ចិញ្ចឹមកូន

ការពារកូនតូចពីជំងឺផ្សេងៗ នៅរដូវភ្លៀង ប៉ាម៉ាក់អាចអនុវត្តន៍វិធានទាំងនេះ

រដូវភ្លៀង កុមារតូចៗងាយប្រឈមនឹងជំងឺផ្សេងៗណាស់ អ៊ឹចឹងហើយ ប៉ាម៉ាក់គួរអនុវត្តន៍គន្លឹះបែបណាខ្លះ ដើម្បីជួយកូនឲ្យជៀសផុតពីបញ្ហាមួយនេះ? ពិតណាស់ នៅរដូវភ្លៀង ជាមួយនឹងសំណើមខ្ពស់ អាចបណ្តាលឲ្យក្មេងៗដែលមិនទាន់មានប្រព័ន្ធភាពស៊ាំរឹងមាំនៅឡើយ ងាយនឹងឆ្លងជំងឺផ្សេងៗតាមរដូវកាល ដូចនេះ យកល្អ ប៉ាម៉ាក់ត្រូវត្រៀមវិធានការការពារទុកជាមុនដូចខាងក្រោម៖ ១. រក្សាអនាម័យ ការរក្សាអនាម័យឲ្យបានខ្ជាប់ខ្ជួន អាចបញ្ចៀសការរីករាលដាលនៃជំងឺឆ្លងបាន។ ហេតុនេះហើយ ប៉ាម៉ាក់គួរបង្រៀនកូនឲ្យយល់ដឹងពីសារៈសំខាន់នៃការលាងសម្អាតដៃឲ្យបានត្រឹមត្រូវ ជាពិសេស មុនពេលញ៉ាំអាហារ និងក្រោយពីការបន្ទោរបង់រួច។ ការលាងសម្អាតដៃទៀតសោត គួរឲ្យកូនលាងជាមួយនឹងសាប៊ូ និងទឹកយ៉ាងហោចណាស់២០វិនាទី។ ចង់ដឹងអត្ថន័យពណ៌ និងរូបរាងលាមកទារក ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចង់គណនាថ្ងៃមេជីវិតញីទុំធ្លាក់ ចុចទីនេះ! ២. ពង្រឹងប្រព័ន្ធភាពស៊ាំជាមួយនឹងរបបអាហារ របបអាហារតុល្យភាព ត្រូវរួមបញ្ចូលនូវវីតាមីន និងសារធាតុរ៉ែ ដើម្បីជួយពង្រឹងប្រព័ន្ធភាពស៊ាំ។ ប៉ាម៉ាក់គប្បីឲ្យកូនញ៉ាំបន្លែ ផ្លែឈើ និងប្រូតេអ៊ីនគ្មានខ្លាញ់។ អាហារដែលសម្បូរទៅដោយវីតាមីនC ដូចជាផ្លែក្រូច ស្រ្តប៊ឺរី និងម្ទេសប្លោក ក៏អាចជួយការពារកូនប៉ាម៉ាក់ពីជំងឺផ្សេងៗបានផងដែរ។ មួយវិញទៀត គួរកាត់បន្ថយការញ៉ាំអាហារដែលមានជាតិស្ករខ្ពស់ និងអាហារកែច្នៃ។ ៣. កុំភ្លេចបន្ថែមជាតិទឹក ម្យ៉ាងវិញទៀត ប៉ាម៉ាក់ចាំបាច់ណែនាំឲ្យកូនញ៉ាំទឹកឲ្យបានច្រើនក្នុងអំឡុងរដូវភ្លៀង នៅពេលដែលកម្រិតសំណើមឡើងខ្ពស់ ដើម្បីបញ្ចៀសបញ្ហាកង្វះជាតិទឹក។ យើងក៏អាចបន្ថែមជាប្រភេទផ្លែឈើដែលសម្បូរជាតិទឹក ដូចជាផ្លែឪឡឹក និងត្រសក់ជាដើម។ ៤. ស្លៀកពាក់ឲ្យកូនឲ្យបានត្រឹមត្រូវ ជាមួយគ្នានេះ ប៉ាម៉ាក់គួរឲ្យកូនស្លៀកពាក់សំលៀកបំពាក់ណាដែលមានខ្យល់ចេញចូល ហើយងាយស្ងួត ដើម្បីការពារកូនពីការកើតជំងឹផ្តាសាយ ឬបញ្ហាស្បែក។ ក្នុងអំឡុងរដូវភ្លៀង ចាំបាច់ត្រូវឲ្យកូនមានអាវភ្លៀវ […]

ការថែទាំទារក

ប៉ាម៉ាក់ដឹងអត់ អាអូនចេះតែភ្ញាក់ពេលយប់មកពីមូលហេតុអ្វី?

ការគេងលក់ស្កប់ស្កល់ មានសារសំខាន់ណាស់ ដើម្បីជួយឲ្យអាអូនមានសុខភាពល្អទាំងផ្លូវកាយ និងផ្លូវចិត្ត។ ប៉ុន្តែ ពេលខ្លះ កូនតូចតែងតែភ្ញាក់ពេលយប់ និងពិបាកគេងទៅវិញ ដែលធ្វើឲ្យក្មេងរញ៉ាំរញ៉ូវ មួម៉ៅ និងកិកកុកមិនបាត់ ហើយបញ្ហានេះក៏ជាហេតុនាំឲ្យប៉ាម៉ាក់ស្រ្តេស និងហត់នឿយខ្លាំងដូចគ្នា។ ដើម្បីគ្រប់គ្រងស្ថានភាព ប៉ាម៉ាក់គប្បីយល់ដឹងពីមូលហេតុ និងអនុវត្តតាមគន្លឹះមួយចំនួនខាងក្រោមនេះ។ អត្ថន័យពណ៌ និងរូបរាងលាមកទារក នៅទីនេះ មូលហេតុក្មេងភ្ញាក់នៅពេលយប់ ឃ្លានអាហារ គេងថ្ងៃយូរពេក ភ័យខ្លាចអ្វីមួយ យល់សប្ដិអាក្រក់ ប្រើប្រាស់ឧបករណ៍អេឡិចត្រូនិកច្រើនជ្រុល ឈឺ ការផ្លាស់ប្ដូរទម្លាប់ប្រចាំថ្ងៃ ដូចជាការផ្ដាច់ដោះ ការចូលរៀន ការរៀនប្រើបង្គន់ ផ្លាស់ប្ដូរអ្នកមើលថែថ្មី ការភ័យខ្លាចនៅតែឯង តិចនិកដោះស្រាយនៅពេលកូនភ្ញាក់នៅពេលយប់ រកមូលហេតុ និងដោះស្រាយផ្អែកតាមមូលហេតុជាក់ស្ដែង៖ ក្មេងម្នាក់ៗមានមូលហេតុភ្ញាក់នៅពេលយប់ផ្សេងៗគ្នា។ ក្មេងខ្លះភ្ញាក់ដោយសារតែការឈឺចាប់ និងខ្លះទៀតភ្ញាក់ដោយសារតែភ័យខ្លាចការនៅតែឯង។ ប៉ាម៉ាក់គប្បីវាយតម្លៃអំពីស្ថានភាព កំណត់មូលហេតុជាក់លាក់ និងរកដំណោះស្រាយឲ្យបានត្រឹមត្រូវ។ ទុកពេលឲ្យកូនរៀនទម្លាប់ខ្លួន៖ ចូរឲ្យកូនគេងលក់ទៅវិញដោយខ្លួនឯង។ ប៉ុន្តែ បើអាអូនទើបតែចេះដើរតេះតះ ប៉ាម៉ាក់គប្បីអង្អែលខ្នងកូនថ្នមៗ ដោយជៀសវាងលើកបីកូន ឬដាក់កូននៅលើភ្លៅ។ យ៉ាងណាមិញ ក្នុងករណីដែលកូនភ្ញាក់ដោយសារជំងឺ ឬយល់សប្ដិអាក្រក់ ចូរឱបកូន និងនៅក្បែរកូនរហូតទាល់តែក្មេងគេងលក់វិញ។ មានការអត់ធ្មត់៖ ការបង្កើតទម្លាប់គេងដ៏ត្រឹមត្រូវចំពោះក្មេងទើបចេះដើរតេះតះ ទាមទារឲ្យមានការអនុវត្តបន្ថែម។ ដូចនេះ ចូរឲ្យកូនរៀនបន្ធូរអារម្មណ៍ខ្លួនឯងតាំងពីតូច ទើបជាការប្រសើរ។ នៅពេលដែលអាអូនកាន់តែធំ ប៉ាម៉ាក់គប្បីកាត់បន្ថយពេលលួងលោមកូន ដើម្បីឲ្យកូនចេះពឹងលើខ្លួនឯង។ តិចនិកកុំឲ្យកូនតូចភ្ញាក់នៅពេលយប់ ភាគច្រើន ការភ្ញាក់នៅពេលយប់ចំពោះកូនតូចកើតឡើងនៅក្នុងរយៈពេលខ្លី និងអាចបង្ការបាន។ ប៉ាម៉ាក់អាចអនុវត្តតាមតិចនិកខាងក្រោមនេះ ដើម្បីជួយឲ្យកូនគេងលក់ស្រួល។ ធ្វើជាគំរូដល់កូន ដោយការគេងទៀងទាត់ម៉ោង។ អនុវត្តតាមទម្លាប់គេងប្រចាំថ្ងៃ ដូចជាការងូតទឹកក្ដៅឧណ្ហៗ ដុសសម្អាតធ្មេញ […]