HbA1c គឺជាតេស្ដអេម៉ូក្លូប៊ីនដើម្បីតាមដានកម្រិតជាតិស្ករក្នុងឈាម រយៈពេល៣ខែចុងក្រោយ ដើម្បីដឹងច្បាស់ថា មនុស្សម្នាក់ពិតជាកើតជំងឺទឹកនោមផ្អែមប្រាកដមែន។ តេស្តនេះពិតជាមានសារៈខាន់ព្រោះអាចឲ្យយើងរកឃើញទាំងជំងឺទឹកនោមផ្អែមប្រភេទ១ និង ប្រភេទ២ ហើយអាចអនុវត្ដបានទាំងមនុស្សចាស់ និង ពេញវ័យ លើសពីនេះទៅទៀត វាក៏អាចបញ្ជាក់ច្បាស់លាស់ពីកម្រិតជាតិស្ករ និង ការវិវត្ដរបស់អ្នកជំងឺផងដែរ។
ជាលទ្ធផលប្រសិនបើរយៈពេល៣ខែ នៃការធ្វើតេស្ដលទ្ធផលបង្ហាញថា HbA1c ក្រោម ៥,៧% នោះកម្រិតជាតិស្ករគឺធម្មតាមិនមានជំងឺទឹកនោមផ្អែម ប្រសិនបើនៅចន្លោះពី ៥,៧% ទៅ ៦,៤% បង្ហាញថាត្រៀមកើតជំងឺទឹកនោមផ្អែម ប៉ុន្ដែបើ HbA1c ឡើងខ្ពស់ជាង ៦,៥% មានន័យថា បានកើតជំងឺទឹកនោមផ្អែមហើយ។ ប៉ុន្ដែយ៉ាងណាក៏ដោយ លទ្ធផលរបស់យើងម្នាក់ៗអាចមានន័យខុសគ្នាផងដែរ ដូច្នេះប្រសិនមានសំណួរអំពីលទ្ធផលគួរពិភាក្សាជាមួយគ្រូពេទ្យផ្ទាល់។
ហេតុអ្វីត្រូវធ្វើតេស្ដអេម៉ូក្លូប៊ីន?
មូលហេតុដែលត្រូវតេស្ដអេម៉ូក្លូប៊ីនពីព្រោះថា អេម៉ូក្លូប៊ីនគឺជាផ្នែកមួយនៃកោសិកាឈាមក្រហម ដែលដឹកនាំអុកស៊ីសែនពីសួតទៅសរីរាង្គផ្សេងទៀត។ ការធ្វើតេស្ត HbA1c បង្ហាញពីចំនួនកំហាប់ជាតិស្ករដែលភ្ជាប់ជាមួយអេម៉ូក្លូប៊ីនក្នុងរយៈពេល៣ខែចុងក្រោយ។ គេគិតជាមធ្យម ៣ ខែពីព្រោះ វាជារយៈពេលទូទៅមួយដែលកោសិកាឈាមក្រហមរស់នៅបាន។