ស្ត្រីខ្មែរយើងមួយចំនួនដែលទើបសម្រាលកូនរួច ឬកំពុងបំបៅដោះកូន តមអាហារនេះ អាហារនោះ ព្រោះខ្លាចញ៉ាំទៅទាស់ ឬឲ្យកូនបៅទៅ កូនរាក និងហើមពោះជាដើម។ ក្នុងនោះមានម៉ាក់ៗមួយចំនួននិយាយតៗគ្នាថា ក្រោយសម្រាលកូនរួច មិនឲ្យញ៉ាំសម្លម្ជូរទេ ព្រោះខ្លាចចាស់ទៅងាយលេចនោម តែគ្រូពេទ្យជំនាញមិនគិតបែបនេះទេ។

ទាក់ទងនឹងបញ្ហានេះ លោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្ត្រី នៃមន្ទីរពេទ្យមិត្តភាពកម្ពុជា-ចិន សែនសុខ បានបកស្រាយឲ្យដឹងថា គ្រាន់តែញ៉ាំសម្លម្ជូរមិនមានអីប៉ះពាល់ដល់ការបំបៅដោះកូន ឬម្ដាយ ផ្នែកណាមួយឡើយ ពោលគឺការលើកឡើងបែបនេះ មិនពិតទេ។

គណនាថ្ងៃមេជីវិតញីទុំធ្លាក់ ចុចទីនេះ !

ចង់គណនាថ្ងៃសម្រាលកូន ចុចទីនេះ !

ចង់គណនាទម្ងន់ស្រ្តីពពោះ ចុចទីនេះ !

ចំណែកឯរឿងពាក់ព័ន្ធនឹងការលេចនោមពេលក្អក ឬសើចចំពោះម្ដាយនៅពេលចាស់ទៅ មិនមានអ្វីទាក់ទងនឹងការញ៉ាំសម្លម្ជូរ ឬអាហារជូរអំឡុងពេលបំបៅដោះកូនដែរ។ វេជ្ជបណ្ឌិតរូបនេះបន្តថា កាលដែលមានបញ្ហាងាយលេចនោមនោះ អាចដោយសារ៖

– ខ្សោយសាច់ដុំខ្ចិបនៅតំបន់ផ្លោកនោម

– មានការបង្ករោគ

– ប្រើប្រាស់ថ្នាំផ្សេងៗ

– មានបញ្ហាជំងឺផ្លូវចិត្ត ជាដើម។

លេចនោម

សម្រាប់ម៉ាក់ៗដែលកំពុងបំបៅដោះកូន អាចញ៉ាំអាហារបានស្ទើរតែទាំងអស់ដោយមិនចាំបាច់ព្រួយបារម្ភខ្លាចប៉ះពាល់ទៅកូនដូចកាលនៅពពោះទេ ដូចជា ផ្លែឈើ បន្លែ ឬសាច់គ្រប់មុខ (បន្លែ និងសាច់ឆ្អិន) និងចំណីអាហារសម្រន់ជាច្រើនមុខទៀត។ ប៉ុន្តែនៅពេលដែលបំបៅដោះកូន ក៏ម៉ាក់ៗគួរតមអាហារប៉ុន្មានមុខខាងក្រោមនេះ ព្រោះបើញ៉ាំទៅអាចមិនល្អចំពោះម្ដាយ និងកូន។

អត្ថបទគួរអាន៖

– គ្រឿងសមុទ្រមានជាតិបារតខ្ពស់

– អាហារខ្លាញ់ច្រើន

– អាហារកញ្ចប់ ឬ Fast food

– អាហារផ្អាប់

– គ្រឿងស្រវឹង

– ភេសជ្ជៈមានជាតិកាហ្វេអ៊ីនខ្ពស់។ល។

ចំណុចសំខាន់

រឿងពាក់ព័ន្ធនឹងការលេចនោមពេលក្អក ឬសើចចំពោះម្ដាយនៅពេលចាស់ទៅ មិនមានអ្វីទាក់ទងនឹងការញ៉ាំសម្លម្ជូរ ឬអាហារជូរអំឡុងពេលបំបៅដោះកូននោះទេ។ វេជ្ជបណ្ឌិតរូបនេះបន្តថា កាលដែលមានបញ្ហាងាយលេចនោមនោះ អាចដោយសារ៖
– ខ្សោយសាច់ដុំខ្ចិបនៅតំបន់ផ្លោកនោម
– មានការបង្ករោគ
– ប្រើប្រាស់ថ្នាំផ្សេងៗ
– មានបញ្ហាជំងឺផ្លូវចិត្ត ជាដើម។

ក្រោយសម្រាល ម៉ាក់ៗញ៉ាំសម្លម្ជូរ ឬគ្រឿងជូរ ចាស់ទៅឧស្សាហ៍លេចនោម?

ចំណុចសំខាន់