ចិញ្ចឹមកូន

ម៉េចបានកុមារ និងក្មេងជំទង់ខ្លះមានចរិតហិង្សា? ប៉ាម៉ាក់ជួយកូនតាមវិធីណា?

ប៉ាម៉ាក់ច្បាស់ជាមានការព្រួយបារម្ភមិនខាន បើកូនមានចរិតព្រហើនកោងកាច មិនស្តាប់បង្គាប់។ ប៉ុន្តែ អ្វីដែលសំខាន់នោះគឺយើងត្រូវស្វែងរកឫសគល់ ឬមូលហេតុច្បាស់លាស់ដែលបណ្តាលឲ្យកូនប្រព្រឹត្តទង្វើបែបនេះ។ ជាទូទៅ ចរិតកោងកោច ឬចរិតហិង្សារបស់ក្មេងចែកចេញជាពីរទម្រង់ គឺហិង្សាដោយពាក្យសំដី ដូចជាការស្រែក ជេរប្រទិច ឬស្រែកយំ។ល។ ចំណែកឯហិង្សារាងកាយ គឺជាការវាយដំ បោះចោល ឬដុតរបស់របរ ឬទាត់អ្នកណាម្នាក់ ឬវត្ថុអ្វីមួយ។ មូលហេតុអ្វីបានជាកុមារ និងក្មេងជំទង់មានចរិតហិង្សា? ជាក់ស្តែង មានកត្តាជាច្រើនដែលនាំឲ្យក្មេងមានអត្តចរិតហិង្សាបែបនេះ តួយ៉ាងដូចជា៖ ១. អតុល្យភាពសារធាតុគីមីក្នុងខួរក្បាល សម្រាប់កុមារដែលមានបញ្ហាអតុល្យភាពសារធាតុគីមីក្នុងខួរក្បាល អាចបណ្តាលឲ្យពួកគេមិនអាចគ្រប់គ្រងលើអត្តចរិត និងឥរិយាបថរបស់ខ្លួនបាន ជាហេតុនាំឲ្យក្មេងព្រហើនកោចកាច និងប្រើអំពើហិង្សា។ ២. ធ្លាប់ទទួលរងនូវអំពើហិង្សា ប្រសិនបើកូនធ្លាប់ទទួលរងនូវអំពើហិង្សាជាប្រចាំ នោះក្មេងអាចនឹងយកតម្រាប់តាមដោយការប្រព្រឹត្តនូវអំពើហិង្សាខ្លួនឯងផ្ទាល់ ហើយក៏មានហានិភ័យនៃបញ្ហាផ្លូវចិត្ត ព្រមទាំងងាយប្រឈមនឹងការប្រពឹ្រត្តបទឧក្រិដ្ឋនៅពេលដែលពួកគេធំពេញវ័យថែមទៀតផង។ ចង់គណនាថ្ងៃមេជីវិតញីទុំធ្លាក់ ចុចទីនេះ! ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ៣. ទម្លាប់ប្រៀនប្រដៅកូនរបស់ប៉ាម៉ាក់ នៅពេលដែលប៉ាម៉ាក់តឹងរ៉ឹងពេក ឬស្លូតបូតពេកនៅក្នុងការប្រៀនប្រដៅកូន នោះក៏អាចនាំឲ្យកូនមានចរិតហិង្សានៅវ័យជំទង់ផងដែរ។ ហេតុនេះហើយ ប៉ាម៉ាក់ត្រូវបង្រៀនកូនឲ្យចេះដោះស្រាយបញ្ហា ឬអារម្មណ៍អវិជ្ជមានដោយសុទិដ្ឋិនិយម និងប្រកបដោយទំនួលខុសត្រូវ។ [embed-health-tool-child-growth-chart] ប៉ាម៉ាក់ ឬលោកគ្រូអ្នកគ្រូគួរធ្វើម៉េច នៅពេលដែលកុមារផ្ទុះអំពើហិង្សា? ជំហានដំបូង យើងត្រូវគិតគូរពីសុវត្ថិភាពរបស់អ្នកដែលអាចនឹងរងគ្រោះដោយអំពើហិង្សាពីកុមារ ឬក្មេងជំទង់ ដោយព្យាយាមយកនូវសម្ភារៈណាដែលអាចបង្កគ្រោះថ្នាក់ចេញពីបរិវេណនោះ ឬឲ្យអ្នកដែលអាចនឹងរងគ្រោះចេញទៅកាន់កន្លែងមានសុវត្ថិភាព។ លើសពីនេះ យើងគួរទាក់ទងទៅសុំជំនួយ ប្រសិនបើចាំបាច់។ នៅពេលដែលកូនចាប់ផ្តើមផ្ទុះអំពើហិង្សា ដូចជាស្រែក គប់របស់របរ ទាត់ធាក់ យើងចាំបាច់ត្រូវនិយាយជាមួយពួកគេតាមសម្រួល ដោយមិនត្រូវស្រែកដាក់ពួកគេវិញឡើយ។ ជាមួយគ្នានេះដែរ […]

ការលូតលាស់អាយុ ៦ឆ្នាំ

តិចនិកទាំង៥ បង្រៀនកូនឲ្យចេះកំណត់គោលដៅជីវិត

មនុស្សដែលមានគោលបំណងក្នុងជីវិត នឹងមានស្មារតីរឹងមាំក្នុងការតស៊ូជម្នះការលំបាកផ្សេងៗ។ ហេតុនេះហើយ ប៉ាម៉ាក់គួរបង្រៀនកូនឲ្យចេះកំណត់គោលដៅក្នុងជីវិត និងខិតខំព្យាយាមក្នុងការដើរទៅរកគោលដៅនោះ។ អ្វីទៅជាការកំណត់គោលដៅ? ការកំណត់គោលដៅគឺជាការរៀបចំផែនការទៅថ្ងៃអនាគត មិនថាជាការសិក្សាសម្រាប់ការប្រលង ឬការប្រកួតនានា គឺសុទ្ធសឹងតែជាការកំណត់គោលដៅ។ ស្រដៀងគ្នានេះដែរ ប្រសិនបើកូនចង់ក្លាយជាគ្រូពេទ្យ ឬអ្នកជំនួញនៅថ្ងៃអនាគត នេះបញ្ជាក់ថាពួកគេបានកំណត់គោលដៅនៅក្នុងជីវិតរបស់ខ្លួនរួចហើយ។ ដើម្បីសម្រេចគោលដៅណាមួយ ការរៀបចំផែនការត្រឹមត្រូវ និងការខិតខំប្រឹងប្រែងមិនរាថយគឺជារឿងចាំបាច់បំផុត។ ហេតុអ្វីការកំណត់គោលដៅសំខាន់សម្រាប់ក្មេងៗ? ការកំណត់គោលដៅ ផ្ដល់នូវគោលបំណង ឬទិសដៅសម្រាប់ក្មេង ដែលធ្វើឲ្យពួកគេដឹងច្បាស់ពីអ្វីដែលខ្លួនគួរធ្វើ ដើម្បីសម្រេចបានគោលដៅនីមួយៗ។ ចំណុចនេះនឹងធ្វើឲ្យក្មេងចេះផ្ដល់តម្លៃដល់ខ្លួនឯង មានការផ្ចង់អារម្មណ៍បានល្អ និងជួយឲ្យពួកគេធ្វើការសម្រេចចិត្តបានត្រឹមត្រូវ។ ម្យ៉ាងវិញទៀត ក្មេងដែលមានគោលដៅច្បាស់លាស់អាចបំពេញកិច្ចការបានល្អជាងក្មេងដែលពុំមានគោលដៅនៅក្នុងឆាកជីវិតទាល់តែសោះ។ តិចនិកជួយកូនឲ្យចេះកំណត់គោលដៅ ដើម្បីបង្រៀនកូនឲ្យចេះកំណត់គោលដៅ ប៉ាម៉ាក់គួរអនុវត្តតាមវិធីសាស្ត្រដូចខាងក្រោម។ ១. ចាប់ផ្ដើមពីគោលដៅតូចៗ នៅពេលដែលយើងចាប់ផ្ដើមបង្រៀនកូនឲ្យចេះកំណត់គោលដៅ ចូរចាប់ផ្ដើមពីគោលដៅតូចៗជាមុន។ ប៉ាម៉ាក់អាចកំណត់គោលដៅប្រចាំសប្ដាហ៍ ឬប្រចាំខែ បន្ទាប់មកឈានទៅរកគោលដៅធំៗបន្តិចម្ដងៗ។ ការសម្រេចគោលដៅតូចៗទាំងនេះ នឹងធ្វើឲ្យកូនមានភាពរីករាយ ក៏ដូចជាមានការតាំងចិត្តខ្ពស់ក្នុងការបន្តគោលដៅដទៃទៀត ក៏ដូចជាធ្វើឲ្យពួកគេមានទឹកចិត្តក្នុងការខិតខំប្រឹងប្រែងបន្ថែមទៀត។ ២. ឲ្យកូនដើរតាមក្ដីស្រមៃរបស់ពួកគេ ប៉ាម៉ាក់គប្បីឲ្យកូនសម្រេចគោលដៅអ្វីមួយ ជាមួយនឹងការពេញចិត្តរបស់ពួកគេ។ ពិតណាស់ ប្រសិនបើកូនចង់ធ្វើជាកីឡាករបាល់ទាត់ ប៉ុន្តែយើងបែរជាចង់ឲ្យកូនក្លាយជាគ្រូពេទ្យវិញនោះ វានឹងធ្វើឲ្យពួកគេបាត់បង់ឆន្ទៈក្នុងការសម្រេចកី្តស្រមៃរបស់ខ្លួន។ ចូរឲ្យកូនស្វែងរកអ្វីដែលពួកគេចង់បាន និងជួយជ្រោមជ្រែងពួកគេឲ្យសម្រេចកិច្ចការនោះ។ ៣. ធ្វើជាគំរូសម្រាប់កូន កូនៗចូលចិត្តអនុវត្តតាមអ្វីដែលប៉ាម៉ាក់កំពុងធ្វើ ដូច្នេះហើយ ប៉ាម៉ាក់គប្បីឲ្យកូនចូលរួមនៅក្នុងយុទ្ធសាស្ត្ររៀបចំផែនការរបស់យើង និងដែលស័ក្ដិសមទៅនឹងអាយុរបស់ពួកគេផងដែរ។ ប្រសិនបើយើងចង់រៀបចំផ្ទះបាយថ្មី ចូរឲ្យកូនចូលរួមនៅក្នុងការរៀបចំនេះ ដើម្បីឲ្យពួកគេរៀនអំពីសកម្មភាពនៃការរៀបចំផែនការជាមួយនឹងប៉ាម៉ាក់។ ៤. ធ្វើការត្រួតពិនិត្យជាក់ស្ដែង ក្មេងៗមិនទាន់អាចយល់ដឹងអំពីសារសំខាន់នៃការខិតខំប្រឹងប្រែង ដើម្បីសម្រេចគោលបំណងអ្វីមួយឡើយ។ ដូចគ្នានេះដែរ ពួកគេអាចនឹងមើលស្រាលនៃទំហំកិច្ចការក្នុងការសម្រេចគោលដៅនីមួយៗ។ […]