ជំងឺឆ្លង

នៅរសៀល​ថ្ងៃទី២ កក្កដា ២០២១ នេះ រដ្ឋបាល​រាជធានី​ភ្នំពេញ​សម្រេច​បិទ​មជ្ឈមណ្ឌល​ពាណិជ្ជកម្ម​ផ្សារ​អូឡាំពិក​រយៈពេល ១៤ថ្ងៃ ពីថ្ងៃទី០៣-១៦ កក្កដា ២០២១ ដើម្បី​ទប់​ស្កាត់​ការឆ្លង​រាលដាល​ជំងឺ​កូវីដ ១៩។ ក្នុង​ប្រការ២ នៃ​សេចក្តី​សម្រេចរបស់​រដ្ឋបាល​រាជធានី​ភ្នំពេញ បាន​ចែង​ថា សន្តិសុខ បុគ្គលិក-កម្មករ អាជីវករ អតិថិជន និង​អ្នក​ពាក់ព័ន្ធ ត្រូវ​ចូលរួមសហការ​ជាមួយ​អាជ្ញាធរ​មូលដ្ឋាន មន្ត្រីជំនាញ និងមន្ត្រីសុខាភិបាល ដើ​ម្បី​ទៅ​យក​សំណាក​វិភាគ​រក​មេរោគ និង​ត្រូវ​ធ្វើ​ចត្តាឡីស័ក​ឲ្យ​បាន​ត្រឹម​ត្រូវតាម​ការ​ណែនាំ​របស់​ក្រសួង​សុខាភិបាល។ ការ​ប្រកាស​បិទ​ផ្សារ​អូឡាំពិក​នេះ ធ្វើ​ឡើង​បន្ទាប់​រក​ឃើញ​អាជីវករ និង​សន្តិសុខ តេស្ត​រក​ឃើញ​វិជ្ជមាន​កូវីដ ១៩ ជា​បន្ត​បន្ទាប់ ដោយ​គ្រាន់​តែអាជីវករ​ និង​​សន្តិសុខ  ៤៥នាក់ ដែល​​បាន​​យក​​សំណាក​​កាល​​ពី​យប់ថ្ងៃទី១ មិថុនា ២០២១ រក​ឃើញ​វិជ្ជមាន ១៨នាក់ុំ

ក្នុង​គោល​បំណង​ទប់ស្កាត់​ការ​ឆ្លង​រាលដាល​ជំងឺកូវីដ ១៩ បាន​ពេល​ ម្សិលមិញនេះ ក្រសួង​ប្រៃសណីយ៍ និង​ទូរគមនាគមន៍​បាន​ប្រកាស​លក់​ឧបករណ៍​តេស្ត​រហ័ស​អង់ទីហ្សែន​កូវីដ ១៩ (Covid-19 Rapid Antigen Test) ឲ្យ​ក្រុមហ៊ុន​ឯកជន​ក្នុង​តម្លៃ ៣,៧ដុល្លារ/ឧបករណ៍ ដើម្បី​យក​ប្រើ​ប្រាស់​តេស្ត​លើ​បុគ្គលិក​របស់​ខ្លួន។ តើ​ឧបករណ៍​តេស្ត​រហ័ស​អង់ទីហ្សែន​កូវីដ ១៩ មាន​លក្ខណៈ​ពិសេស និង​ប្រសិទ្ធភាព​កម្រិត​ណា? តាម​សិក្សា​ស្រាវ​ជ្រាវ​របស់​អ្នក​វិទ្យាសាស្ត្រ ឧបករណ៍​តេស្ត​រហ័ស​អង់ទីហ្សែន​កូវីដ ១៩ អាច​រក​ឃើញ​អង់ទីហ្សែននៃ​វីរុស​បាន​លឿន​ជាង​ការ​ធ្វើ​តេស្ដ​ PCR ងាយ​ស្រួល​យក​តាម​ខ្លួន អាច​ប្រើ​នៅ​នឹង​កន្លែង​ដែល​មាន​ករណី​សង្ស័យ​កូវីដ-១៩ ងាយ​ស្រួល​ប្រើ មិន​ចាំ​បាច់​មាន​ឧបករណ៍​ជំនួយ​ច្រើន ឬ​ជំហាន​រៀប​ចំ​ស្មុគ​ស្មាញ​ហើយ​ចេញ​លទ្ធផល​លឿន មិន​ចាំ​យូរ ត្រឹមតែ ១៥នាទី​ប៉ុណ្ណោះ។ ក្នុង​បទ​សម្ភាស​ជាមួយ​ក្រុម​អ្នក​សារព័ត៌មាន​នា​ព្រឹក​នេះ លោក​ជំទាវ ឱ វណ្ណឌីន រដ្ឋលេខាធិការ និង​ជា​អ្នក​នាំ​ពាក្យ​ក្រសួង​សុខាភិបាល បាន​បញ្ជាក់​ថា ឧបករណ៍​តេស្ត​រហ័ស​អង់ទីហ្សែន​កូវីដ ១៩ ដែល​បាន​ចុះ​បញ្ជិកា​ត្រឹមត្រូវ ទទួល​ស្គាល់​ដោយ​ក្រសួង​សុខាភិបាល មាន ៤​ប្រភេទ និង​មាន​ប្រសិទ្ធភាព​ល្អ។ "ប្រសិទ្ធភាព​ល្អ អ៊ីចឹង​ហើយ​បាន​ជា​ក្រសួង​សុខាភិបាល​មាន​ការ​ទទួល​ស្គាល់ និង​ដាក់​ឲ្យ​ប្រើ​ប្រាស់ ហើយ​បច្ចុប្បន្ន​នេះ​ក្រសួង​កំពុង​ប្រើ​ប្រាស់​នូវ​ឧបករណ៍​តេស្ត​ទាំង​នោះ សម្រាប់​ការ​រុក​រក ស្រាវ​ជ្រាវ"។ ចំពោះ​ការ​ប្រើប្រាស់​ឧបករណ៍​តេស្ត​រហ័ស​អង់ទីហ្សែន​កូវីដ ១៩ នេះ លោក​ជំទាវ​ក៏​ស្នើ​សុំ​ឲ្យ​មាន​ការ​ប្រុង​ប្រយ័ត្ន​ខ្ពស់ និង​ទិញ​ឧបករណ៍​តេស្ត​ដែល​មាន​ការ​បិទ​បញ្ជិកា​ត្រឹមត្រូវ ក្នុង​ករណី​យើង​ប្រើ​មិន​បាន​ត្រឹមត្រូវ​តាម​លក្ខណៈ​បច្ចេកទេស អាច​មាន​ផល​ប៉ះពាល់​ដល់​អ្នក​ធ្វើ​តេស្តេ​តែ​ម្តង។ "ឧទារហណ៍​ថា […]

ស្ថានភាព​ជំងឺ​កូវីដ ១៩ នៅថ្ងៃទី១ កក្កដា ២០២១ នេះ តួលេខ​អ្នក​ស្លាប់​​ដោយសារ​កូវីដ ១៩ មាន​ចំនួន​ដល់​ទៅ ៣២នាក់ ដែល​ចំនួន​នេះ​ខ្ពស់​ពុំ​ធ្លាប់មាន។ ចំណែក​ករណី​វិជ្ជមាន​ថ្មី​វិញ​មាន​ចំនួន ៩៦៦នាក់ ខណៈ​អ្នក​ជា​សះ​ស្បើយ​មាន ៦៥០នាក់ នេះ​បើ​តាម​សេចក្តី​ជូន​ព័ត៌មាន​របស់​ក្រសួងសុខាភិបាល។ – សរុបតួលេខឆ្លងកូវីដ ១៩ ទូទាំងប្រទេស៖ ៥២ ៣៥០នាក់ – ជាសះស្បើយ៖ ៤៥ ៥០៨នាក់ – ស្លាប់៖ ៦៦០នាក់

រូបភាព៖ គណៈកម្មការគ្រប់គ្រងផ្សារអូឡាំពិក ក្នុង​ចំណោម​អាជីវករ​ និង​សន្តិសុខ ផ្សារ​អូឡាំពិក ៤៥នាក់ ដែល​បាន​យក​សំណាក​កាល​ពី​យប់ថ្ងៃទី១ មិថុនា ២០២១ រក​ឃើញ​វិជ្ជមាន ១៨នាក់ ហើយ​បន្ត​យក​សំណាក​នៅ​ព្រឹក​នេះ​ទៀត។ គណៈ​កម្មការ​គ្រប់​គ្រង​ផ្សារ​អូឡាំពិក​នៅ​ព្រឹក​នេះ​ក៏​បាន​ប្រកាស​នៅ​ផេក​របស់​ខ្លួន​ឲ្យ​បងប្អូន​អាជីវករផ្សារ​អូឡាំពិក​ទាំងអស់ អញ្ជើញ​ទៅ​យក​សំណាក​នៅ​វិទ្យាល័យ​ទួល​ស្វាយ​ព្រៃ​ ផ្លូវ​១៩៩​ សង្កាត់​ទួលស្វាយព្រៃ​២​ ខណ្ឌ​បឹង​កេង​កង​ ឱ្យ​បាន​គ្រប់ៗ​គ្នា​ដើម្បី​បញ្ជាក់​ថា​បងប្អូន​អវិជ្ជមាន។ ទោះ​បី​ជា​យ៉ាង​ណា​ក៏​ដោយ​មិន​ទាន់​ការ​សម្រេច​ថា ត្រូវ​​ផ្អាក​ដំណើរ​ការ​ផ្សារ​អូឡាំពិក​នៅ​ឡើយ ដោយ​គណៈ​​កម្មការ​​គ្រប់​គ្រង​​ផ្សារ​​អូឡាំពិក​អះអាង​ថា រង់ចាំ​ការ​សម្រេច​ពី​រដ្ឋបាល​រាជធានី​ភ្នំពេញ។​ គួរបញ្ជាក់​ថា កាល​ពី​ប៉ុន្មានថ្ងៃ​កន្លង​ទៅ​ ក៏​មាន​ការ​ផ្ទុះ​ការ​ឆ្លងរាល​ជំងឺ​កូវីដ ១៩ ក្នុង​ចំណោម​​អាជីវករ​ជាច្រើន​រយនាក់នៅ​​ផ្សារ​បឹងកង​ដែរ ដោយរដ្ឋបាល​រាជធានី​​ភ្នំពេញ​ សម្រេច​បិទ​ខ្ទប់​​​ផ្សា​រ​បឹង​កេងកង ​រយៈពេល ១៤ថ្ងៃ គិត​ចាប់​ពី​ថ្ងៃ​ទី​២៩ ខែមិថុនា ឆ្នាំ​២០២១ រហូត​​ដល់​​ថ្ងៃ​ទី​១២ ខែកក្កដា ឆ្នាំ​​២០២១។

តួឆ្លងរាលរាលជំងឺកូវីដ ១៩ នៅក្នុងខេត្តសៀមរាប និងកំពត មានកើនឡើងខ្ពស់ គឺរកឃើញចំនួនអ្នកវិជ្ជមានកូវីដ ១៩ ដល់ទៅជាង១០០នាក់ នៅថ្ងៃទី០១ កក្កដា ២០២១។ ១. ខេត្តសៀមរាប រដ្ឋបាលខេត្តសៀមរាប បានបង្ហាញពីការរកឃើញអ្នកវិជ្ជមានជំងឺកូវីដ-១៩ ថ្មី ចំនួន ១២៣នាក់ ជាសះស្បើយ ៤៧នាក់ និងស្លាប់ ២នាក់ នៅថ្ងៃទី០១ ខែកក្កដា ឆ្នាំ២០២១។ សរុបអ្នកវិជ្ជមានជំងឺកូវីដ-១៩ ទូទាំងខេត្តសៀមរាប មានចំនួន ១២៦៩នាក់ ក្នុងនោះព្យាបាលជាសះស្បើយចំនួន ៤៨៣នាក់ ស្លាប់ ១៣នាក់ និង ៧៧៣នាក់ កំពុងសម្រាកព្យាបាលនៅមន្ទីរពេទ្យបង្អែកខេត្តសៀមរាប មណ្ឌលចត្តាឡីស័កគរុកោសល្យ និងវិក្រឹតការខេត្ត វិទ្យាល័យដំដែក និងវិទ្យាល័យអង្គរ។ ២. ខេត្តកំពត ក្នុងសេចក្តីជូនដំណឹងរបស់រដ្ឋបាលខេត្តកំពតបានបញ្ជាក់ថា នៅថ្ងៃទី១ កក្កដា ២០២១ មានករណីវិជ្ជមានកូវីដ ១៩ ចំនួន ១៣៣នាក់។ សរុបតួលេខអ្នកឆ្លងកូវីដ ១៩ ទូទាំងខេត្តកំពត មានចំនួន ១៦៥២នាក់ ក្នុងនោះកំពុងសម្រាកព្យាបាលចំនួន ៦៨២នាក់ ជាសះស្បើយ ៩៥៣នាក់ […]

តួលេខ​អ្នក​ស្លាប់​ដោយសារ​កូវីដ ១៩ នៅ​ថ្ងៃទី៣០ មិថុនា ២០២១ មាន​ចំនួន​ខ្ពស់​ដដែល គឺ ២៦នាក់ ខណៈអ្នក​ឆ្លង​ថ្មី​មាន ៩៩៩ករណី និងអ្នកជា​សះស្បើយ​មាន ៧១៥នាក់។ ក្នុង​សេចក្តីជូន​ព័ត៌មាន​របស់​ក្រសួង​សុខាភិបាល​បញ្ជាក់​ថា ក្នុង​ចំណោម​អ្នក​វិជ្ជមាន​ទាំង ៩៩៩នាក់​នោះ មាន ១៣២នាក់ ជា​ករណី​នាំ​ចូល​ពី​ក្រៅ​ប្រទេស។ – សរុបតួលេខឆ្លងកូវីដ ១៩ ទូទាំងប្រទេស៖ ៥១ ៣៨៤នាក់ – ជាសះស្បើយ៖ ៤៤ ៨៥៨នាក់ – ស្លាប់៖ ៦២៨នាក់

អង់ទីករ​ការពារ​ជា​ភ្នាក់ងារ​មួយ​ក្នុង​រាងកាយ​ចាំ​ប្រឆាំង​រាល់​មេរោគ និង​វីរុស​បណ្ដាល​ឲ្យ​យើង​ឈឺ​បាន។ បច្ចុប្បន្ន​នេះ គ្នា​យើង​មួយ​ចំនួន​ធំ​ច្បាស់​ជា​​ចាក់​វ៉ាក់សាំង​ការពារ​ជំងឺ​កូវីដ-១៩​ បាន​គ្រប់​ដូស និង​ប្រហែល​ជា​ឆ្ងល់​ថា ខ្លួន​យើង​ដុះ​អង់ទីករ​ការពារ​ជំងឺ​កូវីដ-១៩​ ហើយ​ឬ​នៅ។ ខាង​ក្រោម​នេះ ជា​ការ​បក​ស្រាយ​របស់​គ្រូពេទ្យ​ជំនាញ​អំពី​តេស្ដ​អង់ទីករ​ការពារ​កូវីដ-១៩ និង​ប្រភេទ​វ៉ាក់សាំង។ ១. អ្វី​ទៅ​ជា​អង់ទីករ? តាម​ការ​ពន្យល់​របស់​លោក​វេជ្ជបណ្ឌិត ច័ន្ទ រស្មី ពេល​យើង​ឆ្លង​មេរោគ ឬ​ពេល​ចាក់​វ៉ាក់សាំង ខ្លួន​យើង​នឹង​ផលិត​អង់ទីករ និង​កោសិកា​ជើង​ចាស់ (Lymphocytes B និងT)។ ពេល​មេរោគ​ឆ្លង​លើក​ទី​២ ឬ​ចាក់​វ៉ាក់សាំង​លើក​ទី​២ នោះ​អង់ទីករ​នឹង​ដុះ​ច្រើន ហើយ​ក៏​មាន​ដុះ​កោសិកា​ជើង​យ៉ាង​ច្រើន​ដែល​លាក់​ខ្លួន​នៅ​ក្នុង​កូន​កណ្ដុរ និង​ខួរ​ឆ្អឹង​ត្រៀម​ប្រយុទ្ធ​នឹង​ការ​ឆ្លង​មេរោគ​សារ​ជា​ថ្មី។ លោក​បន្ត​ថា មែន​ទែន​ទៅ វីរុស​កូវីដ-១៩​ អាច​ឲ្យ​ដុះ​អង់ទីករ​ច្រើន​ប្រភេទ។ ដើម្បី​ឲ្យ​គ្នា​យើង​ងាយ​ស្រួល​យល់ វេជ្ជបណ្ឌិត​រូប​នេះ​បាន​លើក​ឧទាហរណ៍​ថា យើង​ប្រដូច​មេរោគ​ទៅ​នឹង​ផ្លែ​សាវម៉ាវ វា​មាន​ព្រុយ សំបក សាច់ និង​គ្រាប់។ ពេល​ឆ្លង​មេរោគ​ចូល ឬ​ពេល​ចាក់​វ៉ាក់សាំង ​Sinopharm ឬ Sinovac (ផលិត​ឡើង​ពី​មេរោគ​ងាប់) នឹង​មាន​ដុះ​អង់ទីករ​ប្រឆាំង​ព្រុយ សំបក និង​សាច់ តែ​មិន​មាន​អង់ទីករ​ប្រឆាំង​នឹង​គ្រាប់ទេ ព្រោះ​គ្រាប់​ផ្ទុក​គ្រឿង​សម្គាល់​ខ្លួន (RNA) មិន​អាច​ឲ្យ​មាន​ដុះ​អង់ទីករ​ប្រឆាំង​នឹង​គ្រាប់​ទេ គឺ​អង់ទីករ​ប្រឆាំង​នឹង​ព្រុយ​ដែល​មាន​នាទី​រារាំង​កុំ​ឲ្យ​តោង​ជាប់ និង​ចូល​ទៅ​ក្នុង​កោសិកា​ផ្លូវ​ដង្ហើម​ហើយ​នាំ​ឲ្យ​យើង​ឈឺ។ ដូច​នេះ​ហើយ​ទើប ប្រទេស​ជឿនលឿន​គេ​ផលិត​វ៉ាក់សាំង​ឲ្យ​បង្កើត​តែ​អង់ទីករ​ប្រឆាំង​នឹង​ព្រុយ ដោយ​មិន​ខ្វល់​នឹង​អង់ទីករ​ផ្សេង​ទៀត​ទេ។ វ៉ាក់សាំងកូវីដ-១៩​ ទាំង​នោះ​មាន Pfizer […]

ថ្លែង​​នៅ​​ព្រឹក​​ថ្ងៃទី០១ កក្កដា ២០២១ នេះ ក្នុងពិធីដឹកនាំកិច្ចប្រជុំ និងថ្លែងសារពិសេស ពាក់ព័ន្ធស្ថានភាពជំងឺកូវីដ១៩នៅកម្ពុជា សម្តេច​​នាយក​​រដ្ឋមន្ត្រី ហ៊ុន សែន បានចេញបញ្ជា​​ឲ្យ​ក្រុមហ៊ុន​​ឯកជន​​ធ្វើ​​តេស្ត​​សំណាក​រក​កូវីដ​លើ​បុគ្គលិក​ខ្លួន​ឯង។ សម្តេច​នាយក​រដ្ឋមន្ត្រី​បាន​អំពាវនាវ​ឲ្យ​និយោជក​គ្រប់​គ្រង​បុគ្គលិក​កម្មករ ដោយ​អាច​ធ្វើ​តេស្ត​រក​ជំងឺកូវីដ ១៩ លើ​បុគ្គលិករបស់​ខ្លួន មិន​ចាំបាច់​ហៅ​គ្រូពេទ្យ​ទៅ​ធ្វើ​តេស្ត​នោះ​ឡើយ។ ការ​អនុញ្ញាត​ឲ្យ​ក្រុមហ៊ុន​ឯកជន​ធ្វើ​តេស្ត​សំណាក​រក​វីរុស​កូវីដ​លើ​បុគ្គលិក​ខ្លួន​ឯង​នេះ ដើម្បី​ចៀស​វាង​ការ​ឆ្លង​រាល​ដាល​កាន់​តែ​ខ្លាំង ហើយ​គ្រប់​គ្រង​ជំងឺ​កូវីដ ១៩ បាន​កាន់​តែ​រហ័ស។

រដ្ឋបាល​ចំណីអាហារ និង​ឱសថ​អាមេរិក (FDA) បាន​ធ្វើ​បច្ចុប្បន្ន​ភាព​ទៅ​លើ​របាយការណ៍​វ៉ាក់សាំង​ប្រភេទ mRNA (Pfizer, Moderna) អំពី​ករណី​កម្រ​នៃ​ការ​រលាក​បេះដូង​ក្រោយ​ចាក់​វ៉ាក់សាំង​កូវីដ-១៩។ ស្រប​គ្នា​នេះ​ដែរ មជ្ឈមណ្ឌល​គ្រប់​គ្រង និង​ប្រឆាំង​ជំងឺ​អាមេរិក (CDC) បាន​អះអាង​ឲ្យ​ដឹង​ដែរ​ថា ចាប់​តាំង​ពី​ខែ​មេសា ឆ្នាំ​២០២១​នេះ ប្រព័ន្ធ​រាយការណ៍​ព្រឹត្តិការណ៍​វ៉ាក់សាំង (VAERS) បាន​រក​ឃើញ​​១០០០ជាង​ករណី​នៃ​ការ​រលាក​សាច់ដុំ​បេះដូង និង​ការ​រលាក​ជាលិកា​ជុំវិញ​បេះដូង​ក្រោយ​ចាក់​វ៉ាក់សាំង​កូវីដ-១៩ នៅ​ក្នុង​សហរដ្ឋអាមេរិក។ ករណី​នៃ​ការ​រលាក​បេះដូង​ក្រោយ​ចាក់​វ៉ាក់សាំង​កូវីដ-១៩​ប្រភេទ mRNA នេះ​ជា​ករណី​មិន​សូវ​កើត​មាន​ច្រើន​ទេ ប៉ុន្តែ​បើ​តាម​ការ​សង្កេត​មើល​របស់​អ្នក​ស្រាវជ្រាវ​ឃើញ​ថា មនុស្ស​ដែល​ត្រូវ​បាន​រាយការណ៍​ពី​ការ​រលាក​បេះដូង​ក្រោយ​ចាក់​វ៉ាក់សាំង​នោះ​ភាគ​ច្រើន​ជា​ក្មេង​វ័យ​ជំទង់ និង​មនុស្ស​ធំ​ពេញ​វ័យ។ CDC អាមេរិក​បន្ត​ឲ្យ​ដឹង​ពី​ករណី​ដែល​ត្រូវ​បាន​រាយការណ៍​ពិត​ដូចជា៖ – ភាគ​ច្រើន​កើត​លើ​មនុស្ស​ប្រុស​វ័យ​ជំទង់​អាយុ​ចាប់​ពី​១៦ឆ្នាំ​ឡើង​ទៅ – ច្រើន​កើត​ឡើង​ក្រោយ​ចាក់​វ៉ាក់សាំង​កូវីដ-១៩ ដូស​ទី២ ច្រើន​ជាង​ដូស​ទី១ ក្នុង​ចំណោម​ប្រភេទ​វ៉ាក់សាំង mRNA (Pfizer, Moderna) – កើត​ឡើង​ក្រោយ​ចាក់​វ៉ាក់សាំង​បាន​ច្រើន​ថ្ងៃ។ រោគសញ្ញា​រលាក​បេះដូង​ក្រោយ​ចាក់​វ៉ាក់សាំង​គួរ​តាមដាន ឈឺ​ទ្រូង ដង្ហក់ មាន​អារម្មណ៍​ថា​បេះដូង​លោត​ញាប់។ ប៉ុន្តែ ទោះ​ជា​យ៉ាង​នេះ​ក្ដី CDC អាមេរិក ​នៅ​តែ​បន្ត​ឲ្យ​ប្រជាជន​អាមេរិក​ចាក់​វ៉ាក់សាំង​កូវីដ-១៩​ប្រភេទ mRNA ដដែល ព្រោះ​មាន​តែ​វ៉ាក់សាំង​ទេ​ដែល​អាច​ការពារ​សុខភាព​យើង​ពី​ជំងឺ​កូវីដ-១៩​បាន​ល្អ​បំផុត។

លោក​​ជំទាវ ឱ វណ្ណឌីន រដ្ឋលេខាធិការ ​និង​​ជា​​អ្នក​​នាំ​ពាក្យ​ក្រសួង​សុខាភិបាល បាន​លើក​ឡើង​ថា ស្ថានភាព​ជំងឺ​កូវីដ ១៩ បាន​ឈាន​ដល់​បន្ទាត់ក្រហម សឹងតែឈានផុតបន្ទាត់ក្រហម​ហើយ។ "ឥលូវ​ហ្នឹង​យើង​សឹង​តែ​ឈាន​ផុត​​បន្ទាត់ក្រហមហើយ អ៊ីចឹង​យើង​អត់​ចង់​ឲ្យ​ស្ថានភាព​នៃ​ការ​វាយលុក​ជំងឺកូវីដ ១៩ លើស​ពី​បន្ទាត់​ក្រហម​របស់យើង​ទេ កាលណា​លើស​ចូល​ទៅ​បន្ទាត់​ក្រហម​ហើយ​បងប្អូន​ពិបាក​ណាស់ ដែល​ចូល​ទៅ​ដល់​ការ​រាតត្បាត​ទ្រង់ទ្រាយ​ធំ​នៅ​សហគមន៍​របស់យើង"។ ថ្លែង​ប្រាប់ BTV លោក​ជំទាវថា កាលណា​តែ​ជំងឺ​កូវីដ ១៩ រាតត្បាត​ទ្រង់ទ្រាយ​ធំ​ចូល​ទៅ​ក្នុង​សហគមន៍ ដែល​ហួស​សមត្ថភាព​ក្នុង​ការ​គ្រប់គ្រង និងព្យាបាល​ជំងឺ ដែល​ធ្វើ​ឲ្យ​ករណី​ស្លាប់​បាត់បង់​ជីវិត​ដោយសារ​ជំងឺ​កូវីដ ១៩ មាន​ចំនួន​ច្រើន ឯ​ប្រជាពលរដ្ឋ​ក៏​មាន​ពិបាក​ក្នុង​ការ​របប​រកស៊ី ដែលប្រការ​នេះ​ធ្វើ​ឲ្យ​ប៉ះពាល់​ទាំង​សេដ្ឋកិច្ច​គ្រួសារ និង​ប្រទេសជាតិ។​ ការ​លើក​ឡើង​បែបនេះ ស្រប​ពេល​ដែល​ចំនួន​អ្នក​ឆ្លង​ជំងឺ​កូវីដ ១៩ មួយរយៈ​ចុងក្រោយ​នេះ​មាន​ការ​កើន​ឡើង ឯ​ចំនួន​ក៏​ស្លាប់​ក៏​ច្រើន ហើយ​កម្ពុជា​ក៏បាន​រក​ឃើញ​វីរុស​បំប្លែង​ថ្មី​ប្រភេទ Delta ជា​បន្ត​បន្ទាប់ ដែល​មក​ពេល​នេះ ចំនួន​អ្នក​ឆ្លង​វីរុស​បំប្លែង​ថ្មី Delta កើន​ដល់ ២២នាក់​ហើយ។ ក្នុង​ស្ថានភាព​នេះ លោក​ជំទាវ​ថា យើង​ទាំងអស់​គ្នា​ត្រូវ​ចូលរួម​ក្នុង​ការ​ប្រយុទ្ធ​ប្រឆាំង​នឹង​ជំងឺកូវីដ ១៩ ឲ្យ​បាន​សកម្ម​ផុត។ គិតត្រឹម​ព្រឹក​ថ្ងៃទី២៩ មិថុនា ឆ្នាំ២០២១ នេះ កម្ពុជា​បាន​រក​ឃើញ​អ្នក​ឆ្លង​ជំងឺ​កូវីដ ១៩ សរុបទូទាំង​ប្រទេស ៤៩ ២២៥នាក់ ក្នុង​នោះ​ព្យាបាលជា​សះស្បើយ ៤៣ ៤៧៣នាក់ និង​មាន​អ្នក​ស្លាប់ […]