ម៉េចបានទារក និងកុមារតូចៗគួរចាក់វ៉ាក់សាំងបង្ការជំងឺរាករូសឱ្យបានគ្រប់ដូស?

វ៉ាក់សាំងបង្ការជំងឺរាករូស (Rotavirus Vaccine) អាចជួយឱ្យទារក និងកុមារតូចៗជៀសផុតពីជំងឺរាករូសធ្ងន់ធ្ងរ ហើយត្រូវចាក់លើទារកដែលមានអាយុចាប់ពី ៨ ដល់១២សប្តាហ៍។

ពិតណាស់ កុមារភាគច្រើនដែលឆ្លងវីរុសRotavirusដែលបណ្តាលឱ្យរាករូសនេះ នឹងអាចជាសះស្បើយត្រឹមរយៈពេលពីរបីថ្ងៃប៉ុណ្ណោះ ប៉ុន្តែក្មេងខ្លះអាចបាត់បង់ជាតិទឹកច្រើន និងត្រូវការសម្រាកព្យាបាលនៅមន្ទីរពេទ្យ ព្រមទាំងអាចគ្រោះថ្នាក់ដល់អាយុជីវិតផងក៏មាន។ ជាទូទៅ វីរុស Rotavirus ដែលបង្កជាជំងឺរាករូសឆ្លងយ៉ាងឆាប់រហ័ស ហេតុនេះហើយប៉ាម៉ាក់គួរតែបញ្ឈប់ការឆ្លង តាមរយៈការនាំកូនទៅចាក់វ៉ាក់សាំងឱ្យបានគ្រប់ដូស។

ពេលណាដែលបេប៊ីគួរចាក់វ៉ាក់សាំងបង្ការជំងឺរាករូស?

ទារកគួរតែទទួលបានវ៉ាក់សាំងនៅពេលដែលអាអូនអាយុបាន ៨ សប្តាហ៍ និង១២សប្តាហ៍។ ប៉ុន្តែប្រសិនបើទារកខកខានមិនបានចាក់វ៉ាក់សាំង ប៉ាម៉ាក់គួរតែប្រឹក្សាយោបល់ជាមួយនឹងគ្រូពេទ្យជំនាញ។ ក្នុងករណីដែលខកខានចាក់វ៉ាក់សាំងដូសទី១ ទារកអាចចាក់នៅអាយុ១៥សប្តាហ៍ ហើយប្រសិនបើខកខានដូសទី២ ក៏អាចចាក់នៅអាយុ២៤សប្តាហ៍បានផងដែរ។

ចង់គណនាថ្ងៃមេជីវិតញីទុំធ្លាក់ ចុចទីនេះ!

ចង់គណនាថ្ងៃសម្រាលកូន ចុចទីនេះ!

ចង់គណនាទម្ងន់ស្រ្តីពពោះ ចុចទីនេះ!

ចង់ដឹងអត្ថន័យពណ៌ និងរូបរាងលាមកទារក ចុចទីនេះ!

ទារកបែបណាដែលមិនគួរចាក់វ៉ាក់សាំងនេះ?

• មានប្រតិកម្មអាលែកហ្ស៊ីធ្ងន់ធ្ងរនៅពេលចាក់ដូសទី១ ឬប្រតិកម្មទៅនឹងសារធាតុផ្សំក្នុងវ៉ាក់សាំង

• ធ្លាប់មានបញ្ហាស្ទះពោះវៀន (Intussusception)

• ម៉ាក់ៗបានលេបថ្នាំម្យ៉ាងឈ្មោះថា Biological medicines ដែលធ្វើឱ្យប្រព័ន្ធភាពស៊ាំចុះខ្សោយអំឡុងពេលពពោះ ឬបំបៅដោះកូន

• អាអូនមានជំងឺកម្រ ដែលប៉ះពាល់ដល់ប្រព័ន្ធភាពស៊ាំ ឬហៅថា (SCID)។

ដូចទៅនឹងវ៉ាក់សាំងដទៃទៀតដែរ វ៉ាក់សាំងបង្ការជំងឺរាកធ្ងន់ធ្ងរនេះ អាចមានផលប៉ះពាល់មួយចំនួនដល់ទារក និងកុមារ ដូចជារាករូស រញ៉ាំរញ៉ូវ និងខ្លះទៀតអាចក្អួត ឡើងកន្ទួល ក្តៅខ្លួន ឬមិនឃ្លានអាហារជាដើម។

អត្ថបទគួរអាន៖