ស្រីៗគ្នាយើងយកល្អ ក្រោយសម្រាលបេប៊ីរួច គួរឲ្យកូនបៅដោះយ៉ាងហោចណាស់ពី ៤-៦ខែ ឬយូរជាងនេះតាមដែលអាចធ្វើទៅបាន។ ប៉ុន្តែគ្នាយើងខ្លះរវល់ខ្លាំង អត់មានពេលបំបៅ ក៏ប្តូរប្រើដបជំនួសវិញ។
មាតិកា
បេប៊ីងឿកអត់បៅដបទឹកដោះ ប៉ាម៉ាក់គួរធ្វើម៉េចល្អ?
អ្វីជាបញ្ហា? អូនៗភាគច្រើនអត់ចូលចិត្តបៅដបដោះគោទេ ចឹងត្រូវធ្វើម៉េច? ចង់ដឹង អានអត្ថបទ “Hello គ្រូពេទ្យ” អាចជួយបាន ហើយងាយស្រួលទៀត។
១ – ត្រូវធ្វើឲ្យបេប៊ីអារម្មណ៍ដូចជាបៅដោះម៉ាក់ៗ
បេប៊ីអាចចូលចិត្តដបទឹកដោះគោ នៅពេលមានរសជាតិ ក្លិន ដូចបៅដោះម៉ាក់ បើអូនៗរើសពេក យើងអាចបូមទឹកដោះភ្លាម ឲ្យទៅអូនៗ។ បើអូនៗនៅតែមិនព្រមបៅដប ត្រូវរកទិញដបមានក្បាលដោះសឹងតែដូចដោះម៉ាក់។
២ – នៅឲ្យឆ្ងាយពីអូនៗ
គ្រូពេទ្យតែងផ្តល់យោបល់ឲ្យយើងនៅឆ្ងាយពីអូនៗបន្តិច ដូចជា មិនបាច់បំបៅផ្ទាល់ ទោះនៅក្នុងផ្ទះតែមួយ គួរនៅបន្ទប់ផ្សេងគ្នា ទុកឲ្យប៉ាៗ ឬសាច់ញាតិផ្សេងទៀតបំបៅអាអូនក៏បាន។
ចង់ដឹងអត្ថន័យពណ៌ និងរូបរាងលាមកទារក ចុចទីនេះ!
៣ – បន្ថែមសារធាតុផ្អែម
ម៉ាក់ៗមានបទពិសោធច្រើនរឿងនេះ ណែនាំថាគ្នាយើង គួរបន្ថែមអ្វីមួយទៅក្នុងដបដើម្បីឲ្យរសជាតិកាន់តែឆ្ងាញ់។ ម៉ាក់ៗដទៃទៀតក៏គិតដូចគ្នាដែរ ស្ករជាជម្រើសមិនល្អ ប៉ុន្តែអាចជាជម្រើសមួយធ្វើឲ្យអូនៗទទួលយកដបទឹកដោះគោ។ យើងអាចផ្សើមក្បាលដោះលើដប ដាក់ស្ករបន្តិច។ យ៉ាងណា វិធីនេះត្រូវមានការអនុញ្ញាតពីគ្រូពេទ្យជាមុន។
៤ – ប្រើពែងជំនួសដប
បើអូនៗនៅតែមិនបៅដប អាចប្រើពែងជំនួស ប៉ុន្តែត្រូវពិគ្រោះជាមួយពេទ្យសិន។ យើងត្រូវរៀនពីរបៀបប្រើពែង ដើម្បីបញ្ចុកអូនៗឲ្យបានត្រឹមត្រូវ បញ្ចុកមិនត្រឹមត្រូវ អាចធ្វើឲ្យអូនៗឈ្លក់។
៥ – មានភាពអំណត់
ធ្វើឲ្យអូនៗព្រមបៅដប ម៉ាក់ៗអាចប្រើពេលយូរបន្តិច អាច ២-៣ ថ្ងៃ ២-៣ សប្តាហ៍ ឬចូលដល់ខែក៏មាន។ គ្នាយើងខ្លះអាចប្រើដបទឹកដោះ ១០ ប្រភេទខុសៗគ្នាក្នុងរយៈពេល ២ ខែ ដើម្បីដឹងថាដបណាអូនៗចូលចិត្ត។ ចឹងយើងត្រូវសាកល្បង និងអំណត់ឲ្យបានច្រើន។
៦ – ជ្រើសរើសពេលត្រឹមត្រូវ
ពេលវេលាសំខាន់ណាស់ សម្រាប់ការបំបៅអូនៗដោយប្រើដប យើងគួរជំរុញបន្តិចម្តងៗ កុំបង្ខំ។ ពេលល្អបំផុត គឺពេលអូនៗមិនឃ្លានខ្លាំងពេក មិនឆ្អែតខ្លាំងពេក មិនអស់កម្លាំង មិនមួម៉ៅ អាច ៣០-៦០ នាទីក្រោយបំបៅដោះ ឬផ្តល់អាហារ។ បើបេប៊ីយើងបង្ហាញសញ្ញាគ្មានផាសុកភាព ឈប់ភ្លាម! ព្យាយាមម្តងទៀតនៅពេលក្រោយ។ សំខាន់ឲ្យអូនៗស៊ាំនឹងដបទឹកដោះគោ ទើបអូនៗសប្បាយនឹងទទួលយកអ្វីដែលថ្មី។
អត្ថបទគួរអាន៖
- ៥ តិចនិក ម៉ាក់ប៉ាលែងល្វីងមុខ ពេលអាអូនចាប់ផ្ដើមក្បាលខូច
- កុមារ ឬក្មេងជំទង់មានចរិតហិង្សា អាចមកពីកត្តាទាំងនេះ
- ប៉ុន្មានហេតុផលនេះ ប៉ាម៉ាក់ល្មមឈប់ដាក់ទណ្ឌកម្មកូនទៀតទៅ
- ម៉ាក់ប៉ាមករៀនតិចនិកទប់ស្កាត់ កូនៗឈ្លោះគ្នាជាមួយបងប្អូន
- មិនចង់ឲ្យកូនធំឡើងកោងកាច ម៉ាក់ប៉ាកុំធ្វើរឿងទាំងនេះនៅមុខកូន
- បើមិនចង់ឲ្យក្លាយជាក្មេងទម្រើស សាកប៉ុន្មានរបៀបនេះ
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Bottle Refusal
https://lacted.org/iable-breastfeeding-education-handouts/bottle-refusal/
Tips for bottle-feeding your baby
https://www.nct.org.uk/baby-toddler/feeding/practical-tips/tips-for-bottle-feeding-your-baby
Bottles and Other Tools
https://www.llli.org/breastfeeding-info/bottles/
កំណែប្រែបច្ចុប្បន្ន
07/03/2024
អត្ថបទដោយ Meng Vatana
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម