យើងក៏បានដឹងខ្លះហើយពីមុខងាររបស់ពោះវៀន ជួយស្រូបយកសារជាតិចិញ្ចឹមពីអាហារដើម្បីផ្គត់ផ្គង់រាងកាយទាំងមូល និងបញ្ចេញកាកសំណល់។ ព្រោះតែវាមានមុខងារសំខាន់យ៉ាងនេះ ទើបយើងត្រូវតែយកចិត្ដទុកដាក់ការពារឲ្យបានល្អ។ ខាងក្រោមជាទម្លាប់ងាយៗជួយឲ្យពោះវៀន មានសុខភាពល្អប្រសើរ។
មាតិកា
អនុវត្តទម្លាប់ ៥យ៉ាងនេះជួយឲ្យពោះវៀនមានសុខភាពល្អប្រសើរ
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
១.ទម្លាប់ញ៉ាំបន្លែ
ការញ៉ាំបន្លែគ្រប់ប្រភេទឲ្យបានច្រើន ផ្ដល់អត្ថប្រយោជន៍ចំពោះសុខភាព ពិសេសប្រព័ន្ធរំលាយអាហារតែម្ដង ព្រោះបន្លែមានសារជាតិចិញ្ចឹមច្រើន បូករួមទាំងជាតិសរសៃផងដែរ។ ជាតិសរសៃនៅក្នុងបន្លែផ្ដល់ភាពងាយស្រួលដល់ប្រព័ន្ធរំលាយអាហារក្នុងការរំលាយជាងពពួកសាច់ ពិសេសសាច់ក្រហម និង សាច់កែច្នៃតែម្ដង។
២.ញ៉ាំផ្លែឈើ
ញ៉ាំផ្លែឈើឲ្យបានច្រើន ក៏មានគុណសម្បត្ដិមិនខុសគ្នាពីបន្លែនោះដែរ ជួយការពារពីការទល់លាមក ការរលាក និងកាត់បន្ថយហានិភ័យជំងឺមហារីក ប៉ុន្ដែពពួកផ្លែឈើដែលយើងញ៉ាំ គឺជាប្រភេទផ្លែឈើស្រស់ មិនបានកែច្នៃបន្ថែមរសជាតិ។ ប្រភេទផ្លែទាំងនោះមានដូចជា ទំពាំងបាយជូរ ក្រូច ប៉ោម ចេក ស្រកានាគ ល្ហុងទុំ និង ផ្លែប៊ឺ ជាប្រភេទផ្លែឈើដែលងាយស្រួលក្នុងរំលាយ និងផ្ដល់ប្រូតេអ៊ីនច្រើនដល់សុខភាព។
៣.ញ៉ាំត្រីច្រើនជាងសាច់
ត្រីសម្បូរសារជាតិចិញ្ចឹមច្រើន ពិសេសពពួកប្រូតេអ៊ីន និងអាស៊ីតខ្លាញ់អូមេហ្គា៣។ វាជួយឲ្យពោះវៀនបំពេញមុខងារបានល្អ ម្យ៉ាងវិញទៀត សាច់ត្រីងាយស្រួលដល់ពោះវៀនស្រូបយកសារជាតិចិញ្ចឹមបានលឿន ជាងពពួកសាច់ និង ប្រភេទអាហារខ្លាញ់គ្មានសុខភាព។
៤.ហាត់ប្រាណ
ហាត់ប្រាណជួយឲ្យសុខភាពបេះដូងរឹងមាំ ក៏អាចជួយឲ្យសម្រកទម្ងន់បាន មិនត្រឹមតែប៉ុណ្ណោះ ក៏អាចកាត់បន្ថយហានិភ័យ កើតជំងឺមហារីកផ្សេងៗបានផងដែរ បូករួមទាំងជំងឺមហារីក ព្រោះវៀន។ ចូរបង្កើតទម្លាប់ហាត់ប្រាណឲ្យបានយ៉ាងហោច ៣០ នាទី ក្នុងមួយថ្ងៃ ជួយឲ្យប្រព័ន្ធរំលាយអាហារកាន់តែរឹងមាំ។
៥. កាត់បន្ថយការផឹកគ្រឿងស្រវឹង
អ្នកចូលចិត្ដផឹកស្រាគួរតែកាត់បន្ថយ ការផឹកស្រាបៀរសម្រាប់បុរស ក្នុងមួយថ្ងៃអាចផឹកមិនលើសពី ៧០០មិល្លីលីត្រ សម្រាប់ស្ដ្រីមិនលើសពី ៣៣០មិល្លីលីត្រ ទើបមិនសូវប៉ះពាល់ដល់សុខភាព។
ការផឹកស្រាច្រើនអាចបណ្ដាលឲ្យប៉ះពាល់សុខភាពក៏ច្រើនដែរ ហើយការជក់បារីក៏ដូចគ្នា គឺប៉ះពាល់បេះដូង សួត ប្រព័ន្ធរំលាយអាហារទាំងមូល ព្រមទាំងប្រឈមនឹងកើតជំងឺផ្សេងទៀត។ បញ្ឈប់ការជក់បារី និង កាត់បន្ថយការផឹកគ្រឿងស្រវឹង ដើម្បីឲ្យសុខភាពប្រព័ន្ធរំលាយអាហារកាន់តែរឹងមាំ។
អត្ថបទគួរអាន៖
- ទម្លាប់មិនល្អទាំង៦ បំផ្លាញសុខភាពបេះដូងដោយមិនដឹងខ្លួន
- ខ្វះឈាមទៅចិញ្ចឹមបេះដូង អាចចេញរោគសញ្ញាទាំងនេះ
- ផ្លែឈើទាំង៨មុខនេះ ល្អសម្រាប់សុខភាពបេះដូង
- ឈឺទ្រូងផ្នែកកណ្ដាល ឬខាងឆ្វេង ប្រយ័ត្នជំងឺសរសៃឈាមបេះដូង
- គ្រឿងផ្សំក្នុងអាហារ ៣មុខ អាចធ្វើឲ្យបេះដូងលោតខុសធម្មតា
- ធ្វើការពីផ្ទះ មុខកុំព្យូទ័រយូរម៉ោង អាចប្រឈមជំងឺបេះដូង
គណនា BMR
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Eating for a Healthy Colon https://www.rush.edu/news/eating-healthy-colon
5 Foods That Promote Colon Health https://www.denverhealthmedicalplan.org/blog/5-foods-promote-colon-health
Six Nutrition Tips for Colon Health https://www.avera.org/balance/cancer-care/six-nutrition-tips-for-colon-health/
5 Foods to Improve Colon Health https://lchcommunityhealth.org/5-foods-to-improve-colon-health/
Foods for colon health https://www.adventisthealth.org/blog/2022/march/foods-for-colon-health/
កំណែប្រែបច្ចុប្បន្ន
22/12/2022
អត្ថបទដោយ អឿ អ៊ុយ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ទូច សុខា
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម