សុខភាពស្បែក

ឡេការពារកម្តៅថ្ងៃអាចការពារស្បែកយើងពីការរលាកដោយកម្តៅព្រះអាទិត្ យដែលអាចបណ្តាលឱ្យយើងរលាកស្បែក ខ្មៅស្បែក ឡើងអាចម៍រុយ ជ្រួញស្បែក និងកើតមហារីកស្បែកជាដើម។ ប៉ុន្តែ​ឡេ​ការពារកម្តៅថ្ងៃមាន​ច្រើនប្រភេទ តើយើងគួរជ្រើសរើសបែបណាទើបមិនប៉ះពាល់​ស្បែក? ឡេការពារកម្តៅថ្ងៃមាន ២ ប្រភេទគឺឡេការពារកម្តៅថ្ងៃផ្សំពីសារធាតុរ៉ែ និងឡេការពារកម្តៅថ្ងៃ​ផ្សំពី​សារធាតុគីមី។ ១. ឡេការពារកម្តៅថ្ងៃផ្សំពីសារធាតុរ៉ែ លោកស្រីវេជ្ជបណ្ឌិត Robin Schaffran ប្រធានគ្រូពេទ្យជំនាញខាង​សើ​ស្បែក និងជាសហស្ថាបនិក​ BalmLabs បានលើកឡើងថា ឡេការពារកម្តៅថ្ងៃផ្សំពីសារធាតុរ៉ែផ្សំចេញពីសារធាតុ zinc oxide (ZnO) និង titanium dioxide (TiO2) ហើយអាចទប់ស្កាត់​កាំរស្មីយូវី​ពីព្រះអាទិត្យ​មិនឱ្យជ្រាបចូល​ស្រទាប់​ស្បែក​យើងដោយជះកាំរស្មីយូវីពីព្រះអាទិត្យត្រលប់​ទៅវិញដូចកញ្ចក់អ៊ីចឹង។ ចំណែក វេជ្ជបណ្ឌិត Rizzo ឯកទេសរោគសើស្បែកបានលើកឡើងថា ឡេការពារកម្តៅថ្ងៃផ្សំពីសារធាតុរ៉ែ​អាច​ការពារបានទាំងកាំរស្មី UVA និង UVB ពីព្រះអាទិត្យ។ ឡេការពារកម្តៅថ្ងៃផ្សំពីសារធាតុរ៉ែមានសាច់ឡេក្រាស់ និងស្អិត ដែលធ្វើ​ឱ្យយើងមានការពិបាកក្នុង​ការលាប និងមិនងាយជ្រាបចូលស្បែកទេ។ ពេលយើងលាបឡេការពារកម្តៅថ្ងៃផ្សំ​ពី​សារធាតុ​រ៉ែរួច ស្បែករបស់យើងអាច​ជាប់សាច់ឡេដែលមើលទៅពណ៌សៗ ហើយងាយ​នឹង​ជ្រះ​ឡេ​អស់ណាស់។ ចង់គណនា BMR ចុចទីនេះ! ចង់គណនារង្វាស់ចង្វាក់បេះដូង ចុចទីនេះ! ចង់ពិនិត្យជំងឺមហារីកសុដន់ ចុចទីនេះ! ចង់ពិនិត្យជំងឺមហារីកមាត់ស្បូន ចុចទីនេះ! ២. ឡេការពារកម្តៅថ្ងៃផ្សំពីសារធាតុគីមី លោកស្រីវេជ្ជបណ្ឌិត Robin Schaffran បានបន្ថែមថា ឡេការពារកម្តៅ​ថ្ងៃផ្សំពីសារធាតុគីមី​ផ្សំ​ចេញ​ពីសារធាតុ​ដូចជា octinoxate, homosalate, octisalate, avobenzone, ឬ […]

ការ៉ុត​មិន​ត្រឹម​តែ​មាន​អត្ថប្រយោជន៍​ខ្លាំង​សម្រាប់​សុខភាព​ភ្នែក​ប៉ុណ្ណោះ​ទេ ប៉ុន្តែ​ក៏​សម្បូរ​ទៅ​ដោយ​វីតាមីន​ ​ជាតិ​រ៉ែ និង​​អុកស៊ីតកម្ម​ដែល​​​​ជា​គ្រឿង​ផ្សំ​ដ៏​ស័ក្ដិសម​សម្រាប់​ការ​ថែរក្សា​ស្បែក​ដូច​គ្នា​។ ម៉ាស​ការ៉ុត​​​​អាច​ជួយ​ឲ្យ​ស្បែក​ភ្លឺ​ថ្លា​​ និង​ទន់​រលោង​តាម​​បែប​ធម្មជាតិ​​ ហើយ​យើង​អាច​អនុវត្ត​រូបមន្ត​នេះ​ចំនួន​ ២​ដង​ក្នុង​មួយ​សប្ដាហ៍ ដើម្បី​ទទួល​បាន​ប្រសិទ្ធភាព​កាន់​តែ​ប្រសើរ​​។ តើ​​ម៉ាស​ការ៉ុត​មាន​អត្ថប្រយោជន៍​អ្វី​ខ្លះ​?​ ១. ជួយ​ឲ្យ​ស្បែក​ភ្លឺ​ថ្លា​ ​​​ម៉ាស​ការ៉ុត​អាច​ជួយ​ឲ្យ​ស្បែក​ភ្លឺ​ថ្លា ដោយ​សារ​តែ​វា​ផ្ទុក​សារធាតុ​Beta carotene វីតាមីន​C វីតាមីន​K និង​ជាតិ​សរសៃ​ខ្ពស់​។ មួយ​វិញ​ទៀត សារធាតុ​ចិញ្ចឹម​ទាំង​អស់នេះ​​ក៏​អាច​ជួយ​ឲ្យ​ស្បែក​​​​ទន់​រលោង​ និង​កម្ចាត់​ចោល​បញ្ហា​ស្បែក​មួយ​ចំនួន​​បាន​ផង​ដែរ​។ ២. រារាំង​ការ​ផលិត​​ជាតិ​ខ្លាញ់​​ ទន្ទឹម​នឹង​នេះ​ដែរ ម៉ាស​ការ៉ុត​អាច​ជួយ​ឲ្យ​ស្បែក​របស់​យើង​​គ្មាន​ស្លាកស្នាម​ ជួយ​ឲ្យ​ស្បែក​ក្មេង​ជាង​វ័យ​ និង​កម្ចាត់​ចោល​កោសិកា​ងាប់​​របស់​​ស្បែក​។ វីតាមីន​A​​នៅ​ក្នុង​ការ៉ុត​អាច​ជួយ​កាត់បន្ថយ​ការ​ផលិត​ជាតិ​ខ្លាញ់​ដែល​លើស​ និង​​រក្សា​ស្បែក​ឲ្យ​នៅ​ស្រស់​ថ្លា និង​គ្មាន​ជាតិ​ពុល​។ លើស​ពី​នេះ ម៉ាស​ការ៉ុត​​អាច​ជួយ​រក្សា​ជាតិ​ទឹក​នៃ​ស្បែក​ និង​ជួយ​កម្ចាត់​បាក់តេរី​លើ​ស្បែក​​ដែល​​អាច​នាំ​ឲ្យ​មាន​ការ​បង្ក​រោគ​នៃ​ស្បែក​។ ៣. ផ្ដល់​សំណើម​ដល់​ស្បែក​ស្ងួត លើស​ពី​នេះ​ ការ៉ុត​សម្បូរ​ទៅ​ដោយ​​ប៉ូតាស្យូម​ដែល​មាន​ប្រសិទ្ធភាព​ខ្ពស់​ក្នុង​ការ​បំបាត់​ភាព​ស្ងួត​នៃ​ស្បែក​ ​ថែ​បំប៉ន ក៏​ដូចជា​ផ្ដល់​សំណើម​ដល់​ស្បែក​បាន​យ៉ាង​ល្អ​​ឥត​ខ្ចោះ​។ ​ ចង់គណនា BMI ចុចទីនេះ! ចង់គណនា BMR ចុចទីនេះ! ចង់ពិនិត្យជំងឺមហារីកសុដន់ ចុចទីនេះ! ចង់ពិនិត្យជំងឺមហារីកមាត់ស្បូន ចុចទីនេះ! ៤. ការពារ​កម្ដៅ​ថ្ងៃ និង​ពន្យារ​ភាព​ចាស់​​ ​​សារធាតុ​Beta-carotene និង​Carotenoids ​នៅ​ក្នុង​ការ៉ុត អាច​ការពារ​ប្រឆាំង​នឹង​កាំរស្មី​UVA ព្រម​ទាំង​​អាច​កម្ចាត់​ការ​រលាក​ដោយ​កម្ដៅ​ថ្ងៃ​ថែម​ទៀត​ផង​។ មួយ​វិញ​ទៀត ម៉ាស​ធម្មជាតិ​មួយ​ប្រភេទ​នេះ ក៏​ស័ក្តិសម​សម្រាប់​គ្រប់​ប្រភេទ​ស្បែក​ មិន​ថា​ស្បែក​ខ្លាញ់ ស្បែក​ចាស់​ជ្រីវជ្រួញ ស្បែក​​ងាយ​កើត​មុន​ និង​ស្បែក​ស្ងួត ព្រម​ទាំង​ស្បែក​ងាយ​ប្រតិកម្ម​។ ​តិចនិក​ធ្វើ​ម៉ាស​ការ៉ុត ចំហុយ​ការ៉ុត​ចំនួន​២​ រហូត​ដល់​ការ៉ុត​ទន់​ […]

ក្រចកជើងឡើងលឿងក្រាស់អាចបណ្តាលមកពីឆ្លងមេរោគផ្សិត របួស របត់​ឈាមរត់មិនល្អ​ ឬមាន​ជំងឺ​ត្រអកដែលបណ្តាលឱ្យក្រចកជើងមិនស្អាត​។ ដើម្បីឱ្យក្រចកមានសុខភាពល្អឡើងវិញ យើងគួរធ្វើម៉េច? ១. ឆ្លងមេរោគផ្សិត ប្រសិនបើក្រចកជើងឡើងលឿងក្រាស់ដោយសារមេរោគផ្សិត ក្រចកជើង​យើងមិនត្រឹមតែ​ឡើង​លឿង​​ក្រាស់ទេ ថែមទាំងផុយ ហើយប្រែរូប​រាង​​​ទៀតផង។ - លាបប្រេងដូង៖ ប្រេងដូងថ្នាំធម្មជាតិដែលអាចកម្ចាត់មេរោគផ្សិត ព្រោះប្រេងដូងសម្បូរទៅដោយអាស៊ីដខ្លាញ់​ដែល​អាចជ្រាបចូលស្រទាប់ខ្លាញ់របស់ភ្នាសកោសិកាមេរោគផ្សិត រួចបំបែក និងបំផ្លាញ​កោសិកា​មេរោគ​ផ្សិត។ យើងអាចជូតប្រេងដូងនៅលើក្រចកដែលឡើងលឿងក្រាស់ពីរបីដងក្នុងមួយថ្ងៃដើម្បីទទួលបានប្រសិទ្ធភាព។ - ត្រាំជើងជាមួយទឹកខ្មេះផ្លែប៉ោម និងម្សៅបេកឃីងសូដា៖ ម្សៅ​បេកឃីង​​​សូដា​មិនអាចសម្លាប់មេរោគផ្សិតទេ តែអាចការពារមេរោគផ្សិតពីការឆ្លងរាលដាល។ រីឯ​ទឹកខ្មេះផ្លែប៉ោមអាចប្រឆាំងនឹងមេរោគផ្សិត និងបាក់តេរីដោយកាត់បន្ថយកម្រិតជាតិអាស៊ីដ នៅក្នុង​ក្រចកជើង​ឡើងលឿងក្រាសរបស់យើង ព្រោះមេរោគផ្សិតរីកដុះដាល់​លឿន​ក្នុងបរិស្ថានដែលមានជាតិអាស៊ីដ។ ចង់គណនា BMI ចុចទីនេះ! ចង់គណនា BMR ចុចទីនេះ! ចង់ពិនិត្យជំងឺមហារីកសុដន់ ចុចទីនេះ! ចង់ពិនិត្យជំងឺមហារីកមាត់ស្បូន ចុចទីនេះ! យើងអាចលាយទឹកខ្មេះផ្លែប៉ោមមួយពែងជាមួយទឹកក្តៅឧណ្ហៗល្មមត្រាំជើងបាន រួចត្រាំ​រយៈ​ពេល​ ១៥ នាទី។ បន្ទាប់មក លាយម្សៅ​បេកឃីងសូដាចំនួន ៤-៥ ស្លាបព្រាបាយ និង​ទឹកល្មម​ត្រាំ​ជើងបាន រួចត្រាំជើងរយៈពេល ១៥ នាទីដែរ​។ យើងអាចត្រាំជើងបែបនេះពីរដងក្នុងមួយថ្ងៃ។ -​ ជូតក្រចកជើងជាមួយប្រេងដើមតែលាយប្រេងអូលីវ៖ ប្រេងចម្រាញ់ពីដើមតែអាចកម្ចាត់មេរោគផ្សិត និងបាក់តេរីបាន។ យើងអាចជូត​ក្រចក​ជើងជាមួយ​ប្រេង​ចម្រាញ់​ពីដើមតែលាយប្រេងអូលីវដើម្បីជួយបន្ទន់ក្រចកជើង និងជួយឱ្យក្រចកយើង​ប្រែ​ជា​ស្តើង​វិញ និង​អាច​ធ្វើបែបនេះពីរដងក្នុងមួយថ្ងៃ។ ២. របត់ឈាម​រត់​មិនល្អ ​របត់ឈាម​រត់​មិនល្អអាចបណ្តាលមកពីជំងឺរ៉ាំរ៉ៃជាច្រើន ក្នុងនោះជំងឺទឹក​នោមផ្អែមជាមូលហេតុ​ចម្បងមួយ។ ប្រសិនបើយើងមានជំងឺទឹកនោមផ្អែម ក្រចកជើងយើងអាចឡើងលឿងក្រាស់ ដូច្នេះ យើង​ត្រូវ​ព្យាបាល និងគ្រប់គ្រង​ជំងឺទឹកនោមផ្អែមឲ្យ​បាន​ល្អ ដើម្បីឱ្យរបត់ឈាមរត់បានល្អឡើង​វិញ។ ដូច​គ្នា​ដែរ […]

ស្បែកស្អាតស្រស់ថ្លាបានមកពីការថែទាំប្រចាំថ្ងៃ និងពីអាហារដែលយើង​ញុំា ប៉ុន្តែទម្លាប់នៃការញុំា​អាហា​រ​អាចបំផ្លាញសុខភាពស្បែករបស់យើងដោយមិនដឹងខ្លួន។ តើអាហារបំផ្លាញស្បែកមានអ្វីខ្លះ ហើយប៉ះពាល់​ដល់​សុខភាព​ស្បែករបស់យើងយ៉ាងណាខ្លះ? លោកស្រី Paulina Lee ឯកទេសចំណីអាហារ និងជាស្ថាបនិកក្រុមហ៊ុន Savvy Stummy, LLC. បាន​លើក​ឡើងថា ជម្រើសអាហារ និងទម្លាប់នៃការញ៉ាំសុទ្ធ​តែអាចជះឥទ្ធិពល​អវិជ្ជមាន​ដល់ស្បែក​របស់​យើង។ ជារឿយៗ ការមានបញ្ហាស្បែកពាក់ព័ន្ធនឹងការរលាក សុខភាពពោះវៀនខ្សោយ និង ​អតុល្យភាព​អ័រម៉ូន។ ដូច្នេះបើយើងចង់បានស្បែកស្អាតស្រស់ថ្លា យើងគួរកាត់បន្ថយ​ការញុំាអាហារដូចជា៖ ១. អាហារធ្វើឱ្យរលាក ការញុំាអាហារដែលធ្វើឱ្យរលាកដូចជា អាហារបំពង អាហារមានជាតិស្ករច្រើន​ និងខ្លាញ់ខ្ពស់ជាដើម​ អាច​ជះឥទ្ធិពលអវិជ្ជមានដល់សុខភាពពោះវៀន និងបង្កើនការរលាកខាងក្នុង​ដែលនាំ​ឱ្យស្បែក​យើង​ឡើង​មុន។ សុខភាព​​ពោះវៀនមានទំនាក់ទំនងយ៉ាងជិតស្និទ្ធនឹងស្បែករបស់យើង ដូច្នេះ​ប្រសិន​បើសុខភាពពោះវៀនរបស់មិនល្អ សុខភាពស្បែក​​​​របស់ក៏មិនល្អដែរ។ ២. អាហារមានសន្ទស្សន៍ជាតិស្ករខ្ពស់ អាហារដែលសម្បូរទៅដោយកាបូអ៊ីដ្រាតចម្រាញ់ ដូចជាបាយស ភីហ្សា ប៉ាស្តា នំបុ័ងស នំដុត បង្អែម ឬភេសជ្ជៈផ្អែមៗ​គឺជាអាហារ​ដែលមានសន្ទស្សន៍ជាតិស្ករ​ខ្ពស់ដែលអាចបង្កើន​កម្រិត​ជាតិស្ករ​ក្នុងឈាមលឿន។ ការកើនឡើងនៃជាតិស្ករក្នុងឈាមអាចជំរុញការផលិតរបស់អ័រម៉ូន androgens ដែលរួមចំណែកធ្វើឱ្យយើងឡើងមុន។ ៣. អាហារ​ប្រភេទ Fast Food អាហារដូចជា ប៊ឺហ្គឺ ដំឡូងបំពង ភីហ្សា សាំងវិចផ្សំទៅដោយកាបូអ៊ីដ្រាត​ចម្រាញ់ អាហារកែច្នៃ ជាតិខ្លាញ់ ស្ករ និងអំបិលខ្ពស់ដែលធ្វើឱ្យអាហារទាំង​នេះមានរស់ជាតិឆ្ងាញ់។ គ្រឿងផ្សំទាំងនេះ​អាច​ធ្វើ​ឱ្យរាងកាយយើងរលាក។ ចង់គណនា BMR ចុចទីនេះ! ចង់ពិនិត្យសុខភាពប្រព័ន្ធរំលាយអាហារ ចុចទីនេះ! ចង់គណនារង្វាស់ចង្វាក់បេះដូង ចុចទីនេះ! ចង់គណនាថ្ងៃមេជីវិតញីទុំធ្លាក់ […]

​ការ​លាង​សម្អាត​មុខ​ មាន​លក្ខណៈ​​ខុស​ៗ​គ្នា​អាស្រ័យ​ទៅ​តាម​ប្រភេទ​ស្បែក​ វ័យ​ ការ​បញ្ចេញ​សកម្មភាព និង​ពេលវេលា។ ពិត​ណាស់​ ស្រី​ៗ​យើង​តែងតែ​គិត​ថា ការ​លាង​សម្អាត​មុខ​ត្រឹមតែ​២​ដង​​ក្នុង​មួយ​ថ្ងៃ គឺ​​គ្រប់គ្រាន់​ហើយ​ ប៉ុន្តែ​ការ​លាង​សម្អាត​មុខ​បែប​នេះ​ អាច​ច្រើន​ជ្រុល​ និង​តិច​ជ្រុល​សម្រាប់​ស្រី​ៗ​មួយ​ចំនួន​ទៀត​។ តើ​ការ​លាង​សម្អាត​មុខ​បែប​ណា​ទើប​ស័ក្ដិសម​ជាមួយស្បែកមុខ​យើង? ១. ស្បែក​ស្ងួត ឬ​ងាយ​ប្រតិកម្ម​ សម្រាប់​អ្នក​ដែល​មាន​ស្បែក​ស្ងួត ឬ​ងាយ​ប្រតិកម្ម​ ការ​លាង​សម្អាត​មុខ​មួយ​ថ្ងៃ​២​ដង​អាច​ធ្វើ​ឲ្យ​ស្បែក​​រលាក​ ឬ​ក្រហាយ​។ ដូច្នេះ​ហើយ ស្រី​ៗ​យើង​គប្បី​លាង​សម្អាត​មុខ​នៅ​ពេល​ព្រឹក​ជាមួយ​នឹង​ទឹក​ក្ដៅ​ឧណ្ហ​ៗ​​ និង​​ប្រើ​ហ្វូម​លាង​មុខ​ដែល​មាន​ជាតិ​ប្រេង​នៅ​ពេល​យប់​ ដើម្បី​កម្ចាត់​រាល់​ធូលី​ដី ឬ​កាក​សំណល់​ផ្សេង​ៗ ដោយ​មិន​ធ្វើ​ឲ្យ​រលាក​ស្បែក​។ ​​​​២. ស្បែក​ប្រេង និង​ងាយ​កើត​មុន​ ប្រសិនបើ​ស្បែក​របស់​យើង​​រលើបរលោង និង​ងាយ​កើត​មុខ​ជា​ប្រចាំ​នោះ យើង​គួរ​តែ​លាង​សម្អាត​មុខ​ឲ្យ​បាន​ញឹកញាប់​ ទើប​ជា​ការ​ប្រសើរ​។ យ៉ាង​ណា​មិញ ការ​លាង​សម្អាត​មុខ​ច្រើន​ជាង​២​ដង​ក្នុង​មួយ​ថ្ងៃ អាច​​បំផ្លាញ​ស្បែក​របស់​យើង​ទៅ​វិញ ពីព្រោះ​ថា​វា​នឹង​បង្កើន​ការ​ផលិត​ជាតិ​ខ្លាញ់ ​ព្រម​ទាំង​នាំ​ឲ្យ​កើត​មុន​កាន់​តែ​ច្រើន​។ ដើម្បី​​ជួយ​​ពន្យឺត​ដល់​ការ​ផលិត​ជាតិ​ខ្លាញ់ គ្នា​យើង​គប្បី​ជ្រើសរើស​ប្រើ​ហ្វូម​លាង​មុខ​ដែល​មាន​ជាតិ​អាស៊ីដ និង​មិន​​ត្រូវ​លាង​មុខ​ច្រើន​ដង​ពេក​​ឡើយ​​។ ​៣. ប្រើ​គ្រឿង​សម្អាង​ក្រាស់​ៗ​ ផលិតផល​គ្រឿង​សម្អាង​​មួយ​ចំនួន​ អាច​ប្រមូលផ្ដុំ​លើ​ស្បែក​របស់​យើង​ និង​បណ្ដាល​ឲ្យ​ស្ទះ​រន្ធ​ញើស​ ក៏​ដូចជា​ស្នាម​ជ្រីវជ្រួញ​មុន​វ័យ​។ ​ហេតុ​នេះ​ហើយ គ្នា​យើង​គប្បី​​លាង​សម្អាត​មុខ​ឲ្យ​បាន​ស្អាត​ល្អ និង​ត្រឹមត្រូវ ក្រោយ​ពេល​ប្រើ​គ្រឿង​សម្អាង​រួច ដើម្បី​ឲ្យ​ស្បែក​ភ្លឺ​ស្រស់​ថ្លា​ និង​មើល​ទៅ​ក្មេង​ជាង​វ័យ​។ ចង់គណនា BMR ចុចទីនេះ! ចង់ពិនិត្យសុខភាពប្រព័ន្ធរំលាយអាហារ ចុចទីនេះ! ចង់គណនារង្វាស់ចង្វាក់បេះដូង ចុចទីនេះ! ចង់គណនាថ្ងៃមេជីវិតញីទុំធ្លាក់ ចុចទីនេះ! ៤. ហាត់​ប្រាណ​ជា​ទៀងទាត់​ ការ​បញ្ចេញ​សកម្មភាព​រាងកាយ​ មាន​សារសំខាន់​ណាស់​​សម្រាប់​ការ​​គ្រប់គ្រង​ទម្ងន់​​ និង​ជួយ​ឲ្យ​យើង​មាន​ថាមពល​ពេញ​មួយ​ថ្ងៃ​។ យ៉ាង​ណា​មិញ […]

នៅលើទីផ្សារមានផលិតផលថែរក្សាស្បែកជាច្រើនប្រភេទ ប៉ុន្តែមិនមែនផលិតផល​ទាំង​អស់សុទ្ធតែត្រូវជាមួយស្បែកយើងទេ។ ការជ្រើសរើសផលិត​ផល​ថែរក្សា​ស្បែក​មិន​ត្រឹមត្រូវ មិនត្រឹមតែធ្វើឱ្យយើងខាតបង់ប្រាក់ទេ ថែមទាំងធ្វើឱ្យយើង​ខូចស្បែក​ទៀត​ផង។ តើយើងត្រូវជ្រើសរើសផលិតផល​បែបណាទើបត្រូវនឹងស្បែក ហើយ​យើងគួរប្រយ័ត្ន​លើ​ចំណុចណាខ្លះ? ១. ​ស្បែក​ស្ងួត ប្រសិនបើ​មានស្បែកស្ងួត យើងត្រូវរកមើល​ផលិតផល​ដែល​មាន​ផ្ទុក​ជាតិ Shea Butter (ប័រ​សម្រាញ់​ពីគ្រាប់ shea) និង​អាស៊ីដ lactic។ វេជ្ជបណ្ឌិត Jason Green ឯកទេសរោគសើស្បែកនៅរដ្ឋ​ផ្លរីដា សហរដ្ឋអាមេរិកបានលើកឡើងថា សារធាតុផ្សំ​ទាំងនេះ​ជួយ​ផ្តល់​សំណើម និងជួយខាត់ស្បែកក្នុងកម្រិតស្រាលដែលធ្វើឱ្យស្បែកយើងភ្លឺថ្លា។​ ២. ស្បែកងាយប្រតិកម្ម ប្រសិនបើយើងមានស្បែកងាយប្រតិកម្ម យើងត្រូវរកមើលផលិតផលដែលមានធាតុផ្សំពីប្រទាលកន្ទុយក្រពើ  ស្រូវសាលីអូត និង shea butter ព្រោះសារធាតុផ្សំទាំងនេះជួយផ្តល់​សំណើម​ និង​​​មិន​ធ្វើ​ឱ្យស្បែកឡើងមុន​។ ៣. ស្បែកខ្លាញ់ ប្រសិនបើមានស្បែកខ្លាញ់ យើងត្រូវរកមើលផលិតផលដែលមានអាស៊ីដ alpha hydroxy (អាស៊ីដ glycolic ឬ អាស៊ីដ salicylic ), benzoyl peroxide និងអាស៊ីដ hyaluronic ព្រោះសារធាតុផ្សំទាំងនេះមានប្រសិទ្ធភាពក្នុងការគ្រប់គ្រងការផលិតជាតិខ្លាញ់ ខណៈ​អាស៊ីដ hyaluronic ជួយផ្តល់សំណើមដល់ស្បែក​​។ ចង់គណនា BMR ចុចទីនេះ! ចង់ពិនិត្យសុខភាពប្រព័ន្ធរំលាយអាហារ ចុចទីនេះ! ចង់គណនារង្វាស់ចង្វាក់បេះដូង ចុចទីនេះ! ចង់គណនាថ្ងៃមេជីវិតញីទុំធ្លាក់ ចុចទីនេះ! ពេលទិញផលិតផលយើងគួរជ្រើសរើសផលិតផលដែលមានធាតុផ្សំដូច​ជា៖ Glycerin៖ វេជ្ជបណ្ឌិត […]

សក់សំពោងអាចកើតឡើងដោយសារកត្តាហ្សែន ប៉ុន្តែភាគច្រើន​បណ្តាល​មក​ពី​កត្តា​អាកាស​ធាតុ សក់ស្ងួត ឬសក់ខូចដែលធ្វើឱ្យសក់យើងគ្មានសណ្តាប់​ធ្នាប់ មើលទៅ​ដូច​អត់បានសិតអ៊ីចឹង​។ យើងគួរថែសក់បែបណាដើម្បីការពារសក់កុំឱ្យសំពោង? នៅពេលសក់ស្ងួត ឬខូច ស្រទាប់ខាងក្រៅរបស់សក់​នឹងរបើកដែលជាហេតុ​​បណ្តាលឱ្យសំណើម​ពីអាកាស​ធាតុ​ជ្រាបចូលសក់ រួចធ្វើឱ្យសរសៃសក់យើង​ហើម និងសំពោង។ តិចនិកថែសក់ ៩ យ៉ាងការពារសក់សំពោង ខាងក្រោមនេះជាតិចនិចសាមញ្ញមួយចំនួនដែលយើងអាចសាកល្បងដើម្បី​ការពារសក់សំពោង៖ ១. កាត់តម្រឹមចុងសក់ ការ​កាត់តម្រឹមចុងសក់ដែលស្ងួត ឬបែកគឺជាមធ្យោបាយដ៏ល្អក្នុងការ​ដោះស្រាយ​បញ្ហា​សក់សំពោង ​ព្រោះ​ចុងសក់ដែល​បែក ស្ងួត ឬខូច​អាច​បែក ឬ​ខូច​​កាន់តែខ្លាំងរហូតដល់​ឫស​សក់ ហើយ​ធ្វើ​ឱ្យ​សក់​យើងកាន់តែសំពោងខ្លាំង ជាពិសេសប្រសិនបើយើង​រស់នៅ​កន្លែងដែលមានសំណើមខ្ពស់។ ២. ជ្រើសរើសសាប៊ូកក់សក់ឱ្យបានត្រឹមត្រូវ សាប៊ូកក់សក់ជាច្រើនមានធាតុផ្សំដែលអាចធ្វើឱ្យសក់យើងស្ងួត។ យើងគួរ​ជ្រើសរើស​សាប៊ូកក់សក់ដែលគ្មានជាតិស៊ុលហ្វាត មានកម្រិត pH ទាប និងមានសារធាតុ​ផ្តល់​សំណើម​ដូចជា glycerin, ប្រេង argan ប្រូតេអ៊ីន elastin និង ceramides ជាដើម​ដើម្បីជួយបំប៉ន និងផ្តល់សំណើមដល់សក់ និងការពារសក់សំពោង។ ៣. បន្ទន់សក់ ការ​បន្ទន់សក់អាចជួយឱ្យសក់យើងមានសំណើម និងថែរក្សាសក់បន្ទាប់ពីកក់សក់រួច ព្រោះសូម្បីតែសាប៊ូកក់សក់ដែលមានសារធាតុផ្តល់សំណើមខ្លាំងក៏ធ្វើសក់យើងបាត់បង់សំណើមតិចតួចដែរ។ ៤. កាត់បន្ថយការប្រើម៉ាស៊ីនកម្តៅលើសក់ ការផ្លុំ មូរ ឬកៀបសក់ញឹកញាប់អាចធ្វើឱ្យសក់យើងស្ងួត ខូច និងសំពោង។ ជំនួស​ឱ្យ​ការផ្លុំសក់ឱ្យស្ងួត យើងអាចទុកសក់ឱ្យស្ងួតតាធម្មតា​។ លើសពីនេះ​ទៅទៀត យើង​អាច​ប្រើវីធីមូរ ឬធ្វើឱ្យសក់ត្រង់តាមធម្មជាតិជាជាងមូរ ឬកៀបដោយម៉ាស៊ីន។ ប្រសិន​បើ​យើងត្រូវប្រើម៉ាស៊ីនទាំងនេះ យើងត្រូវបន្ថយកម្តៅម៉ាស៊ីន។ លើស​ពីនេះទៅទៀត មុន​កៀប ឬមូរសក់ យើង​ត្រូវ​ការពារសក់ជាមួយផលិតផល​ការពារ​កម្ដៅ​ដូច​ជា​ស្ព្រាយ […]

ការធ្វើក្រចក ជួយ​ឱ្យក្រចកយើងស្អាត និងបង្កើនទំនុកចិត្ត ប៉ុន្តែការទៅធ្វើ​ក្រចក​នៅហាងធ្វើក្រចកអាចធ្វើឱ្យយើងមានហានិភ័យឆ្លងបាក់តេរី មេរោគផ្សិត ឬវីរុស​ដែលបណ្តាលឱ្យមានបញ្ហាសើស្បែក ឬខូច​ក្រចក។ ការធ្វើក្រចកនៅហាងធ្វើក្រចកអាច​ប្រឈមហានិភ័យដូចជា៖ ឆ្លងបាក់តេរី៖ នៅពេលឆ្លងបាក់តេរី ក្រចក ឬតំបន់ជុំវិញ​ក្រចក​​​នឹង​ឡើង​ពណ៌ក្រហម ឬហើម ឆ្លងមេរោគផ្សិត៖ ប្រសិនបើយើងឆ្លងមេរោគផ្សិត ក្រចកនឹងប្រែ​ជា​ពណ៌​លឿង ឬរបើក ឆ្លងវីរុស៖ បើយើងឆ្លងវីរុស បាតជើងនឹងកើតឫស​ ដែលមាន​សភាព​ដូច​សាច់​ក្រិន ហើយមានចំណុចពណ៌ខ្មៅតូចៗ បន្ទាប់ពីធ្វើក្រចកហើយប៉ុន្មានខែ។ ដើម្បីចៀសវាងមានបញ្ហាដូចខាងលើ យើងគួរអនុវត្តតាម​គន្លឹះ​ដូចខាងក្រោម​ នៅ​ពេល​ទៅធ្វើក្រចក៖ ១. ត្រូវប្រាកដថាឧបករណ៍ធ្វើក្រចកបានសម្លាប់មេរោគ មុននឹងឱ្យជាងធ្វើក្រចក យើងត្រូវប្រាកដថាជាងបានសម្លាប់មេរោគឧបករណ៍​ធ្វើក្រចក ក៏ដូចជាផ្តិលសម្រាប់ត្រាំក្រចក ឲ្យបាន​រួចរាល់សិន។ ការសម្លាប់មេរោគអាចធ្វើឡើងតាមរយៈត្រាំឧបករណ៍ក្នុងទឹកថ្នាំសម្លាប់មេរោគ។ យើងមិនគួរប្រើឧបករណ៍ធ្វើក្រចកដែលមិនធ្វើពីលោហធាតុ ដូចជាប្រដាប់ខាត់ក្រចករួមជាមួយភ្ញៀវផ្សេងទេ ព្រោះឧបករណ៍ទាំងនេះ​មិនអាចត្រាំ​ក្នុង​​ទឹកថ្នាំសម្លាប់មេរោគ​បាន។ ការសម្លាប់មេរោគលើ​ឧបករណ៍ធ្វើក្រចកអាចការពារយើង​ពីការឆ្លងមេរោគ វីរុស ឬមេរោគ​ផ្សិតដែលជាប់លើឧបករណ៍ធ្វើក្រចកពីអ្នកផ្សេង។ ២. កុំកោររោមជើង មុនទៅធ្វើក្រចក យើងគួរចៀសវាងកោររោមជើង ព្រោះការកោររោមជើង​អាចធ្វើឱ្យ​រលាត់​ស្បែក ឬមុតដាច់សាច់ជើងដែលងាយនឹងឱ្យមេរោគឆ្លងចូល​ខ្លួន។ ៣. ស្នើឱ្យជាងកាត់ក្រចករាងការ៉េ ពេលធ្វើក្រចក យើងអាចប្រាប់ឱ្យជាងកាត់ក្រចកជារាងការ៉េ ជាជាងរាងពងក្រពើ ដើម្បីការពារក្រចកកប់ក្នុងសាច់ (ត្រចៀកក្រាញ)។ ចង់គណនា BMI ចុចទីនេះ! ចង់គណនា BMR ចុចទីនេះ! ចង់ពិនិត្យសុខភាពប្រព័ន្ធរំលាយអាហារ ចុចទីនេះ! ចង់គណនារង្វាស់ចង្វាក់បេះដូង ចុចទីនេះ! ៤. កុំឱ្យជាងកាត់សាច់គល់ក្រចក សាច់គល់ក្រចកមាននាទីការពារក្រចករបស់យើង។ ប្រសិនបើសាច់គល់ក្រចក​​ត្រូវ​កាត់​ចេញ បាក់តេរី វីរុស ឬមេរោគផ្សិតអាចឆ្លងចូលសាច់ក្រចកបានដោយងាយ។ ប្រសិនបើចៀសកាត់សាច់គល់ក្រចកមិនបាន យើងត្រូវស្នើជាងឱ្យជូត​អាល់កុល​មុន និងក្រោយ […]

មុខឡើងអាចម៍រុយអាចដោយសារមកពីកត្តាតំណពូជ និងដោយសារមកពីត្រូវ​កម្តៅ​ថ្ងៃ​ច្រើន។ តើយើងគួរថែទាំស្បែកមុខបែបម៉េចដើម្បីកុំឱ្យឡើងអាចម៍រុយកាន់តែច្រើន ឬ​ដើម្បី​កាត់បន្ថយពណ៌របស់អាចម៍រុយកុំឱ្យឃើញ​ដិត​ពេក? ហេតុអ្វីមុខយើងឡើងអាចម៍រុយ? យោងតាមគ្រូពេទ្យរោគសើស្បែកបានឱ្យដឹងថា អាចម៍រុយកើតឡើងដោយសារ​​​កត្តា​ហ្សែន។ ថ្វីត្បិតតែយើងកើតមកអត់មានអាចម៍រុយ តែ​ហ្សែន​របស់យើងជាអ្នកកំណត់ ហើយនៅពេលយើងត្រូវកម្តៅថ្ងៃច្រើន ស្បែករបស់យើងនឹង​ឡើងអាចម៍រុយ​ដោយសារតែ​​ពន្លឺថ្ងៃជំរុញកោសិកាមេឡាណូស៊ីត​ឲ្យផលិតសារធាតុពណ៌មេឡានីនដែលផ្តល់ពណ៌ដល់ស្បែកច្រើន។ ការណ៍នេះដោយសារអាចម៍រុយមានទំនាក់ទំនងនឹងហ្សែនដែលគ្រប់គ្រងពណ៌​ស្បែក​ និង​សក់​របស់យើង។ ហ្សែន MC1R គ្រប់គ្រងបរិមាណសារធាតុពណ៌មេឡានីន​ទាំងពីរ​ប្រភេទ​ដែលកោសិកាមេឡាណូស៊ីតផលិត។ សារធាតុពណ៌មេឡានីនទាំងពីរប្រភេទមានដូចជាអឺមេឡានីន (eumelanin) ដែល​មាន​ពណ៌​ត្នោតចាស់ និងភីអូមេឡានីន (pheomelanin) ដែលមានពណ៌ទឹកក្រូច។ ប្រសិនបើហ្សែន MC1R របស់យើងអសកម្ម កោសិកាមេឡាណូស៊ីត​នឹងផលិត​​ភីអូមេឡានីន​ច្រើន ហើយធ្វើឱ្យយើងមានសក់ពណ៌រាងក្រហម ឬពណ៌ទង់ដែង និង​មាន​ស្បែកពណ៌លឿងដែលយើងហៅសាមញ្ញថា ស ហើយងាយនឹងឡើងអាចម៍រុយ ព្រោះភីអូមេឡានីនមិនមិនអាចការពារស្បែកយើងពីការបំផ្លាញរបស់កាំរស្មីព្រះអាទិត្យទេ។ ខាងក្រោមនេះជាតិចនិកថែរក្សាស្បែកមុខកុំឱ្យឡើងអាចម៍រុយកាន់តែច្រើន ឬ​ដើម្បី​កាត់​បន្ថយពណ៌របស់អាចម៍រុយកុំឱ្យឃើញដិតពេក៖ ១. ចៀសវាងត្រូវកម្តៅថ្ងៃ កាលណាស្បែកមុខយើងត្រូវពន្លឺថ្ងៃយូរ អាចម៍រុយនៅលើមុខនឹងឡើង​កាន់តែ​ច្រើន ហើយឡើងកាន់តែដិត។ ដូច្នេះយើងត្រូវចៀសវាងហាលថ្ងៃនៅចន្លោះពីម៉ោង ១០ ព្រឹកដល់ម៉ោង ៤ ល្ងាចដែលជាពេលពន្លឺព្រះអាទិត្យមានកម្តៅខ្លាំង។ ការធ្វើបែបនេះក៏អាចជួយការពារស្បែកមុខ ពីការការឡើងអាចម៍រុយកាន់តែច្រើន និងជួយកាត់បន្ថយពណ៌អាចម៍រុយនៅលើស្បែកមុខរបស់យើងដែរ។ ប្រសិនបើយើងត្រូវចេញក្រៅ យើងត្រូវលាបក្រែមការពារកម្តៅថ្ងៃដែលមាន SPF ចាប់ពី ៣០ ឡើងទៅ ហើយអាចការពារបានទាំងកាំរស្មី UVA និង UVB មុន ៣០ នាទី។ ពិសេសជាងនេះទៅទៀត យើងត្រូវពាក់មួកដែលមានគែមធំទូលាយ ឬត្រូវ​ប្រើ​ឆ័ត្រដើម្បីការពារស្បែកមុខយើងពីពន្លឺថ្ងៃ។ ២. ខាត់ស្បែកមុខឱ្យបានទៀងទាត់ ការខាត់ស្បែកម្តងក្នុងមួយសប្តាហ៍អាចជម្រុះកោសិកាស្បែកងាប់ចេញ ធ្វើឱ្យ​ស្បែក​មុខយើងមានសុខភាពល្អ […]

ការ​កក់​សក់​មិន​​ត្រឹមតែ​ជា​ការ​លាង​សម្អាតសក់ពីធូលីដី ឬ​ញើសទេ​ ថែមទាំង​​​ថែរក្សា​ស្បែក​ក្បាល និងសក់ឱ្យមានសុខភាពល្អទៀតផង ព្រោះសក់ដែល​​មានសុខភាព​ល្អ​ គឺ​ចាប់ផ្តើមពីឫសសក់នៅស្បែកក្បាលមានសុខភាពល្អ។ អ៊ឹចឹង​យើងគួរកក់​សក់​ញឹកញាប់​ប៉ុនណាដើម្បីឱ្យសក់ និងស្បែកក្បាល​យើងមានសុខភាពល្អ? ១. សក់ត្រង់ ឬសក់ស្តើង ស្បែកក្បាលរបស់យើងគ្របដណ្តប់ដោយឫសសក់ ដែលឫសសក់នីមួយៗ​មាន​​ក្រពេញ​ខ្លាញ់សម្រាប់ផលិតខ្លាញ់ ដើម្បីផ្តល់សំណើមដល់សក់។ ប្រសិនបើយើងមានសក់ត្រង់ ឬសក់​តិច ស្បែកក្បាលមានចន្លោះច្រើន​ដែលងាយ​​នឹង​ឡើង​ប្រេង។ អ៊ឹចឹងសក់របស់យើងក៏ងាយឡើងប្រេងដែរ ដូច្នេះយើងត្រូវកក់សក់ពីរ ឬបីថ្ងៃម្តង​ដើម្បីការពារស្បែកក្បាល និងសក់កុំឱ្យឡើងប្រេង និងក្អែលដែលបណ្តាល​ឱ្យ​ឡើង​អង្គែ និងជ្រុះសក់។ ២. សក់ក្រាស់ ដោយសារសក់ក្រាស់មានឫសសក់ច្រើន ដូច្នេះស្បែកក្បាលយើងមានចន្លោះតិច ដែល​មិនងាយនឹងឡើងប្រេង។ ដូច្នេះការកក់សក់ម្តង ឬពីរដងក្នុងមួយ​សប្តាហ៍ ​គឺគ្រប់គ្រាន់ហើយ។ ៣. សក់ស្ងួត ឬខូច សក់ស្ងួតអាចបណ្តាលមកពីការកៀប អ៊ុត ឬលាបសក់ជាដើម។ យើងគួរ​កក់​​សក់​រៀង​រាល់ ៥ ទៅ ៧ ថ្ងៃម្តង ដើម្បីឱ្យស្បែកក្បាលយើងឡើងប្រេង​ដែលជួយផ្តល់​សំណើម​ដល់​សក់។ ការកក់សក់ញឹកញាប់អាចបណ្តាលឱ្យសក់​កាន់តែស្ងួត និងកាន់តែខូច។ ចង់គណនា BMR ចុចទីនេះ! ៤. សក់រួញ យើងគួរកក់សក់បីថ្ងៃម្តង ឬពីរដងក្នុងមួយសប្តាហ៍ដើម្បីការពារស្បែកក្បាល និងសក់ឡើងក្អែល ឬឡើងប្រេង​ដែល​ធ្វើឱ្យឫសសក់ស្ទះ ព្រោះសក់រួញមិនងាយឡើងប្រេងដូចសក់ត្រង់ទេ។ ៥. សក់មានជាតិប្រេងច្រើន សក់យើងអាចមានជាតិប្រេងច្រើនដោយសារក្រពេញខ្លាញ់នៅឫសសក់ផលិតខ្លាញ់ច្រើន ឬដោយសារយើងប្រើផលិតផលលាប ឬតុបតែងសក់មួយចំនួន។ យើងគួរកក់​សក់​រាល់​ថ្ងៃ ដើម្បី​ការពារស្បែកក្បាល និងសក់ឡើងប្រេង​​ខ្លាំង​ដែលបណ្តាលឱ្យស្ទះ​ឫសសក់ ឡើងអង្គែ និងជ្រុះសក់។ ​ ៦. កើតអង្គែ អង្គែអាចបណ្តាលមកពីស្បែកក្បាលឡើងប្រេងច្រើន […]