ជាតិបារត អាចប៉ះពាល់សុខភាពច្រើន នេះវិធីការពារ

បារតគឺជាជាតិពុលដ៏គ្រោះថ្នាក់មួយ ​ដែល​ជាទូទៅ​មាននៅក្នុងខ្យល់កខ្វក់ ផ្សែងពីរថយន្ត ដី ធ្មេញប៉ះ​ប្រាក់ (ការប្រើលោហៈធាតុលាយជាមួយបារតក្នុងការប៉ះធ្មេញ) និងអាហារ​មួយចំនួន។ តើបារត​មាន​ឥទ្ធិពល​អ្វីខ្លះដល់រាងកាយយើង? ហើយយើងអាចកម្ចាត់ជាតិបារតចេញ​ពីរាងកាយបាន​ដោយ​វិធី​ណា?

ការមានជាតិបារតក្នុងខ្លួនច្រើនប៉ះពាល់ដល់សុខភាពប្រព័ន្ធសរសៃប្រសាទ ប្រព័ន្ធរំលាយអាហារ ប្រព័ន្ធភាពស៊ាំ សួត តម្រងនោម ស្បែក និងភ្នែករបស់យើង។

បើក្នុងខ្លួនមានជាតិបារតច្រើន យើងអាចមានអាការៈ និងរោគសញ្ញាដូចជា៖

• ឈឺក្បាល
• អស់កម្លាំង ឬឈឺសាច់ដុំ
• គេងមិនលក់
• ឈឺក
• ក្អក ឬណែនទ្រូង
• ស្ពឹកដៃ ស្ពឹកជើង ឬញ័រដៃ ញ័រជើង
• ឡើងកន្ទួលក្រហមលើស្បែក ឬរបកស្បែកដៃ ឬជើង
• ក្រហមភ្នែក
• ឈាមអញ្ចាញធ្មេញ
• មានបញ្ហាក្នុងការស្តាប់ ឬគ្រប់គ្រងតុល្យភាពរាងកាយ
• ឈឺក្រពះ ចង្អោរ ឬរាក
• ខូចតម្រងនោម
• ខួរក្បាលចុះខ្សោយ ឬវង្វេងរង្វាន់

យើងអាចប៉ះពាល់នឹងសារធាតុបារតក្នុងបរិមាណតិចតួចជារៀងរាល់ថ្ងៃ ហើយូរៗទៅសារធាតុបារត​នឹងផ្តុំនៅក្នុងរាងកាយ និងបង្កឱ្យយើងមានបញ្ហាសុខភាពដូចខាងលើ។ ដូច្នេះយើងគួរបន្សាប​ជាតិបារតជាប្រចាំតាមរយៈការញុំាអាហារមួយ​ចំនួន​។​

១. ខ្ទឹមស

ការញុំាខ្ទឹមសស្រស់ពីរបីកំពិសក្នុងមួយថ្ងៃអាចជួយកម្ចាត់ជាតិបារតចេញពីរាងកាយយើងបាន។ ជាងនេះទៅទៀត ខ្ទឹមសក៏អាចជួយប្រឆាំងការរលាកក្នុងរាងកាយយើងដែរ។ យើង​អាចបន្ថែមខ្ទឹមសក្នុងអាហារ ទឹកជ្រលក់ ឬញុំាទទេក៏បាន។

ចង់គណនា BMR ចុចទីនេះ!

ចង់គណនា BMI ចុចទីនេះ!

ចង់គណនារង្វាស់ចង្វាក់បេះដូង ចុចទីនេះ!

ចង់ពិនិត្យសុខភាពប្រព័ន្ធរំលាយអាហារ ចុចទីនេះ!

២. ជីរខិនឆាយ

តាមការសិក្សាបានឱ្យដឹងថា ការញុំាជីរខិនឆាយ ៤ ក្រាមរាល់ថ្ងៃក្នុង​រយៈពេល​ពីរបី​សប្តាហ៍​អាចកម្ចាត់ជាតិបារតចេញពីរាងកាយយើងបាន។ លើសពីនេះទៅទៀត ការញុំាជីរខិនឆាយ​អាចផ្តល់ប្រយោជន៍ជាច្រើនទៀតដល់សុខភាពយើងដោយសារជីរខិនឆាយមានសារធាតុចិញ្ចឹម​ល្អៗជាច្រើន។

៣. វីតាមីន E

វីតាមីន E មិនត្រឹមតែអាចជួយការពាររាងកាយយើងពីការពុលសារធាតុបារតទេ ថែមទាំងអាចជួយ​កម្ចាត់​ជាតិបារតពីរាងកាយយើងទៀតផង។ វីតាមីន E សម្បូរនៅក្នុងអាហារដូចជា គ្រាប់ផ្កាឈូករ័ត្ន គ្រាប់អាល់ម៉ុន ខាត់ណា​ខៀវ ផ្លែគីវី ស្វាយ និងប៉េងប៉ោះជាដើម។

ជាតិបារតសម្បូរនៅក្នុងត្រីក្រហម ត្រីឆ្លាម ត្រី​ថាលហ្វីស ត្រី​ស្បៃកា​ ឬត្រីដាវជាដើម ដូច្នេះយើង​គួរ​ចៀសវាងញុំាត្រីទាំងនេះ ឬ​ញ៉ាំ​ក្នុង​កម្រិត​តិចតួច​។

អត្ថបទគួរអាន៖

• តែផ្កាកូលាបជួយស្បែក និងសុខភាពផ្សេង​ទៀត
• អាហារដែលមានកម្រិតអ៊ីស្តាមីន អ្នកឧស្សាហ៍ប្រតិកម្មគួរដឹង
• ខ្វះជាតិស័ង្កសី អាច​ចេញ​រោគ​សញ្ញាទាំង ៨នេះ
• ញ៉ាំអាហារទាំងនេះ ជួយបង្កើនថាមពលដល់រាងកាយ
• អាហារថាមពលប្រភេទណា ល្អចំពោះសុខភាពយើង?
• អាហារថាមពលប្រភេទណា ល្អចំពោះសុខភាពយើង?