ជំងឺបេះដូងពីកំណើត ជាបញ្ហាទាក់ទងនឹងរចនាសម្ព័ន្ធនៃបេះដូងរបស់កុមារតាំងពីកំណើតមកម្ល៉េះ ដោយជំងឺខ្លះមានលក្ខណៈសាមញ្ញ និងមិនចាំបាច់ព្យាបាលនោះទេ ស្របពេលដែលជំងឺខ្លះទៀត ទាមទារឱ្យមានការវះកាត់ជាច្រើនលើកច្រើនសារ និងចំណាយពេលយូរឆ្នាំ។
រោគសញ្ញានៃជំងឺបេះដូងពីកំណើត
ជំងឺបេះដូងពីកំណើតធ្ងន់ធ្ងរ ជាទូទៅត្រូវបានរកឃើញក្រោយទារកសម្រាលភ្លាមៗ ឬនៅពេលដែលទារកអាយុបានពីរបីខែ ហើយរោគសញ្ញាខ្លះរួមមាន៖
- បបូរមាត់ អណ្តាត ឬម្រាមដៃស្លេកស្លាំង
- ដកដង្ហើមញាប់
- ហើមជើង ពោះ ឬបរិវេណជុំវិញភ្នែក
- ពិបាកដកដង្ហើមនៅពេលញ៉ាំអាហារ ដែលនាំឱ្យទារកមិនសូវឡើងគីឡូ។
ចំពោះជំងឺបេះដូងពីកំណើតខ្លះដែលមិនសូវធ្ងន់ធ្ងរ អាចរកឃើញនៅពេលដែលកុមាររាងធំបន្តិច ព្រមទាំងអាចមានរោគសញ្ញាដូចជា៖
- ឆាប់ហត់នៅពេលដែលធ្វើលំហាត់ប្រាណ ឬបញ្ចេញសកម្មភាពនានា
- សន្លប់នៅពេលធ្វើលំហាត់ប្រាណ ឬបញ្ចេញសកម្មភាពនានា
- ហើមដៃ កជើង ឬជើង។
មូលហេតុបង្ក
អំឡុងពេល ៦ សប្តាហ៍ដំបូងនៃការពពោះ បេះដូងទារកចាប់ផ្តើមលូតលាស់ និងចាប់ផ្តើមលោត។ សរសៃឈាមសំខាន់ៗដែលឆ្លងកាត់បេះដូង ក៏ចាប់ផ្តើមកកើតនៅអំឡុងពេលនេះដែរ រួមទាំងការវិវត្តនៃជំងឺបេះដូងពីកំណើត។ ក្រុមអ្នកស្រាវជ្រាវមិនទាន់អាចកំណត់ពីមូលហេតុចម្បងដែលបណ្តាលឱ្យកើតជំងឺបេះដូងពីកំណើតនៅឡើយទេ ប៉ុន្តែវាអាចបង្កឡើងដោយការប្រែប្រួលហ្សែន ការប្រើប្រាស់ថ្នាំជាក់លាក់ ឬបញ្ហាសុខភាព និងបរិស្ថាន ក៏ដូចជាទម្លាប់រស់នៅរបស់ម៉ាក់ៗផ្ទាល់ ដូចជាការជក់បារីជាដើម។
[embed-health-tool-heart-rate]
កត្តាហានិភ័យ
ជំងឺបេះដូងពីកំណើតភាគច្រើន កើតឡើងបណ្តាលមកពីការប្រែប្រួលដែលកើតឡើងនៅពេលបេះដូងទារកចាប់ផ្តើមលូតលាស់។ ថ្វីត្បិតតែយើងមិនដឹងពីមូលហេតុជាក់លាក់ក៏ពិតមែន ប៉ុន្តែក្រុមអ្នកស្រាវជ្រាវជឿថា កត្តាទាំងនេះ អាចជាហេតុនាំឱ្យកុមារកើតជំងឺបេះដូងពីកំណើត៖
- ម្តាយកើតជំងឺកញ្ជ្រឹលអំឡុងពេលពពោះ
- ម្តាយមានជំងឺទឹកនោមផ្អែមមុន និងអំឡុងពេលពពោះ
- ការប្រើប្រភេទថ្នាំជាក់លាក់មួយចំនួន
- ម្តាយញ៉ាំគ្រឿងស្រវឹង និងជក់បារីអំឡុងពេលពពោះ
- ការប្រែប្រួលហ្សែន។
ចំណុចសំខាន់
រោគសញ្ញានៃជំងឺបេះដូងពីកំណើត
ជំងឺបេះដូងពីកំណើតធ្ងន់ធ្ងរ ជាទូទៅត្រូវបានរកឃើញក្រោយទារកសម្រាលភ្លាមៗ ឬនៅពេលដែលទារកអាយុបានពីរបីខែ ហើយរោគសញ្ញាខ្លះរួមមាន៖
- បបូរមាត់ អណ្តាត ឬម្រាមដៃស្លេកស្លាំង
- ដកដង្ហើមញាប់
- ហើមជើង ពោះ ឬបរិវេណជុំវិញភ្នែក
- ពិបាកដកដង្ហើមនៅពេលញ៉ាំអាហារ ដែលនាំឱ្យទារកមិនសូវឡើងគីឡូ។
- ឆាប់ហត់នៅពេលដែលធ្វើលំហាត់ប្រាណ ឬបញ្ចេញសកម្មភាពនានា
- សន្លប់នៅពេលធ្វើលំហាត់ប្រាណ ឬបញ្ចេញសកម្មភាពនានា
- ហើមដៃ កជើង ឬជើង។
អត្ថបទគួរអាន៖
- វីធីសាស្រ្តលាងច្រមុះកូនជាមួយសេរ៉ូមប្រៃត្រឹមត្រូវតាមបចេ្ចកទេស
- ដឹងគន្លឹះទាំងនេះ ការពារកូនពីបញ្ហាស្បែកក្នុងខែរងា
- គួរដឹង! កំហុស ៣ យ៉ាងម៉ាក់ប៉ាអាចធ្វើពេលកូនក្តៅខ្លួន
- កូនកើតជំងឺពងបែកមាត់ដៃជើងគួរថែទាំម៉េច?
- ធ្វើម៉េចទើបដឹងថា កូនអាលែកហ្ស៊ីច្រមុះ ឬផ្តាសាយ?
- កូនឧស្សាហ៍អាលែកហ្ស៊ីច្រមុះ ប៉ាម៉ាក់គួរដឹងពីវិធីបង្ការ និងថែទាំឲ្យបានត្រឹមត្រូវ
