ជាធម្មតាគ្រូពេទ្យសម្ភពលើកទឹកចិត្តឲ្យស្រីៗមានផ្ទៃពោះទាំងអស់សម្រាលកូនតាមធម្មជាតិ ជាជាងវះកាត់។ ការវះកាត់ធ្វើឡើងសម្រាប់ម៉ាក់ៗដែលមានបញ្ហាសុខភាព ឬបញ្ហាប្រឈមណាមួយ មិនអាចសម្រាលតាមធម្មជាតិ បាន ព្រោះគ្រោះថ្នាក់ទាំងម្តាយទាំងកូន។
បើតាមការឲ្យដឹងរបស់លោកសាស្ត្រាចារ្យវេជ្ជបណ្ឌិត គាន់ អូន ប្រធានផ្នែករោគស្ត្រី នៃមន្ទីរពេទ្យកាល់ម៉ែត តួលេខស្រីៗសម្រាលកូនដោយវះកាត់នៅមន្ទីរពេទ្យកាល់ម៉ែតនាពេលបច្ចុប្បន្នមានប្រមាណជា ២០% ដែលចំនួននេះរាប់បញ្ចូលទាំងករណីត្រូវសង្គ្រោះបន្ទាន់ពីមណ្ឌលសុខភាព ឬមន្ទីរពេទ្យផ្សេងៗទៀត។
ករណីណាខ្លះត្រូវឲ្យស្រីៗមានផ្ទៃពោះសម្រាលកូនដោយវះកាត់?
– កូនទទឹងពោះ
– កូនមិនបង្វិលក្បាលចុះក្រោម
– សុកពាំងមាត់ស្បូន
– រហែកស្បូន
– សុខភាពម្តាយ ឬកូនខ្សោយខ្លាំង
– ម្តាយមានធ្លាក់ឈាមច្រើន
– បែកទឹកភ្លោះយូរ។
អត្ថបទពាក់ព័ន្ធ៖ មួយជីវិត ស្រីៗអាចសម្រាលកូនដោយវះកាត់ប៉ុន្មានដង?
ទោះយ៉ាងណាបច្ចុប្បន្ននេះ ស្រីៗគ្នាយើងមួយចំនួនជ្រើសរើសយកការសម្រាលដោយវះកាត់ទាំងដែលខ្លួនមិនមានបញ្ហាអ្វីទាំងអស់ នេះក៏ដោយសារតែម៉ាក់ៗខ្លះមិនចង់ឈឺពោះពេលសម្រាលអាអូន ឬចង់បានហុងស៊ុយ ថ្ងៃ ខែ កើតកូនជាដើម។
អត្ថបទពាក់ព័ន្ធ៖ ម៉ាក់ៗប្រយ័ត្នប្រយែង ទាំងនេះជាសញ្ញាគ្រោះថ្នាក់ពេលឈឺពោះ និងសម្រាល
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-due-date]
