៣. លេងម៉ូតសក់
ម៉ាក់ៗពពោះគួរតែមានម៉ូតសក់ណាដែលងាយស្រួលថែទាំមិនចាំបាច់ចំណាយពេលច្រើនក្នុងមួយថ្ងៃសម្រាប់សិត។ បើចង់ឲ្យសម្រស់កាន់តែស្អាតប្លែកម៉ាក់ៗអាចប្ដូរពណ៌សក់ កាត់ ឬគាបសក់ ឬមូលសក់ឲ្យប្លែកមុខម្ដង។ ប៉ុន្តែ បើតាមលោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្ត្រីបានឲ្យដឹងថា យកល្អ បើដឹងថាពពោះ ម៉ាក់ៗមិនគួរប្ដូរពណ៌សក់ទេ ព្រោះសារធាតុគីមីមានក្នុងថ្នាំលាបសក់អាចបង្កភាពមិនប្រក្រតីដល់គភ៌។
៤. គន្លឹះតុបតែងមុខ
ពេលម៉ាក់ៗ make up ម្ដងៗ ផាត់បែបសាមញ្ញគឺស្អាតបំផុតហើយ មិនចាំបាច់តប់ម្សៅក្រាស់ពេកទេ។ បន្ថែមពីលើ BB cream ឬម្សៅស្អិតទ្រនាប់ ម៉ាក់ៗអាចបន្ថែមជាម្សៅហុយ និង concealer ដើម្បីបិទបាំងមុន ឬតំបន់ខ្មៅលើមុខដែលយើងមិនពេញចិត្ត រួចដាក់ពណ៌ភ្នែកស្រាលៗ គូរភ្នែក ពត់រោមភ្នែកដាក់mascara និងថែមក្រែមមាត់បន្តិច ស្អាតបាត់។
ក្រៅពីក្បួនថែសម្រស់ទាំងនេះ ម៉ាក់ៗពពោះក៏គួរតែមានរបបអាហារត្រឹមត្រូវ ពិសេសសម្បូរទៅដោយបន្លែ ផ្លែឈើស្រស់ និងញ៉ាំទឹកឲ្យបានច្រើន ដើម្បីជាជំនួយដល់សុខភាពទូទៅ និងជួយដល់ស្បែកពីខាងក្នុងមក។
ចំណុចសំខាន់
ទោះពេលពពោះ ម៉ាក់ៗក៏ត្រូវតែស្អាតដោយអនុវត្តក្បួនសាមញ្ញទាំងនេះ៖
- ជ្រើសរើសមធ្យោបាយលាងមុខត្រឹមត្រូវ
- ធ្វើក្រចកដៃ ជើង
- លេងម៉ូតសក់
- គន្លឹះតុបតែងមុខ ៕
