បើរវល់ ហើយចង់រក្សាអត្ថបទទុកអានពេលក្រោយច្រើនប៉ុណ្ណាក៏បាន គ្រាន់តែ Login ហើយចូលទៅកាន់ សុខភាពខ្ញុំ ឥឡូវនេះ!

មាតិកា

រង្វាស់សុខភាព

ចែករំលែក

ទារកយំ មកពីមូលហេតុច្រើនយ៉ាង តើមានអ្វីខ្លះ?

ទារកយំមានមូលហេតុច្រើនយ៉ាង ម៉ាក់ៗទើបមានកូនដំបូងប្រហែលមិនបានដឹងអស់នោះទេ តើកូនយំដោយសាររឿងអីខ្លះ? ដើម្បីជាជំនួយដល់ម៉ាក់ៗថ្មីថ្មោង Hello គ្រូពេទ្យ នឹងបង្ហាញមូលហេតុធ្វើឲ្យទារកយំ។

ទារកយំ មកពីមូលហេតុច្រើនយ៉ាង តើមានអ្វីខ្លះ?

១- ឃ្លាន

ទារកឃ្លានម៉ឹមទឹកដោះម៉ាក់ ឬទឹកដោះគោ គ្មានសញ្ញាអ្វីក្រៅពីយំទេ ព្រោះគេមិនទាន់ចេះនិយាយ បើដល់ម៉ោងបៅហើយគេយំនេះ បញ្ជាក់កូនឃ្លានហើយ ត្រូវបំបៅកូនភ្លាម។

២- មិនស្រួលខ្លួន

ពេលមិនស្រួលខ្លួន ឈឺចាប់កន្លែងណាមួយ ពិសេសក្តៅខ្លួន ក្អក ផ្តាសាយ ហៀរសំបោរ ឈឺពោះ ទារកនឹងយំងរង៉ក់ដាក់ម៉ាក់ប៉ា មិនចង់បៅដោះនោះទេ ដូចតែយើងមនុស្សធំអ៊ីចឹងដែរ។ បើកូនយំដោយសារសារក្តៅខ្លួន ត្រូវប្រញាប់ឲ្យកូនញ៉ាំថ្នាំបញ្ចុះកម្តៅ ឬនាំទៅពេទ្យ។

ទារក

ចង់គណនាថ្ងៃមេជីវិតញីទុំធ្លាក់ ចុចទីនេះ !

ចង់គណនាថ្ងៃសម្រាលកូន ចុចទីនេះ !

ចង់គណនាទម្ងន់ស្រ្តីពពោះ ចុចទីនេះ !

ចង់ដឹងអត្ថន័យពណ៌ និងរូបរាងលាមកទារក ចុចទីនេះ !

៣- ហត់នឿយ

ក្មេងក៏ចេះធុញ និងហត់នឿយដូចមនុស្សចាស់ដែរ ពេលគេលេងច្រើនពេក ឬធ្វើរឿងដដែលៗ ដូចនេះម៉ាក់ប៉ាត្រូវចេះរិះរកវិធីលេងជាមួយឲ្យច្រើនរបៀប ទើបកូនរីករាយ មិនស្ត្រេស។

៤- មានអ្វីរំខាន

សំឡេងរំខានផ្សេងៗនៅជុំវិញខ្លួន កន្ទួលរមាស់ សត្វល្អិតខាំ ឬទិច ឬមានអ្វីរារាំងនៅចំពោះមុខគេនោះ សុទ្ធតែជាការរំខាន ធ្វើឲ្យកូនធុញថប់ ទៅជាស្រែកយំដែរ។

៥- ដុះធ្មេញ

ពេលអាយុបាន ៦ ខែ ទារកចាប់ផ្តើមដុះធ្មេញបណ្តើរៗហើយ ដែលពេលដុះធ្មេញដំបូងធ្វើឲ្យអញ្ចាញធ្មេញអាអូនឈឺ ឬហើម ក៏រករឿងយំ អំឡុង ១-២ ថ្ងៃដំបូង។

អត្ថបទពាក់ព័ន្ធ៖

ចំណុចសំខាន់

ទារកយំអាចបណ្តាលមកពីមូលហេតុច្រើនយ៉ាង៖

ឃ្លាន
មិនស្រួលខ្លួន
ហត់នឿយ
មានអ្វីរំខាន
ដុះធ្មេញ

ត្រួតពិនិត្យដោយ

វេជ្ជ. ចាន់ ស៊ីណេត

ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ

អត្ថបទដោយ ដេត ធន្នី · កែ 22/12/2023