ចិញ្ចឹមកូន

ការពារកូនតូចពីជំងឺផ្សេងៗ នៅរដូវភ្លៀង ប៉ាម៉ាក់អាចអនុវត្តន៍វិធានទាំងនេះ

រដូវភ្លៀង កុមារតូចៗងាយប្រឈមនឹងជំងឺផ្សេងៗណាស់ អ៊ឹចឹងហើយ ប៉ាម៉ាក់គួរអនុវត្តន៍គន្លឹះបែបណាខ្លះ ដើម្បីជួយកូនឲ្យជៀសផុតពីបញ្ហាមួយនេះ? ពិតណាស់ នៅរដូវភ្លៀង ជាមួយនឹងសំណើមខ្ពស់ អាចបណ្តាលឲ្យក្មេងៗដែលមិនទាន់មានប្រព័ន្ធភាពស៊ាំរឹងមាំនៅឡើយ ងាយនឹងឆ្លងជំងឺផ្សេងៗតាមរដូវកាល ដូចនេះ យកល្អ ប៉ាម៉ាក់ត្រូវត្រៀមវិធានការការពារទុកជាមុនដូចខាងក្រោម៖ ១. រក្សាអនាម័យ ការរក្សាអនាម័យឲ្យបានខ្ជាប់ខ្ជួន អាចបញ្ចៀសការរីករាលដាលនៃជំងឺឆ្លងបាន។ ហេតុនេះហើយ ប៉ាម៉ាក់គួរបង្រៀនកូនឲ្យយល់ដឹងពីសារៈសំខាន់នៃការលាងសម្អាតដៃឲ្យបានត្រឹមត្រូវ ជាពិសេស មុនពេលញ៉ាំអាហារ និងក្រោយពីការបន្ទោរបង់រួច។ ការលាងសម្អាតដៃទៀតសោត គួរឲ្យកូនលាងជាមួយនឹងសាប៊ូ និងទឹកយ៉ាងហោចណាស់២០វិនាទី។ ចង់ដឹងអត្ថន័យពណ៌ និងរូបរាងលាមកទារក ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចង់គណនាថ្ងៃមេជីវិតញីទុំធ្លាក់ ចុចទីនេះ! ២. ពង្រឹងប្រព័ន្ធភាពស៊ាំជាមួយនឹងរបបអាហារ របបអាហារតុល្យភាព ត្រូវរួមបញ្ចូលនូវវីតាមីន និងសារធាតុរ៉ែ ដើម្បីជួយពង្រឹងប្រព័ន្ធភាពស៊ាំ។ ប៉ាម៉ាក់គប្បីឲ្យកូនញ៉ាំបន្លែ ផ្លែឈើ និងប្រូតេអ៊ីនគ្មានខ្លាញ់។ អាហារដែលសម្បូរទៅដោយវីតាមីនC ដូចជាផ្លែក្រូច ស្រ្តប៊ឺរី និងម្ទេសប្លោក ក៏អាចជួយការពារកូនប៉ាម៉ាក់ពីជំងឺផ្សេងៗបានផងដែរ។ មួយវិញទៀត គួរកាត់បន្ថយការញ៉ាំអាហារដែលមានជាតិស្ករខ្ពស់ និងអាហារកែច្នៃ។ ៣. កុំភ្លេចបន្ថែមជាតិទឹក ម្យ៉ាងវិញទៀត ប៉ាម៉ាក់ចាំបាច់ណែនាំឲ្យកូនញ៉ាំទឹកឲ្យបានច្រើនក្នុងអំឡុងរដូវភ្លៀង នៅពេលដែលកម្រិតសំណើមឡើងខ្ពស់ ដើម្បីបញ្ចៀសបញ្ហាកង្វះជាតិទឹក។ យើងក៏អាចបន្ថែមជាប្រភេទផ្លែឈើដែលសម្បូរជាតិទឹក ដូចជាផ្លែឪឡឹក និងត្រសក់ជាដើម។ ៤. ស្លៀកពាក់ឲ្យកូនឲ្យបានត្រឹមត្រូវ ជាមួយគ្នានេះ ប៉ាម៉ាក់គួរឲ្យកូនស្លៀកពាក់សំលៀកបំពាក់ណាដែលមានខ្យល់ចេញចូល ហើយងាយស្ងួត ដើម្បីការពារកូនពីការកើតជំងឹផ្តាសាយ ឬបញ្ហាស្បែក។ ក្នុងអំឡុងរដូវភ្លៀង ចាំបាច់ត្រូវឲ្យកូនមានអាវភ្លៀវ […]

ការបំបៅដោះ

អំឡុងពេលបំបៅដោះកូន ម៉ាក់ៗអាចញ៉ាំអាហារហឹរបានឬអត់?

ទោះបីជាវាមានសុវត្ថិភាពក្នុងការញ៉ាំអាហារហឹរក៏ពិតមែន ប៉ុន្តែម៉ាក់ៗមិនគួរញ៉ាំច្រើនពេកទេ និងគប្បីញ៉ាំអាហារដែលមានតុល្យភាពគ្រប់គ្រាន់ ទើបជាការប្រសើរ។ ពិតណាស់ អាអូននឹងទទួលបរិមាណតិចតួចនៃអាហារទាំងនោះតាមរយៈទឹកដោះម្ដាយ ដោយពុំមានផលប៉ះពាល់ឡើយ។ តើអាហារហឹរប៉ះពាល់ដល់ទឹកដោះដែរឬទេ? ជាក់ស្ដែង អ្វីដែលម៉ាក់ៗញ៉ាំនឹងជះឥទ្ធិពលដល់រសជាតិនៃទឹកដោះ។ ទារកអាចនឹងចូលចិត្តរសជាតិទឹកដោះថ្មីៗ ហើយទង្វើនេះ ក៏ជាគំរូដ៏ល្អសម្រាប់ទារក មុនពេលដែលពួកគេចាប់ផ្ដើមញ៉ាំអាហាររឹងដែលមានរសជាតិខុសៗគ្នាផងដែរ។ ផលប៉ះពាល់អវិជ្ជមាននៃអាហារហឹរចំពោះទឹកដោះម្ដាយ មិនមែនទារកគ្រប់រូបសុទ្ធតែចូលចិត្តការផ្លាស់ប្ដូរនៃរសជាតិទឹកដោះនោះទេ ហើយកូនមួយចំនួនអាចនឹងមានប្រតិកម្មជាមួយនឹងការផ្លាស់ប្ដូរនេះផងដែរ។ ផលប៉ះពាល់អវិជ្ជមានដែលអាចកើតមានឡើងពីអាហារហឹរ រួមមាន៖ កើតមានអាលែកហ្ស៊ីចំពោះអាហារហឹរ ដោយមានចេញកន្ទួលរមាស់លើស្បែក មានអាការៈចុកពោះ មានបញ្ហាហ្គាសនៅក្នុងក្រពះ កូនមានប្រតិកម្មនឹងអាហារហឹរមានអាការៈដូចម្ដេច? សញ្ញាជាក់លាក់ដែលបង្ហាញថាទារកមានប្រតិកម្មនឹងអាហារហឹរមានដូចខាងក្រោម។ យំមិនឈប់ បន្ទាប់ពីបៅទឹកដោះម្ដាយ ដែលមានរសជាតិហឹរ មានអាការៈរាករូស ជាពិសេស បន្ទាប់ពីម្ដាយញ៉ាំអាហារហឹរ រួចបំបៅដោះ វដ្ដដំណេករបស់ទារកត្រូវបានរំខាន បន្ទាប់ពីបំបៅដោះដែលមានរសជាតិហឹរ ហើយទារកចាប់ផ្ដើមភ្ញាក់ពីគេងយ៉ាងឆាប់រហ័ស។ មិនចង់បៅដោះ ជាពិសេស បន្ទាប់ពីម៉ាក់ៗញ៉ាំអាហារផ្សេងៗ ចេញកន្ទួលរមាស់ និងកន្ទាលត្រអាកនៅលើស្បែករបស់ទារក តើការញ៉ាំអាហារហឹរ អំឡុងពេលបំបៅដោះមានអត្ថប្រយោជន៍ចំពោះទារកដែរឬទេ? ប្រសិនបើអាអូនមិនមានប្រតិកម្មនឹងអាហារហឹរនៅក្នុងទឹកដោះម្ដាយទេនោះ វានឹងមិនបង្កផលប៉ះពាល់ណាមួយឡើយ។ ផ្ទុយទៅវិញ ទារកអាចនឹងទទួលបានអត្ថប្រយោជន៍មួយចំនួនពីទឹកដោះម្ដាយ ដែលមានរសជាតិហឹរដូចជា៖ ងាយស្រួលក្នុងការផ្ដាច់ដោះ អាចស្គាល់ពីរសជាតិផ្សេងៗ ពង្រឹងមុខងារក្រពះ ទទួលយករបបអាហារល្អប្រសើរ ទាំងនៅវ័យក្មេង តើម៉ាក់ៗកំពុងបំបៅដោះកូន គួរចាប់ផ្ដើមញ៉ាំអាហារហឹរនៅពេលណា? ម៉ាក់ៗភាគច្រើនចាប់ផ្ដើមញ៉ាំអាហារហឹរនៅក្នុងបរិមាណតិចតួចបន្ទាប់ពីសម្រាលកូនរួច។ យ៉ាងណាមិញ ម៉ាក់ៗគប្បីរង់ចាំរហូតដល់ទារកស៊ាំនឹងការបំបៅដោះត្រឹមត្រូវ និងអភិវឌ្ឍសុខភាព ក៏ដូចជាភាពស៊ាំរបស់ពួកគេជាមុនសិន មុននឹងចាប់ផ្ដើមញ៉ាំអាហារហឹរ ។