មានម៉ាក់ៗមួយចំនួនឆ្ងល់ថា បើអាអូនមានបញ្ហាផ្ចិតលៀន ឬក្លនលើផ្ចិតកូន អាចមានផលប៉ះពាល់ដល់សុខភាពកូនដែរទេ? ហើយវាអាចបាត់ទៅវិញដោយខ្លួនឯងដែរអត់?
មាតិកា
ម៉េចទារកទើបកើតខ្លះមានបញ្ហាផ្ចិតលៀន? អាចបាត់ទៅវិញអត់?
ពិតណាស់ បញ្ហាផ្ចិតលៀនតែងកើតឡើងជាញឹកញាប់លើទារក និងកុមារតូចៗ ហើយជាពិសេសគឺទារកដែលកើតមិនគ្រប់ខែ។ ជាទូទៅ ផ្ចិតលៀនមានរាងជាដុំពកដែលគ្មានការឈឺចាប់ ឬនៅជិតនឹងផ្ចិតរបស់ទារក។ វាអាចរីកមាឌនៅពេលដែលអាអូនសើច ក្អក យំ ឬបន្ទោបង់ និងរួមតូចទៅវិញ នៅពេលដែលកូនគេង។
ភាគច្រើនបញ្ហាផ្ចិតលៀនអាចបាត់ទៅវិញដោយខ្លួនឯង នៅពេលដែលកូនមានអាយុ៤ឬ៥ឆ្នាំ។
ម៉េចបានទារកកើតមកមានបញ្ហាផ្ចិតលៀន?
រង្វង់ទងផ្ចិតគឺជាសាច់ដុំដែលព័ទ្ធជុំវិញផ្ចិត។ អំឡុងពេលពពោះ ទងផ្ចិតហូរតាមរង្វង់ទងផ្ចិតដើម្បីនាំឈាម និងសារធាតុចិញ្ចឹមដល់ទារកដែលកំពុងលូតលាស់ ហើយរង្វង់ទងផ្ចិតនឹងបិទជិតក្រោយសម្រាល ប៉ុន្តែប្រសិនបើវាមិនបិទជិតត្រឹមត្រូវទេនោះ អាអូនអាចជួបបញ្ហាប៉ោងនៅជិតផ្ចិត ជាពិសេសនៅពេលដែលទារកយំ ឬក្អក។
ពេលណាដែលគួរជួបជាមួយនឹងគ្រូពេទ្យ?
តាមធម្មតា ផ្ចិតលៀនអាចនឹងបាត់ទៅវិញដោយមិនចាំបាច់ធ្វើការវះកាត់នោះទេ ប៉ុន្តែប៉ាម៉ាក់គួរតាមដានពីការប្រែប្រួលនៅលើផ្ចិតរបស់ទារក។ ប្រសិនបើផ្ចិតកូននៅតែលៀនមិនបាត់ក្រោយអាអូនអាយុ៥ឆ្នាំ ប៉ាម៉ាក់គួរនាំកូនទៅជួបជាមួយនឹងគ្រូពេទ្យ ឬក្នុងករណីដែល៖
- ផ្ចិតលៀនកាន់តែធំ មានហើម ឬរឹង
- ផ្ចិតលៀនចេញនៅពេលដែលទារកគេង និងមិនអាចសង្កត់ឲ្យចូលក្នុងបាន
- កូនមានអាការៈឈឺចាប់នៅពេលប៉ះផ្ចិត
- ស្បែកនៅលើផ្ចិតដែលលៀនមានពណ៌ក្រហម ឬខ្មៅជាងធម្មតា។
អត្ថបទគួរអាន៖
- ដឹងគន្លឹះទាំងនេះ ការពារកូនពីបញ្ហាស្បែកក្នុងខែរងា
- គួរដឹង! កំហុស ៣ យ៉ាងម៉ាក់ប៉ាអាចធ្វើពេលកូនក្តៅខ្លួន
- ឃើញសញ្ញាទាំងនេះ អាចថាអូនៗកំពុងមានបញ្ហាប្រព័ន្ធរំលាយអាហារហើយ
- សារធាតុ Gluten ជាអ្វី? ហេតុអ្វីកុមារមួយចំនួនគួរចៀសវាង?
- អាហារល្អសម្រាប់សុខភាពក្រពះ–ពោះវៀនកូន ម៉ាក់ៗគួរជ្រើសរើស
- កូនកើតជំងឺពងបែកមាត់ដៃជើងគួរថែទាំម៉េច?
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Umbilical Hernias
https://kidshealth.org/en/parents/umbilical-hernias.html
Umbilical hernia repair
https://www.nhs.uk/conditions/umbilical-hernia-repair/
Umbilical hernia
https://www.mayoclinic.org/diseases-conditions/umbilical-hernia/symptoms-causes/syc-20378685
កំណែប្រែបច្ចុប្បន្ន
07/03/2025
អត្ថបទដោយ នូ សោភ័ណ្ឌ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ Sopheng In
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម