មានផែនការយកកូន គួររួមភេទញឹកញាប់ប៉ុនណា? រួមភេទញឹកញាប់ពេកអាចប៉ះពាល់ដល់ផែនការយកកូនទេ? ចម្ងល់នេះប្តីប្រពន្ធដែលត្រៀមលក្ខណៈយកកូន ច្បាស់ជាចង់ដឹងខ្លាំងហើយ។
ប្រធានផ្នែកសម្ភព និងរោគស្ត្រី នៃមន្ទីរពេទ្យកាល់ម៉ែត លោកសាស្ត្រាចារ្យវេជ្ជបណ្ឌិត គាន់ អូន បានពន្យល់ថា មិនថាមនុស្សស្រី ឬប្រុសនោះទេ មានចំណង់ផ្លូវភេទខុសគ្នាៗ ហើយអាស្រ័យលើកត្តាសុខភាព និងអាយុ។ ទោះជាស្ថិតនៅក្នុងវ័យសកម្មរឿងរួមភេទក្តី ក៏ប្តីប្រពន្ធ ឬដៃគូ មិនត្រូវ រួមភេទញឹកញាប់ពេកទេ ព្រោះអាចទ្រុឌទ្រោមសុខភាពផ្លូវភេទ អ្វីដែលគួរបារម្ភនោះ គឺការរួមភេទញឹកញាប់ពេកប៉ះពាល់ដល់គុណភាពមេជីវិត ធ្វើឲ្យប្តីប្រពន្ធអត់អាចមានកូន។
ដើម្បីដៃគូទាំងសងខាងមានសុខភាពល្អ ប្រធានផ្នែករោគស្ត្រីនៃមន្ទីរពេទ្យកាល់ម៉ែត ណែនាំឲ្យរួមភេទត្រឹម ២-៣ ដង/សប្តាហ៍ប៉ុណ្ណោះ ទើបមិនប៉ះពាល់ដល់គុណភាពមេជីវិត ឬផែនការយកកូន ព្រោះរយៈពេលនេះរាងកាយយើងមានពេលវេលាគ្រប់គ្រាន់ ដើម្បីផលិតមេជីវិតឲ្យបានច្រើន ថែមទាំងមានគុណភាពទៀត។
ចង់គណនាទម្ងន់ស្រ្តីពពោះ ចុចទីនេះ!
ទាក់ទងនឹងចំនួនដងនៃការរួមភេទ នៅក្នុងការស្រាវជ្រាវដោយស្ថាប័នឯកទេសមួយនៅសហរដ្ឋអាមេរិក គឺវិទ្យាស្ថាន Kinsey ដែលផ្តោតទាក់ទងទៅនឹងជីវិតផ្លូវភេទ ការបង្កកំណើត និងការសិក្សាអំពីលក្ខណៈភេទ បានឱ្យដឹងថា សម្រាប់ដៃគូស្នេហានៅអាមេរិក អាយុចន្លោះពី ១៨-២៩ ឆ្នាំ របាយការណ៍ស្រាវជ្រាវបង្ហាញថា ពួកគេជាញឹកញាប់មានរឿងលើគ្រែ ប្រហែល១១២ដង/១ឆ្នាំ (ប្រហែល២ដង/សប្តាហ៍)។ រីឯដៃគូស្នេហានៅអាយុចន្លោះពី ៣០-៣៩ឆ្នាំ មានពេលលើគ្រែ ប្រហែល៨៦ដង/១ឆ្នាំ និងវ័យពី ៤៥ឆ្នាំឡើងទៅ គឺមាន២៨% នៃអ្នកទាំងនោះនៅបន្តរួមភេទម្ដងក្នុងមួយសប្ដាហ៍។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
https://www.womenshealthmag.com/sex-and-love/a32883577/how-often-do-couples-have-sex/
https://www.nbcnews.com/better/health/how-often-do-happiest-couples-have-sex-it-s-less-ncna828491
When and How Often to Have Sex to Get Pregnant – https://www.verywellfamily.com/when-and-how-often-to-have-sex-to-get-pregnant-1960289
The number of times you need to have sex to get pregnant – https://timesofindia.indiatimes.com/life-style/parenting/getting-pregnant/the-number-of-times-you-need-to-have-sex-to-get-pregnant/photostory/75451156.cms
Does having more sex increase your chances of pregnancy? – https://www.oviahealth.com/guide/176/how-often-should-i-have-sex-fertile-window/
កំណែប្រែបច្ចុប្បន្ន
16/05/2023
អត្ថបទដោយ ដេត ធន្នី
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម
