វ៉ាក់សាំងកូវីដ-១៩ មិនប៉ះពាល់ដល់ការមានកូនឡើយ តែផ្ទុយទៅវិញ មនុស្សប្រុសដែលធ្លាប់ឆ្លងជំងឺនេះ អាចកាត់បន្ថយលទ្ធភាពមានកូនខ្លីក្រោមការសិក្សាបញ្ចូលគ្នារវាងក្រុមអ្នកស្រាវជ្រាវសាកលវិទ្យាល័យសុខភាពសាធារណៈបូស្ដុនអាមេរិក និងវិទ្យាស្ថានពាក់ព័ន្ធមួយចំនួនទៀតនៅអាមេរិក។
ដឹងអត់ថា អ្នកធ្លាប់ឆ្លងកូវីដ១៩ហើយអាចអត់កូនរយៈខ្លី?
Written by វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
តាមការសិក្សាដដែលនេះបានឲ្យដឹងថា លទ្ធភាពមានកូនរបស់បុរសដែលវិជ្ជមានកូវីដ-១៩នៅអំឡុងពេល៦០ថ្ងៃ មានការធ្លាក់ចុះ បើធៀបនឹងបុរសដែលមិនមានជំងឺកូវីដ ឬអ្នកដែលវិជ្ជមានកូវីដលើសពី៦០ថ្ងៃ។ ទិន្នន័យនេះគាំទ្រដល់ការស្រាវជ្រាវមុនៗ ដែលថា បុរសវិជ្ជមានកូវីដ-១៩មានគុណភាពមេជីវិត និងប្រព័ន្ធបន្តពូជ ចុះខ្សោយ។
ពាក់ព័ន្ធទៅនឹងការសង្ស័យនឹងចចាមអារ៉ាមផ្សេងទៀតដែលថា ការចាក់វ៉ាក់សាំង ក៏ប៉ះពាល់ដល់លទ្ធភាពមានកូន ក្រុមស្រាវជ្រាវខាងលើបានពន្យល់ថា អ្នកស្ថិតក្នុងវ័យបន្តពូជ មានការភ័ន្តច្រឡំថា វ៉ាក់សាំងកូវីដអាចបង្អាក់សមត្ថភាពក្នុងការមានកូន ហេតុនេះហើយទើបអ្នកខ្លះនៅមិនទាន់បានចាក់វ៉ាក់សាំង។ នេះបើយោងតាមការស្រាវជ្រាវដោយក្រុមអ្នកស៊ើបអង្កេតសុខភាពសាធារណៈនៃសាកលវិទ្យាល័យបូស្តុន។ ជាក់ស្ដែង ការសិក្សាទៅលើអ្នកដែលព្យាយាមយកកូនក្រោយចាក់វ៉ាក់សាំងកូវីដហើយ បានបង្ហាញថា វ៉ាក់សាំងកូវីដ មិនបង្អាក់ដល់ការបង្កកំណើតដូច អ្នកដែលវិជ្ជមានកូវីដ១៩ ក្នុងរយៈពេលខ្លីទេ។
កម្មវិធីពិនិត្យជំងឺបម្រុងទឹកនោមផ្អែមអនឡាញ
កម្មវិធីពិនិត្យបញ្ហាលិង្គមិនឡើងរឹងអនឡាញ
អ្នកស្រាវជ្រាវបានគណនាប្រូបាបវដ្ដរដូវនៃការមានគភ៌ ដោយប្រើកាលបរិច្ឆេទនៃវដ្ដរដូវចុងក្រោយរបស់ស្ត្រី រយៈពេលនៃវដ្ដរដូវធម្មតា និងស្ថានភាពមានផ្ទៃពោះ។ អត្រានៃការមានកូនក្នុងចំណោមស្ត្រីដែលបានចាក់វ៉ាក់សាំងចំនួន ១ដូស ស្ទើរតែដូចគ្នាទៅនឹងអ្នកដែលមិនមានចាក់វ៉ាក់សាំងទាល់តែសោះ ហើយលទ្ធផលនេះមានភាពដូចគ្នាចំពោះបុរសដែលបានចាក់វ៉ាក់សាំង១ដូសផងដែរ។ ជាមួយគ្នានេះដែរ ការវិភាគបន្ថែមទៅលើចំនួនដូសវ៉ាក់សាំង ប្រភេទវ៉ាក់សាំង ប្រវត្តិនៃភាពគ្មានកូន ការងារ និងកន្លែងរស់នៅ ក៏បង្ហាញថាពុំមានផលប៉ះពាល់នៃវ៉ាក់សាំងលើការមានកូននោះដែរ។
អាន៖
- វីរុសបំប្លែងថ្មី អូមីក្រុង ភាគច្រើនឆ្លងតែក្មេងជាងមនុស្សធំ?
- ដូសទី៤ ដុះអង់ទីករមែន តែមិនទាន់ខ្លាំងដល់កម្រិតការពារអូមីក្រុងបានទេ
- ស្ត្រីពពោះមិនទាន់ចាក់វ៉ាក់សាំងកូវីដ-១៩ បង្កជាក្ដីបារម្ភ ពេលអូមីក្រុងរាតត្បាត
- ដំណឹងល្អ! ថ្នាំគ្រាប់ព្យាបាលកូវីដ២ប្រភេទប្រកាសចេញតែស៊ីពេលផលិត
- អ្នកជាសះស្បើយពីអូមីក្រុង អាចជួបរោគសញ្ញាមួយនេះ
- ហេតុផល ៥យ៉ាង ត្រូវព្យាយាមចៀសវាងការឆ្លងអូមីក្រុងឲ្យបាន
- វីរុសបំប្លែងថ្មី អូមីក្រុង អាចចេញរោគសញ្ញាមួយនេះលើក្មេងក្រោម ៥ ឆ្នាំ
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម