ចិញ្ចឹមកូន

ចូលដល់រដូវរងា ស្បែកកូនងាយស្ងួត និងរបក ប៉ាម៉ាក់អាចសាកតិចនិកទាំងនេះ

ដល់ចូលរដូវរងាភ្លាម ស្បែកទារកទើបកើត និងកុមារតូចៗងាយប្រឈមនឹងបញ្ហាស្បែកមួយចំនួន ដូចជាស្ងួត របក និងរលាក។ អ៊ីចឹងហើយ ប៉ាម៉ាក់ចាំបាច់ត្រូវគិតគូរពីវិធីសាស្រ្តការពារស្បែកកូនជាទីស្រលាញ់ ដើម្បីជៀសឆ្ងាយពីបញ្ហាខាងលើ។ តស់! មកដឹងពីគន្លឹះទាំង ៥ ដើម្បីជួយឱ្យស្បែកកូនទាំងអស់គ្នា! ១. ស្លៀកសំលៀកបំពាក់រដូវរងា កត្តាចម្បងក្នុងការការពារស្បែកក្មេង គឺការជ្រើសរើសសំលៀកបំពាក់ត្រឹមត្រូវទៅតាមរដូវកាល។ បន្ថែមពីនេះ យើងអាចពាក់មួក ឬស្រោមដៃ រួមទាំងកន្សែងបង់ក ដើម្បីការពារស្បែកអាអូនពីការរលាក និងស្ងួតគ្រើម។ ចង់គណនាថ្ងៃមេជីវិតញីទុំធ្លាក់ ចុចទីនេះ! ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចង់ដឹងអត្ថន័យពណ៌ និងរូបរាងលាមកទារក ចុចទីនេះ! ២. លាបឡេកាពារកម្តៅថ្ងៃ មិនថាជារដូវក្តៅ ឬរដូវរងាទេ ប៉ាម៉ាក់ចាំបាច់លាបឡេការពារកម្តៅថ្ងៃឱ្យកូនតូច ពីព្រោះទោះស្ថិតក្នុងអាកាសធាតុបែបណា កាំរស្មីUV នៅតែអាចបំផ្លាញស្បែករបស់កូនជាទីស្រលាញ់របស់ប៉ាម៉ាក់បានដូចគ្នា។ [embed-health-tool-baby-poop-tool] ៣. ប្រើឡេផ្តល់សំណើមជាទៀងទាត់ បើប៉ាម៉ាក់ចង់ឱ្យស្បែកកូនមានសុខភាពល្អនៅរដូវរងានេះ ប៉ាម៉ាក់កុំរំលងឡេផ្តល់សំណើម។ ដូចនេះ គួរលាបឡេផ្តល់សំណើមស្តើងៗបន្ទាប់ពីងូតទឹករួចភ្លាមៗ មុនពេលស្លៀកសំលៀកបំពាក់ឱ្យកូន។ ទោះជាស្បែកកូនមើលទៅមិនសូវស្ងួត ឬរបក ប៉ុន្តែអាអូនក៏អាចជួបបញ្ហារមាស់ស្បែកផងដែរ។ ៤. ចំណាយលើម៉ាស៊ីនផ្តល់សំណើម ការប្រើម៉ាស៊ីនផ្តល់សំណើម អាចជួយឱ្យខ្យល់មានសំណើម និងបញ្ចៀសបញ្ហាស្បែកស្ងួត រមាស់ ស្ងួតក និងឈាមច្រមុះលើកុមារបាន។ ៥. កាត់បន្ថយរយៈពេលងូតទឹក ងូតទឹកឱ្យកូនយូរពេក អាចធ្វើឱ្យស្បែកកូនស្ងួត និងរបកអំឡុងពេលរដូវរងានេះ ជាពិសេស បើប៉ាម៉ាក់មិនបានលាបឡេផ្តល់សំណើមភ្លាមៗឱ្យកូនបន្ទាប់ពីងូតទឹករួច។ ហេតុនេះហើយ ប៉ាម៉ាក់មិនគួរងូតទឹកឱ្យកូនលើសពី១០នាទីនោះទេ។ ចំណុចសំខាន់ ចូលដល់រដូវរងា ស្បែកកូនងាយស្ងួត និងរលាក ប៉ាម៉ាក់អាចសាកតិចនិកទាំង៥នេះ ដល់ចូលរដូវរងាភ្លាម ស្បែកទារកទើបកើត […]

ការថែទាំទារក

ស្លៀកខោទឹកនោមឲ្យកូនមើលទៅស្រួល តែត្រូវដឹងចំណុចតូចៗនេះ

ស្រីៗគ្នាយើងណាខ្លះទើបក្លាយជាម្តាយគេលើកដំបូង? ដឹងវិធីស្លៀកខោទឹកនោមឲ្យកូនហើយឬនៅ? ការស្លៀកខោទឹកនោមឲ្យកូននៅក្នុងអត្ថបទនេះសំដៅតែលើអូនៗតូចទើបតែកើត មិនមែនអូនៗចេះរត់ ចេះដើរនោះទេ។ អត្ថបទនេះនឹងប្រាប់ម៉ាក់ថ្មីថ្មោងទើបមានអាអូនលើកដំបូង។ ស្រីៗយើងនឹងក្លាយជាអ្នកជំនាញមិនខានដោយគ្រាន់តែធ្វើតាមគន្លឹះទាំងនេះ។ ១.ត្រៀមរបស់ត្រូវប្រើ មុននឹងចាប់ផ្តើមស្លៀកខោទឹកនោមឲ្យកូន ម៉ាក់ៗត្រូវតែមានអ្វីទាំងអស់ក្នុងដៃឲ្យហើយ ព្រោះថាយើងមិនអាចឃ្លាតពីទារកសូម្បីតែមួយវិនាទី។ យើងត្រូវការខោទឹកនោមស្អាតមួយ ទឹកក្តៅឧណ្ហៗមួយចាន ក្រណាត់សម្រាប់ជូតសម្អាតមួយ ថ្នាំលាបគូទកូន និងក្រណាត់ទ្រាប់ពីក្រោមទារកពេលធ្វើការផ្លាស់ប្តូរ។ ២.ឱបកូននៅលើដៃ សូមចងចាំថា ម៉ាក់ៗត្រូវតែសម្អាតដៃមុននឹងធ្វើការផ្លាស់ប្តូរកន្ទប ឬខោកូន។ ដំបូងឡើយត្រូវដាក់កូនលើកន្លែងរាបស្មើមួយ។ បន្ទាប់មកដាក់ដៃម្ខាងលើកូនដើម្បីកុំឲ្យរមៀលធ្លាក់។ ជំហ៊ានបន្ទាប់ដោះខោទឹកនោមដែលគគ្រិចនោះចេញ ហើយលើកកូនឡើង។ ប្រើដៃម្ខាងទៀតទាញកន្ទប់នោះចេញពីខាងមុខ។ ៣.ជូតសម្អាតទារកទាំងមុខទាំងក្រោយ ជ្រលក់ក្រណាត់ស្អាតនោះជាមួយទឹកក្តៅឧណ្ហៗ ហើយជូតគូទកូនពីមុខទៅក្រោយ។ សូមចងចាំថា មិនត្រូវជូតពីក្រោយមកមុខទេ ព្រោះវាអាចធ្វើឲ្យបាក់តេរីរាលដាលពីគូទមកប្រដាប់ភេទ និងធ្វើឲ្យមានបញ្ហាផ្លូវទឹកនោមកូន ជាពិសេសចំពោះទារិកា។ ប្រសិនបើជាកូនប្រុសយើងត្រូវដាក់ខោទឹកនោមថ្មីលើប្រដាប់ភេទរបស់កូន ដើម្បីកុំឲ្យកូននោមដាក់យើង។ ចុងក្រោយយើងគួដាក់កូនលើក្រណាត់ក្រាលស្អាត និងស្ងួត ហើយលាបថ្នាំសម្រាប់ការពារគូទឲ្យកូន មុននឹងស្លៀកខោថ្មីទៀត។ ៤.សាកទំហំខោទឹកនោមទារក ប្រសិនបើយើងមិនច្បាស់ ថាខោទឹកនោម ឬកន្ទបត្រូវជាមួយកូនឬអត់នោះ យើងអាចឆែកដោយយកម្រាមដៃពីរសង្ខាងរបស់យើងទាញវាស់ជាមួយចង្កេះកូន។ សំរាប់ទារកទើបនឹងកើត យើងគួរតែទាញផ្នែកខាងលើនៃកន្ទបឲ្យផុតពីផ្ចិតដើម្បីឲ្យកូនអាចដើរខ្យល់បានល្អ។ ៥.វិធីការពារកុំឲ្យរោលខោទឹកនោម ការរោលដោយកន្ទប គឺជាបញ្ហាដែលកើតញឹកញាប់បំផុតលើទារក។ ដើម្បីការពារការរោលនេះយើងត្រូវតែផ្លាស់ប្តូរកន្ទប ឬខោកូនឲ្យបានញឹកញាប់ លាបថ្នាំការពារ និងអាចថាកុំប្រើកន្ទបប្រសិនបើអាចធ្វើទៅបាន។ ប្រសិនបើការរោលនេះមានលក្ខណៈយូរ ត្រូវតែទៅជួបជាមួយគ្រូពេទ្យជំនាញភ្លាម។ ប្រសិនបើកូនគ្រុន ស្របពេលជាមួយគ្នានឹងការរោលនេះ ឬប្រសិនបើការរោលនេះធ្វើឲ្យឈឺចាប់ ឡើងក្រហមជាមួយខ្ទុះ ត្រូវនាំកូនទៅជួបគ្រូពេទ្យជំនាញភ្លាមៗតាមដែលអាចធ្វើបាន។