ការថែទាំទារក Archives - Page 14 of 26

ដឹងតិចនិច ៥ នេះ ជួយឱ្យទារកគេងលក់ស្កប់រាល់ថ្ងៃ

ការគេងលក់ស្កប់មានសារៈសំខាន់ណាស់ចំពោះទារក ព្រោះមិនត្រឹមតែ ជួយឱ្យទារកមានកម្លាំង និងស្មារតីល្អបន្ទាប់ពីក្រោកពីគេងទេ ថែមទាំងជួយទារកក្នុងការអភិវឌ្ឍរាងកាយ ខួរក្បាល និងប្រព័ន្ធការពាររាងកាយទៀតផង។ ចឹងគួរធ្វើម៉េចជួយឱ្យទារកគេងលក់ស្កប់ល្អ? ដើម្បីជួយ ឱ្យទារកគេងលក់ស្កប់ ម៉ាក់ប៉ាគួរដឹងគន្លឹះទាំងនេះ៖ ១. បង្កើតទម្លាប់មុនពេលគេង ទារករៀនគេងដោយចាប់យកសញ្ញាពីជុំវិញខ្លួន។ ម៉ាក់ប៉ាអាចបង្កើតទម្លាប់មុនពេលគេង ដោយចាប់ផ្តើមជាមួយការរក្សាបន្ទប់គេង ឬកន្លែងគេងឱ្យស្ងប់ស្ងាត់ និងបន្ថយពន្លឺភ្លើង ឬពន្លឺថ្ងៃ ៣០ នាទីមុនពេលដាក់កូនគេង។ ចៀសវាងលេង ឬប្រឡែងលេងជាមួយកូនមុនពេលដាក់កូនឱ្យគេង ព្រោះការរំភើបរីករាយអាចធ្វើឱ្យកូនពិបាកគេង ឬគេងហើយភ្ញាក់មកវិញ។ មួយវិញទៀត ម៉ាក់ប៉ាត្រូវបន្ថយសំឡេង និងនិយាយទៅកាន់កូនបែបលួងលោម ក្នុងគោលបំណងបន្ធូររម្មណ៍កូន។ បន្ទាប់មក ម៉ាក់ប៉ាអាចបង្កើតទម្លាប់ងូតទឹកឱ្យកូន អានរឿងនិទាន ច្រៀងបំពេរ ឬចាក់ភ្លេងបំពេរជាដើម មុនពេលដាក់កូនឱ្យគេង។ ត្រូវប្រកាន់ខ្ជាប់ និងធ្វើតាមទម្លាប់ដដែលៗជារៀងរាល់ពេល យូរៗទៅកូននឹងសុំានឹងទម្លាប់មុនពេលគេងទាំងនេះ។ នៅពេលម៉ាក់ប៉ាធ្វើទម្លាប់ទាំងនេះ កូននឹងដឹងថាដល់ពេលគេងហើយ។ ២. សង្កេតមើលសញ្ញាកូនងងុយគេង បើម៉ាក់ប៉ាឃើញកូនស្ងប់ស្ងាត់ មិនចង់លេង មិនចាប់អារម្មណ៍នឹងសកម្មភាពជុំវិញខ្លួន ស្ងាប់ ញីភ្នែក បៀមម្រាមដៃ មួម៉ៅ ឬសម្លឹងមើលទៅលើបានន័យថា កូនងងុយគេងហើយ។ ម៉ាក់ប៉ាគួររៀបចំឱ្យកូនឱ្យចូលគេង។ ៣. បង្កើតបរិយាកាសកន្លែងគេងកូនឱ្យមានផាសុកភាព កន្លែង ឬបន្ទប់គេងកូនគួរតែមិនមានសម្លេងរំខាន និងមានសីតុណ្ហភាពត្រជាក់ល្មមត្រឹម ២០-២២ អង្សារសេ។ ពូក ឬកម្រាលគេងកូនត្រូវរាបស្មើ មិនទន់ពេក […]

ការថែទាំទារក

ម៉េចបានកូនកើតមកមានបញ្ហាឆែបក្រអូមមាត់ឬឆែបមាត់?

គ្មានម៉ាក់ប៉ាដែលចង់ឲ្យកូនកើតមកមានបញ្ហា ឬមិនភាពប្រក្រតីនៅត្រង់ផ្នែកណាមួយនោះទេ។ ម៉ាក់ប៉ាស្ទើរគ្រប់រូប តែងប៉ូវកម្លាំង ញ៉ាំរបស់ល្អៗដែលជំនួយដល់កូននៅក្នុងផ្ទៃ ប៉ុន្តែពេលខ្លះ បើម៉ាក់ៗទទួលបានប្រូតេអ៊ីន ឬវីតាមីនមិនបានគ្រប់គ្រាន់ទេ វាអាចប៉ះពាល់ទៅដល់ការលូតលាស់ផ្នែកណាមួយរបស់កូនបានដូចជា កូនអាចកើតមកមានបញ្ហាឆែបក្រអូមមាត់។ ហេតុអ្វីក្មេងកើតមកមានបញ្ហាឆែបក្រអូបមាត់ឬឆែបមាត់? ចំពោះបញ្ហាទារកកើតមកមានបញ្ហាឆែបក្រអូមមាត់នេះ លោកវេជ្ជបណ្ឌិត ចាន់ ស៊ីណេត ឯកទេសផ្នែកជំងឺទូទៅ បានបកស្រាយឲ្យដឹងថា ការឆែបក្រអូមមាត់ គឺជាបញ្ហាពិការភាពពីកំណើតដែលមាត់របស់កូនលូតលាស់មិនបានពេញលេញ ដែលបង្កឲ្យទារកឆែបមាត់បែបនេះ។ បញ្ហាឆែបក្រអូមមាត់របស់ទារកអាចកើតឡើងបណ្ដាលមកម្ដាយទទួលបានសារធាតុអាស៊ីដហ្វូលិក មិនបានគ្រប់គ្រាន់នៅអំឡុងពេលដែលកំពុងពពោះ។ គណនាថ្ងៃសម្រាលកូន គណនាទម្ងន់ស្ត្រីអំឡុងពពោះ ផលវិបាកបើមានឆែបក្រអូបមាត់ឬឆែបមាត់ ស្របគ្នានេះដែរ CDC អាមេរិក បានឲ្យដឹងដែរថា ស្ត្រីដែលប្រឈមនឹងមានបញ្ហាកូនកើតមកឆែបក្រអូមមាត់ គឺស្ត្រីដែលជក់បារីពេលពពោះ ស្ត្រីដែលមានជំងឺទឹកនោមផ្អែមមុនពេលពពោះ និងស្ត្រីដែលប្រើប្រាស់ថ្នាំមួយចំនួន។ ប្រសិនបើទារកកើតមកមានបញ្ហាឆែបក្រអូមមាត់ពីកំណើត ទារកនោះតែងប្រឈមនឹងបញ្ហាដូចជា៖ - ពិបាកញ៉ាំអាហារ - ពិបាកក្នុងការនិយាយ - បញ្ហាឆ្លងមេរោគត្រចៀក - បញ្ហាក្នុងការស្ដាប់ - បញ្ហាធ្មេញ កត្តាប្រឈមបញ្ហាឆែបក្រអូបមាត់ឬឆែបមាត់ ដូចនេះ ដើម្បីបង្ការមិនឲ្យកូនកើតមានបញ្ហាឆែបក្រអូមមាត់ពីកំណើត ស្ត្រីពពោះអាចធ្វើតាមវិធីសាស្ត្របង្ការហានិភ័យក្នុងការកើតមានបញ្ហានេះដូចជា៖ - ត្រូវប្រាកដថា ទទួលបានសារធាតុអាស៊ីដហ្វូលិកបានគ្រប់គ្រាន់ - កុំជក់បារី ឬផឹកស្រាក្នុងពេលពពោះ - មានទម្ងន់តាមស្តង់ដារ - ការពារខ្លួនពីការឆ្លងមេរោគ។ល។ ស្វែងយល់ពីបញ្ហាផ្សេងទៀត៖ ក្មេងមានជំងឺ ២ មុខនេះ មន្ទីរពេទ្យកុមារជាតិទទួលព្យាបាលមិនគិតថ្លៃ នេះជាពពួកវីតាមីនស្រីៗពពោះ ត្រូវការចាំបាច់បំផុត Folate Deficiency Anemia (ជំងឺស្លេកស្លាំងដោយសារខ្វះអាស៊ីដហ្វូលិក)