បើយើងកំពុងតែប្រើប្រាស់ថ្នាំបំបាត់ការឈឺចាប់ជាញឹកញាប់ ដល់ពេលដែលយើងគួរបញ្ឈប់វាហើយ។ ថ្នាំបំបាត់ការឈឺចាប់ ជាអាវុធមុខពីរដែលអាចបំផ្លាញរាងកាយរបស់យើងដោយមិនដឹងខ្លួន ជាពិសេស ថ្នាំប្រភេទនេះប៉ះពាល់ដល់តម្រងនោមខ្លាំងតែម្ដង។
មិនសូវមានអ្នកដឹងច្រើនទេ ប៉ុន្តែបើយើងប្រើថ្នាំបំបាត់ការឈឺចាប់រយៈពេលយូរ ជាពិសេសលាយបញ្ចូលគ្នាជាមួយនឹងថ្នាំផ្សេងទៀត វាអាចបណ្ដាលឲ្យខូចតម្រងនោម។ ថ្នាំបំបាត់ការឈឺចាប់មិនប៉ះពាល់តម្រងនោមឡើយ បើយើងប្រើប្រាស់វាម្ដងម្កាល ហើយចំពោះអ្នកដែលមានសុខភាពល្អប៉ុណ្ណោះ។
