ការឆ្លងរោគផ្សិតទៅទ្វារមាស នឹងធ្វើឲ្យស្រីៗយើងមានអារម្មណ៍រំខាន រមាស់ និងធ្លាក់សជាដើម។ យ៉ាងណា ការឆ្លងរោគផ្សិតនេះជារឿងទូទៅមួយសម្រាប់ស្រីៗយើង។ ការសិក្សារកឃើញថាស្រីៗ៣ភាគ៤អាចកើតមានបញ្ហាឆ្លងរោគផ្សិតនៅទ្វារមាសម្ដងក្នុងមួយជីវិត ហើយអ្នកខ្លះអាចមានពីរដង ឬលើសពីនេះ។ កត្តាមួយចំនួនអាចធ្វើឲ្យស្រីៗយើងកើតមានរោគផ្សិតនេះ ពិសេសអ្នកជំងឺទឹកនោមផ្អែមជាប់ខ្លួន។
១. ជំងឺទឹកនោមផ្អែម និងរោគផ្សិតនៅទ្វារមាស
ការសិក្សាមួយធ្វើឡើងនៅឆ្នាំ២០១៣ ផ្ដោតសំខាន់លើស្រ្តី និងកុមារមានជំងឺទឹកនោមផ្អែមប្រភេទ១។ ការសិក្សារកឃើញពីទំនាក់ទំនងរវាងកម្រិតជាតិស្ករខ្ពស់ក្នុងឈាម និងការឆ្លងរោគផ្សិតនៅទ្វារមាស។
ការសិក្សាមួយទៀតធ្វើឡើងនៅឆ្នាំ២០១៤ បានរកឃើញថា ស្រ្តីមានជំងឺទឹកនោមផ្អែមប្រភេទ២ អាចនឹងប្រឈមខ្ពស់ក្នុងការកើតរោគផ្សិតនៅទ្វារមាននេះដែរ។ យ៉ាងណា ការសិក្សាមិនអាចបញ្ជាក់ច្បាស់ទេថាមកពីកម្រិតជាតិស្ករក្នុងឈាមខ្ពស់ ឬក៏មកពីកត្តាផ្សេងទៀត។
រោគផ្សិតរស់បានដោយសារជាតិស្ករ។ ប្រសិនជាយើងមានជំងឺទឹកនោមផ្អែម ហើយគ្រប់គ្រងកម្រិតជាតិស្ករមិនបានល្អ កម្រិតជាតិស្ករក្នុងឈាមយើងនឹងឡើងដល់កម្រិតមិនល្អចំពោះសុខភាព។ ការកើនឡើងកម្រិតជាស្ករក្នុងឈាមនេះ បង្កឲ្យមេរោគផ្សិតលូតលាស់ខ្លាំង ពិសេសនៅតំបន់ទ្វារមាស ហើយរាងការយើងក៏អាចកើតមានរោគផ្សិតនេះដែរ។
ការគ្រប់គ្រងកម្រិតជាតិស្ករក្នុងឈាមឲ្យបានល្អ ទំនងជាអាចជួយស្រីៗយើងមានជំងឺទឹកនោមផ្អែមឲ្យស្ថិតក្នុងអត្រាទាបនៃការឆ្លងរោគផ្សិតនៅទ្វារមាស។ ដូចគ្នាដែរ បើស្រីៗយើងមានជំងឺទឹកនោមផ្អែម គួរតែទៅពេទ្យពិនិត្យការឆ្លងរោគផ្សិតនៅទ្វារមាសឲ្យបានទៀងទាត់។ ការឆ្លងរោគផ្សិតមួយចំនួន អាចធ្វើឲ្យក្លាយជាផលវិបាកផ្នែកសុខភាពធ្ងន់ធ្ងរ បើមិនបានព្យាបាលត្រឹមត្រូវ។
ចង់គណនារង្វាស់ចង្វាក់បេះដូង ចុចទីនេះ!
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
២. កត្តាផ្សេងទៀតបង្កឲ្យមានរោគផ្សិតនៅទ្វារមាស
តាមធម្មជាតិ ផ្សិត និងបាក់តេរី គឺមាននៅក្នុងទ្វារមាស។ ផ្សិតនឹងស្ថិតនៅក្រោមការគ្រប់គ្រងបាន បើសិនជាមានលំនឹងរវាងផ្សិត និងបាក់តេរី។ កត្តាមួយចំនួនខាងក្រោមនេះ នឹងរំខានដក់លំនឹងរវាងធាតុទាំងពីរនេះ៖
- ការប្រើប្រាស់ថ្នាំផ្សះ
- ប្រើថ្នាំពន្យាកំណើត
- កំពុងព្យាបាលបញ្ហាអ័រម៉ូន
- ប៉ះពាល់ប្រព័ន្ធភាពស៊ាំ
- រួមភេទ និង
- ការមានផ្ទៃពោះ ជាដើម។
ស្រីៗយើងគ្រប់គ្នាអាចកើតមានបញ្ហារោគផ្សិតនៅទ្វារមាសនេះ មិនថាជាមនុស្សសកម្មនឹងរឿងរូមភេទឬអត់នោះទេ។ ការឆ្លងរោគផ្សិតនៅទ្វារមាសមិនចាត់បញ្ចូលថាជាជំងឺកាមរោគនោះទេ។
ពីជំងឺទឹកនោមផ្អែមផ្សេងទៀត៖
- អ្នកជំងឺទឹកនោមផ្អែមប្រភេទ២ ឡើងជាតិស្ករពេលព្រឹកគួរធ្វើបែបណា?
- បើមិនព្យាបាលត្រឹមត្រូវ! ទាំងនេះជាផលវិបាកជំងឺទឹកនោមផ្អែមប្រភទ២
- ជំងឺទឹកនោមផ្អែម អាចបង្កផលប៉ះពាល់ដល់សុខភាពផ្លូវភេទ
- ចេញរោគសញ្ញាមួយនេះនៅពេលយប់ អាចជាជំងឺទឹកនោមផ្អែម
- គន្លឹះទាំងនេះ ជួយថែរក្សាស្បែកលើអ្នកជំងឺទឹកនោមផ្អែម
[embed-health-tool-bmi]
