញ​ គឺ​ជា​ការ​ឡើង​ខ្ទុះ​នៅ​ក្នុង​សាច់​អញ្ចាញ​ធ្មេញ​តែ​ប៉ុណ្ណោះ​ដែល​មិន​ប៉ះ​ពាល់​ដល់​ធ្មេញ អាប់សែ​ជុំវិញ​ក្បាល​ធ្មេញ​ គឺ​ជា​ការ​ឡើង​ខ្ទុះ​នៅ​លើ​ជាលិកា​ឆ្អឹង​សម្រាប់​ទ្រទ្រង់​ធ្មេញ អាប់សែ​ជុំវិញ​ចុង​ឫស​ គឺ​ជា​ការ​ឡើង​ខ្ទុះ​ចេញ​ពី​សរសៃ​បណ្ដូល​ធ្មេញ សម្រាប់​ការ​ឡើង​ខ្ទុះ​ធ្មេញ​អាប់សែ​នេះ ​គឺ​ចាំបាច់​ត្រូវ​ធ្វើ​ការ​ព្យាបាល​បើ​ពុំ​ដូច្នោះ​ទេ​វា​អាច​បណ្ដាល​ឲ្យ​បាត់បង់​ជាលិកា​ឆ្អឹង​ជុំវិញ​ធ្មេញ​ក្នុង​ការ​ទ្រទ្រង់។ ២-តើ​រោគ​សញ្ញា​នៃ​ធ្មេញ​អាប់សែ​មាន​អ្វី​ខ្លះ? ឈឺ​ចាប់​ពេល​ខាំ​ចំណី​អាហារ ឈឺ​ចាប់​ពេល​ប៉ះពាល់ មាន​ការ​ស្រៀវ​ជាមួយ​ទឹក​ក្ដៅ ​ឬ​ត្រជាក់ មាន​រសជាតិ​ល្វីង​ជាប់​មាត់ គ្រុន​ក្ដៅ អស់​កម្លាំង​ល្ហិតល្ហៃ ពិបាក​ហា​មាត់ ពិបាក​លេប​ចំណី​អាហារ គេង​មិន​លក់ សម្រាប់​រោគ​សញ្ញា​ចម្បង​ គឺ​ការ​ឈឺ​ចាប់​ដែល​មាន​លក្ខណៈ​ឈឺ​ចាក់ៗ​និង​ខ្លាំង​ក្លា​ជា​ញឹកញាប់។ ជា​ធម្មតា​ការ​ឈឺ​ចាប់​ស្រាប់​តែ​កើត​ឡើង​ភ្លាមៗ​ និង​ចាប់​ផ្ដើម​ខ្លាំង​ក្លា​នៅ​ម៉ោង​បន្ទាប់​ឬ​ថ្ងៃ​បន្ទាប់​ហើយ​ក្នុង​ករណី​មួយ​ចំនួន​ទៀត​ការ​ឈឺ​ចាប់​អាច​រាលដាល​ដល់​ត្រចៀក​ឆ្អឹង​ថ្គាម​ និង​ក។ ៣-តើ​គួរ​ទៅ​ជួប​គ្រូពេទ្យ​នៅ​ពេល​ណា? ដោយសារ​តែ​រាងកាយ​របស់​មនុស្ស​ម្នាក់ៗ​មាន​ភាព​ខុស​គ្នា​ហេតុ​នេះ​អ្នក​គួរ​តែ​ពិគ្រោះ​យោបល់​ជាមួយ​គ្រូពេទ្យ​អ្នក​ជាមុន​សិន​ដើម្បី​ទទួល​បាន​ការ​ព្យាបាល​ដែល​សក្ដិសម​សម្រាប់​អ្នក។ ៤-តើ​ធ្មេញ​អាប់សែ​បង្ក​ឡើង​ដោយសារ​អ្វី? ធ្មេញ​អាប់សែ​ក្នុង​ករណី​ភាគ​ច្រើន​គឺ​ជា​ផល​វិបាក​នៃ​ការ​បង្ក​រោគ​នៅ​លើ​ធ្មេញ​ដោយ​សារ​តែ​បាក់តេរី​ដែល​មាន​ក្នុង​កំណក​កំបោរ​ធ្មេញ​ចូល​ទៅ​ក្នុង​ធ្មេញ។ អាប់សែ​ជុំវិញ​ចុង​ឫស ដំបូង​បាក់តេរី​ចូល​ទៅ​ក្នុង​ធ្មេញ​បង្ក​រោគ​តាម​រយៈ​រោគ​ពុក​ធ្មេញ​ដែល​មាន​នៅ​លើ​កាចា​ធ្មេញ​ហើយ​នៅ​ពេល​​ដែល​រោគ​ពុក​ធ្មេញ​រាលដាល​កាន់​តែ​ជ្រៅ​រហូត​ដល់​បណ្ដូល​ធ្មេញ​កណ្ដាល​ដែល​បង្ក​ធ្វើ​ឲ្យ​មាន​ការ​រលាក​សរសៃ​បណ្ដូល​ធ្មេញ។ នៅ​ពេល​ដែល​មាន​ការ​រលាក​កាន់​តែ​យូរ​ធ្វើ​ឲ្យ​បាក់តេរី​អាច​ឆ្លង​កាត់​តាម​រន្ធ​ឫស​ធ្មេញ​ទៅ​ដល់​ឆ្អឹង​ក្រាស​ធ្មេញ​ដែល​បង្ក​បាន​ជា​អាប់សែ​ជុំវិញ​ចុង​ឫស។ អាប់សែ​ជុំវិញ​ធ្មេញ នៅ​ពេល​មាន​វត្ត​មាន​បាក់តេរី​ក្នុង​កំណក​កំបោរ​ធ្មេញ​វា​បាន​បង្ក​រោគ​ដល់​អញ្ចាញ​ធ្មេញ​នាំ​ឲ្យ​មាន​ជំងឺ​រាក់​ស៊ី​ធ្មេញ​ដែល​មាន​រោគ​សញ្ញា​ដូចជា​អញ្ចាញ​ឡើង​ប៉ោង​រលាក​និង​ធ្វើ​ឲ្យ​បាត់បង់​ភាព​ទាក់​ជាប់​របស់​ជាលិកា​ជុំវិញ​ធ្មេញ។ ប្រហោង​អញ្ចាញ​ធ្មេញ​កើត​ឡើង​នៅ​ពេល​ដែល​ជាលិកា​ជុំវិញ​ធ្មេញ​លែង​ទាក់ជាប់​ហើយ​មាន​ការ​ពិបាក​ក្នុង​ការ​សម្អាត​ព្រោះ​ដោយសារ​តែ​ចំណី​អាហារ​ទាក់​ជាប់​ព្រម​ទាំង​មេរោគ។នៅ​ពេល​ដែល​មាន​បាក់តេរី​កកើត​កាន់​តែ​ច្រើន​នៅ​ក្នុង​ប្រហោង​អញ្ចាញ​ធ្មេញ​នោះ​ជំងឺ​អាប់សែ​ជុំវិញ​ធ្មេញ​ត្រូវ​បាន​កើត​ឡើង។ ៥- របៀប​នៃ​ការ​ព្យាបាល​ធ្មេញ​អាប់សែ សម្រាប់​ការ​ព្យាបាល​អាច​មាន​ទម្រង់​ការ​ច្រើន​និង​ជួនកាល​អាច​ឈាន​ដល់​ការ​វះកាត់​ជាមួយ​នឹង​គ្រូពេទ្យ​ធ្មេញ​ជំនាញ​(ទន្តពេទ្យ) ចោះ​បង្ហូរ​ខ្ទុះ ការ​ឡើង​ខ្ទុះ​អាប់សែ​ត្រូវ​ចោះ​បង្ហូរ​ខ្ទុះ​ដែល​មាន​ផ្ទុក​បាក់តេរី​ចេញ​ដោយ​ប្រើ​ថ្នាំ​ស្ពឹក។ ការ​ព្យាបាល​អាប់សែ​ជុំវិញ​ចុង​ឬស ត្រូវ​ធ្វើ​ការ​ព្យាបាល​ត្បាល់​យក​សរសៃ​ធ្មេញ​ចេញ​បន្ទាប់​មក​ត្រូវ​ប៉ះ​ធ្មេញ​វិញ​ឲ្យ​ស្អាត​ដូច​ដើម​ដើម្បី​បង្ការ​ការ​បង្ក​រោគ​លើក​ក្រោយ​ទៀត។ ​ចំណែក​ការ​ឡើង​ខ្ទុះ​ត្រូវ​ចោះ​បង្ហូរ​ចេញ​និង​ត្រូវ​ព្យាបាល​ជំងឺ​រាក់​ស៊ី​ធ្មេញ​ដោយ​សម្អាត​កំណក​កំបោរ​ធ្មេញ​និង​បាក់តេរី​ឲ្យ​បាន​ស្អាត​ទាំង​ក្បាល​ធ្មេញ​ និង​ចុង​ឫស​ធ្មេញ​ដើម្បី​ឲ្យ​ជា​សះ​និង​បង្ការ​មេរោគ។ ការ​វះកាត់​សម្រាប់​ធ្មេញ​អាប់សែ សម្រាប់​អ្នក​ជំងឺ​ដែល​មាន​អាប់សែ​ជុំវិញ​ចុង​ឬស​ដែល​មាន​ការ​បង្ក​រោគ​ជាថ្មី​ក្រោយ​ការ​ព្យាបាល​ គឺ​ប្រហែល​ជា​អាច​ត្រូវ​ធ្វើ​ការ​វះកាត់​ចុង​ឬស​ចេញ​ដោយ​គ្រូពេទ្យ​ជំនាញ​វះកាត់​មាត់​ធ្មេញ។ ចំណែក​ឯ​អ្នក​ជំងឺ​ដែល​មាន​អាប់សែ​ជុំវិញ​ធ្មេញ​កើត​ឡើង​ម្ដង​ទៀត​គឺ​អាច​ត្រូវ​វះ​បើក​អញ្ចាញ​ធ្មេញ​ដើម្បី​ធ្វើ​ការ​សម្អាត​កំណក​កំបោរ​ដែល​​ជាប់​ស្អិត​ដើម្បី​បំបាត់​ជំងឺ​រាក់​ស៊ី​ធ្មេញ។ ប្រសិន​បើ​មាន​អាប់សែ​ធ្មេញ​កើត​ឡើង​វិញ​ទៀត​ ទោះ​បី​ក្រោយ​ការ​វះកាត់​ក៏​ដោយ​ ជម្រើស​ចុង​ក្រោយ​គឺ​មាន​តែ​ដក​ធ្មេញ​ចេញ​តែ​ប៉ុណ្ណោះ។ បន្ធូរ​ការ​ឈឺ​ចាប់ ថ្នាំ​បំបាត់​ការ​ឈឺ​ចាប់​ក៏​អាច​កាត់​បន្ថយ​ការ​ឈឺ​ចាប់​អំឡុង​ពេល​រង់​ចាំ​ការ​ព្យាបាល​ដោយ​អាច​រក​ជាវ​បាន​តាម​ឱសថ​ស្ថាន​នានា។ ម៉្យាង​វិញ​ទៀត ​វា​ពិត​ជា​មាន​សារៈសំខាន់​ណាស់​ក្នុង​ការ​អាន​ព័ត៌មាន​ឲ្យ​បាន​ច្បាស់លាស់ និង​សាកសួរ​ឱសថការីមុន​ធ្វើ​ការ​ប្រើប្រាស់ ហើយ​អ្វី​ដែល​ត្រូវ​ចង​ចាំ​នោះ​គឺ​ថ្នាំ​បំបាត់​ការ​ឈឺ​ចាប់​គឺ​គ្រាន់​តែ​អាច​កាត់​បន្ថយ​ការ​ឈឺ​ចាប់​តែ​ប៉ុណ្ណោះ​វា​មិន​អាច​ព្យាបាល​ធ្មេញ​អាប់សែ​បាន​ទេ។ សម្រាប់​ថ្នាំ ​aspirin ibuprofen​ឬ ​tylenol (paracetamol)​ គឺ​មាន​ប្រសិទ្ធភាព​ក្នុង​ការ​បំបាត់​ការ​ឈឺ​ចាប់​ប៉ុន្តែ​ថ្នាំ​មួយ​ចំនួន​អាច​មិន​សក្តិសម​ជាមួយ​អ្នក​ជំងឺ​ដូចជា៖​ ថ្នាំ​ ​ibuprofen​ និង​អ្នក​ជំងឺ​ហឺត ថ្នាំ ​ibuprofen​ និង​អ្នក​ដំបៅ​ក្រពះ ថ្នាំ ​aspirin​ និង​កូន​ក្មេង៖ ហាម​ប្រើ​ចំពោះ​កូន​ក្មេង​ដែល​មាន​អាយុ​ក្រោម​១៦​ឆ្នាំ […]

បញ្ហាមាត់ធ្មេញផ្សេងទៀត

ឧស្សាហ៍ស្រៀវធ្មេញ អាចមកពី​បញ្ហាប៉ុន្មាននេះ!

ជឿ​ថា គ្នា​យើង​ខ្លះ​ធ្លាប់​​មាន​អារម្មណ៍​ថា​មិន​ស្រួល ឬ​ឈឺ​ធ្មេញ នៅ​ពេល​ដែល​ខាំ​ការ៉េម ឬ​ហុត​ស៊ុប​ក្ដៅ​ៗ​។ ស្រប​ពេល​ដែល​យើង​ឈឺ​ធ្មេញ​ពេល​ញ៉ាំ​អាហារ​ត្រជាក់​ពេក ឬ​ក្ដៅ​ពេក​អាច​ជា​សញ្ញា​ពុក​ធ្មេញ វា​ក៏​ជា​បញ្ហា​មួយ​សម្រាប់​មនុស្ស​មាន​បញ្ហា​ស្រៀវ​ធ្មេញ​ដែរ។ បើ​យើង​មាន​បញ្ហា​ស្រៀវ​ធ្មេញ សកម្មភាព​ដែល​យើង​ធ្វើ​ប្រចាំ​ខ្លះ​អាច​បង្ក​ការ​ឈឺ​ចាប់​មួយ​រយៈ​ខ្លី​ដូចជា ដុស​ធ្មេញ ញ៉ាំ​អាហារ ឬ​ផឹក​ទឹក។ល។ វា​អាច​ជា​បញ្ហា​បណ្ដោះ​អាសន្ន ឬ​ជា​បញ្ហា​រ៉ាំរ៉ៃ​ហើយ​វា​អាច​ប៉ះ​ពាល់​ដល់​ធ្មេញ​មួយ ឬ​ច្រើន ឬ​ធ្មេញ​ទាំង​អស់​ក្នុង​ពេល​តែ​មួយ។ នេះ​បើ​តាម​ការ​ឲ្យ​ដឹង​ពី​លោក​វេជ្ជបណ្ឌិត ចាន់ ស៊ីណេត ឯក​ទេស​ជំងឺ​ទូទៅ។ គ្នា​យើង​មួយ​ចំនួន​មាន​បញ្ហា​ស្រៀវ​ធ្មេញ​ជាង​មនុស្ស​ទូទៅ ដោយ​សារ​ស្រទាប់​ខាង​ក្រៅ​ដែល​ការពារ​ធ្មេញ​មាន​សភាព​ស្ដើង។ ចំណែក​សកម្មភាព​ដែល​យើង​ធ្វើ​ប្រចាំ​ថ្ងៃ អាច​ធ្វើ​ឲ្យ​ស្រទាប់​ធ្មេញ​ខាង​ក្រៅ​កាន់​តែ​ស្ដើង​ដូច​ជា៖ ដុស​ធ្មេញ​ខ្លាំង​ពេក ប្រើ​ច្រាស់​ដុស​ធ្មេញ​រឹងៗ មាន​ទម្លាប់​សង្កៀតធ្មេញ​ពេល​យប់ ញ៉ាំ ឬ​ផឹក​ចំណី​អាហារ​មាន​ជាតិ​អាស៊ីដ​ជា​ប្រចាំ។ល។ ជួន​កាល ការ​ច្រាល​អាស៊ីដ​ក្រពះ​ញឹក​ញាប់ ឬ​ក្អួត ក៏​អាច​ជា​កត្តា​មួយ​ធ្វើ​ឲ្យ​ធ្មេញ​ពុក​ទៅ​តាម​នោះ​ដែរ។ ម៉្យាង​ទៀត បញ្ហា​ស្រៀវ​ធ្មេញ អាច​បណ្ដាល​មក​ពី​ធ្មេញ​ចាប់​ផ្ដើម​ពុក ធ្មេញ​ខូច ធ្មេញ​ក្រហត ដែល​ធ្វើ​ឲ្យ​យើង​ស្រៀវ​ធ្មេញ​តែ​មួយ ឬ​នៅ​តំបន់​ក្បែរៗនោះ។ ដូច​គ្នា​នេះ​ដែរ យើង​ក៏​អាច​មាន​បញ្ហា​ស្រៀវ​មួយ​រយៈ​ខ្លី​ក្រោយ​ពេល​ប៉ះ​ធ្មេញ ខាត់​ធ្មេញ​ឲ្យ​ស និង​ការ​សម្អាត​ធ្មេញ​ផ្សេង​ទៀត ដែល​អាច​ធ្វើ​ឲ្យ​យើង​ឈឺ​ចាប់​រាប់​ថ្ងៃ។ ដើម្បី​ទប់​ស្កាត់ មិន​ឲ្យ​មាន​បញ្ហា​ស្រៀវ​ធ្មេញ​កើត​ឡើង យើង​គួរ​តែ៖ - ដុស​ធ្មេញ២ដង/ថ្ងៃ ជាមួយ​ច្រាស់​ទន់ និង​ថ្នាំ​ដុស​ធ្មេញ​ដែល​មាន​ជាតិ flouride និង​សម្អាត​ធ្មេញ​ក្រោយ​ពេល​ញ៉ាំ​អាហារ​រួច - មិន​ត្រូវ​ដុស​ធ្មេញ​ខ្លាំងៗ​ពេក - ចៀសវាង​អាហារ​មាន​ជាតិ​អាស៊ីដ​ខ្ពស់​ដូច​ជា ពពួក​ផ្លែ citrus ស្រាក្រហម […]

បញ្ហាមាត់ធ្មេញផ្សេងទៀត

ម៉េចបានឈឺធ្មេញពេលយប់ ពិបាកទ្រាំជាងពេលថ្ងៃ?

អាការៈ​ឈឺ​ធ្មេញ ​ជា​បញ្ហា​គួរ​ឲ្យ​ធុញ​ទ្រាន់​មួយ​សម្រាប់​គ្នា​យើង។ រាល់​ពេល​ឈឺ​ធ្មេញ យើង​ស្ទើរ​តែ​គ្មាន​អារម្មណ៍​ចង់​ធ្វើ​អ្វី​ផ្សេង ហើយ​អ្វី​ដែល​គួរ​ឲ្យ​ឆ្ងល់​នោះ គឺ​ពេល​ថ្ងៃ​យើង​មិន​សូវ​ឈឺ​ទេ តែ​ហេតុ​អីបាន​ពេល​យល់​ឈឺ​នោះ​ឈឺ ធ្វើ​ឲ្យ​ពិបាក​គេង​ម្លឹងៗ? មូល​ហេតុ​មួយ​ដែល​ធ្វើ​ឲ្យ​ឈឺ​ធ្មេញ​កាន់​តែ​យ៉ាប់​នៅ​ពេល​យប់ ព្រោះ​យើង​ទម្រេត​ខ្លួន បណ្ដាល​ឲ្យ​ឈាម​បុក​ទៅ​ក្បាល។ ឈាម​ដែល​មាន​នៅ​តំបន់​នោះ​អាច​បង្កើន​ភាព​ឈឺ​ចាប់ និង​ដាក់​សម្ពាធ​ទៅ​លើ​អារម្មណ៍​ដែល​គ្នា​យើង​ទទួល​បាន​ពី​ការ​ឈឺ​ធ្មេញ​នោះ។ នេះ​បើ​តាម​វេជ្ជបណ្ឌិត ចាន់ ស៊ីណេត ឯក​ទេស​ជំងឺ​ទូទៅ។ ម៉្យាង​វិញ​ទៀត អាការៈ​ឈឺ​ធ្មេញ​ខ្លាំង​ពេល​យប់​អាច​ដោយ​សារ​មិន​មាន​អ្វី​រំខាន​ឲ្យ​យើង​មិន​ចាប់​អារម្មណ៍​ទៅ​លើ​បញ្ហា​ធ្មេញ។ បើ​នៅ​ពេល​ថ្ងៃ យើង​ត្រូវ​បំពេញ​ការងារ ធ្វើ​នេះ​នោះ ដូច​នេះ​យើង​មិន​សូវ​ជា​ចាប់​អារម្មណ៍​នឹង​ធ្មេញ​ឈឺ ប៉ុន្តែ​នៅ​ពេល​យប់​ជា​ពេល​យើង​សម្រាក មិន​សូវ​មាន​អ្វី​មក​បន្លប់​ភាព​ឈឺ​ចាប់​នេះ។ លោក​វេជ្ជបណ្ឌិតបន្ត​ថា គ្នា​យើង​ណា​ដែល​មាន​បញ្ហា​ឈឺ​ធ្មេញ​ខ្លាំង​ពេល​យប់ អាច​សម្រួល​អាការៈ​ឈឺ​ចាប់​បាន​តាម​រូបមន្ត​ធម្មជាតិ​មួយ​គ្រា​សិន ដែល​មាន​ដូច​ជា៖ ប្រើ​ខ្ទឹម​ស តែ​ជី​អង្កាម ប្រទាល​កន្ទុយ​ក្រពើ ស្អំ​ទឹក​កក​មុន​ចូល​គេង លាង​ជម្រះ​ធ្មេញ​ជាមួយ​ទឹក​ខ្ពុរ​មាត់ លេប​ថ្នាំ​បំបាត់​ការ​ឈឺ​ចាប់។ល។ ទោះ​ជា យើង​ប្រើ​រូប​មន្ត​ធម្មជាតិ ដើម្បី​ជួយ​សម្រួល​អាការៈ​ឈឺ​ចាប់​បាន​ពិត​មែន ប៉ុន្តែ​ក្បួន​ធម្មជាតិ​អស់​នោះ គ្រាន់​តែ​ជួយ​បាន​មួយ​ពេល​តែ​ប៉ុណ្ណោះ វា​មិន​អាច​ជួយ​ព្យាបាល​បាន​រហូត​ទេ។ ហេតុ​នេះ​ហើយ យើង​គួរ​ទៅ​ជួប​គ្រូពេទ្យ​ឲ្យ​បាន​លឿន ព្រោះ​បើ​យើង​ទុក​ចោល​បញ្ហា​ឈឺ​ធ្មេញ ធ្មេញ​ពុក វា​អាច​បណ្ដាល​ឲ្យ​កើត​បញ្ហា​ធ្ងន់​ជាង​នេះ ដូច​ជា​បូស បញ្ហា​នៅ​អញ្ចាញ​ធ្មេញ ឬ​ត្រូវ​ដក​ធ្មេញ​ចោល។ល។

បញ្ហាមាត់ធ្មេញផ្សេងទៀត

ពេលធ្មេញបង្ករោគដល់កម្រិត មេរោគអាចរាលដាលដល់ផ្នែករាងកាយអស់នេះ

បញ្ហា​មាត់​ធ្មេញ មិន​មែន​ធម្មតា​ដូច​ដែល​យើង​គិត​ទេ រីឯបញ្ហា​ធ្មេញ​បង្ក​រោគ​ផ្ដើម​ឡើង​ពី​ការ​ឈឺ​ធ្មេញ នៅ​ពេល​ដែល​យើង​មិន​បាន​ព្យាបាល​ត្រឹម​ត្រូវ ហើយ​វា​អាច​​រាលដាល​ទៅ​ដល់​ផ្នែក​ផ្សេងៗ​នៃ​រាង​កាយ​របស់​យើង។ តាម​លោក​វេជ្ជបណ្ឌិត ចាន់ ស៊ីណេត ឯក​ទេស​ជំងឺ​ទូទៅ ឲ្យ​ដឹង​ថា ក្នុង​ករណី​ដែល​យើង​មិន​បាន​ព្យាបាល​បញ្ហា​ធ្មេញ​បង្ក​រោគ​ទេ មេរោគ​អាច​រាល​ដាល​ទៅ​កន្លែង​ផ្សេង​លើ​រាង​កាយ​របស់​យើង​ដែល​ជា​ការ​គំរាម​កំហែង​ដល់​​ជីវិត។ នៅ​ពេល​ដែល​ឈឺ​ធ្មេញ រហូត​ធ្មេញ​បង្ក​រោគ វា​នឹង​ចេញ​រោគ​សញ្ញា​មួយ​ចំនួន គ្នា​យើង​អាច​ចំណាំ​បាន​រួម​មាន៖ ឈឺ​ធ្មេញ​ខ្លាំង ឈឺ​ឆ្អឹង​ថ្គាម ត្រចៀក ឬ​ក ហើម​ថ្ពាល់ ក្ដៅ​ខ្លួន ក្លិន​មាត់​អាក្រក់ អាការៈឈឺចាប់កាន់តែយ៉ាប់ពេលដេកខ្លួន។ល។ យើង​អាច​សម្គាល់​រោគ​សញ្ញា​នៃ​ការ​រាលដាល​មេរោគ​ទៅ​កាន់​រាង​កាយ​ពី​បញ្ហា​ធ្មេញ​បង្ក​រោគ​បាន​ដោយ៖  -មិន​ស្រួល​ខ្លួន៖ ឈឺ​ក្បាល វិល​មុខ អស់​កម្លាំង - ក្ដៅ​ខ្លួន៖ ស្បែក​ឡើង​ក្រហម បែក​ញើស ព្រឺ​រងា - ហើម​មុខ៖ ហើម​មុខ រហូត​ពិបាក​ហារ​មាត់ លេប និង​ពិបាក​ដក​ដង្ហើម -​ ខ្សោះ​ជាតិ​ទឹក៖ នោម​តិច វង្វេង ទឹក​នោម​ស្រអាប់ - កើន​ឡើង​ចង្វាក់​បេះ​ដូង៖ ជីពចរ​ដើរ​លឿន ស្រាល​ក្បាល និង​ដក​ដង្ហើម​លឿន (លើស​២៥​ដង/នាទី) - ឈឺ​ចុក​ពោះ៖ រាក​រូស ក្អួត។ល។ ពេល​ណា​គួរ​ទៅ​ជួប​ពេទ្យ? លោក​បន្ត​ថា ក្នុង​ករណី​ដែល​យើង​ក្ដៅ​ខ្លួន​ខ្លាំង (ចាប់​ពី​៣៩ អង្សារសេ មនុស្ស​ចាស់ និង៣៨​អង្សារសេ សម្រាប់​កូន​ក្មេង) និង​មាន​ចេញ​សញ្ញា​ដូច​ជា ឈឺ​ទ្រូង […]