មុនដំុពកគឺជាប្រភេទមុនម្យ៉ាងស្ថិតក្នុងពពួកមុនកម្រិតធ្ងន់ ដែលបង្កឲ្យមានការឈឺចាប់ពេលយើងញេច មិនតែប៉ុណ្ណោះក៏ងាយនឹងបន្សល់ស្លាកស្នាមលើស្បែកក្រោយពេលជាសះស្បើយ ប្រសិនមិនបានព្យាបាល និងថែទាំឲ្យបានល្អ។
ទាំងនេះជាការថែទាំ និងព្យាបាលមុនដំុពកលើស្បែក
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ជំងឺមុនដំុពកអាចកើតឡើងលើមនុស្សគ្រប់វ័យ ប៉ុន្ដែភាគរយច្រើនគឺកើតលើយុវវ័យ។ មូលហេតុដែលបណ្ដាលឲ្យកើតមុនប្រភេទនេះ គឺដោយសារតែក្រពេញរន្ធញើសរបស់ស្បែកមានការរាំងស្ទះដោយ កោសិកាស្បែកខូចៗ បាក់តេរី ធូលីកខ្វក់ៗ និងការរាំងស្ទះដោយជាតិខ្លាញ់ផងដែរ។
តើគួរថែទាំ និងព្យាបាលបែបណាពេលកើតជំងឺមុននេះ?
ពេលកើតជំងឺមុននេះ យើងមិនអាចព្យាលបាលដោយខ្លួនឯងនៅផ្ទះបាននោះឡើយ គឺត្រូវទៅជួបគ្រូពេទ្យផ្នែកសុខភាពស្បែក ដើម្បីព្យាបាលឲ្យបានត្រឹមត្រូវ មិនដូច្នេះទេស្បែកមុខយើងនឹងប្រឈមនឹងការសល់ស្លាកស្នាមមិនខាន។ ទន្ទឹមគ្នានោះដែរ យើងក៏អាចអនុវត្ដវិធីថែទាំដូចខាងក្រោមនេះផងដែរ៖
- លាងសម្អាតស្បែកមុខឲ្យបានយ៉ាងហោច ២ដងក្នុងមួយថ្ងៃ
- លាងសម្អាតស្បែកមុខក្រោយពេលបែកញើសខ្លាំង
- កាត់បន្ថយការប្រើប្រាស់គ្រៀងសម្អាង
- ប្រើប្រាស់ផលិតផលការពារកម្ដៅថ្ងៃតាមការណែរនាំរបស់គ្រូពេទ្យ
- ការគ្រប់គ្រងស្ដ្រេសឲ្យបានល្អ
- ញ៉ាំអាហារសម្បូរវីតាមីន ជំនួយដល់ស្បែក
- លាងសម្អាតដៃជានិច្ចមុនពេលស្ទាប ឬប៉ះស្បែកមុខ
តើចំណាយពេលប៉ុន្មានទើបអាចព្យាបាល ជំងឺមុនឲ្យជាសះស្បើយបាន?
ការព្យាបាលជំងឺមុនពកលើស្បែក គឺអាស្រ័យលើវិធីនៃការព្យាបាលរបស់គ្រូពេទ្យ និងការថែទាំផ្ទាល់របស់អ្នកជំងឺ។ ប៉ុន្ដែជាមធ្យមជំងឺនេះអាចចំណាយពេលចន្លោះពី ២ទៅ ៤សប្ដាហ៍ទើបអាចជាសះស្បើយបាន។
អត្ថបទគួរអាន៖
- ទើបពេញវ័យ ក្មេងជំទង់គួរថែទាំស្បែកបែបណាកុំឲ្យឡើងមុន?
- មុនខ្នងបង្កពីអ្វី? គួរធ្វើម៉េចខ្លះអាចសម្រាលបញ្ហានេះបាន?
- ៤វិធី កម្ចាត់មុនដោយខ្លួនឯងយ៉ាងមានប្រសិទ្ធភាព
- មុនអ័រម៉ូនបង្កឡើងដោយកត្តាអ្វីខ្លះ? ដោះស្រាយបែបណា?
- មូលហេតុទាំងនេះហើយ បានមុខចេះតែឡើងមុន
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម