ជាទូទៅស្រែងទឹកដោះកើតឡើងនៅលើមាត់ ថ្ពាល់ ចង្កា ផ្នត់ក ឬទ្រូងរបស់ទារកដែលធ្វើឱ្យស្បែកអាអូនរលាកក្រហមៗ។ ហេតុអ្វីបានជាអាអូនកើតស្រែងទឹកដោះ? ម៉ាក់ប៉ាគួរធ្វើម៉េច?
ស្រែងទឹកដោះកើតឡើងដោយសារស្បែកអាអូនរោលជាមួយទឹកមាត់។ ជាទូទៅ កូនអាចកើតស្រែងទឹកដោះនៅអាយុប្រហែល ២ ទៅ ៣ ខែ ព្រោះក្រពេញទឹកមាត់កូនលូតលាស់ ដែលអាចធ្វើឱ្យស្រក់ទឹកមាត់ ឬចេះតែស្រក់ទឹកមាត់។
ម្យ៉ាងទៀតនៅពេលអាអូនដុះធ្មេញ ក៏អាចស្រក់ទឹកមាត់ដែរ ឬរមាស់ធ្មេញដែលធ្វើឱ្យអាអូនចេះតែលូកដៃចូលមាត់ ឬខាំរបស់នេះរបស់នោះដែលបណ្តាលឱ្យទឹកមាត់ស្រក់ជាប់លើស្បែក និងបណ្តាលឱ្យរោល។
ម៉ាក់ប៉ាអាចធ្វើតាមការណែនាំខាងក្រោមដើម្បីកាត់បន្ថយអាការៈរមាស់ និងព្យាបាលស្រែងទឹកដោះ៖
១. សម្អាតស្បែកកូននឹងទឹកក្តៅឧណ្ហៗ
វេជ្ជបណ្ឌិត Livpreet Singh ឯកទេសរោគកុមារនៅ Scripps Coastal Medical Center Eastlake បានណែនាំឱ្យម៉ាក់ប៉ាលាងស្បែកអាអូនកន្លែងកើតស្រែងទឹកដោះជាមួយទឹកក្តៅឧណ្ហៗពីរដងក្នុងមួយថ្ងៃ រួចផ្តិតជាមួយកន្សែងស្អាតទន់ៗឱ្យស្ងួត។
២. លាបក្រមួន ឬគ្រីមព្យាបាលរលាកស្បែក
ម៉ាក់ប៉ាអាចលាបក្រមួន ឬគ្រីមព្យាបាលរលាកស្បែកដើម្បីកាត់បន្ថយអាការៈរមាស់ ការពារស្បែកកូនកុំឱ្យរោលជាមួយទឹកមាត់ និងដើម្បីព្យាបាលស្បែក តែមុនលាបក្រមួន ឬគ្រីមព្យាបាលរលាក ម៉ាក់ប៉ាគួរផ្តិតស្បែកអាអូនឱ្យស្ងួតសិន។
៣. ចៀសវាងប្រើផលិតផលថែរក្សាស្បែកប៉ះពាល់ស្បែកទារក
ម៉ាក់ប៉ាគួរជ្រើសរើសផលិតផលថែរក្សាស្បែកដូចជា សាប៊ូដុសខ្លួន សាប៊ូកក់សក់ ឬឡេលាបខ្លួនដែលគ្មានក្លិនប្រអូប និងមានជាតិសាប៊ូខ្សោយឱ្យអាអូន ដើម្បីកុំឱ្យស្បែករលាក ឬរមាស់កាន់តែខ្លាំង។
ចង់គណនាថ្ងៃសម្រាលកូន ចុចទីនេះ!
ចង់គណនាទម្ងន់ស្រ្តីពពោះ ចុចទីនេះ!
ចង់គណនាថ្ងៃមេជីវិតញីទុំធ្លាក់ ចុចទីនេះ!
ចង់ដឹងអត្ថន័យពណ៌ និងរូបរាងលាមកទារក ចុចទីនេះ!
៤. ចៀសវាងប្រើសាប៊ូមានជាតិកាត់ខ្លាំង
ម៉ាក់ប៉ាគួរបោកខោអាវ កន្សែង ភួយ ឬសម្ភារប្រើប្រាស់ផ្ទាល់ខ្លួនរបស់អាអូនជាមួយសាប៊ូដែលមិនសូវមានជាតិកាត់ និងគ្មានក្លិនក្រអូបដើម្បីកុំឱ្យអាការៈរោលរបស់អាអូនកាត់តែធ្ងន់ធ្ងរ។
៥. ជូតមាត់ឱ្យកូនរាល់ពេលបំបៅរួច
រាល់ពេលបំបៅរួច ម៉ាក់ប៉ាគួរយកកន្សែងសើមមកជូតស្បែកកន្លែងកើតស្រែងរបស់អាអូនថ្នមៗ រួចផ្តិតស្បែកអាអូនជាមួយកន្សែងស្ងួតឱ្យស្ងួតកុំឱ្យទឹកមាត់ ទឹកដោះ ឬទឹកដោះគោម្សៅជាប់មាត់អាអូន។
៦. កាត់ក្រចកឱ្យខ្លី
ម៉ាក់ប៉ាគួរកាត់ក្រចកអាអូនឱ្យខ្លីជានិច្ច និងពាក់ស្រោមដៃទន់ៗធ្វើពីកប្បាសដើម្បីការពារអាអូនខ្វារ ឬអេះស្បែកកន្លែងកើតស្រែងទឹកដោះដែលធ្វើឱ្យអាការៈកាន់តែធ្ងន់ធ្ងរ ព្រោះស្រែងទឹកដោះធ្វើឱ្យអាអូនរមាស់ពិបាកក្នុងខ្លួន។
[embed-health-tool-due-date]
៧. សម្អាតដបទឹកដោះគោ ឬក្បាល់ដោះជ័ររាល់ពេលប្រើរួច
រាល់ពេលអាអូនបៅ ឬបៀមក្បាលដោះជ័រហើយ ម៉ាក់ប៉ាគួរលាងសម្អាតដបទឹកដោះគោ ឬក្បាលដោះជ័រ រួចសម្លាប់មេរោគមុននឹងឱ្យកូនបៅ ឬបៀមក្បាលដោះជ័រម្តងទៀត ដើម្បីការពារស្បែកពីការប្រឡាក់ទឹកមាត់។
បើម៉ាក់ៗបំបៅដោះកូន គួរជូតសម្អាតសុដន់ និងក្បាលសុដន់រាល់ពេលបំបៅអាអូនរួច។
ជាធម្មតាស្រែងទឹកដោះនឹងជាសះស្បើយក្នុងរយៈពេលមួយសប្តាហ៍ ប៉ុន្តែប្រសិនបើអាការៈអាអូនមិនធូរស្បើយទេ ឬកាន់តែធ្ងន់ធ្ងរៗទៅ ម៉ាក់ប៉ាគួរនាំកូនទៅជួយគ្រូពេទ្យសើស្បែក។
អត្ថបទគួរអាន៖
- ម៉ាក់ៗដឹងអត់? សារធាតុសៗជាប់ស្បែកទារកមានប្រយោជន៍អ្វីខ្លះ?
- ទារករលាកស្បែកមុខ ទៅជាគ្រើម ឡើងពណ៌ក្រហមៗ អាចមកពីបញ្ហាប៉ុន្មាននេះ
- ចង់ឲ្យស្បែកអាអូនទន់រលោង មិនងាកៗប្រតិកម្ម តិចនិកប៉ុន្មានចំណុចនេះអាចជួយម៉ាក់ប៉ាបាន
- ទារកទើបកើតរបកស្បែកបណ្ដាលមកពីអ្វី? គួរបារម្ភអត់?
- ទារកឡើងកន្ទួលលើស្បែក ប្រើថ្នាំលាបច្រើនអាចផ្ដល់ផលរំខានដល់កូន
- បេប៊ីទើបនឹងកើតមានស្បែកមុខស្ងួត ម៉ាក់ៗគួរធ្វើបែបណា?
ចំំណុចសំខាន់
- សម្អាតស្បែកអាអូនជាមួយទឹកក្តៅឧណ្ហៗ
- លាបក្រមួន ឬគ្រីមព្យាបាលរលាកស្បែក
- ចៀសវាងប្រើផលិតផលថែរក្សាស្បែកដែលប៉ះពាល់ស្បែកទារក
- ចៀសវាងប្រើសាប៊ូដែលមានជាតិកាត់ខ្លាំង
- ជូតមាត់ឱ្យអាអូនរាល់បំបៅរួច
- កាត់ក្រចកអាអូនឱ្យខ្លី
- សម្អាតដបទឹកដោះគោ ឬក្បាល់ដោះជ័ររាល់ពេលអាអូនប្រើរួច
