មហារីកមាត់ស្បូនបង្កឡើងដោយវីរុស HPV ដែលស្ត្រីខ្មែរប្រឈមខ្ពស់បំផុត តែយើងអាចការពារបាន ដោយការចាក់វ៉ាក់សាំង និងតាមដាន ធ្វើតេស្តកោសិកាមហារីកមាត់ស្បូន។ នេះបើតាមការលើកឡើងរបស់លោកសាស្ត្រាចារ្យវេជ្ជបណ្ឌិត អ៊ាវ សុខា ឯកទេសជំងឺមហារីក និងឈាម។
ខាងក្រោមនេះជាសំណួរពាក់ព័ន្ធនឹងជំងឺមហារីកមាត់ស្បូន រួមទាំងវ៉ាក់សាំងការពារជំងឺមហារីកមាត់ស្បូន ដែលស្រីៗចង់ដឹងបំផុត។
សំណួរ ទី១៖ ត្រូវចាក់វ៉ាក់សាំងមហារីកមាត់ស្បូនពេលណា?
តាមការលើកឡើងរបស់លោកសាស្ត្រាចារ្យវេជ្ជបណ្ឌិត អ៊ាវ សុខា កុមារីអាយុពី ៩ឆ្នាំទៅអាចវ៉ាក់សាំងការពារជំងឺមហារីកមាត់ស្បូនបានហើយ ប្រសិនបើមានកាយសម្បទារមាំទាំ សុខភាពល្អ ដោយចាក់ចំនួន ៣ដង លើកទី១ លើកទី២ ១ខែក្រោយចាក់លើកទី១ និងលើកទី៣ ៦ខែក្រោយចាក់លើកទី១។ ឯប្រសិទ្ធភាពនៃការចាក់វ៉ាក់សាំងនេះនៅវ័យក្មេង ហើយមិនមានការរួមភេទទាល់តែសោះនោះ អាចការពារការកើតជំងឺមហារីកមាត់ស្បូនដល់ទៅ ៩០%។
សំណួរ ទី២៖ រួមភេទហើយអាចចាក់វ៉ាក់សាំងមហារីកមាត់ស្បូនបានអត់?
ចម្លើយ! ស្ត្រីឆ្លងកាត់ការរួមភេទអាចចាក់វ៉ាក់សាំងការពារជំងឺមហារីកមាត់ស្បូនបាន ប៉ុន្តែមិនមានប្រសិទ្ធភាព ១០០% ដូចយើងចាក់ពីនៅក្មេងនោះទេ។ ប្រសិទ្ធភាពនៃការចាក់វ៉ាក់សាំងការពារមហារីកមាត់ស្បូនលើស្ត្រីដែលឆ្លងកាត់ការរួមភេទហើយមានត្រឹម ៧០% ប៉ុណ្ណោះ ដែលអាយុអាចចាក់បានត្រឹម ២០ឆ្នាំជាង រហូតដល់អាយុជាង៤០ឆ្នាំ ហើយតម្រូវឲ្យស្ត្រីពិនិត្យកោសិកាមាត់ស្បូន ទឹករម្អិលនៅទ្វារមាស បើសិនមិនមានមេរោគ HVP ឯកោសិកាមាត់ស្បូនមិនមានកោសិកាមហារីកទេ នោះទើបអាចចាក់វ៉ាក់សាំងការពារមហារីកមាត់ស្បូនបាន។
ចង់ពិនិត្យជំងឺមហារីកសុដន់ ចុចទីនេះ!
ចង់ពិនិត្យជំងឺមហារីកមាត់ស្បូន ចុចទីនេះ!
ចង់ពិនិត្យជំងឺមហារីកក្រពេញអូវែ ចុចទីនេះ!
ចង់ពិនិត្យជំងឺមហារីកសួត ចុចទីនេះ!
សំណួរ ទី៣៖ ការពិនិត្យកោសិកាមាត់ស្បូនចាំបាច់ប៉ុនណា? ចាក់វ៉ាក់សាំងហើយ ត្រូវពិនិត្យទៀតអត់?
ត្បិតវ៉ាក់សាំងជំងឺមហារីកមាត់ស្បូនមានប្រសិទ្ធភាពខ្ពស់ក្នុងការបង្ការក៏ពិតមែន តែមិនអាចជំនួសឲ្យការតាមដានរកជំងឺមហារីកមាត់ស្បូនជាប្រចាំនោះទេ។ កាលណាស្ត្រីឆ្លងកាត់ការរួមភេទលើកទី១ ហើយ ១ឆ្នាំក្រោយ ត្រូវតែពិនិត្យកោសិកាមាត់ស្បូន។ បើនៅក្មេង ២ឆ្នាំអាចទៅពិនិត្យកោសិកាមាត់ស្បូនម្តង ហើយដល់អាយុ ៤៥ឆ្នាំ ១ឆ្នាំត្រូវទៅពិនិត្យកោសិកាមាត់ស្បូនម្តង រហូតដល់អាយុ ៧០ឆ្នាំ។
សំណួរ ទី៤៖ មានម្តាយ ឬសាច់ញាតិកើតមហារីកមាត់ស្បូន យើងអាចប្រឈមខ្លាំងទេ?
បើយើងម្តាយ មីង ឬបងប្អូនស្រី ធ្លាប់មានប្រវត្តិកើតមហារីកមាត់ស្បូន អត្រាប្រឈមកើតជំងឺអាចខ្ពស់ជាងស្រីធម្មតាពី ២-៣ ដង។
[embed-health-tool-ovulation]
សំណួរទី ៥៖ កើតជំងឺមហារីកស្បូនហើយ ភាគរយព្យាបាលជាប៉ុន្មាន?
មហារីកមាត់ស្បូនកើតទៅបានមានការប្រែប្រួលពីកោសិកាធម្មតា ទៅដល់កោសិកាមហារីកត្រូវការពេល ១៥-២០ឆ្នាំ ឯណោះ ដូចនេះការពិនិត្យកោសិកាមាត់ស្បូនជាប្រចាំ ទោះគ្មានជំងឺអ្វីក៏ដោយ អាចទប់ស្កាត់បានមុន ភាគរយអាចព្យាបាលជាបាន ១០០%។ ជំងឺមហារីកមាត់ស្បូនមានឱកាសព្យាបាលជាសះស្បើយបានច្រើនគួរសម អត្រាស្លាប់មានប្រមាណជា ៦០%។
អត្ថបទគួរអាន៖
- រោគសញ្ញាមិនប្រក្រតីនៃជំងឺមហារីកមាត់ស្បូន ស្រីៗគួរដឹង
- ស្ត្រីធ្លាប់រួមភេទ ឬរៀបការហើយ គួរចាក់វ៉ាក់សាំងការពារមហារីកមាត់ស្បូនទេ?
- បន្ថែមពីលើការចាក់វ៉ាក់សាំង មានវិធីអីទៀតការពារជំងឺមហារីកមាត់ស្បូន?
- ពិតទេ ឲ្យតែធ្លាប់រួមភេទហើយចាក់វ៉ាក់សាំងមហារីកមាត់ស្បូនអត់ប្រសិទ្ធភាព?
- ខ្លាចមហារីកមាត់ស្បូនអត់? បើខ្លាចត្រូវស្វែងយល់អំពីវ៉ាក់សាំង HPV
- ប្រយ័ត្នផងស្រីៗ! បើខ្លាចកើតមហារីកស្បូន ត្រូវចេះបង្ការ
