តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

ស្រីៗមានទឹកនោម​ផ្អែម​ពេល​ពពោះ ប៉ះពាល់កូនក្នុង​ផ្ទៃ​កម្រិត​ណា?

ស្រីៗមានទឹកនោម​ផ្អែម​ពេល​ពពោះ ប៉ះពាល់កូនក្នុង​ផ្ទៃ​កម្រិត​ណា?

ពេល​ស្រីៗ​គ្នា​យើង​មាន​ផ្ទៃពោះ អ័រម៉ូន​ក្នុង​ខ្លួន​ចាប់​ផ្ដើម​ប្រែ​ប្រួល ​ធ្វើ​ឲ្យ​កម្រិត​ស្ករ​ក្នុង​ឈាម​យើង​កើន​ឡើង។ ទឹក​នោម​ផ្អែម​អំឡុង​ពេល​ពពោះ អាច​នាំ​ឲ្យ​មាន​ផល​វិបាក​ផ្សេងៗ​ទៀត។ អ៊ីចឹង ស្រីៗ​ពពោះ ​ត្រូវ​ដឹង​ពី​បញ្ហា វិធី​ការ​ពារ និង​​ព្យាបាល។ “Hello គ្រូពេទ្យ” សូម​បកស្រាយ​ខ្លះៗ​ឲ្យ​គ្នា​យើង​បាន​ដឹង។

១- ប៉ះពាល់កូនក្នុងផ្ទៃប៉ុណ្ណា?

បេប៊ី​ក្នុង​ផ្ទៃ​ទទួល​សារធាតុ​ចិញ្ចឹម​ពី​ឈាម​របស់​ម្ដាយ អ៊ីចឹង​បើ​កម្រិត​ជាតិ​ស្ករ​ក្នុង​ឈាមម៉ាក់ៗកើន​ឡើង មាន​ន័យ​ថា ​ក៏​មាន​ឥទ្ធិពល​លើ​បេប៊ីក្នុង​ផ្ទៃដូចគ្នា ដោយ​ធ្វើ​ឲ្យ​បេប៊ី​ក្នុង​ផ្ទៃ​ថ្លោស (ធំ) ជាង​ធម្មតា ហើយ​ខាង​ក្រោម​នេះ ជា​ផល​ប៉ះពាល់​ដែល​​ទាំង​អំឡុង​ពេល​ក្នុង​ផ្ទៃ និង​ក្រោយ​សម្រាល៖

– កើត​មុន​ខែ
– វិបត្តិ​ផ្លូវ​ដង្ហើម
– ស្បែក​ឡើង​លឿង
– ទៅ​ជា​ចុះ​ជាតិ​ស្ករ​ទៅ​វិញ ក្រោយ​ពេល​កើត
– របួស​ពេល​សម្រាល ដោយសារ​តែ​ក្បាល​ទារក​ធំ​ពេក។

២- ប៉ះពាល់ម៉ាក់ៗធ្ងន់ធ្ងរអត់?

– អាច​រលូត​
– សម្រាល​មុន​ខែ
– ត្រូវ​សម្រាល​ដោយ​ការ​វះកាត់ ដោយសារ​កូន​ធំ​ពេក
– សម្ពាធ​ឈាម​កើន​ឡើង ឬ​អាច​មាន​សញ្ញា​បម្រុង​ក្រឡា​ភ្លើង។

បន្ទាប់​ពី​សម្រាល​ហើយ ជាតិ​ស្ករ​នឹង​ចុះ​មក​ធម្មតា​វិញ ប៉ុន្តែ​ត្រូវ​ដឹង​ថា ម៉ាក់ៗកំពុង​ប្រឈម​ កើត​ទឹក​នោម​ផ្អែម​ប្រភេទ​ ២ ហើយ។ អ៊ីចឹង គួរ​រៀបចំ​របប​អាហារ​ឲ្យ​បាន​ត្រឹម​ត្រូវ ធ្វើ​យ៉ាង​ណា​ឲ្យ​ជាតិ​ស្ករ​មាន​តុល្យភាព។

៣- ដំណោះស្រាយ

– បើ​មាន​សញ្ញា​ឡើង​ជាតិ​ស្ករ ត្រូវ​ប្រញាប់​ទៅ​ជួប​ពេទ្យ
– ញ៉ាំ​ថ្នាំ​តាម​ពេទ្យ​ប្រាប់ ​ដើម្បី​គ្រប់គ្រង​ជាតិ​ស្ករ​ឲ្យ​បាន​ល្អ
– អាច​ធ្វើ​តេស្ត​ជាតិ​ស្ករ​ដោយ​ខ្លួន​ឯង ដោយ​ប្រើ​ម្ជុល​អេឡិចត្រូនិក
– ឧស្សាហ៍​ឆែក​សុខភាព​ ដើម្បី​ធានា​ដល់​សុវត្ថិភាព​ទាំងម៉ាក់ៗ និងបេប៊ី​ក្នុង​ផ្ទៃ

– ញ៉ាំ​​អាហារ​ណា​មាន​ជាតិ​ស្ករ​ទាប និង​ចៀសវាង​អាហារ​ណា​មាន​ជាតិ​កាបូនអ៊ីដ្រាត (ពពួក​ជាតិ​ម្សៅ កាក​សរសៃ ស្ករ) ខ្ពស់ និង​មិន​ត្រូវ​ផឹក​ភេសជ្ជៈ​មាន​ជាតិ​ស្ករ​ខ្ពស់​នោះ​ទេ។

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត​ សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគ​វិនិច្ឆ័យ ឬ​​ព្យាបាល​ជូន​ទេ៕

Verifying...
health-tool-icon

គណនា BMI

ប្រើ​រង្វាស់សុខភាព​BMI ដើម្បី​គណនា​រាងកាយ ទម្ងន់ និង​កម្ពស់​សមសួន និង​សុខភាព​ល្អ

ប្រុស

ស្រី

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

How Gestational Diabetes Affects You & Your Baby. http://www.webmd.com/baby/gestational-diabetes-you#1. Accessed July 28, 2017

រូបថត​របស់​អ្នក​និពន្ធbadge
ដោយ យ៉ានណែត ដាញែល កែសម្រួល​ចុងក្រោយ 15/11/2019
ត្រួតពិនិត្យដោយ វេជ្ជ. ចាន់ ស៊ីណេត