ការលាងច្រមុះកូនជាមួយសេរ៉ូមប្រៃជាវិធីសាស្រ្តដ៏មានប្រសិ្ធទ្វភាពក្នុងការបន្ធូរអាការហៀរសំបោរ និងតឹងច្រមុះកូន ដោយសារផ្តាសាយ ផ្តាសាយធំ ឬអាលែកហ្ស៊ីជាមួយអាកាសធាតុជាដើម ដែលធ្វើឱ្យកូនពិបាកដកដង្ហើម ញុំា និងគេង ព្រោះកុមារតូចៗមិនទាន់ចេះញើស សម្បោរចេញដោយខ្លួនឯងទេ។ យើងគួរធ្វើម៉េចលាងច្រមុះកូនជាមួយសេរ៉ូមប្រៃឱ្យត្រឹមត្រូវតាមបចេ្ចកទេស?
លោកស្រីវេជ្ជបណ្ឌិត កុសល កណិការ ឯកទេសជំងឺកុមារ សញ្ញាប័ត្រពីប្រទេសបារាំង បានឲ្យដឹងថា តាមរយៈការស្ទង់មតិ និងបទពិសោធន៍ផ្ទាល់បានបង្ហាញថា ការលាងច្រមុះគឺមានប្រសិទ្ធភាពក្នុងការបន្ធូរអាការតឹងច្រមុះបានល្អជាងការឆ្ពង់។
ការលាងច្រមុះកូនជាមួយសេរ៉ូមប្រៃគឺជាការបាញ់សេរ៉ូមប្រៃពីរន្ធច្រមុះម្ខាងដើម្បីរំលាយ សម្បោរ ឬស្លេស្មដែលកកស្ទះនៅក្នុងរន្ធច្រមុះចេញ មកក្រៅតាមរន្ធច្រមុះម្ខាងទៀត។ យើងអាចលាងច្រមុះកូនជាមួយសេរ៉ូមប្រៃដោយប្រើសឺរ៉ាំងនៅពេលកូនចេះអង្គុយ (អាចចាប់ពី៦ខែឡើង ដោយមានការជួយទប់)។ ម្យ៉ាងទៀត ចាប់ពី៦ខែឡើងកូនអាចចេះដកដង្ហើមតាមមាត់ហើយ បើសិនក្នុងករណីកូនមិនអាចដកដង្ហើមតាមច្រមុះបាន។
១. សម្ភារសម្រាប់ប្រើក្នុងការលាងច្រមុះកូនដូចជាសេរ៉ូមប្រៃ
សម្ភារចាំបាច់សម្រាប់ប្រើក្នុងការលាងច្រមុះកូនមានដូចជា សេរ៉ូមប្រៃ សឺរ៉ាំង និងក្បាលបាញ់ ក្រដាសជូតមាត់ កាធុន ឬចានដែកសម្រាប់ត្រងសម្បោរ ឬស្លេស្ម និងសេរ៉ូមប្រៃដែលធ្លាក់ ឬ ហៀរចេញពីច្រមុះ ឬមាត់កូន។
២. លេខសឺរ៉ាំង និងបរិមាណសេរ៉ូមប្រៃដែលត្រូវប្រើក្នុងពេលលាងរន្ធប្រមុះកូនម្ខាង
- កូនកើតមិនគ្រប់ខែអាយុក្រោម២ឆ្នាំ៖ ម៉ាក់ប៉ាអាចប្រើសឺរ៉ាំង លេខ៣ និងសេរ៉ូមប្រៃ១មីល្លីលីត្រ
- កូនអាយុក្រោម២ឆ្នាំ៖ ម៉ាក់ប៉ាអាចប្រើសឺរ៉ាំងលេខ១០ និងសេរ៉ូមប្រៃចន្លោះពី១-៣មីល្លីលីត្រ
- កូនអាយុ២-៥ឆ្នាំ៖ ម៉ាក់ប៉ាអាចប្រើសឺរ៉ាំងលេខ១០ និងសេរ៉ូមប្រៃ ៣មីល្លីលីត្រ
- កូនអាយុចាប់ពី៥ឆ្នាំឡើង៖ ម៉ាក់ប៉ាអាចសឺរ៉ាំងលេខ១០ និងសេរ៉ូមប្រៃចន្លោះពី៣-៥មីល្លីលីត្រ
ចង់គណនាថ្ងៃមេជីវិតញីទុំធ្លាក់ ចុចទីនេះ!
ចង់គណនាថ្ងៃសម្រាលកូន ចុចទីនេះ!
ចង់គណនាទម្ងន់ស្រ្តីពពោះ ចុចទីនេះ!
ចង់ដឹងអត្ថន័យពណ៌ និងរូបរាងលាមកទារក ចុចទីនេះ!
៣. វិធីសាស្រ្តក្នុងការលាងច្រមុះកូនជាមួយសេរ៉ូមប្រៃ
ម៉ាក់ប៉ាអាចលាងច្រមុះកូនជាមួយសេរ៉ូមប្រៃនៅផ្ទះបានដោយសុវត្ថិភាពដោយធ្វើតាមការណែនាំដូចខាងក្រោម៖
- លាងសម្អាតដៃឱ្យបានស្អាតជាមួយសាប៊ូ និងទឹក
- បូមសេរ៉ូមប្រៃដាក់ក្នុងសឺរ៉ាំង រួចគ្របជាមួយក្បាលបាញ់
- ឱ្យកូនឱនមុខទៅក្នុងឡាបូលាងដៃ ឬឱ្យកូនអង្គុយឱនមុខបន្តិច (៤៥ដឺក្រេ) ដោយមានកាធុន ឬចានដែកត្រងពីក្រោមចង្កា
- ឱ្យកូនផ្អៀងក្បាលទៅខាងស្តាំបន្តិច (៤៥ដឺក្រេ)
- ដាក់ក្បាលបាញ់សឺរ៉ាំងចូលរន្ធច្រមុះកូនខាងធ្វេង
- រួចបាញ់សេរ៉ូមប្រៃចូលរន្ធច្រមុះកូនឱ្យអស់ពីសឺរ៉ាំង
- បន្ទាប់មកឱ្យកូនផ្អៀងក្បាលទៅខាងធ្វេងបន្តិច (៤៥ដឺក្រេ)
- ដាក់ក្បាលបាញ់សឺរ៉ាំងចូលរន្ធច្រមុះកូនខាងស្តាំ
- រួចបាញ់សេរ៉ូមប្រៃចូលរន្ធច្រមុះកូនឱ្យអស់ពីសឺរ៉ាំង
- យើងអាចអាចបាញ់លាងច្រមុះកូនទាំងសងខាងបែបនេះរហូតអស់សម្បោរពីច្រមុះកូន អាចពីរទៅប្រាំដង
- រួចយកក្រដាសជូតមាត់ជូតសម្អាតច្រមុះ និងមាត់ឱ្យកូន
- សម្រាប់កូនតូចៗ ម៉ាក់ប៉ាអាចដាក់កូនឱ្យអង្គុយលើភ្លៅ ឱនមុខបន្តិច ឱបកូនឱ្យជាប់ អាចឱបដៃគាត់ទាំងពីរឱ្យជាប់ រួចយក ដៃទប់ចង្កាកូនឱ្យជាប់ផង ព្រោះកុមារខ្លះអាចរើខ្លួន ឬងាក ក្បាលចេញ ឬយកដៃចាប់ ឬគ្រវាសសឺរ៉ាំងចេញ
- បើកូនរាងធំ អាចស្តាប់គ្នាបាន ម៉ាក់ប៉ាអាចប្រាប់ឱ្យគាត់ដកដង្ហើមតាមមាត់ ឬទប់ដង្ហើមក្នុងអំឡុងពេលលាងច្រមុះ
ម៉ាក់បាម៉ាក់ប៉ាអាចលាងច្រមុះកូនជាមួយសេរ៉ូមប្រៃពីរទៅបីដងក្នុងមួយថ្ងៃ មុនពេលកូនញុំាអាហារ បំបៅកូន ឬមុនពេលកូនគេង។ ចៀសវាងលាងច្រមុះកូនជាមួយសេរ៉ូមប្រៃបន្ទាប់ពីកូនញុំាអាហារ ឬបៅរួច ព្រោះអាចធ្វើកូនក្អួត។ មួយវិញទៀត បើកូនឧស្សាហ៍ឈាមច្រមុះ ឬមានការបង្ករោគក្នុងត្រចៀក ម៉ាក់ប៉ាត្រូវពិគ្រោះជាមួយគ្រូពេទ្យជំនាញសិន មុននឹងធ្វើការលាងច្រមុះកូនជាមួយសេរ៉ូមប្រៃ។
អត្ថបទគួរអាន៖
- ដឹងគន្លឹះទាំងនេះ ការពារកូនពីបញ្ហាស្បែកក្នុងខែរងា
- គួរដឹង! កំហុស ៣ យ៉ាងម៉ាក់ប៉ាអាចធ្វើពេលកូនក្តៅខ្លួន
- កូនកើតជំងឺពងបែកមាត់ដៃជើងគួរថែទាំម៉េច?
- ធ្វើម៉េចទើបដឹងថា កូនអាលែកហ្ស៊ីច្រមុះ ឬផ្តាសាយ?
- កូនឧស្សាហ៍អាលែកហ្ស៊ីច្រមុះ ប៉ាម៉ាក់គួរដឹងពីវិធីបង្ការ និងថែទាំឲ្យបានត្រឹមត្រូវ
- ឃើញសញ្ញាទាំងនេះ អាចថាអូនៗកំពុងមានបញ្ហាប្រព័ន្ធរំលាយអាហារហើយ
ចំណុចសំខាន់
- លាងសម្អាតដៃឱ្យបានស្អាតជាមួយសាប៊ូ និងទឹក
- បូមសេរ៉ូមប្រៃដាក់ក្នុងសឺរ៉ាំង រួចគ្របជាមួយក្បាលបាញ់
- ឱ្យកូនឱនមុខទៅក្នុងឡាបូលាងដៃ ឬឱ្យកូនអង្គុយឱនមុខបន្តិច (៤៥ ដឺក្រេ) ដោយមាន កាធុន ឬចានដែកត្រងពីក្រោមចង្កា
- ឱ្យកូនផ្អៀងក្បាលទៅខាងស្តាំបន្តិច (៤៥ដឺក្រេ)
- ដាក់ក្បាលបាញ់សឺរ៉ាំងចូលរន្ធច្រមុះកូនខាងធ្វេង
- រួចបាញ់សេរ៉ូមប្រៃចូលរន្ធច្រមុះកូនឱ្យអស់ពីសឺរ៉ាំង
- បន្ទាប់មកឱ្យកូនផ្អៀងក្បាលទៅខាងធ្វេងបន្តិច (៤៥ដឺក្រេ)
- ដាក់ក្បាលបាញ់សឺរ៉ាំងចូលរន្ធច្រមុះកូនខាងស្តាំ
- រួចបាញ់សេរ៉ូមប្រៃចូលរន្ធច្រមុះកូនឱ្យអស់ពីសឺរ៉ាំង
- យើងអាចអាចបាញ់លាងច្រមុះកូនទាំងសង ខាងបែបនេះរហូតអស់សម្បោរពីច្រមុះកូន អាចពីរទៅប្រាំដង
- រួចយកក្រដាសជូតមាត់ជូតសម្អាតច្រមុះ និងមាត់ឱ្យកូន
- សម្រាប់កូនតូចៗ ម៉ាក់ប៉ាអាចដាក់កូនឱ្យអង្គុយលើភ្លៅ ឱនមុខបន្តិច ឱបកូនឱ្យជាប់ អាចឱបដៃគាត់ទាំងពីរឱ្យជាប់ រួចយក ដៃទប់ចង្កាកូនឱ្យជាប់ផង ព្រោះកុមារខ្លះអាចរើខ្លួន ឬងាក ក្បាលចេញ ឬយកដៃចាប់ ឬគ្រវាសសឺរ៉ាំងចេញ
- បើកូនរាងធំ អាចស្តាប់គ្នាបាន ម៉ាក់ប៉ាអាចប្រាប់ឱ្យគាត់ដកដង្ហើមតាមមាត់ ឬទប់ដង្ហើម ក្នុងអំឡុងពេលលាងច្រមុះ
[embed-health-tool-vaccination-tool]
