សុខភាពមាត់ធ្មេញ

វិធីងាយៗជួយកម្ចាត់ក្លិនមាត់ដោយខ្លួនឯងបាន

ក្លិនមាត់អាចបណ្ដាមកពីកត្ដាផ្សេងៗរួមផ្សំគ្នា តួយ៉ាងកត្ដាធ្ងន់ធ្ងរអាចបណ្ដាលមកពីមានជំងឺអញ្ចាញធ្មេញ ចំណុចនេះយើងត្រូវទៅជួបជាមួយគ្រូពេទ្យ ដើម្បីព្យាបាល ប៉ុន្ដែកត្ដាផ្សេងទៀត អាចជាករណីស្រាល ដូចជាការកកើតត្រឹមជាបាក់តេរីនៅក្នុងមាត់ ការជាប់កំណកអាហារ ការពាក់ប្រេសធ្មេញ នោះយើងអាចអនុវត្ដវិធីសម្អាតដោយខ្លួនឯងបាន។ ចង់គណនា BMR ចុចទីនេះ! ចង់ពិនិត្យជំងឺមហារីកសុដន់ ចុចទីនេះ! ១.សម្អាតធ្មេញក្រោយពេលញ៉ាំអាហារ យើងគួរសម្អាតធ្មេញជាប្រចាំ យ៉ាងហោចបាន២ដងក្នុងថ្ងៃ អាចពេលព្រឹក និង ពេលយប់ ក្រោយពេលញ៉ាំអាហារហើយ។ វិធីសម្អាតធ្មេញយើងអាចប្រើប្រាស់ច្រាស់ដែលមានសរសៃទន់ៗ ជាមួយនឹងថ្នាំដុសធ្មេញមានជាតិប្រឆាំងនឹងបាក់តេរី។ លើសពីនេះ យើងអាចប្រើប្រាស់ទឹកខ្ពុរមាត់ សម្អាតក្រោយពេលញ៉ាំអាហារបន្ថែម ពិសេសក្រោយពេលញ៉ាំអាហារថ្ងៃត្រង់។ ២.សម្អាតអណ្ដាត គ្នាយើងភាគច្រើនអាចចាប់អារម្មណ៍សម្អាតធ្មេញ តែមិនដែលសម្អាតអណ្ដាតនោះទេ។ អណ្ដាតក៏ជាប្រភពកំណើតបាក់តេរី បន្សល់ពីការញ៉ាំអាហារ ជក់បារី ឬ ពេលស្ងួតមាត់។ ដូច្នេះការសម្អាតអណ្ដាតក៏ជាផ្នែកមួយសំខាន់ ជួយសម្ចាត់ក្លិនមាត់បានដែរ។ អនុវត្ដវិធីនេះ ជាប្រចាំឲ្យបានម្ដងក្នុងមួយថ្ងៃក្រោយពេលញ៉ាំអាហារពេលល្ងាច ដោយប្រើប្រាស់ច្រាសដុះធ្មេញមានសរសៃតូចៗ ដុសផ្ទៃខាងលើនៃអណ្ដាត។ ៣.រក្សាសំណើមក្នុងមាត់ រក្សាសំណើមក្នុងមាត់ មិនត្រូវឲ្យមាត់ស្ងួតបានទេ ដូច្នេះត្រូវជៀសវាងការជក់បារី ប្ដូរមកញ៉ាំទឹកឲ្យបានច្រើន កាត់បន្ថយផឹកកាហ្វេ ផឹកគ្រឿងស្រវឹង ដែលជាមូលហេតុធ្វើឲ្យយើងងាយស្ងួតមាត់។ បន្ថែមពីនោះគួរបង្កើតទម្លាប់ទំពារស្ករកៅស៊ូ និង ញ៉ាំស្ករគ្រាប់មានកម្រិតជាតិស្ករទាប។ ជាធម្មតាប្រសិនបើយើងមានបញ្ហាស្ងួតមាត់ជាប្រចាំ ពេទ្យធ្មេញនឹងណែរនាំឲ្យប្រើប្រាស់ ទឹកមាត់សិប្បនិម្មិត ដើម្បីផ្សើមក្នុងមាត់កុំឲ្យស្ងួត។ ៤.គ្រប់គ្រងរបបអាហារ ប្រភេទអាហារមួយចំនួន អាចបណ្ដាលឲ្យយើងមានក្លិនមាត់មិនសូវល្អនោះទេ ដូចជាពពួកខ្លឹមបារាំង ខ្ទឹមស និងពពួកអាហារដែលមានកម្រិតជាតិស្ករខ្ពស់ ក៏បណ្ដាលឲ្យងាយកកើតបាក់តេរី ធ្វើមានក្លិនមាត់បានដែរ។ អត្ថបទគួរអាន៖ […]

ជំងឺធ្មេញ

ទម្លាប់អាក្រក់ ៨ យ៉ាងធ្វើឲ្យធ្មេញខូចដោយមិនដឹងខ្លួន

ទម្លាប់ប្រចាំថ្ងៃជាច្រើនដែលអាចធ្វើឲ្យធ្មេញរបស់យើងខូចបាន។ តើទម្លាប់អាក្រក់អ្វីខ្លះដែលយើងត្រូវជៀសវាង? អត្ថបទនេះនឹងបង្ហាញអំពីចំណុចចំនួន ៨ ដែលធ្វើឲ្យធ្មេញខូចបានហើយយើងក៏គួរជៀសវាងផងដែរ។ ១- ទំពារទឹកកក ក្រោមអាកាសធាតុក្ដៅគ្មានអ្វីក្រៅពីចង់ទំពារដុំទឹកកកឲ្យបានត្រជាក់ខ្លះនោះទេ។ ទោះយ៉ាងណាក៏ដោយបន្ទាប់ពីទំពាររួចនោះធ្មេញរបស់យើងនឹងខូចខាតធ្ងន់ធ្ងរវិវត្តទៅរកភាពខូចខាតឬបាក់បែកបាន។ អត្ថបទពាក់ព័ន្ធ៖ ជំងឺរាក់ស៊ីធ្មេញ អំពល់ទុក្ខប៉ុណ្ណា? រលាកអញ្ចាញធ្មេញ កើតឡើងដោយសារអ្វី? គួរដោះស្រាយម៉េចវិញ? ២- ចោះក្រវិលក្នុងមាត់ ការចោះក្រវិលក្នុងមាត់អាចបង្កឲ្យមានការបង្ករោគស្រៀវធ្មេញ បាត់បង់ធ្មេញនិងស្រកអញ្ចាញធ្មេញ។ ៣- ចូលចិត្តទំពារស្ករ អ្នកណាៗក៏ដឹងថាស្ករនេះឆ្ងាញ់ដែរប៉ុន្តែនៅពេលដែលយើងទទួលទានច្រើនពេក នឹងធ្វើឲ្យជាតិស្ករនៅក្នុងឈាមឡើងខ្ពស់ព្រមទាំងធ្វើឲ្យខូចធ្មេញទៀតផង។ ៤- ប្រើធ្មេញសម្រាប់ហែកឬទាញអ្វីឲ្យរបើក អ្នកខ្លះចូលចិត្តប្រើធ្មេញខាំ ឬហែករបស់អ្វីមួយ ដោយគិតថាវិធីបែបនេះគឺចំណេញពេលវេលាសម្រាប់ធ្វើអ្វីផ្សេងទៀតជាជាងការដែលទៅស្វែងរកកន្ត្រៃយកមកប្រើប្រាស់ តែវិធីនេះអាចធ្វើឲ្យប៉ះពាល់ធ្មេញបាន។ អត្ថបទពាក់ព័ន្ធ៖ តិចនិកបង្រៀនកូចតូចៗឲ្យចេះដុសសម្អាតធ្មេញ អាថ៌កំបាំងជួយអ្នកធ្មេញលឿងៗ ឲ្យសវិញបាន ៥- ញ៉ាំមិនឈប់ គ្នាយើងដឹងហើយថាអាហារគឺសំខាន់សម្រាប់យើងគ្រប់គ្នា តែការទំពារជាប់រហូត ឬផឹកភេសជ្ជៈឥតឈប់អាចធ្វើឲ្យធ្មេញមានជីវិតខ្លីងាយនឹងស្រៀវ។ ៦- ជក់បារី ការជក់បារី ឬប្រើផលិតផលពីថ្នាំជក់ មិនត្រឹមតែធ្វើឲ្យខូចសុខភាពប៉ុណ្ណោះទេ (ជាពិសេសទៅលើសួត) ប៉ុន្តែថែមទាំងធ្វើឲ្យខូចធ្មេញទៀតផង។ ដូចនេះហើយ សូមបញ្ឈប់ការជក់បារីនេះភ្លាម ដើម្បីកុំឲ្យហួសពេល។ អត្ថបទពាក់ព័ន្ធ៖ ឧស្សាហ៍ស្រៀវធ្មេញ សាកតិចនិកទាំងនេះលមើល៍ តិចនិករើសយកច្រាសដុះធ្មេញ ជួយធ្មេញកាន់តែមានសុខភាពល្អ ៧- ផឹកកាហ្វេច្រើនពេក សម្រាប់គ្នាយើងសមួយចំនួនការផឹកកាហ្វេបានក្លាយជាទម្លាប់ដែលខ្វះមិនបានទៅហើយ។ កាហ្វេមានផ្ទុកទៅដោយសារធាតុកាហ្វេអ៊ីនដែលជួយដាស់ស្មារតី និងប្រមូលអារម្មណ៍។ ហេតុនេះហើយទើបអ្នកធ្វើការជាច្រើនត្រូវការកាហ្វេខ្លាំងណាស់។ ម្យ៉ាងទៀតជាតិកាហ្វេអ៊ីនធ្វើឲ្យប៉ះពាល់ដល់ធ្មេញរបស់យើងសារធាតុនេះបង្អាក់ដល់លំហូរទឹកមាត់ធ្វើឲ្យស្ងួតមាត់ និងក្នុងរយៈពេលយូរអាចបណ្ដាលឲ្យខូចធ្មេញ។ ៨- ផឹកទឹកផ្លែឈើច្រើនជ្រុល ទោះបីជាទឹកផ្លែឈើសំបូរទៅដោយវីតាមីនA វីតាមីនC និងសារធាតុរ៉ែសំខាន់ផ្សេងទៀតក៏ពិតមែន តែការទទួលទានច្រើនជ្រុលអាចធ្វើឲ្យធ្មេញខូចបាន។ មូលហេតុនោះគឺបណ្ដាលមកពីជាតិស្ករធម្មជាតិនៅក្នុងផ្លែឈើទៅកម្ទេចធ្មេញរបស់យើង។ សរុបសេចក្ដីមកទម្លាប់ខ្លះមើលទៅមិនសូវមានគ្រោះថ្នាក់ប៉ុន្មានទេ ប៉ុន្តែអាចជាកត្តាគ្រោះថ្នាក់បណ្ដាលឲ្យធ្មេញយើងខូចបាន។ ត្រូវចងចាំក្នុងចិត្តថាទម្លាប់ទាំង៩ខាងលើនេះគឺជាអ្វីដែលយើងត្រូវជៀសវាងដើម្បីការពាររោគពុកធ្មេញ។ អត្ថបទពាក់ព័ន្ធ៖ ធ្មេញលឿង ធ្មេញខ្មៅ មកស្វែងយល់ពីមូលហេតុ និងដំណោះស្រាយទាំងអស់គ្នា! ញ៉ាំបន្លែផ្លែឈើប៉ុន្មានមុខនេះ ជួយឲ្យធ្មេញសបែបធម្មជាតិ ទម្លាប់អាក្រក់ ១៥នេះ បំផ្លាញធ្មេញមិនដឹងខ្លួន តិចនិកបង្រៀនកូចតូចៗឲ្យចេះដុសសម្អាតធ្មេញ