ស្រីៗមិនគួរប្រហែស រោគសញ្ញាទាំងនេះអាចជាជំងឺគីសដៃស្បូន
បញ្ហាទាក់ទងនឹងស្បូន អាចឲ្យស្ត្រីប្រឈមហានិភ័យខ្លាំងដល់សុខភាពដូចជា មហារីកស្បូន កើតគីសក្នុងស្បូនជាដើម។ ជាមួយគ្នានេះដែរ ស្រ្តីក៏អាចប្រឈមនឹងការកើតដុំគីសនៅដៃស្បូនបានដែរ ដែលវាផ្ដល់ផលវិបាកច្រើន។
បើតាមមន្ទីរពេទ្យ កាល់ម៉ែត បានឲ្យដឹងថា តាមពិតទៅ ជំងឺដុំគីសដៃស្បូន (Ovarian Cysts) គឺជាដុំទឹកស្រោបដោយស្រោមនៅក្នុង ឬនៅលើផ្ទៃអូវែ (ក្រពេញមេជីវិតស្ត្រី) ដែលនៅសងខាងស្បូនស្ត្រី។ ជំងឺគីសដៃស្បូន បង្ហាញរោគសញ្ញាប្រែប្រួលទៅតាមទំហំគីសដូចជា៖
– ឈឺអាងត្រគាកស្ទុំៗ និងអាចរាលដាលទៅក្រោយ
– ឈឺអាងត្រគាកមុនចាប់ផ្ដើមមករដូវ ឬពេលរួមដំណេក
– ក្អួតចង្អោរ និងមានអារម្មណ៍ថា ពេញណែនធ្ងន់ក្នុងពោះ
– នោមញឹក ឬក៏ពិបាកនោម
– អាចមានចុកពោះខ្លាំងភ្លាមៗ ព្រមទាំងក្អួត និងក្ដៅខ្លួន។
គណនាថ្ងៃមេជីវិតញីទុំធ្លាក់ ចុចទីនេះ!
ចង់គណនាថ្ងៃសម្រាលកូន ចុចទីនេះ!
ចង់គណនាទម្ងន់ស្រ្តីពពោះ ចុចទីនេះ!
មន្ទីរពេទ្យ កាល់ម៉ែត បន្តឲ្យដឹងពីផលវិបាកដែលប៉ះពាល់ដល់ស្ត្រីប្រសិនបើកើតគីសដៃស្បូន៖
– ស្រ្តីវ័យចំណាស់ដែលអស់រដូវ ហើយកើតគីសដៃស្បូន អាចប្រឈមនឹងកើតជំងឺមហារីក
– Ovarian cyst Torsion គឺដុំគីសដែលរមួលបណ្ដាលឲ្យចុកពោះខ្លាំង
– Ovarian cyst Rupture គឺដុំគីសដែលបែករហែកបណ្ដាលឲ្យចុកពោះខ្លាំង និងមានឈាមដក់ក្នុងពោះ។
ចំពោះមូលហេតុនៃកើតគីសដៃស្បូន គឺអាស្រ័យទៅតាមប្រភេទនៃគីសនីមួយៗ ហើយការព្យាបាលក៏ផ្អែកទៅតាមរោគសញ្ញា អាយុស្ត្រី ប្រភេទ និងទំហំនៃគីសផងដែរ។
[embed-health-tool-ovulation]
ក្នុងករណីដែលស្រីៗគ្នាយើង មានរោគសញ្ញាដែលបានរៀបរាប់ប្រាប់ខាងលើ មន្ទីរពេទ្យ កាល់ម៉ែត បានណែនាំ ឲ្យទៅពិនិត្យជាមួយគ្រូពេទ្យជំនាញ ដើម្បីធ្វើរោគវិនិច្ឆ័យ និងកំណត់ប្រភេទគីសឲ្យបានត្រឹមត្រូវ ដើម្បីទទួលបានការព្យាបាលសមស្រប។
អត្ថបទពាក់ព័ន្ធ៖
- អ្វីជាគីសលើតម្រងនោម មានប៉ុន្មានប្រភេទ ប៉ះពាល់ម៉េចខ្លះ?
- កូនក្រៅស្បូនមកពីបញ្ហាច្រើន ម៉ាក់ៗប្រហែសតែបន្តិចគ្រោះថ្នាក់ដល់ជីវិត
- មាត់ស្បូនមិនប្រក្រតី គួរភ័យដែរអត់?
- ស្រីៗកុំទាន់អូសរំលង! មហារីកមាត់ស្បូនគ្រោះថ្នាក់ណាស់ គួរការពារយ៉ាងម៉េច?
- ស្វែងយល់ពីជម្រើសនៃការព្យាបាលជំងឺមហារីកមាត់ស្បូនដោយការវះកាត់
ចំណុចសំខាន់
- ឈឺអាងត្រគាកស្ទុំៗ និងអាចរាលដាលទៅក្រោយ
- ឈឺអាងត្រគាកមុនចាប់ផ្ដើមមករដូវ ឬពេលរួមដំណេក
- ក្អួតចង្អោរ និងមានអារម្មណ៍ថា ពេញណែនធ្ងន់ក្នុងពោះ
- នោមញឹក ឬក៏ពិបាកនោម
- អាចមានចុកពោះខ្លាំងភ្លាមៗ ព្រមទាំងក្អួត និងក្ដៅខ្លួន។
