គ្នាយើងស្រីៗធ្លាប់ដែលមានអារម្មណ៍មិនស្រួល និងមិនមានទំនុកចិត្ដអំពីទ្វារមាស និងមាត់ទ្វារមាសរបស់ខ្លួនដែរឬទេ? ប្រសិនបើធ្លាប់គិតបែបនេះ ជម្រើសដែលល្អសម្រាប់យើងនោះគឺការវះកាត់កែលម្អទ្វារមាស និងមាត់ទ្វារមាស។ ប៉ុន្តែតើការវះកាត់កែលម្អនេះជាអ្វីទៅ? អត្ថបទខាងក្រោមនេះយើងនឹងប្រាប់លម្អិតអំពីបញ្ហាមួយនេះឲ្យកាន់តែច្បាស់។
១- តើអ្វីជាការវះកាត់កែលម្អទ្វារមាស និងកែមាត់ទ្វារមាស?
ផ្ទុយពីអ្វីដែលមនុស្សគ្រប់គ្នាគិតដល់ គឺការរួមភេទច្រើនពេកមិនបណ្ដាលឲ្យខូចរូបរាងទ្វារមាសរបស់ស្រីៗនោះទេ។ តាមពិតទៅទ្វារមាសអាចក្លាយទៅជារលុងបណ្ដាលមកពីកត្តាមួយចំនួន ដូចជាការសម្រាលកូនតាមបែបធម្មជាតិតែប៉ុណ្ណោះ។
ការវះកែលម្អទ្វារមាសគឺជាការវះកាត់មួយធ្វើឡើងដើម្បីបន្តឹងទ្វារមាសឡើងវិញ ហើយយើងអាចនឹងត្រឡប់ទៅរកសភាពដូចដើមវិញ។ គ្រូពេទ្យវះកាត់មួយចំនួនហ៊ានអះអាងថាការវះកាត់នេះថែមទាំងអាចជួយពង្រឹងអារម្មណ៍ស្រើបស្រាលក្នុងអំឡុងពេលរួមភេទបានថែមទៀតផង។ ប៉ុន្តែមតិមួយនេះនៅមិនទាន់បានការយល់ស្រប ឬបញ្ជាក់ឲ្យបានច្បាស់ពីអ្នកវិទ្យាសាស្ត្រនៅឡើយទេ។
អត្ថបទពាក់ព័ន្ធ៖
- តិចនិកថែកន្លែងសម្ងាត់ស្រីៗ មិនឲ្យធុំក្លិនអាក្រក់
- បញ្ហាពាក់ព័ន្ធកន្លែងសម្ងាត់ ស្រីៗចង់ដឹងបំផុត តែអត់ហ៊ានសួរ
- របស់ទាំងអស់នេះ អាចប្រើនៅបរិវេណខាងក្រៅបាន តែហាមដាក់ចូលទ្វារមាស
- ទម្លាយអាថ៌កំបាំងរូបរាងទាំង ៥ របស់ទ្វារមាស គ្នាយើងភាគតិចបានដឹង
- ស្ត្រីធ្លាប់រួមភេទ ឬរៀបការហើយ គួរចាក់វ៉ាក់សាំងការពារមហារីកមាត់ស្បូនទេ?
ម្យ៉ាងវិញទៀត ការវះកែលម្អមាត់ទ្វារមាស គឺជាការវះកាត់ដើម្បីធ្វើឲ្យតំបន់មាត់ទ្វារមាសមានសភាពស្រស់ជាងមុន។ គេអាចធ្វើការវះកាត់កែលម្អមាត់ទ្វារមាសតែមួយមុខ ឬអាចវះកែលម្អទាំងទ្វារមាសចូលគ្នាក្នុងពេលតែមួយក៏បាន។ ការវះកាត់កែលម្អមាត់ទ្វារមាស គឺត្រូវវះទាំងមាត់ទ្វារខាងក្នុង និងមាត់ទ្វារខាងក្រៅ។ មនុស្សជាច្រើនជ្រើសយកការវះកាត់កែលម្អមាត់ទ្វារមាស ដើម្បីចង់ប្ដូរទាំងរូបរាង និងទំហំនៃមាត់ទ្វារមាសរបស់ខ្លួន។ ជាទូទៅគេសុំឲ្យគ្រូពេទ្យវះកាត់វះកែមាត់ទ្វារមាសឲ្យរូមតូច ឬកែឲ្យមាត់ទ្វារមាសទាំងពីរស្មើគ្នា។
គណនាថ្ងៃមេជីវិតញីទុំធ្លាក់ ចុចទីនេះ!
ចង់គណនាថ្ងៃសម្រាលកូន ចុចទីនេះ!
ចង់គណនាទម្ងន់ស្រ្តីពពោះ ចុចទីនេះ!
២- ហេតុអ្វីយើងចាំបាច់ជឿលើគ្រូពេទ្យឯកទេស ជាជាងជឿលើគ្រូពេទ្យវះកាត់?
ស្រីៗយើងប្រហែល ជាអាចត្រូវចំណាយពេលជាច្រើនសប្ដាហ៍ ឬអាចចំណាយដល់រាប់ឆ្នាំទម្រាំដាច់ចិត្ដហ៊ានទទួលការវះកាត់ ឬអត់។ ប៉ុន្តែពេលដែលសម្រេចចិត្ដថានឹងទទួលការវះកាត់ហើយ វាជារឿងសំខាន់ខ្លាំងណាស់ដែលស្រីៗយើងចាំបាច់ត្រូវរកសាស្ត្រាចារ្យ ឬគ្រូពេទ្យវះកាត់បានបណ្ដុះបណ្ដាលផ្នែកវះកាត់កែលម្អមាត់ទ្វារមាស ឬកែលម្អទ្វារមាស។
ស្រីៗយើងមិនគួរបណ្ដោយឲ្យរឿងថ្លៃចំណាយ ឬទីតាំងមន្ទីពេទ្យមករាំងស្ទះការជ្រើសរើសគ្រូពេទ្យជំនាញឡើយ។ ការវះកាត់នេះមានភាពអាចប្រឈមមុខជាមួយបញ្ហាជាច្រើន ហើយប្រសិនបើជួបបញ្ហាណាមួយក្នុងអំឡុងពេលកំពុងវះកាត់ យើងមិនត្រឹមតែអាចបាត់បង់សម្រស់នៃទ្វារមាស ឬមាត់ទ្វារមាសតែមួយមុខនោះទេ អារម្មណ៍និងសុខភាពក៏ត្រូវបានប៉ះពាល់ដូចគ្នា។
[embed-health-tool-due-date]
ចំណុចសំខាន់
ការវះកែលម្អទ្វារមាសគឺជាការវះកាត់មួយធ្វើឡើងដើម្បីបន្តឹងទ្វារមាសឡើងវិញ ហើយយើងអាចនឹងត្រឡប់ទៅរកសភាពដូចដើមវិញ។ គ្រូពេទ្យវះកាត់មួយចំនួនហ៊ានអះអាងថាការវះកាត់នេះថែមទាំងអាចជួយពង្រឹងអារម្មណ៍ស្រើបស្រាលក្នុងអំឡុងពេលរួមភេទបានថែមទៀតផង។ ប៉ុន្តែមតិមួយនេះនៅមិនទាន់បានការយល់ស្រប ឬបញ្ជាក់ឲ្យបានច្បាស់ពីអ្នកវិទ្យាសាស្ត្រនៅឡើយទេ។
