ស្រីៗគ្នាយើងធ្លាប់ជួបបញ្ហាឈឺចុងសុដន់ឬទេ? ពិតណាស់ អាការៈឈឺចុងសុដន់អាចអមជាមួយនឹងរោគសញ្ញាផ្សេងទៀតដូចជាឈឺសុដន់ ហូរសារធាតុរាវចេញពីចុងសុដន់ ដុំពកក្នុងសុដន់ រមាស់ស្បែក ឬស្បែកមានការប្រែប្រួល។ អាការៈឈឺចាប់នៅចុងសុដន់នេះ កើតឡើងជាទូទៅចំពោះស្រីៗយើងនៅពេលណាមួយ ជាពិសេសនៅអំឡុងពេលយើងបំបៅដោះកូនតែម្តង។

យ៉ាងណាមិញ ការបំបៅដោះកូនមិនមែនជាមូលហេតុតែមួយគត់ ដែលបង្កជាអាការៈឈឺចុងសុដន់នោះទេ កត្តាទាំង៥នេះក៏អាចធ្វើឲ្យយើងឈឺចុងសុដន់ដូចគ្នា។

១. ការបង្ករោគ

ការឈឺចុងសុដន់អាចបណ្ដាលមកពីវិបត្តិជាក់លាក់ ពិសេសការរលាក ។ ទាំងរោគរលាកសុដន់ និងអាប់សែសុដន់ សុទ្ធតែអាចធ្វើឲ្យយើងឈឺចុងសុដន់។ ជាទូទៅ ការឈឺចាប់ដែលកើតឡើងដោយការបង្ករោគ អាចនាំឲ្យសុដន់មានស្នាមក្រហម ហើម ឬឈឺចាប់នៅពេលប៉ះពាល់។ បើស្រីៗយើងសង្កេតឃើញសញ្ញានៃការបង្ករោគ ចូរពិគ្រោះយោបល់ជាមួយនឹងគ្រូពេទ្យ ទើបជាការប្រសើរ។

កម្មវិធីពិនិត្យជំងឺមហារីកសុដន់អនឡាញ

ចង់គណនាថ្ងៃសម្រាលកូន ចុចទីនេះ !

ចង់គណនាទម្ងន់ស្រ្តីពពោះ ចុចទីនេះ !

ចង់គណនាថ្ងៃមេជីវិតញីទុំធ្លាក់ ចុចទីនេះ !

ចង់ដឹងអត្ថន័យពណ៌ និងរូបរាងលាមកទារក ចុចទីនេះ !

២. ប្រែប្រួលអ័រម៉ូន

មូលហេតុទូទៅមួយទៀតនៃការឈឺចុងសុដន់ ដែលកើតលើស្រីៗមិនបំបៅដោះកូន អាចមកពីការប្រែប្រួលអ័រម៉ូន។ ជាធម្មតា វាកើតឡើងមុនពេលមករដូវពីរបីថ្ងៃ ឬនៅពេលទើបមានផ្ទៃពោះ។ ដោយសារតែអតុល្យភាពអ័រម៉ូន ការផលិតអ័រម៉ូនEstrogen និងProgesterone មានការរំខាន ជាហេតុនាំឲ្យឈឺចុងសុដន់។ ដើម្បីបង្ការការឈឺសុដន់មុនពេលមករដូវ គ្នាយើងគប្បីញ៉ាំអាហារសុភាព ហាត់ប្រាណ កាត់បន្ថយជាតិកាហ្វេអ៊ីន និងគ្រឿងស្រវឹង។

៣. រងរបួស

ជួនកាល របួសសុដន់ ឬជញ្ជាំងទ្រូង ដូចជាការទាញសាច់ដុំ ឬការរលាកនៅឆ្អឹងជំនី ក៏អាចបង្កជាការឈឺចាប់នៅសុដន់ និងចុងសុដន់ផងដែរ។

ឈឺចុងសុដន់

៤. ពាក់អាវទ្រនាប់ខុសទំហំ

អាវទ្រនាប់ត្រឹមត្រូវអាចជួយបញ្ចៀសការរលាកចុងសុដន់នៅពេលក្រោយ។ ផ្ទុយទៅវិញ ការពាក់អាវទ្រនាប់ខុសទំហំ អាចកកិតចុងសុដន់ និងបង្កជាការរលាកស្បែក ដែលជាហេតុនាំឲ្យស្រីៗយើងឈឺចាប់ និងហូរឈាមពីចុងសុដន់។

៥. ប្រើប្រាស់ថ្នាំជាក់លាក់

ជាក់ស្ដែង ថ្នាំមួយចំនួនក៏អាចបណ្ដាលឲ្យយើងមានអាការៈឈឺទ្រូង ឬឈឺចុងសុដន់ ហើយប្រភេទថ្នាំទាំងនេះរួមមាន៖

ថ្នាំដែលប៉ះពាល់ដល់អ័រម៉ូនបន្តពូជ
ការព្យាបាលបញ្ហាសុខភាពផ្លូវចិត្តមួយចំនួន
ការព្យាបាលសរសៃឈាមបេះដូងមួយចំនួន។

ស្វែងយល់បន្ថែមពីសុដន់៖

ឈឺ​ចុង​សុដន់​មិន​មែន​មកពីការ​បំបៅ​ដោះទាំងអស់ទេ​ នេះក៏អាចជា​មូលហេតុ

១. ការ​បង្ក​រោគ​

២. ប្រែប្រួល​អ័រម៉ូន​

៣. រង​របួស

៤. ពាក់​អាវ​ទ្រនាប់​ខុស​ទំហំ​

៥. ​ប្រើប្រាស់​ថ្នាំ​ជាក់លាក់

ឈឺចុងសុដន់មិនមែនមកពីការបំបៅដោះទាំងអស់ទេ នេះក៏អាចជាមូលហេតុ

១. ការបង្ករោគ

២. ប្រែប្រួលអ័រម៉ូន

៣. រងរបួស

៤. ពាក់អាវទ្រនាប់ខុសទំហំ

៥. ប្រើប្រាស់ថ្នាំជាក់លាក់