ប៉ាម៉ាក់អាចមានការព្រួយបារម្ភច្រើន ប្រសិនបើដឹងថាកូនមានការអភិវឌ្ឍលូតលាស់យឺតយ៉ាវ។ យ៉ាងណាមិញ បញ្ហាមួយនេះអាចធ្វើការដោះស្រាយបាន ហើយក៏មិនអាចកំណត់ពីភាពឆ្លាតវៃនាពេលអនាគតរបស់ក្មេងនោះដែរ។ ពិតណាស់ ក្មេងម្នាក់ៗមានការលូតលាស់ និងចេះដឹងខុសៗគ្នា ហើយការអភិវឌ្ឍយឺតយ៉ាវសំដៅលើកុមារដែលមិនទាន់ទទួលបានជំនាញអភិវឌ្ឍន៍ដែលរំពឹងទុក បើធៀបទៅនឹងក្មេងដែលមានអាយុស្របាលគ្នា។ ភាពយឺតយ៉ាវនេះ កើតឡើងនៅផ្នែកនៃមុខងារសរសៃប្រសាទ សម្ដី ភាសា ការយល់ដឹង ការលេង និងជំនាញសង្គម។

ចង់គណនាទម្ងន់ស្រ្តីពពោះ ចុចទីនេះ !

ចង់គណនាថ្ងៃមេជីវិតញីទុំធ្លាក់ ចុចទីនេះ !

ចង់ដឹងអត្ថន័យពណ៌ និងរូបរាងលាមកទារក ចុចទីនេះ !

មូលហេតុនៃការអភិវឌ្ឍយឺតយ៉ាវ

កត្តាដែលអាចរួមចំណែកនៅមុនពេលកូនកើត អំឡុងពេលសម្រាល និងក្រោយសម្រាល រួមមាន៖

លក្ខខណ្ឌហ្សែន ឬតំណពូជដូចជាជំងឺDown syndrome
វិបត្តិមេតាប៉ូលីស
របួសខួរក្បាលដោយសារអង្រួន ឬរលាក់
ការប៉ះទង្គិចផ្លូវចិត្តធ្ងន់ធ្ងរ
ប៉ះពាល់នឹងសារធាតុពុលមួយចំនួន
ការឆ្លងមេរោគធ្ងន់ធ្ងរផ្សេងៗ។

កុមារកើតអូទីស្សឹម

សញ្ញា និងរោគសញ្ញានៃការអភិវឌ្ឍយឺតយ៉ាវ

សញ្ញា និងរោគសញ្ញានៃការអភិវឌ្ឍយឺតយ៉ាវ មានលក្ខណៈផ្សេងៗគ្នាជាច្រើន ដែលអាចកើតលើកុមារ ព្រមទាំងមានការប្រែប្រួលអាស្រ័យលើលក្ខណៈជាក់លាក់។ ជួនកាល ប៉ាម៉ាក់អាចសង្កេតឃើញសញ្ញាទាំងនេះ នៅពេលដែលកូននៅតូចៗ ប៉ុន្តែក្នុងករណីខ្លះទៀត ប៉ាម៉ាក់ត្រូវរង់ចាំរហូតទាល់តែកូនចូលរៀន។ រោគសញ្ញាទូទៅ រួមមាន៖

រៀនសូត្រ និងអភិវឌ្ឍយឺតយ៉ាវជាងក្មេងអាយុស្របាលគ្នា
ចេះក្រឡាប់ អង្គុយ វារ ឬដើរយឺតជាងធម្មតា
ពិបាកក្នុងការទំនាក់ទំនង ឬចូលរួមក្នុងសង្គមជាមួយក្មេងដទៃ
ពិបាកនិយាយ ឬនិយាយយឺត
មានបញ្ហាក្នុងការចងចាំរឿងរ៉ាវ
ពិបាកក្នុងការដោះស្រាយបញ្ហា
ពិបាកក្នុងការរៀននៅសាលារៀន
អសមត្ថភាពក្នុងការធ្វើកិច្ចការប្រចាំថ្ងៃ ដូចជាស្លៀកពាក់ ឬប្រើបន្ទប់ទឹកដោយខ្លួនឯង។

ប្រសិនបើការអភិវឌ្ឍយឺតយ៉ាវ បណ្ដាលមកពីហេតុផលវេជ្ជសាស្ត្រណាមួយ យើងចាំបាច់ត្រូវធ្វើការកំណត់ និងព្យាបាលលក្ខខណ្ឌនោះ ដើម្បីជួយឲ្យជំនាញអភិវឌ្ឍន៍របស់ក្មេងកាន់តែប្រសើរឡើង។

អត្ថបទគួរអាន៖

កូនមានការអភិវឌ្ឍយឺត អាចមានសញ្ញាទាំងនេះ ប៉ាម៉ាក់គួរសង្កេតមើល

មូលហេតុ​នៃ​ការអភិវឌ្ឍ​យឺតយ៉ាវ

សញ្ញា​ និង​រោគសញ្ញា​នៃ​ការអភិវឌ្ឍយឺតយ៉ាវ

មូលហេតុនៃការអភិវឌ្ឍយឺតយ៉ាវ

សញ្ញា និងរោគសញ្ញានៃការអភិវឌ្ឍយឺតយ៉ាវ