សម្រាលកូនមិនមែនជាការងាយស្រួលទេ ទម្រាំម៉ាក់ៗឆ្លងផុតដំណាក់កាលនេះ ត្រូវទ្រាំនឹងភាពឈឺចាប់ស្ទើរដាច់ខ្យល់ម្ដងម្កាល មិនថា ការសម្រាលបែបធម្មជាតិ ឬដោយការវះកាត់ទេ ម្ដាយគ្រប់រូបត្រូវអត់ធ្មត់ច្រើនមែនទែន។ ប៉ុន្តែរវាងការសម្រាលទាំងពីរបែបនេះ មានតែការសម្រាលដោយធម្មជាតិទេ ដែលមិនសូវផ្ដល់ភាពពិបាកដល់ម៉ាក់ៗ។
បើតាមការឲ្យដឹងពីលោកសាស្ត្រាចារ្យវេជ្ជបណ្ឌិត គាន់ អូន ប្រធានផ្នែករោគស្រ្តី នៃមន្ទីរពេទ្យកាល់ម៉ែត ការសម្រាលកូនដោយធម្មជាតិល្អជាងវះកាត់ ហើយជាទូទៅក្រុមគ្រូពេទ្យមិនលើកទឹកចិត្តឲ្យសម្រាលកូនដោយវះកាត់នោះទេ លុះណាតែលក្ខខណ្ឌ ស្ត្រីជាម្ដាយមិនអាចសម្រាលកូនតាមធម្មជាតិបាន។ បើយើងប្រៀបធៀបពីគុណសម្បត្តិរវាងការសម្រាលធម្មជាតិ និងវះកាត់វិញ ការសម្រាលដោយធម្មជាតិមានច្រើនជាងដោយ៖
គណនាថ្ងៃមេជីវិតញីទុំធ្លាក់ ចុចទីនេះ!
ចង់គណនាថ្ងៃសម្រាលកូន ចុចទីនេះ!
ចង់គណនាទម្ងន់ស្រ្តីពពោះ ចុចទីនេះ!
គុណសម្បត្តិសម្រាលដោយធម្មជាតិ៖
– ម្ដាយអាចដើរ ឬធ្វើសកម្មភាពផ្សេងៗបានក្រោយសម្រាលកូនប៉ុន្មានម៉ោង
– បាត់បង់ឈាមតិច
– គ្មានការឈឺចាប់ដែលបន្សល់ដូចវះកាត់ឡើយ
– សម្រាកនៅពេទ្យរយៈពេលខ្លី
– មុខរបួសឆាប់ជាសះស្បើយ និងគ្មានស្នាម។
– ម៉ាក់ៗមានមោទនភាព នៅពេលសម្រាលកូនបានដោយជោគជ័យ
– កាត់បន្ថយហានិភ័យកើនឡើងសម្ពាធឈាម ក្នុងសរសៃបញ្ជូនទៅឲ្យសួត និងបញ្ហាផ្លូវដង្ហើមផ្សេងៗ ដូចជា ដកដង្ហើមញាប់ និងដង្ហក់ស្ទះផ្លូវដង្ហើម ចំពោះកូន
– កូនមានអត្រាកើតជំងឺហឺតទាប មិនសូវប្រតិកម្មអាហារ មិនប្រឈមបញ្ហាបៅទឹកដោះមិនបាន
– សម្រាលកូនលើកក្រោយ អាចឆាប់រហ័ស និងងាយស្រួលជាងមុន
– ម៉ាក់ៗអាចចាប់ផ្ដើមបី និងបំបៅកូនភ្លាមៗក្រោយសម្រាល
– ម៉ាក់អាចចៀសផុតពីបញ្ហាធ្លាក់ឈាមច្រើន មានដុំឈាមកក និងការប៉ះទង្គិចសរីរាង្គផ្នែកខាងក្នុង
[embed-health-tool-due-date]
គុណសម្បត្តិសម្រាលដោយវះកាត់៖
– មិនឈឺពោះយូរ
- កូនកើតចំថ្ងៃ ឬម៉ោងដែលយើងចង់បាន
– កាត់បន្ថយឱកាសឆ្លងជំងឺពីម្ដាយទៅកូន
– កាត់បន្ថយឱកាសឆ្លងជំងឺពីម៉ាក់ៗទៅកូន បើយើងមានជំងឺកាមរោគ ឬជំងឺឆ្លង ដូចជា ជំងឺប៉េស្ត ជំងឺអេដស៍ ជំងឺរលាកថ្លើម និង មេរោគ HPV ដែលបង្កឲ្យមានជំងឺមហារីកមាត់ស្បូន ជាដើម។
ទោះជាមានគុណសម្បត្តិច្រើនដូចរៀបរាប់ខាងលើយ៉ាងនេះក្ដី រវាងការសម្រាលកូនទាំងពីរបែបនេះ ក៏មានគុណវិបត្តិរៀងៗខ្លួនគួរឲ្យកត់សម្គាល់ដែរដូច៖
គុណវិបត្តិសម្រាលកូនធម្មជាតិ៖
– ឈឺពោះយូរ ម្ដាយត្រូវទ្រាំទ្រនឹងការឈឺពោះ
– អាចប្រឈមមុខជំងឺនោមទាស់ ឬជំងឺស្រុតស្បូន
– ទ្វារមាសអាចដាច់រហែកដោយសារការសម្រាល
– រាងកាយទារកអាចមានប៉ះទង្គិចនៅពេលម៉ាក់ ៗប្រឹងសម្រាល ឬការប្រើឧបករណ៍ជំនួយផ្សេងៗ។
គុណវិបត្តិសម្រាលដោយវះកាត់
– បាត់បង់ឈាមច្រើន
-ចាក់ថ្នាំស្ពឹកទៅមិនស្ពឹក អាចមានប្រតិកម្មនឹងថ្នាំស្ពឹក ធ្វើឲ្យឈឺក្បាល វិលមុខក្អួត
– ធ្លាក់ឈាមច្រើនក្រោយសម្រាល
– ឆ្លងរោគ រលាកស្រទាប់ក្នុងស្បូន
– ខ្សោយស្បូន
– ត្រូវសម្រាកពេទ្យយូរ ទម្រាំមុខរបួសធូរស្រាល
– អាចវះកាត់កូនក្រោយៗទៀត
– មានស្នាមនៅលើពោះ ប្រឈមនឹងការដាច់ថ្នេរ បើមិនប្រយ័ត្ន។
មិនថាការសម្រាលកូនទេ អ្វីក៏ដោយឲ្យមានគុណសម្បត្តិ ច្បាស់ជាមានគុណវិបត្តិមកតាមជាមួយហើយ។ យ៉ាងណាមិញ គ្រូពេទ្យជំនាញ នឹងណែនាំវិធីសមស្របទៅតាមលក្ខខណ្ឌសុខភាពយើងផ្ទាល់។ ដូច្នេះ ម៉ាក់ៗកុំបារម្ភច្រើនពេក ហើយធ្វើការពិនិត្យសុខភាពឲ្យបានទៀងទាត់ និងពិគ្រោះជាមួយគ្រូពេទ្យ បើសិនមានចម្ងល់ផ្សេងៗពាក់ព័ន្ធនឹងការពពោះ។
អត្ថបទគួរអាន៖
- ក្រោយសម្រាលកូន បើនៅមានបញ្ហាទាំងនេះ កុំទាន់រួមដំណេក
- ស្បែកយារធ្លាក់ក្រោយសម្រាល សាកអនុវត្តតិចនិក ៥ នេះ
- ក្រោយសម្រាលកូនដើមទ្រូងឡើងសរសៃខៀវខ្វាត់ខ្វែង ធ្វើម៉េចទើបបាត់វិញ?
- ហេតុអ្វីក្រោយសម្រាលកូន ពេទ្យឲ្យម៉ាក់ៗលេបថ្នាំទម្លាក់សត្វល្អិត?
- ហេតុអីសម្រាលកូនរួច វដ្តរដូវម៉ាក់ៗមិនទៀងដូចមុន?
- សម្រាលកូនរួច ពេលណាម៉ាក់ៗអាចងូតទឹកបាន?
