អាហារញ៉ាំប្រចាំថ្ងៃមួយចំនួនអាចធ្វើឲ្យយើងប្រឈមនឹងជំងឺមហារីកពោះវៀនធំបាន។ អាហារដូចជាសាច់ក្រហម និងសាច់កែច្នៃ ជាមូលហេតុបង្កជំងឺមហារីកពោះវៀនធំក្នុងកម្រិតខ្ពស់។ តើហេតុអ្វីបានជាសាច់រសជាតិឆ្ងាញ់សម្រាប់អ្នកចូលចិត្តទាំងនោះជាមូលហេតុបង្កទុក្ខទោសទៅវិញ?
១. អ្វីជាជំងឺមហារីកពោះវៀនធំ?
មហារីកពោះវៀនធំគឺជាមហារីកកើតឡើងលើសរីរាង្គពោះវៀនធំដែលជាផ្នែកចុងក្រោយនៃផ្លូវរំលាយអាហាររបស់យើង។ ភាគច្រើននៃជំងឺនេះគឺចាប់ផ្ដើមពីសាច់ដក់នៅតាមប្រហោងពោះវៀនដែលយូរៗទៅវិវត្តទៅជាជំងឺមហារីកបាន។
កម្មវិធីពិនិត្យជំងឺមហារីកពោះវៀនធំអនឡាញ
កម្មវិធីពិនិត្យជំងឺរលាកក្រពះពោះវៀនរ៉ាំរ៉ៃអនឡាញ
កម្មវិធីពិនិត្យសុខភាពក្រពះពោះវៀនអនឡាញ
២. សាច់ក្រហមនិងសាច់កែច្នៃ
គ្នាយើងទំនងជាមិនបានដឹងទេថា ការញ៉ាំសាច់ក្រហមច្រើនជាង៧០០ក្រាមក្នុងមួយសប្ដាហ៍ជាកត្តាបង្កឲ្យមានហានិភ័យកាន់តែខ្ពស់ក្នុងការកើតជំងឺមហារីកពោះវៀនធំ។ ដូចគ្នាដែរ ហានិភ័យកើតជំងឺ មហារីកពោះវៀនអាចកើតមានដល់ទៅ១,៨ដង រាល់ការញ៉ាំអាហារកែច្នៃ ៥០ក្រាមក្នុងមួយថ្ងៃ។
សាច់ក្រហមមានទាំងសាច់គោ សាច់ចៀមនិងសាច់ជ្រូក។ ចំណែកសាច់កែច្នៃ មានដូចជាសាច់ជ្រូកបីជាន់ bacon សាច់ ham សាច់ក្រក និងHot dog ជាដើម។
ការសិក្សាថ្មីៗនេះបានរកឃើញពីសារធាតុគីមីជាក់លាក់មួយចំនួននៅ ក្នុងសាច់ក្រហម និងសាច់កែច្នៃ។ អាហារពីរប្រភេទនេះ មានទាំងសារធាតុគីមីកើតឡើងដោយការបន្ថែមក្រៅ និងសារធាតុគីមីដែលកើតឡើងដោយធម្មជាតិ ដែលសារធាតុទាំងនេះហើយ ធ្វើឲ្យអ្នកញ៉ាំងាយកើតជំងឺមហារីក។
ដូចជាសារធាតុគីមីមួយប្រភេទឈ្មោះថា Haem ត្រូវបំបែកក្នុងពោះវៀន ហើយសារធាតុគីមី N-nitroso ក៏បានកើតឡើង ដែលសារធាតុនេះត្រូវបានគេរកឃើញថាអាចបំផ្លាញដល់កោសិកានៅក្នុងពោះវៀន ជាហេតុនាំឲ្យកើតជំងឺមហារីកបាន។
សារធាតុគីមីដូចគ្នានេះ ក៏កើតមាននៅពេលសាច់កែច្នៃត្រូវបានរំលាយក្នុងប្រព័ន្ធរំលាយអាហារដែរ។ បន្ថែមពីនេះ សារធាតុនីទ្រីត និងនីត្រាត ត្រូវបានគេបន្ថែមដើម្បីរក្សាគុណភាពផលិតផលសាច់កែច្នៃ ដែលអាចបង្កើតបានជា សារធាតុគីមី N-nitroso ដែរ ដែលសារធាតុនេះហើយអាចបង្កឲ្យកើតជំងឺមហារីកពោះវៀន។
សារធាតុគីមីទាំងអស់នេះអាចបំផ្លាញកោសិកានៅក្នុងពោះវៀនធំ និងកោសិកានៅចុងពោះវៀនធំ។ ការខូចខាតនេះកើតមានកាន់តែយូរ កត្តាប្រឈមកើតជំងឺមហារីកក៏កាន់តែខ្ពស់ដែរ។
កម្មវិធីពិនិត្យជំងឺបម្រុងទឹកនោមផ្អែមអនឡាញ
កម្មវិធីពិនិត្យបញ្ហាលិង្គមិនឡើងរឹងអនឡាញ
៣. វិធីបន្ថយហានិភ័យ
ដើម្បីបន្ថយហានិភ័យជំងឺមហារីកពោះវៀនធំ គ្នាយើងមិនគួរញ៉ាំសាច់ក្រហមលើស ម្ដងក្នុងមួយសប្ដាហ៍ ឯសាច់កែច្នៃមិនលើសពី ៤ដងក្នុងមួយសប្ដាហ៍ទេ។ ការកាត់បន្ថយការញ៉ាំសាច់ក្រហម និងសាច់កែច្នៃ នឹងជួយកាត់បន្ថយហានិភ័យកើតជំងឺមហារីកពោះវៀនធំ។
ដូចគ្នាដែរយើងគួរញ៉ាំគ្រប់ធញ្ញជាតិ និងអាហារធ្វើពីទឹកដោះ ដើម្បីជួយកាត់បន្ថយហានិភ័យកើតជំងឺមហារីកពោះវៀនធំ។ អាហារមានជាតិសរសៃខ្ពស់ក្នុង បន្លែ និងផ្លែឈើ តាមការសិក្សាថាមានទំនាក់ទំនងតិចតួចក្នុងក្នុងការចូលរួមកាត់បន្ថយហានិភ័យជំងឺមួយនេះ តែថាយើងមិនអាចរំលងបន្លែ និងផ្លែឈើពីរបបអាហារបាននោះទេ។
គួរស្វែងយល់ពីបញ្ហាពោះវៀនធំច្រើនទៀត៖
- Colon cancer (មហារីកពោះវៀនធំ)
- Colitis (ជំងឺរលាកពោះវៀនធំ)
- អ្នកវិទ្យាសាស្រ្តរកឃើញតម្រុយបង្ការជំងឺមហារីកពោះវៀនធំ
- ផឹកភេសជ្ជៈកំប៉ុងច្រើន ស្រីៗអាចកើតជំងឺមហារីកពោះវៀនធំមុនអាយុ៥០ឆ្នាំ
- កត្តាធំៗបង្កឲ្យមានជំងឺមហារីកពោះវៀនធំ ករណីខ្លះមិនអាចទប់ស្កាត់បានទេ!
- មកដឹងពីរោគសញ្ញាមហារីកពោះវៀនធំ និងវិធីបង្ការមានប្រសិទ្ធភាពបំផុត
- មានដឹងអត់ សរីរាង្គក្នុងនីមួយៗទម្ងន់ប៉ុន្មាន ហើយមានមុខងារសំខាន់ៗអីខ្លះ?
[embed-health-tool-bmi]
