ពិតណាស់ ទាំងបុរស និងស្ត្រីសុទ្ធតែប្រឈមនឹងបញ្ហាសុខភាពរៀងៗខ្លួន។ យ៉ាងណាមិញ ក៏មានជំងឺជាក់លាក់មួយចំនួនតែងតែកើតឡើងជាញឹកញាប់ចំពោះស្រីៗយើងផងដែរ។ ដូច្នេះហើយ ដើម្បីការពារខ្លួនពីហានិភ័យផ្សេងៗ គ្នាយើងគួរយល់ដឹងពីកត្តាប្រឈម ក៏ដូចជារោគសញ្ញាឲ្យបានច្បាស់លាស់ ទើបជាការប្រសើរ។
ចង់ចាកចេញពី Hellokrupet?
ប្រាកដហើយថា អ្នកចង់ចាកចេញ?
គួរដឹង! បញ្ហាសុខភាពទាំង ៥នេះឧស្សាហ៍កើតលើស្រីៗណាស់
បញ្ហាសុខភាពទាំង៥ ដែលឧស្សាហ៍កើតលើស្ត្រីមានដូចជា៖
១. ជំងឺបេះដូង
ជំងឺបេះដូងជាជំងឺដែលឆក់យកជីវិតស្ត្រីច្រើនជាងគេបំផុត។ រោគសញ្ញានៃជំងឺនេះរួមមាន ឈឺទ្រូង ដកដង្ហើមខ្លីៗ និងខ្សោយដៃទាំង២។ ស្ត្រីអាចនឹងប្រឈមនឹងអាការៈដកដង្ហើមខ្លីៗ ចង្អោរ ឬក្អួត។ យ៉ាងណាមិញ ការអស់រដូវមិនអាចបណ្ដាលឲ្យមានជំងឺបេះដូងឡើយ។ ផ្ទុយទៅវិញ ស្រីៗយើងអាចជួបប្រទះកត្តាហានិភ័យជាក់លាក់ដែលកើតឡើងក្រោយអស់រដូវដូចជា សម្ពាធឈាមខ្ពស់ កូលេស្តេរ៉ូលខ្ពស់ និងអ័រម៉ូនEstrogenទាបជាដើម។
Verifying...
កម្មវិធីពិនិត្យបញ្ហាលិង្គមិនឡើងរឹងអនឡាញ
កម្មវិធីពិនិត្យបញ្ហាឆាប់ចេញទឹកកាមអនឡាញ
២. គ្រោះថ្នាក់សរសៃឈាមខួរក្បាល
ជារៀងរាល់ឆ្នាំ បញ្ហាគ្រោះថ្នាក់សរសៃឈាមខួរក្បាលប៉ះពាល់លើស្ត្រី ៥៥០ ០០០នាក់ ច្រើនជាងបុរស។ ទោះបីជារោគសញ្ញាប្រែប្រួលអាស្រ័យលើមូលហេតុបង្កនៃគ្រោះថ្នាក់សរសៃឈាមខួរក្បាលក៏ពិតមែន ប៉ុន្តែរោគសញ្ញាសំខាន់ៗរួមមាន ពិបាកនិយាយស្ដី និងស្ពឹកនៅចុងដៃចុងជើង។ ចំណែកឯជំងឺបម្រុងក្រឡាភ្លើង ដែលសម្គាល់ដោយបញ្ហាសម្ពាធឈាមខ្ពស់អំឡុងពេលពពោះ ក៏អាចបង្កើនហានិភ័យនៃជំងឺដាច់សរសៃឈាមខួរក្បាលដូចគ្នា។
៣. ជំងឺទឹកនោមផ្អែម
ទន្ទឹមនឹងនេះដែរ ជំងឺទឹកនោមផ្អែមក៏បង្កើនហានិភ័យនៃជំងឺបេះដូងដល់ទៅ ៤ដងចំពោះស្ត្រី។ ជាទូទៅ ស្រីៗយើងងាយប្រឈមនឹងផលវិបាកដែលទាក់ទងនឹងជំងឺទឹកនោមផ្អែម ជាពិសេសអ្នកដែលមានជំងឺតម្រងនោម និងជំងឺបាក់ទឹកចិត្ត។ ទន្ទឹមនឹងនេះ ជំងឺទឹកនោមផ្អែមក៏អាចបង្កើនផលវិបាកអំឡុងពេលពពោះ ដូចជារលូតកូន និងកូនខូចទ្រង់ទ្រាយពីកំណើត។ ដើម្បីកាត់បន្ថយហានិភ័យនៃជំងឺទឹកនោមផ្អែមប្រភេទ២ យើងគួររក្សាទម្ងន់ខ្លួនឲ្យបានសមល្មម ហាត់ប្រាណជាទៀងទាត់ និងឈប់ជក់បារី។
កម្មវិធីពិនិត្យជំងឺបម្រុងទឹកនោមផ្អែមអនឡាញ
៤. ការបង្ករោគលើផ្លូវទឹកនោម (UTIs)
ជាទូទៅ ការបង្ករោគលើផ្លូវទឹកនោមកើតឡើងនៅពេលដែលមេរោគចូលទៅក្នុងបង្ហូរនោម និងចាប់ផ្ដើមកើនឡើង។ រោគសញ្ញានៃការបង្ករោគលើផ្លូវទឹកនោម រួមមាននោមញឹកញាប់ ឈឺចាប់ពេលនោម ឬរលាកនៅពេលនោម និងទឹកនោមល្អក់។
អានបន្ថែម៖
- ពេលរួមភេទ ស្រីៗអាចនឹងឆ្លងកាត់បួនដំណាក់កាលនេះ
- ការរួមភេទផ្ដល់គុណប្រយោជន៍ ៥យ៉ាង ដល់ស្រីៗ
- ទ្វារមាសមិនមានទឹករម្អិលពេលរួមភេទ មកពីមូលហេតុទាំងនេះ
- នៅសុខៗថយចុះចំណង់ផ្លូវភេទ អាចមកពីមូលហេតុទាំងនេះ
៥. សុខភាពផ្លូវភេទ
ជាក់ស្ដែង ជំងឺកាមរោគ (STIs)មានច្រើនជាង៣០ប្រភេទ។ ក្នុងចំណោមនោះ មេរោគHPV ដែលជាមេរោគបង្កទៅជាជំងឺមហារីកមាត់ស្បូន និងមហារីកជាច្រើនប្រភេទទៀត កើតឡើងទូទៅបំផុត ហើយប្រហែលជា ៨០%នៃបុរស និងស្ត្រីក្នុងវ័យបន្តពូជឆ្លងមេរោគនេះម្ដងក្នុងជីវិត។
ចំណុចសំខាន់
អត្ថបទខាងលើមានចំណុចសំខាន់ចំនួន៥ ដែលទាក់ទងនឹងជំងឺឧស្សាហ៍កើតចំពោះស្រីៗយើង រួមមាន៖ ១. ជំងឺបេះដូង ២.គ្រោះថ្នាក់សរសៃឈាមខួរក្បាល ៣.ជំងឺទឹកនោមផ្អែម ៤. ការបង្ករោគលើផ្លូវទឹកនោម ៥. សុខភាពផ្លូវភេទ
គណនាថ្ងៃមេជីវិតញីទុំធ្លាក់
តាមដានវដ្តរដូវរបស់អ្នកកំណត់ថ្ងៃមេជីវិតទុំធ្លាក់ បង្កើនឱកាសមានគភ៌ឬគ្រប់គ្រងការពន្យារកំណើត
គណនាថ្ងៃមេជីវិតញីទុំធ្លាក់
តាមដានវដ្តរដូវរបស់អ្នកកំណត់ថ្ងៃមេជីវិតទុំធ្លាក់ បង្កើនឱកាសមានគភ៌ឬគ្រប់គ្រងការពន្យារកំណើត
រយៈពេលវដ្ដរដូវ
(ថ្ងៃ)
28
វដ្ដរដូវ
(ថ្ងៃ)
7
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ប្រភព
Health Issues Specific to Women’s Health
What health issues or conditions are specific to women only?
https://www.nichd.nih.gov/health/topics/womenshealth/conditioninfo/whatconditions
Ten top issues for women’s health
https://www.who.int/news-room/commentaries/detail/ten-top-issues-for-women%27s-health
Women’s Health Topics
https://www.fda.gov/consumers/women/womens-health-topics
Facts About Women’s Health
Share